Armët e Skënderbeut vijnë në Shqipëri në 20 nëntor

[Albo]

Rreth 1,5 milionë shqiptarë kanë vizituar armët e Skënderbeut

TIRANE- Ekspozita e armëve dhe përkrenares mit të heroit tonë kombëtar, për mëse 1 muaj u shndërrua në vend peligrinazhi sepse shqiptarët mundën për herë të parë t’i shihnin në mjediset e Muzeut Historik Kombëtar. Kur kanë mbetur vetëm pak ditë nga mbyllja e ekspozitës së çelur më 22 nëntor, muzeologu Fredi Gusho thotë se janë rreth 1 milionë e gjysmë vizitorët që kanë parë ekspozitën.

“Sidomos fluks i madh qe në ditët e festimeve të 28 Nëntorit. Numri i vizitorëve nga 700 deri në 800 mijë veta. Vazhdojnë të vijnë akoma njerëz edhe tani për Vitin e Ri, nga ardhja e emigrantëve pati shumë fluks”, thotë muzeologu Fredi Gusho.


Në sajë të një bashkërendimi edhe me drejtoritë arsimore të vendit, janë të shumta shkollat që ditë pas dite sjellin në muze nxënësit për të vizituar armët dhe përkrenaren e Skënderbeut.

“Gjatë muajit nëntor dhe dhjetor ka pasur jashtëzakonisht shkolla që kanë ardhur me program të vecantë. Rreth 600 mijë nxënës kanë ardhur edhe nga rrethe të ndryshme”, shtoi ai.

Sipas të dhënave dokumentare, është konstatuar se dy shpatat dhe përkrenarja e Skënderbeut ranë në duart e arqidukës Ferdinand mes viteve 1588-1593 e nga ornamentet, studiuesit kanë përcaktuar se ato janë realizuar në shekullin e pesëmbëdhjetë. Ekspozita e çelur më 22 nëntor në Pavionin e Mesjetës, do të qëndrojë e hapur në Muzeun Historik Kombëtar deri më 13 Janar.

(m.a/News24/BalkanWeb)

[Kreksi]

TIRANË - Shpata dhe përkrenarja e Skënderbeut do të mbërrijnë në Shqipëri në datën 20 nëntor. Sipas burimeve nga Muzeu Historik Kombëtar, armët e Heroit tonë Kombëtar do të ekspozohen në datën 27 nëntor në Pavionin e Mesjetës, ku do të qëndrojnë për një muaj e gjysmë në kushte të plota sigurie.

Dy ditë më parë, Komisioni i Edukimit dhe Mjetet e Informimit Publik kaloi marrëveshjen e bashkëpunimit mes Austrisë dhe Shqipërisë për huadhënien e shpatës dhe përkrenares së Skënderbeut. Kostoja e sjelljes së armëve për herë të parë në Shqipëri është 100 mijë dollarë, që u mundësua nga qeveria shqiptare në kuadër të 100-vjetorit të Pavarësisë.

Disa muaj më parë një grup ekspertësh austriakë zhvilluan vizitë në Muzeu Historik Kombëtar për t’u siguruar nëse ky i fundit i plotësonte kushtet e sigurisë dhe mirëmbajtjes së dy relikeve të rralla që ndodhen në Muzeun e Historisë së Artit në Vjenë ose siç njihet ndryshe Kunsthistorisches.

Armët e Skënderbeut, 422 vjet pasi kanë mbërritur në Vjenë, sipas inventarit më të hershëm që ekziston nga viti 1590, që prej muajit nëntor do të mund të vizitohen nga publiku shqiptar. Kërkesa për të sjellë në Shqipëri armët e Skënderbeut janë bërë disa herë që në kohën e Zogut, së fundi edhe në kuadër të 600-vjetorit të lindjes së Skënderbeut. Por për shkak të kushteve dhe të mungesës së sigurisë përgjigjet kanë qenë gjithmonë negative.

(er.nu/BalkanWeb)

Mendoj se, nuk ka dyshim, kjo perkrenare është e vertete te cilen e mbante Skenderbeu edhe gjatë ekspedites së tij në italië 1463 kur i shkoi në ndihmë mbretit te Napolit ku pastaj, 10 vite më vonë në vitin 1475 , Johani i Kalabris e porositi artistin Geugliemo Monaco që te realizoje njê bas relief per memuarin e kesaj fitores, dhe sot shohimmbi porten e Castel Nouvo një kalors me helmeten dhe briret e dhisë, i vetmi, qe pa dyshim është i imortalizuar Skenderbeu i yni !



Uploaded with ImageShack.us