Protestë kundër bisedimeve me Serbinë

[Antiproanti]

Spanja do ta njohë Kosovën, pasi këtë ta bëjë Serbia






Spanja nuk do ta njohë pavarësinë e Kosovës, derisa Serbia nuk do ta bëjë këtë. Kështu ka thënë Ministri i Jashtëm spanjoll Jose Manuel Garcia - Margallo gjatë një vizite në Bukuresht.

"Spanja nuk do ta njohë pavarësinë e Kosovës të shpallur njëanshëm derisa Serbia nuk do ta bëjë këtë"

Ai ka thënë se me njohjen e pavarësisë së Kosovës do të njihej shkelja e së drejtës ndërkombëtare dhe e drejta kushtetuese e Jugosllavisë.

Garcia Margallo ka pohuar se Spanja dëshiron të mbajë raporte me Beogradin dhe Prishtinën, në mënyrë që të dy palët të dakordohen për marrëdhëniet e tyre tregëtare dhe administrative, por duke mos kaluar linjat e kuqe të shpalljes së njëanshme të pavarësisë.

Ndërkaq Ministri i Jashtëm i Rumanisë, Titus Korlacean ka thënë se marrëveshja është e dobishme për rajonin e Ballkanit dhe të ardhmen europiane.

Një ditë më herët në Rumani ka qëndruar Ministri i Jashtëm i Serbisë Ivan Mrkic, i cili ka falënderuar Bukureshtin që nuk po e njeh Kosovën, raporton Express.
http://www.zeri.info/artikulli/5954/...ta-beje-serbia

[beni33]

me ngu petrit selimin te mushet menja se ska shte ne bot qe nuk e njeh kosoven

[Antiproanti]

Nikolliq: S'e japim Kosovën, as venat s'i prejmë





Presidenti i Serbisë, Tomisllav Nikolliq, ka porositur Gjermaninë se vendi i tij nuk do të heqë dorë nga Kosova.

“Gjermania duhet të kuptojë se nuk mund të na detyrojë me shantazhe të prejmë venat apo të bëjmë vetëvrasje. Kosovën nuk e japim. Bundestagu le të mendojë se çfarë vendimi do të merrte, po të ishte në pyetje Gjermania”, ka thënë Nikolliq, raportojnë mediat serbe.

Gjermania ka qenë në mesin e vendeve më të zëshme të Bashkimit Evropian që i kanë bërë thirrje Serbisë të shpërbëjë strukturat e saj nga veriu i Kosovës dhe të normalizojë marrëdhëniet me shtetin e ri, nëse do që të avancojë në rrugën e integrimit evropian.

Të hënën, në Beograd pritet të qëndrojë ministri i Jashtëm gjerman, Gudio Westerwelle./rel/

http://www.zeri.info/artikulli/5991/...enat-si-prejme

[Antiproanti]

Beogradi nënshkruan marrëveshje në emër të “Trepçës”?





Mediat e Beogradit njoftojnë për “nënshkrimin” e një marrëveshjeje bashkëpunimi “afarist e teknik” midis konsorciomit amerikan New Generation Power (NGP) dhe kombinatit “Trepça”. Në njoftim thuhet se në bazë të kësaj marrëveshjeje do të hartohet edhe studimi i fizibilitetit për investime në Trepçë.

Sipas agjencisë së lajmeve B92, në emër të “Trepçës” nënshkrimin e marrëveshjes e ka bërë ministri i Rezurseve Natyrore dhe Minierave të Serbisë, Millan Baçeviq,

Baçeviq citohet të ketë thënë se nënshkrimi i kësaj marëveshjeje “do të mundësojë rritjen e vëllimit të prodhimit, hapjen e vendeve të reja të punës dhe shtimin e investimeve në kombinatin Trepça”,

“Ardhja e një konsorciomi të tillë në veri të Kosovës e Metohisë e përmirëson dukshëm edhe pozitën e serbëve në bisedimet politike me Prishtinën”, citohet të ketë thënë Baçeviq.

Ndërkaq, kryetari i konsorciumit NGP, Çirivaxhi Katurija, citohet të ketë thënë se ky konsorcium “planifikon të sjellë teknologji të re dhe të shfrytëzojë në tërësi kapacitetet” e kombinatit Trepça.

Sipas agjencisë B92, Katurija ka thënë se me ndihmën e Departamentit amerikan të Shtetit do të bisedojë me autoritetet e Kosovës edhe mbi mundësitë e investimeve në “pjesën jugore të Trepçës”.

