Alejkum Selam,Postuar më parë nga ramazan_it
Problemi me ty eshte se ti pyet dhe une te pergjigjem.
Une te bej pyetje dhe ti asnjehere nuk pergjigjesh.
Nese kerkon te postosh dhe te bindesh ''gjytryma'' atehere ne rregull.
Nese ke deshire qe njerezit te kuptojne qarte ate qe shkruan pergjigju pyetjeve te mia.
Selam Alejkum.
"And speak kindly to mankind '' Quran - 2:83"
Selam alejkum angmokio, prej tash e tutje do të jem më i distancuar nga ti, shkaku se ti je ai që ndjek epshin tënd dhe kundërshton të vërtetën ( mbasi ti kemi sjellur më sipërm argumentet për këtë që thue ti ), ti e ke qejf ti mbështjellësh punët sipas dëshirës tënde, duke i ikur argumenteve, duke e quajtur bidat " Menhexhin Selefij " dhe duke e përkrahur muzikën, marrjen nga të devijuarit, etj.
Më vjen keq për ty angmokio, pse nuk e ke kuptuar akoma se Menhexhi Selefij është përmendur shumë herë më sipërm me argumente se është thënë nga Muhammedi salAllahu alejhi ve selam dhe nuk është ajo që ti mendon " bidat ", por më duket se ti bidatet të janë bërë hak, kurse haku bidat!
Selam alejkum
Kush nuk është robi i All-llahut, ai është robi i shejtanit.
Përse menhexhi (metodologjia) selefi?
S'ka dyshim se ata që punojnë në fushën e da'uas (thirrjes) islame janë të shumtë, dhe teoricienët e rinisë së rizgjimit islam janë edhe më tepër, e të gjithë këta përpiqen me zell, lodhen e mundohen për vazhdimësinë e jetës islame.
E në mes të këtij deti plot dallgë, gjen kategori njerëzish nga të moshuarit e të rinjtë; Të moshuarit janë kënaqur me trofenë e të kthyerit, ndërsa të rinjtë kanë shtrënguar rripat e në yzengji këmbët i kanë vënë, e të dy grupet në një gjendje pështjellimi e pavendosmërie kanë rënë.
Kështu që, u bë e domosdoshme paraqitja e konceptit (idesë) së menhexhit selefi mbi vazhdimësinë e jetës islame në mënyrë të drejtë e të logjikshme sipas metodologjisë profetike:
Padyshim që të spastruarit e Islamit prej atyre gjërave që nuk kanë vend në të, në aspektet e akides (besimit), rregullave të ndryshme fetare dhe moralit, në mënyrë që ai ( Islami) të kthehet duke shndritur, i kulluar, i pastër, i veshur me mantelin e misionit profetik, ashtu siç i zbriti profetit Muhammed (Paqja dhe lavdërimet e Allahut qofshin me të) e më pas, të edukuarit e brezave me këtë Islam të kulluar, me nje edukatë fetare me ndikim të thellë, ky është menhexhi (metodologjia ) i da'uas (thirrjes) selefije të shpëtuar dhe i palës së ndihmuar.
Kush nuk është robi i All-llahut, ai është robi i shejtanit.
Allahu te udhezohte o vella per gjithe kete mllef ndaj vellaut tend Musliman.
Thote profeti a.s
المسلم أخ المسلم ، لا يظلمه ولا يخذله ولا يحقره
The Muslim is a brother of another Muslim, he doesn't oppress him, neither does he hand him over to the enemy, he doesn't disappoint him, nor does he humiliate him.”
Muslimani eshte vella i Muslimanit , ai nuk e shtyp ate, nuk ja dorezon armikut, nuk e merzit , dhe nuk e ofendon.
"And speak kindly to mankind '' Quran - 2:83"
Përse menhexhi (metodologjia) selefi?
Për çdo musliman që dëshiron shpëtimin ideal e kërkon jetën perfekte dhe suksesin në këtë botë e në tjetrën, është e domosdoshme që të kuptojë librin e Allahut dhe Sunetin e të Dërguarit të Tij (Paqja dhe lavdërimet e Allahut qofshin me të) me kuptimin e njerëzve më të mirë: prej sahabëve e tabiineve (pasuesit e tyre) dhe atyre që i pasuan ata me besnikëri deri në ditën e Gjykimit.
Themi kështu, sepse nuk mund të konceptohet një ideologji, kuptim dhe metodologji më e saktë dhe më e drejtë sesa kuptimi i selefëve (të parëve) tanë të mirë dhe metodologjia e tyre, sepse fundi i këtij Umeti (kombi islam), do të përmirësohet vetëm me atë që është përmirësuar fillimi i tij.
