Një kryeministër që nuk flet me Shqipërinë

[Duaje Siveten]

SHEKULLI, Publikuar më 20.10.2012 | 14:03

Një kryeministër që nuk flet me Shqipërinë

Eduart Poga / Jurist

Z.kryeministër, mos mbaj ligjërata në Strasburg, duke u dhënë leksione demokracive europian se ata nuk duan dhe as nuk preferojnë të marrin shembull nga demokracia jote. Mos mbaj ligjërata demokracie kur në vendin tënd digjen në zjarr njerëzit për demokraci, kur në vendin tënd çdo ditë vdesin njerëz të pafajshëm. Mos mbaj ligjërata dhe mos fol në emër të demokracisë, kur minatorët e Bulqizës vdesin, ku të përndjekurit politikë protestojnë çdo ditë dhe vetëflijohen duke u djegur për demokraci.

Z. Kryeministër, mos mbaj ligjërata për demokracinë, kur ke vrarë 4 persona te pafajshëm mu në mes të bulevardit para Kryeministrisë. Mos mbaj ligjërata demokracie, kur vajzat shqiptare, motrat tona vriten, masakrohen, dhunohen e turpërohen, si Irena, Kozeta, Aurora dhe së fundi Aisha. Je në një marrëzi të paparë, kur na flet me dashuri për historinë, në lidhje me personazhet e kohës, kur në rastin e 100-vjetorit të Pavarësisë kërkon të na bësh heronj ata që populli i quan tradhtarë; besa tradhtarët e kombit, që e kanë vjedhur këtë vend dhe e kanë braktisur duke e lënë në mes të rrugës, apo këta janë të llojit tënd, si Ahmet Zogu që vodhi pasurinë e kombit dhe Esat Pashë Toptani që tradhtoi Shqipërinë dhe shqiptarët.

Ti nuk je në rregull dhe shenjat i tregon çdo ditë, me politikën tënde të inaugurimeve të shkollave, kur flet para nxënëseve me superlativa për partinë dhe politikën që duhet të ndjekin nxënësit e klasave të para, të dyta e të treta?!!! U thua se janë disa vendime gjykatash që duhen ekzekutuar dhe ti nuk mund të dalësh para këtyre vendimeve gjyqësore. U kërkon të marrin si shënim apo detyrë shtëpie atë që përrallis ti, u thua të tregojnë në shtëpitë e tyre se “keni një opozitë të çrregullt mendërisht, që po pengon ëndrrën tuaj shekullore për të qenë pranë Bashkimit Europian”.

Por fëmijët nuk dinë është pikërisht ai që u predikon të tilla gjëra, i cili ka shkelur në qindra herë vendimet e gjykatës dhe ligjet e Shqipërisë, si në rastin e shitjes së detit dhe shkeljen e ligjit në mos njohjen e pronarëve legjitimë, apo e fundit fare: mosnjohjen dhe shkeljen e statusit të invalidëve, si mosdhënia e dëmshpërblimit të përndjekurve politikë, aq sa sot nuk pyet as për gjykatë e as për prokurorinë. Je larg realitetit sidomos kur flet për rritjet ekonomike dhe radhit Shqipërinë në vendin me rritje të madhe ekonomike në Europë, aq sa vjen e dyta pas Gjermanisë???!!

Ti harron se në Shqipëri, qytetarët janë të zhytur në varfëri ekstreme, në papunësi ekstreme. Një shprehje apo një fjalë e të madhit Luigj Gurakuqi: Njeriu nuk mund të kënaqet vetëm me bukë, ka nevojë edhe për gjellën e shpirtit.

[juanito02]

Po kush te flasi kryekrimineli Sali?
E ca do thote?
Qe smabrojne krimet e tija qe tashme ja dine te gjithe?
Apo te tregoje per bemat antishqiptare qe ka bere e po ben?
Apo te flase per shpuren kriminale e te paskrupullt qe e rrethon.
Tash e di bota mbare qe pd e Saliut eshte nje detashment kriminelesh ku asnje dialog ska per tu bere

[ATMAN]

Jetojmë në një kohë të çudirave të mëdha.një person u hodh nga pothuaj 39 mije metra lartësi dhe zbriti me këmbë në tokë, u gjet koka e humbur e një vajze shtatzënë që na qenka prerë nga një tetëdhjetëvjeçar plot afsh xhelozie për shtatëzaninë e të dashurës së tij 18 vjeçare. Ndërsa i pari u ul me këmbë në tokë, e dyta ishte gjetur pa kokë. Dy rekorde interesante me kahje të kundërta, si për të konfirmuar për të pafundmen herë se njeriu është një qenie me potenciale të mëdha të cilat prekin ekstremet e imagjinatës, një qenie e aftë të prodhojë të paimagjinueshmen kur bëhet fjalë si për të virtytshmen ashtu edhe për të shëmtuarën.

Po po, jetojmë në kohën e çudirave të mëdha. Koka të prera, trupa grash të gjetura në kazanin e plehrave, masakrime ç’njerëzore dhe të shpeshta madje janë kthyer tashmë në një ritual gjoja zgjidhjeje papajtueshmërish. Kemi përjetuar këto muajt e fundit ndoshta sagën më tragjike të krimeve të cilat janë shpërfaqur plot begenisje pa as më të voglin turpërim shoqëror apo frikë institucionale dhe jo vetëm kaq, por pa as më të voglin parametër moral. Vrasje në sy fëmijësh pesëvjeçarë, apo hajdutë që vrasin gra për një varëse në sy të fëmijëve të saj, vrasje vajzash të pafajshme për gjakmarrje teksa punojnë në arë, copëtime e sakatime të konceptit të vetë krimit. Pyetja është se a thua ne bëjmë vetëm krime, apo shkojmë më tej? Pa dashur të spekulloj, por edhe vetë kryerja e një krimi ka një farë norme “morali” të kryerjes se tij, të paktën atë të mos përdhosjes së kufomës.