"Ekziston ideja që NGP të ndërtojë marrëdhënie partneriteti publiko privat për Trepçën, sipas së cilës Qeveria e Serbisë dhe Kosovë do të jenë aksionarët kryesorë të këtij kombinati”, citohet të ketë thënë kryetari i konsorciumit NGP, Çirivaxhi Katurija. /QIK/

http://www.zeri.info/artikulli/6001/...mer-te-trepces

[Antiproanti]

Kosova s'ka ftesë për Samitin e Ohrit



Shkup, 17 maj - Presidenti i Maqedonisë, Gjorgje Ivanov do të jetë nikoqir i Samitit të 16-të të shefave të shteteve dhe qeverive të vendeve pjesëmarrëse në Procesin e Bashkëpunimit në Evropën Juglindore (PBEJ), që do të mbahet më 1 qershor në Ohër.

Nga kabineti i presidentit Ivanov, deri tani nuk ka konfirmim për pjesëmarrjen e presidentes së Kosovës, Atifete Jahjaga apo kryeministrit Hashim Thaçi. Ndërsa, siç transmeton ina, është konfirmuar prania e presidentit serb, Tomislav Nikoliq dhe kryetarit të Asamblesë së Përgjithshme të OKB-së, diplomatit serb, Vuk Jeremiq. Më herët mediet raportonin se në këtë samit është e ftuar edhe Kosova.

Në këtë samit në qendër të vëmendjes do të jenë temat për bashkëpunim rajonal dhe dialog për partneritet dhe fqinjësi të mirë në Evropën Juglindore, por edhe temat mbi zvogëlimin e rreziqeve nga katastrofat si dhe adaptimi ndaj ndryshimeve klimatike.

Deri tani pjesëmarrjen e kanë konfirmuar presidenti i Shqipërisë, Bujar Nishani, presidenti i Bullgarisë Rosen Plevneliev, presidenti kroat Ivo Josipoviq, Presidenti rumun Trajan Basesku, presidenti serb Tomislav Nikoliq, presidenti slloven Borut Pahor, presidenti i këshillit të Bosnjë- Hercegovinë Nebojsha Radmanoviq si dhe ministri i jashtëm turq, Ahmet Davutoglu. Në kuadër të këtij samiti janë ftuar edhe përfaqësues të tjerë të lartë të OKB-së, Bashkimit Evropian, etj.

Ndërkohë, mospraninë në këtë samit deri tani e ka paralajmëruar presidenti grek, Karolos Papulias.

http://www.koha.net/?page=1,15,146075

[beni33]

mos vet per neve sa u bom me qef e tash na dul idhnim prej sa ora esht e pamja a din kush dhe sa dit

[Antiproanti]

Jahjaga, përfundimisht pa ftesë në Samitin e Ohrit



Presidenca e Maqedonisë ka informuar se Kosova nuk merr pjesë në Samitin e Ohrit për Bashkëpunim Rajonal, që do të mbahet më 1 qershor.

Në një njoftim nga kabineti i presidentit Gjorgje Ivanov, është dhënë arsyetimi se pse nuk është dërguar ftesë për presidenten e Kosovës, Atifete Jahjaga. Aty theksohet se Kosova nuk e ka marrë ftesën, për shkak se me ardhjen e Jahjagës, shumë shtete do të bojkotonin këtë Samit.

“Samiti për bashkëpunim rajonal në Evropën Juglindore tashmë ka formatin dhe strukturën e konfirmuar të pjesëmarrësve. Ftesa nuk është dërguar për presidenten e Kosovës, për shkak se nuk ishte pengesë për këtë vetëm një shtet, kundër dëshirës së Maqedonisë për të ftuar Kosovën në këtë samit. Në përputhje me aktet themelore dhe praktikat e deritanishme, Republika e Maqedonisë nuk mund të bëj ftesa, për shkak se do të rrezikon që disa nga vendet anëtare të SEECP (Procesi për Bashkëpunim në Evropën Juglindore) të refuzonin pjesëmarrjen”, theksohet nga kabineti i presidentit Gjorgje Ivanov, transmeton INA.

Në përgjigje më tej nënvizohet se Maqedonia mbetet në parimin e inkluzivitetit në planin e bashkëpunimit rajonal dhe se shpreson se kur të krijohen kushtet edhe Kosova do t’i bashkëngjitet këtij bashkëpunimi rajonal.

Duke komentuar deklaratat dhe reagimet e Prishtinës lidhur me mosftesën për Kosovën, nga kabineti i presidentit Ivanov kanë theksuar se deklaratat e caktuara janë drejtuar në adresë të gabuar.