S'ka dyshim se, nëpërmjet studimit të argumenteve nga Kur'ani, Suneti, Ixhmaja (unanimiteti i dijetarëve për një çështje të caktuar) dhe Analogjia, përfitojmë dhe kuptojmë, detyrueshmërinë e të kuptuarit të Kur'anit dhe Sunetit, në dritën e metodologjisë së të parëve tanë të mirë (selefëve). Themi kështu, sepse ai është kuptimi, për saktësinë të cilit është rënë në unanimitet në të gjithë shekujt.
" Duke u bazuar mbi këtë, asnjë individi, sado e madhe të jetë vlera e tij, nuk i lejohet që të kuptojë (Kur'anin dhe Sunetin) ndryshe nga kuptimi selefi. "
Kushdo që largohet nga ky kuptim (i selefëve), për tek gjërat e shpikura të të mëvonshmëve, që janë të rrethuara me rreziqe e nuk u zihet besë, dhe ndikimi i tyre në përçarjen e muslimanëve eshtë i njohur e s'mund të mohohet, e po kështu në shthurjen e unitetit të tyre, ky ndikim dihet e s'mund të refuzohet, ky person është një njeri që e ka ngritur banesën e tij ne buzë të greminës.
Kjo vërtetohet me disa argumente:
1. S'ka dyshim se, për mirësinë dhe vlerën e lartë të të parëve tanë të mirë (selefëve) (Allahu qoftë i kënaqur prej tyre) dëshmojnë tekstet (argumentet) e qarta dhe kuptimi tyre në mënyrë të tërthortë.
Allahu i Lartë ka thënë :
"Me ata të cilët përqafuan islamin nga Muhaxhirinët (besimtarët që u shpërngulën nga Meka në Medinë) dhe Ensarët (besimtarët e Medinës që i strehuan dhe i ndihmuan ata) si dhe ata që i ndoqën besnikërisht ata (në Besim), me këta Allahu është mjaft i kënaqur dhe ata janë më se të kënaqur me Të.Ai ka përgatitur për ata Kopshte të Begata nën të cilat rrjedhin lumenj për të banuar atje përngaherë.Ky është ngadhnjimi madhështor." (Sure Teube:100)
Mënyra e argumentimit me këtë ajet:
Zoti i njerëzimit ka lavdëruar ata të cilët pasuan krijesat më të mira të të gjithë njerëzimit. Nga kjo kuptohet, se nëse këta thonë ndonjë thënie dhe pasohen besnikërisht nga ndonjë ndjekës , atëherë rrjedhimisht ky person, duhet të jetë i lavdëruar për atë që bën dhe ta meritojë të kënaqurit me të. Nëse ndjekja e tyre (selefëve) nuk do të ndryshonte nga pasuarit e njerëzve të tjerë, atëherë ai i cili i merr ata për shembull, nuk do ta meritonte të lavdëruarit dhe të kënaqurit me të.
Njerëzit më të mirë janë sahabët dhe cilido që i pasoi ata besnikërisht, siç kuptohet nga teksti kuranor:
" Padyshim se ata të cilët besuan (në Njësinë e Allahut, në të dërguarin e Tij Muhammedin (Paqja dhe lavdërimet e Allahut qofshin me të) në Kur'an, në Islam bashkë me gjithë përmbajtjen e tij) dhe punuan mirësi e drejtësi, ata janë krijesat më të mira" (Sure El-Bejjine:7)
2. Allahu i Madhëruar ka thënë :
" Ju (besimtarë të vërtetë të Islamit dhe ndjekës të vërtetë të rrugës së Muhammedit sal-lallahu alejhi ue sel-lem) jeni njerëzit më më të mirë të të gjithë kohërave të njerëzimit. Ju urdhëroni Ma'rufin( Të njohurën, Islamin dhe gjithë çfarë përmban ai) dhe ndaloni Munkerin (mosbesimin,mohimin, besimin në shumë perëndi dhe gjithë cfarë ndalon Islami)….." (Sure Ali Imran:110)
Mënyra e argumentimit me këtë ajet:
Allahu me këtë ajet pohon mirësinë dhe vlerën e lartë të tyre ndaj popujve të tjerë dhe kjo nënkupton përqendrimin e tyre në çdo situatë, sepse ata nuk do të devijojnë nga rruga e drejtë.
