Tiranë – Korporata Energjetike Shqiptare do të importojë energji elektrike deri në fund të këtij viti, për të siguruar furnizim pa ndërprerje me energji elektrike
Vendimi është marrë nga Enti Rregullator i Energjisë, ku sipas kreut të këtij institucioni, Sokol Ramadani, vendimi është marrë për të siguruar energji, teksa kompani çeke CEZ, ndodhet në vështirësi financiare.
Megjithatë, faturën e shpenzimeve për blerjen e energjisë nga KESH, do t’i faturohen kompanisë së shpërndarjes, CEZ. Gjithashtu, ERE po shqyrton mundësinë për ndryshimin e çmimit të kostot së energjisë që KESH-i i shtet kompanisë CEZ Shpërndarje, në mënyrë që të rikuperohen shpenzimet e kompanisë shtetërore.
Për sa i përket prodhimit vendas të energjisë, Ramadani thotë se ato janë të pamjaftueshme për shkak të rezervave të pakta. Mbrëmjen e së enjtes, Kuvendi i Shqipërisë miratoi aktin normativ, që detyron pushtetin vendor të paguaj faturat e prapambetura ndaj kompanisë CEZ, fatura këto që zënë peshën më të madhe debitorëve.
“Në këto kushte, me qëllim shmangien e problemeve sociale, qeveria propozon aktin normativ, që detyrimi i ndërmarrjeve të ujësjellës-kanalizimeve dhe detyrimeve të njësive vendore për pompat e ujit dhe për energjinë të zbritet nga transferta e pakushtëzuar e njësisë së qeverisjes vendore dhe të destinohet për shlyerjen e detyrimeve elektrike ndaj CEZ, detyrime të shtrira në kohë nga viti 2007 deri në qershor 2012”, tha në seancën parlamentare ministri i Financave, Ridvan Bode, duke nënvizuar se zgjedhja ishe e detyruar. Ai bëri me dije gjithashtu se po negociohet me Bankën Botërore për t’i dhënë 100 milionë euro kredi kompanisë KESH për të siguruar energjinë në vazhdim. /Start/
Përgjigju Duke Cituar
Postuar më parë nga Mike Oldfield
Krijoni Kontakt