Ivanov ka sqaruar se ai vazhdon të jetë pjesë e procesit të bashkëpunimi rajonal, ku është përfshirë edhe Kosovës. Me këtë rast ai ka përmendur takimet mes presidentëve të Kosovës, Shqipërisë dhe Malit të Zi, ku si pjesë e këtij procesi është edhe Maqedonia. Presidenti Ivanov ka sqaruar se takimet e këtij formati janë mbajtur në Vlorë, Prizren, Ohër dhe Budvë, ndërsa në shtator do të mbahet në Sarandë. /ina/
http://www.zeri.info/artikulli/6564/...amitin-e-ohrit

[Antiproanti]

Serbët e Kosovës lypin garanci se do të jenë qytetarë të Serbisë


Ish – sekretari shtetëror në ish - Ministrinë për Kosovën Oliver Ivanoviq ka deklaruar se “serbët në Kosovë kërkojnë garanci se do të jenë qytetarë të Serbisë. Ata kërkojnë edhe garanci se do të kenë siguri politike dhe perspektivë ekonomike, e këtë mund ta sigurojë qeveria jonë në Beograd”.

“Nëse këtë nuk na e garanton Qeveria jonë, askush tjetër nuk mund të japë garanci të mjaftueshme të mira sepse serbët në Kosovë nuk i besojnë as Prishtinës dhe as Brukselit”, ka thënë Ivanoviq për TV Palma plus.

Ai thekson se “Qeveria nuk do ta ndryshojë Marrëveshjen, sepse ajo punon dhe flet në emër të 7 milionë banorëve të këtij vendi pa marrë para sysh se sa ne serbët (e Kosovës) jemi politikisht të rëndësishëm, Qeveria thjesht nuk do të lejojë që ne të ndryshojmë atë që ajo ka parafuar, është pajtuar për të, e ka konfirmuar në Parlament dhe për të ka marrë përkrahje.

Me tërheqje nga Marrëveshja, Qeveria do ta humbiste kredibilitetin në opinionin ndërkombëtar e vendor dhe një Qeveri e tillë nuk do të na duhej e serbët me këtë do të habisnin shumë, ka thënë Ivanoviq.

Sipas fjalëve të tij, popullin serb në Kosovë do ta qetësonte garancia se do të kenë shtetësi serbe, se nuk do të kenë letërnjoftime të Republikës së Kosovës dhe se në dokumentet e veta nuk do të kenë vula të Republikës së Kosovës. /koha/
http://www.zeri.info/artikulli/6559/...are-te-serbise

[beni33]

Me gjith at nuk ishin 57 mije veteran te regjistruar te uck-s por ishin nja 5000 mije veta nuk eshte edhe keq aty isha dhe pash me sy te mi dhe ska

[Antiproanti]

Me gjith at nuk ishin 57 mije veteran te regjistruar te uck-s por ishin nja 5000 mije veta nuk eshte edhe keq aty isha dhe pash me sy te mi dhe ska

I paskan porositur 5000 militant partiak kryesisht te Drencies, perjashtuar atyre qe shkojne vetem mi pa si event dhe nje numri te vogel te protestuesve te sinqerte, qe duke u fshehur pas mbrojtjes se UCK-se dhe vlerave te luftes te mbrojne bandat e krimit dhe hajnise se organizuar ne Kosove...

Perndryshe, ja sa larg realitetit dhe fakteve jane kerkesat e e ketyre protestuesve te porositur...

Protestuesit kërkojnë shqyrtimin e mandatit të EULEX-it

...
“Ne e kemi thirrur EULEX-in që t’i zbardh krimet e serbëve, ta zbardhë kush e zhduku Ukshin Hotin, kush vrau mijëra shqiptar”, ka thënë Demaçi para protestuesve.
Pjesëmarrës në këtë protestë ishin edhe shumë deputetë të Partisë Demokratike të Kosovës
http://www.zeri.info/artikulli/6590/...under-eulex-it

Mandati i EULEX-it eshte absolutisht i pavarur nga vendimet e institucioneve te Kosoves apo Republikes se Kosoves.
Asnje institucion i Kosoves, as parlamenti nuk ka te drejte te "shqyrtoje" mandatin e EULEX-it apo te vendose dicka qe do te ishte ne cfardo forme obliguese per EULEX-in.
EULEX-i i pergjigjet vetem OKB-se dhe BE-se. Vetem keto te dyja mund ta shqyrtojne mandatin dhe mund te vendosin per ndryshimen, nderprerjen apo vazhidimin e mandatit etj.