Allahu i Madhëruar dëshmon për ta, se ata urdhërojnë për çdo vepër të mirë dhe ndalojnë nga çdo vepër e keqe, me besim dhe duke shpresuar shpërblimin tek Ai . Prej kësaj rrjedh se, kuptimi i tyre është argument për ata gjenerata që vijnë më pas, derisa të trashëgojë Allahu tokën dhe gjithçka ka mbi të, sepse në të kundërt të urdhëruarit e tyre për tek veprat e mira dhe të ndaluarit nga veprat e këqija, nuk do të ishte i saktë, prandaj medito.
Nëse thuhet: Ky ajet është i përgjithshëm për umetin islam dhe nuk specifikohet për sahabët, në dallim nga të tjerët.
Them: Sahabët janë ata, të cilëve u drejtohet fillimisht fjala e Allahut, dhe ai i cili i pason besnikërisht, përshihet në këtë kontekst vetëm me analogji, apo ndonjë argument tjetër, siç u përmend në argumentin e parë më lart.
E megjithatë, duke pranuar përgjithësimin e ajetit-dhe kjo është e sakta- sahabët janë të parët që përfshihen në këte fjalim që Allahu u drejton atyre, sepse ata janë të parët të cilet morën (përftuan) nga i Dërguari i Allahut (Paqja dhe lavdërimet e Allahut qofshin me të) pa ndërmjetësim dhe janë ata të cilët përjetuan Shpalljen.
Kështu, ata janë më parësorë për t'u përfshirë në kuptimin e këtij ajeti në krahasim me të tjerët, duke qenë se askush tjetër përveç tyre, nuk është cilësuar në mënyrë absolute e ideale me ato atribute me të cilat, Allahu i ka përshkruar ata. Përputhja e atributit me të cilësuarin me të, dëshmon se ata e meritojnë të lavdërohen, para njerëzve të tjerë.
3. I dërguari i Allahut (Paqja dhe lavdërimet e Allahut qofshin me të) ka thënë:
"Njerëzit më të mirë janë ata të shekullit tim, pastaj ata që i pasojnë, pastaj ata që i pasojnë, pastaj vjen një popull që dëshmia e ndonjërit prej tyre i paraprin betimit të tij dhe betimi dëshmisë së tij" (1)
A mos vallë kjo mirësi dhe vlerë e afirmuar e gjeneratës së sahabëve konsiston në ngjyrat, trupat, pasuritë, banesat e tyre apo…?
Asnjë njeri inteligjent që e ka kuptuar Kur'anin dhe Sunetin e saktë, nuk dyshon kurrë se qëllimi është për ndonjërën prej këtyre cilësive. E themi këtë, në bazë të fjalës së të Dërguarit të Allahut (Paqja dhe lavdwrimet e Allahut qofshin me të):
" Padyshim që Allahu nuk vështron në fizionomitë dhe pasuritë tuaja, por sheh zemrat dhe veprat tuaja"
Themi kështu, sepse kriteri i vlerës dhe mirësisë në Islam është devotshmëria e zemrave dhe puna e mirë, bazuar në fjalën e Allahut të Lartësuar:
"Padyshim se më i nderuari prej jush tek Allahu, është ai që është më i devotshëm (ai që I përkushtohet më shumë Allahut)" (Sure El-Huxhurat:13)
Me të vërtetë, Allahu vështroi në zemrat e sahabëve (Allahu qoftë i kënaqur prej tyre) dhe i gjeti ato, zemrat më të mira prej robërve të Tij, pas zemrës së të Dërguarit të Tij (Paqja dhe lavdërimet e Allahut qofshin me të).
Abdullah ibn Mes'udi (Allahu qoftë i kënaqur prej tij) ka thënë :
" Me të vërtetë Allahu vështroi në zemrat e robërve(të Tij) dhe e gjeti zemrën e Muhammedit (Paqja dhe lavdërimet e Allahut qofshin me të), zemrën më të mirë të robërve dhe e zgjodhi për veten e Tij, e dërgoi atë me misionin e Tij, pastaj vështroi në zemrat e robërve pas zemrës së Muhammedit dhe gjeti zemrat e shokëve të tij (sahabëve), zemrat më të mira të robërve, ndaj i bëri ata pwrkrahws ( mbështetës) të profetit të Tij që luftojnë për fenë e Tij" (2)
Allahu i pajisi ata me perceptim (aftësi për të kuptuar) dhe dituri të cilën nuk mund ta arrijnë ata që vijnë pas tyre.