Problemi qëndron gjithmonë lidhur me moralin. Kemi probleme me moralin individual, kemi probleme me moralin shoqëror, kemi probleme me moralin e vetë lirisë dhe së fundmi kemi probleme edhe me “moralin” e vetë krimit. Ne nuk vrasim, ne përçudnojmë dhe kjo është e frikshme. Toleranca e madhe ndërkomunitare e jona e cila ekzaltohet në fjalimet apo edhe në jubilaret shpesh hipokrite te politikës sonë, tregon se nuk ka së pari bazamentin kryesor të saj, tolerancën brëndakomunitare. Njerëz që vrasin kaq shumë, kaq shpesh dhe kaq keq, si mundet të prodhojnë tolerancë kolektive. Kur nuk ruhet edhe një normë etike brenda vetë krimit, çfarë tolerance rrezatohet së jashtmi?

Shpesh kemi diskutuar rreth vrasjeve dhe vetëvrasjeve, po a nuk po e kuptojmë se diskutimet, analizat e opinionet tona tashme detyrohen të përballen me degradimin e vetë krimit si akt. Shëmbëllen sikur do të ishim të kënaqur thjesht me një krim normal, të zakontë. Me këtë situatë të tmerrshme përdhosjeje të kufomave dhe qenies njerëzore, thuajse të merr malli për thjesht një vrasje, të thjeshtë fare. Aman bre ju lutem vrisni thjesht. Po a ka më turp se kjo? Të mos jesh në gjendje të parandalosh vrasjen por të merakosesh tashmë për estetikën e saj. Çfarë është kjo që na bën të jemi kaq të egjër me njëri-tjetrin dhe aq të butë e shpesh jargavitës me këdo jashtë nesh? Ç’është ky parametër?

Ne tashmë ndodhemi në situatën kur nuk ka amortizatorë socialë të cilët zbusin fenomenin. Religjioni është parë si atribut i një grupimi jashtë nesh, i formësuar si armiku i trashëguar prej dekadash, ndaj edhe zgjidhjet e tij nuk na shërbejnë. Arsimimi është thjesht fasadë, një përpjekje për një karton të vulosur por që pak ka ndikuar në rritjen e gradave të dijes. Për të mos thënë që qendrat tona arsimore shpesh titullohen edhe si qendra tregtare. Familja? Cila familje? Ajo vetë tashmë është viktimë e krimit pa moral. Po shkërrmoqet përditë para syve tanë. Aftësia e saj edukuese ka rënë në nivelet më të ulëta historike dhe nga faktor tashmë është viktimë e vetë sistemit.

Institucionet? Shoqëria civile? Mediat? Lëre fare….

Një person u ngrit në 39 mijë metra lartësi aq sa toka dukej si top futbolli, për të rënë i qetë në këmbë. Ne nuk po kërkojmë të ngrihemi aq shumë, thjesht po kërkojmë të ngrihemi sa një bojë njeriu dhe për të vazhduar të tillë.

start

[Alti Elezi]

Po mor ATMAN po,por....
Ne nje vend ku atje eshte bere GROPE e Pleherave Radioaktive,
Atje Ku cdo gje Anormale eshte normale,sepse ligjin prej KOHESH nuk e bejne me ATA te FAMESHMIT,SHQIPETARE,por te tjere,dhe .........
Atje ku,shkalla e intiligjences nuk kalon shkallen 4,nga 10
Atje,atje dhe vetem atje,ATJE ashtu ka qene,eshte,e do te jete !

[Albo]

E keqja me "juristet" me korrespondence eshte se i tradheton guximi i budallait, pasi vetem budallai merr persiper te flasi per gjera qe nuk i kupton. Te akuzosh Sali Berishen se "nuk flet me Shqiperine", kur ky eshte njeriu i vetem qe ka qene ne krye te gjithe fushatave elektorale te partise se tij ne keto 20 vjet, dhe njeriu me i votbesuar ne shoqerine post-komuniste, eshte idiotesi. Ne fakt, ti mund ta akuzosh Berishen se "ke 20 vjet qe dialogon e u kerkon voten shqiptareve, dil ne pension", por jo te akuzosh Berishen se nuk "flet me Shqiperine e shqiptaret".

Problemin e mos dialogimit me Shqiperine e shqiptaret e ka nje gjatavel tullac qe preferon twitter, facebook, ekranet e televizioneve dhe faqet e gazetave, por nuk i pelqen te vizitoje elektoratin e tij ne cdo cep te Shqiperise. Sic do te shprehej nje socialist ne Rrushbull te Durresit ne zgjedhjet e fundit lokale ne Shqiperi: "Kam 20 vjet qe votoj per PS-ne dhe ne keto 20 vjet, i kam shtrenguar 2 here doren Sali Berishes neper fushata, por akoma nuk i kam shtrenguar doren kryetarit te partise sime qe nuk kujtohet te beje fushate ketu tek ne!"

Albo

[juanito02]

Nuk flet kryeministri se ka hyre thelle ne histori e se shkul dot kush.