Nga Ebi Xhuhejfe transmetohet se ka thënë
" I thashë Aliut: A keni ju libër?! Tha: " Nuk kemi veçse librin e Allahut, ose kuptim (konceptim) që i është dhënë ndonjë muslimani ose atë që ndodhet në këtë sahife" (libër me hadithe) (3)
Me këtë na bëhet e qartë, se mirësia dhe vlera për të cilën lavdërohen në fjalën e të dërguarit të Allahut (Paqja dhe lavdërimet e Allahut qofshin me të), është diçka që konsiston në kuptim dhe menhexh (metodologji). Bazuar në këtë, kuptimi i sahabëve i Kur'anit dhe Sunetit, bëhet argument për të gjithë ata që vijnë pas tyre, deri në fund të këtij umeti.
Këtë e sqaron:
4. Allahu I Lartë ka thënë :
" Kështu pra, Ne ju kemi bërë ju (muslimanëve,besimtarëve të vërtetë në Islam) komb të drejtë (të mesëm, dhe më të mirin) që ju të dëshmoni përmbi njerëzimin dhe i Dërguari (Muhamemdi –sal-lallahu alejhi ue sel-lem-) të jetë dëshmues për ju." ( El-Bekare:143)
Allahu i Madhëruar i bëri ata (sahabët) të zgjedhur e të drejtë, ata janë kombi më i mirë dhe më i drejtë në fjalët, veprat dhe dëshirat e tyre dhe prandaj e merituan me të drejtë, që të jenë dëshmues përmbi njerëzimin.Për këtë qëllim Allahu i ka lartësuar ata , e ka ngritur lart të përmendurit e tyre, i ka lavdëruar dhe i ka pranuar ata në mënyrë të kënaqshme.
Dëshmitari i pranuar tek Allahu është ai i cili dëshmon me dituri dhe vërtetësi, lajmëron për të vërtetën duke u mbështetur tek dija e tij.
Allahu i Lartë ka thënë :
" Përveç atyre që dëshmojnë për të vërtetën dhe dinë (faktet për njësinë e Allahut) (Ez-Zukhruf: 86)
Atëherë, duke qenë se dëshmia e tyre është e pranuar tek Allahu; nuk ka dyshim se të kuptuarit e fesë nga ana e tyre është argument për ata që vijnë më pas. Në të kundërt, nuk do të pranohej dëshmia e tyre, ndërsa ajeti i lartpërmendur afirmon (pohon) argumentimin në mënyrë absolute.
Umeti islam nuk ka vlerësuar si të drejtë në mënyrë absolute ndonjë gjeneratë tjetër, përveç gjeneratës së sahabëve . Ehli sunneti dhe xhemati prej ndjekësve të selefëve (të parëve të mirë) dhe pasuesve të hadithit, i kanë vlerësuar sahabët si të drejtë, në mënyrë absolute dhe të përgjithshme. Ata kanë marrë prej sahabwve transmetimet e tyre pa përjashtim dhe me paanwsi. Pra, ndryshe nga gjeneratat e tjera, nga të cilat nuk është vlerësuar si i drejtë veçse ai për të cilin është vërtetuar të qenit e tij imam (prijës) në fe dhe është afirmuar drejtësia e tij. Dhe këto dy cilësi nuk i jepen ndonjërit, vetëm nëse ecën në gjurmët e sahabëve-Allahu qoftë i kënaqur prej tyre-.
Me këto fakte afirmohet se, kuptimi i sahabëve është argument për të tjerët në aspektin e orientimit të teksteve të Kur'anit dhe Sunetit, e pikërisht për këtë qëllim, Allahu i Madhëruar ka urdhëruar për pasimin e rrugës së tyre.
-------------------------------------------------------------------------
1) Hadith muteuatir siç e ka përmendur këtë gjë Hafidh Ibn Haxher në librin e tij "El Isabe" (1/12) dhe e ka miratuar atë Es Sujuti, El Menaui dhe El Kenani
2) E ka nxjerrë (transmetuar) Muslimi ( 16/121- Shpjegimi i Neueuiut ).
3) Ether Meukuf, zinxhiri i tij është i mirë ( Hasen ), e ka nxjerrë Ahmedi ( 1/379 ) dhe të tjerë përveç tij.
Kush nuk është robi i All-llahut, ai është robi i shejtanit.
Dakort atehere mi sill ketu ato ''SHUME HERET''?
"And speak kindly to mankind '' Quran - 2:83"
Nga postimi nr.5
1- Menhexhi i selefit është i qartë dhe thirrja e tij është publike (jo e fshehtë) All-llahu Lartësuar thotë:
قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللّهِ وَمَا أَنَاْ مِنَ الْمُشْرِكِينَ “Thuaj (O Muhammed): Kjo është Udha ime, unë thërras në rrugë të All-llahut me dije (jo me injorancë), unë dhe kushdo që më ndjek mua (thërret në All-llahun). Lavdi i qoftë All-llahut dhe unë nuk jam prej mushrikëve”. Jusuf:108.
2- Rruga që ecim në të është Një dhe e Drejtë:
All-llahu i Lartësuar thotë:
وَأَنَّ هَـذَا صِرَاطِي مُسْتَقِيماً فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ “Dhe vërtetë kjo është Rruga ime e Drejtë, kështu që ndiqeni atë dhe mos ndiqni rrugë të tjera pasi ato do t’ju largojnë nga Rruga e Tij. Këtë jua ka urdhëruar Ai që të mund të bëheni të devotshëm”. EnAm: 153.
Nga Abdullah ibn Mesu’udi transmetohet se ka thënë:
“Pejgamberi sal-lAll-llahu alejhi ve sel-lem na e bëri një vijë neve e pastaj tha: “Kjo është Rruga e All-llahut”. Pastaj në anën e djathtë dhe të majtë (të asaj vije) bëri vija tjera dhe tha: “Këto janë rrugë të ndara, në krye të çdo rruge është një shejtan që thërret në të” , pastaj lexoi: “Dhe vërtetë kjo është Rruga ime e Drejtë, kështu që ndiqeni atë dhe mos ndiqni rrugë të tjera pasi ato do t’ju largojnë nga Rruga e Tij. Këtë jua ka urdhëruar Ai që të mund të bëheni të devotshëm”. EnAm: 153. [7]
Nga postimi me nr. 8:
Në një hadith tjetër, i Dërguari i Allahut (Paqja dhe lavdërimet e Allahut qofshin me të) bën të qartë se Umeti do të ndahet pas tij në grupacione dhe tërheq vërejtjen nga kjo gjë duke thënë: "Çifutët janë ndarë në shtatëdhjetë e një grupe, të krishterët janë ndarë në shtatëdhjetë e dy grupe dhe ky Umet do të ndahet në shtatëdhjetë e tre grupe, të gjitha do të jenë në zjarr, përveç njërit" (Transmeton Hakimi) dhe në një version tjetër tek imam Ahmedi ku, profeti Muhamed pasi bëri të qartë se të gjitha këto grupe do të jenë në zjarr, përveç një të vetmi, shokët e tij e pyetën: " Cilët janë ata (ky grup) o i Dërguar i Allahut (Paqja dhe lavdërimet e Allahut qofshin me të)? Ai u përgjigj: " Cilido që i përmbahet asaj që unë dhe shokët e mi po ndjekim sot"
Allahu i Lartësuar na tërheq vërejtjen nga përçarja duke thënë : " Dhe kushdo që kundërshton të Dërguarin (Muhammed-Paqja, mëshira dhe begatia e Allahut qofshin mbi të- ), pasi t'i jetë treguar qartë atij Rruga e Drejtë dhe ndjek rrugë tjetër nga ajo e besimtarëve, Ne do ta mbajmë atë në atë drejtim që ai vetë ka zgjedhur. Dhe do ta djegim atë në Zjarr. Dhe sa përfundim i keq!" (En-Nisa:115)
Po kështu, profeti Muhamed (Paqja dhe lavdërimet e Allahut qofshin me të) ka thënë : " Ju kam lënë dy gjëra, nëse u përmbaheni atyre, nuk do të humbisni kurrë: Librin e Allahut dhe Sunetin tim, të cilat nuk do të ndahen deri në Ditën e Gjykimit" (Sahihul Xhami' i Albanit)
Pra, me këto argumente na bëhet e qartë se rruga e shpëtimit, është vetëm ndjekja e Kur'anit dhe Sunetit të profetit Muhamed (Paqja dhe lavdërimet e Allahut qofshin me të) në dritën e kuptimit të selefëve, të parëve tanë të mirë prej sahabëve, tabiinëve e pasuesve të tyre me besnikëri.
Nga postimi me nr. 15:
Këtu të këshilloj që ta lexosh krejt postimi, sepse aty i ke argumentet që i ke kërkuar.
Mbasi u qartësua me argumente vëllau im, a nuk do pendohesh për atë që ke thënë se ne nuk duhet pasuar atë që e kanë pasuar Sahabët e ndershëm, taibinët dhe taibin taibinët?
Mbasi ti në një postim më sipërm ke thënë se të kam shkruajtur me mllef, vëllau im i dashtur e ke gbim, unë nuk kam mllef ndaj një që ende nuk e ka kuptuar mirë fjalën " Menhexhi Selefij ".
Selam alejkum.
Kush nuk është robi i All-llahut, ai është robi i shejtanit.
O vella ramazan e din arabishten kot per kuriozitet?
Me siper nuk ke sjell gje tjeter vecse ato qe thashe une.
صِرَاطِي مُسْتَقِيماً = Rruga ime e drejte
هَـذِهِ سَبِيلِي = kjo eshte rruga ime
Me siper thuhet Kuranin dhe Sunetin dhe Siratal Musketijm qe do te thote rruge e drejte.
Kije frike Allahun dhe mos mashtro per hir te kokefortesise se mbrojtjes se nje argumenti qe nuk je i zoti ta mbrosh. Estagfirullah!!!!
Ndryshuar për herë të fundit nga angmokio : 14-10-2012 më 08:03
"And speak kindly to mankind '' Quran - 2:83"
Vazhdimi i postimit më sipërm:
Përse Menhexhi Selefi
5. Allahu i Lartë ka thënë : " Dhe ndiq rrugën e atij i cili kthehet tek Unë me pendim e nënshtrim…" (Lukman: 15)
Çdonjëri prej sahabëve-Allahu qoftë i kënaqur prej tyre- ishte Munib (i kthyer tek Allahu me pendim e nënshtrim).
Allahu i udhëzoi ata për tek fjalët e mira dhe veprat e dobishme (të drejta) duke u argumentuar me fjalën e Allahut të Lartësuar :
"Dhe ndjekin më të lartën prej saj, ( kthehen tek Allahu me pendim e nështrim e i përkushtohen me adhurim), këta janë ata që i ka udhëzuar Allahu, dhe pikërisht këta janë njerëzit e mençur (e brumosur me mendje të shëndoshë)" (Sure Ez-Zumer: 17-18)
Atëherë, rrjedhimisht, bëhet e detyrueshme ndjekja e rrugës së tyre në aspektin e të kuptuarit të fesë së Allahut, Kur'an apo Sunnet qoftë. E pikërisht për këtë arsye, Allahu e kërcënon (e paralajmëron) këdo që ndjek rrugë tjetër nga ajo e besimtarëve, me xhehennem (zjarr) dhe me përfundim të keq.
6. Allahu i Lartë ka thënë :
" Dhe kushdo që kundërshton të Dërguarin (Muhammed-Paqja, dhe lavdërimet e Allahut qofshin mbi të- ), pasi t'i jetë treguar qartë atij Rruga e Drejtë dhe ndjek rrugë tjetër nga ajo e besimtarëve, Ne do ta mbajmë atë në atë drejtim që ai vetë ka zgjedhur. Dhe do ta djegim atë në Zjarr. Dhe sa përfundim i keq!" (En-Nisa:115)
Mënyra e argumentimit:
Allahu i Lartësuar ka kërcënuar me ndëshkim, ndjekjen e rrugëve të tjera nga ajo e besimtarëve dhe kjo tregon se ndjekja e rrugës së tyre për të kuptuarit e Sheriatit (legjislacionit fetar) është e detyrueshme, ndërsa kundërshtimi i saj është humbje.
7. Nga Ebi Musa el-Esh'arij (Allahu qoftë i kënaqur prej tij) transmetohet se ka thënë:
" Falëm namazin e akshamit me dërguarin e Allahut-sal-llahu alejhi ue sel-lem- pastaj I thamë (njëri-tjetrit): Sikur të rrinim deri sa të falim namazin e jacisë. Dhe kështu bëmë. I Dërguari i Allahut (Paqja dhe lavdërimet e Allahut qofshin me të) doli dhe na tha: " Akoma vazhdoni të qëndroni këtu?" Thamë: " O i dërguari I Allahut, u falëm me ty, pastaj thamë: Sikur të rrinim deri sa të falnim namazin e jacisë me ty" Tha: " Ju lumtë, ose ia keni goditur" Tha: Pastaj ngriti kokën drejt qiellit, gjë të cilën e bëntë shpesh dhe tha: " Yjet janë siguri (garanci) për qiellin, kur të zhduken yjet atëherë do t'i vijë qielllit çështja e tij. Dhe unë jam siguri (garant) për shokët e mi (sahabët), ndërsa ata (sahabët) janë siguri (garanci) për ummetin tim (kombin islam). Kur të ikin shokët e mi, atëherë do t'i vijë ummetit tim ajo çfarë u është premtuar"
Pra, i Dërguari i Allahut (Paqja dhe lavdërimet e Allahut qofshin me të) e konsideroi pozitën e shokëve të tij-Allahu qoftë i kënaqur prej tyre- ndaj njerëzve të tjerë që vijnë pas tyre, të njëjtë me pozitën e vet ndaj sahabëve (shokëve të tij), ashtu si dhe pozita e yjeve ndaj qiellit.
Gjithashtu, kuptohet se ky krahasim profetik, na jep në aspektin e detyrueshmërisë së ndjekjes së kuptimit të sahabëve të fesë, diçka analoge me të kthyerit e ummetit tek profeti i saj. Kështu, profeti (Paqja dhe lavdërimet e Allahut qofshin me të) është qartësuesi (sqarues) i Kur'anit, dhe shokët e tij-Allahu qoftë i kënaqur prej tyre- ia transmetuan qartësimin e tij (të Kur'anit) ummetit.
Gjithashtu dihet se i Dërguari i Allahut (Paqja dhe lavdërimet e Allahut qofshin me të), nuk flet nga dëshira e vet, porse prej tij buron orientimi i drejtë dhe udhëzimi, dhe shokët e tij konsiderohen të drejtë, flasin vetëm të vërtetën dhe veprojnë vetëm të drejtën.
Po kështu, Allahu i ka bërë yjet goditës (gjuajtës) të shejtanëve (djajve) kur ata përgjojnë. I Lartmadhëruari ka thënë :
" Vërtet që ne e kemi stolisur qiellin më të afërt të dynjasë për bukuri me yje. Dhe për të ruajtur ndaj çdo shejtani kryengritës. Ata nuk mund të dëgjojnë grupin më lart (të melekëve), pasi ata mbyten ne zjarr (bombardohen nga çdo anë). Të përzënë dhe i tyre është një ndëshkim pandërprerë(I dhimbshëm). Përveç ndonjërit që shkëput ndonjë grimcë vjedhurazi dhe janë të ndjekur me zjarr flakërues me shkëlqim të fortë." ( Es-Saffat: 6-10)
I Lartmadhëruari ka thënë :
" Dhe vërtet që Ne e kemi zbukuruar qiellin më drita dhe Ne i kemi bërë drita të tilla gjuajtëse për të larguar shejtanët dhe për ta Ne kemi përgatitur ndëshkimin e Zjarrit flakërues." (El-Mulk: 5)
Po kështu, edhe sahabët janë stolia e këtij ummeti në aspektin e kuptimit, diturisë dhe të punës. Ata ishin gjithnjë vigjilentë (mbikqyrës) ndaj komentit të injorantëve, pretendimit të gënjeshtarëve, (të ligëve) dhe devijimit të ekstremistëve (ekzagjeruesve).
Vërtet, yjet janë ndriçues (shenja treguese) për banorët e tokës, në mënyrë që ata të orientohen (udhëzohen) nëpërmjet tyre nëpër errësirat e tokës dhe të detit.
I Lartmadhëruari ka thënë :
" (Po kështu) edhe me shenja treguese në tokë (për ditën) dhe me yjet (për natën) që ata (njerëzit) të drejtohen." (En-Nahl: 16)
Gjithashtu, ka thënë I Lartmadhëruari :
" Është Ai që ka vendosur yjet për ju, që të mund të orientoheni nëpërmjet tyre nëpër terr (errësirat) në det dhe në tokë…." (El-En'am: 97)
Po kështu edhe sahabët, merren si shembull (ndiqen) për të shpëtuar nga errësirat e epsheve (dëshirave) dhe dyshimeve. Dhe cilido që largohet nga kuptimi i tyre, ai mbetet në rrugën e tij të gabuar, duke u zhytur në errësira njëra mbi tjetrën, saqë edhe nëse e shtrin dorën, zor se e sheh atë.
Nëpërmjet kuptimit të sahabëve, ne mbrojmë (ruajmë) Kur'anin dhe Sunnetin prej bidateve (risive,të shpikurave) të shejtanëve nga njerëzit dhe xhinët, të cilët kërkojnë fitne (trazira, turbullira) dhe interpretimin (shpjegimin) e tyre, në mënyrë që të devijojnë qëllimin e Allahut dhe të Dërguarit të Tij. Prandaj, kuptimi i sahabëve është një fortifikatë (fortesë e pamposhtur) ndaj së keqes dhe faktorëve të saj. E nëse kuptimi i tyre do të ishte diçka me të cilën nuk mund të argumentohej dot, atëherë kuptimi i gjeneratave pas tyre, do të ishte siguri (garanci) për sahabët e fortifikatë për ta, gjë e cila është diçka e pamundur.
Nëse do të refuzohej ky specifikim e të kundërshtohej ky kushtëzim- që është detyrueshmëria e tw kuptuarit të Kur'anit dhe sunnetit të saktë me kuptimin e të parëve tanë të mirë (selefëve)- muslimani do të devijonte nga rruga e drejtë dhe do të bëhej pre e grupimeve dhe partive të devijuara nga kjo rrugë. E themi këtë, sepse Kur'ani dhe Sunneti u janë ekspozuar (janë përballur) përpjekjeve të shumta për t'u kuptuar si: El-I'tizal( Mu'tezilitë), El-Irxha (Murxhiet), Et-Texhehhum (Xhehmijet), Et-Teshejju'u (Shiat), Et-Tesauf (Sufijet), El-Khauarixh (Khauarixhët), El-Batinije e të tjera përveç këtyre. Rrjedhimisht, dallimi u bë i domosdoshëm.
Nëse do të thuhej : Nuk ka dyshim se kuptimi i të Dërguarit (Paqja dhe lavdërimet e Allahut qofshin me të) dhe kuptimi i sahabëve pas tij, është menhexhi (metodologjia) të cilit nuk i vjen e kota as nga para e as prapa tij, por cili është argumenti se menhexhi selefij është pikërisht kuptimi i të dërguarit salAllahu alejhi ve selam dhe i shokëve të tij (sahabëve)?
Them: Përgjigja është në dy aspekte:
1- Vërtet, kuptimet e përmendura më përpara janë më të vona në kohë sesa koha profetike dhe e hilafetit të drejtë, dhe paraprirësi (në kohë) nuk i referohet pasardhësit (në kohë), madje e kundërta e saj është e vërtetë. Kështu, bëhet e qartë se ajo palë (grup) e cila nuk i ndoqi ato rrugë dhe nuk i pasoi ato mënyra, ajo është pala e mbetur në origjinë.
2- Në grupimet e ummetit nuk gjejmë dot ata të cilët janë në përputhje me sahabët-Allahu qoftë i kënaqur prej tyre-, përveç Ehli sunnetit dhe Xhematit prej pasuesve të të parëve tanë të mirë ( selefët) dhe pasuesit e hadithit, ndryshe nga grupimet e tjera.
Për sa i përket Mu'tezilive, si mund të jenë në përputhje me sahabët në një kohë kur krerët e tyre i kanë përfolur (kanë shpifur,sharë) shumicën e sahabëve dhe e kanë hedhur poshtë (refuzuar) drejtësinë e tyre, e i kanë akuzuar ata me humbje si. p.sh; Uasil ibn
Ata I cili ka thënë:
"Nëse do të dëshmonte Aliu, Talha dhe Zubejri për një tufë bimë (jeshillëqe) nuk do të gjykoja me dëshminë e tyre"
Ndërsa Shiat, kanë pretenduar se sahabët e braktisën fenë (murtedë) pas vdekjes së profetit salallahu alejhi ue selem, përveç tre vetëve! E ata të cilët i kanë cilësuar sahabët si femohues (kafirë) s'mund të jënë shembull e model për t'u ndjekur e për ta s'ka nderim.
Ndërsa Khauarixhët, dolën nga feja (reneguan) dhe u veçuan prej bashkësisë së muslimanëve; Kështu prej gjërave të domosdoshme të drejtimit ( rrymës) të tyre është që të konsiderojnë si femohues (kafirë) Aliun, dy bijtë e tij (Hasanin dhe Husejnin), Ibn Abasin, Othmanin, Talhan, Aishen dhe Muauijen. E, ai i cili i ka marrë sahabët si objektiv e i ka bërë ata femohues (kafira) nuk mund të jetë në rrugën e tyre.
Ndërsa Sufijet, u tallën me trashëgiminë e profetëve dhe hodhën poshtë transmetuesit e Kur'anit dhe sunnetit e i cilësuan ata si të vdekur.
Kështu kreu i tyre ka thënë :
"Ju e merrni dijen tuaj (në mënyrën) i vdekuri prej të vdekurit, ndërsa ne e marrim dijen tonë (në mënyrën); më tregoi (lajmëroi) zemra ime prej Zotit tim"
Për sa i përket Murxhieve, ata pretendojnë se besimi i hipokritëvë (munafikëve) është njëlloj si besimi i të hershmëve të parë.
Pra, në përgjithësi, këto grupime duan (kërkojnë) të hedhin poshtë (anullojnë) dëshmitarët tanë për Kur'anin dhe Sunnetin dhe t'i akuzojnë e nënveftësojnë ata, në një kohë kur ata janë më parësorë (primarë) për t'u akuzuar.
Dhe me këtë, bëhet e qartë se kuptimi selefij, ai është menhexhi (metodologjia) i grupit të shpëtuar dhe palës së ndihmuar në aspektin e të kuptuarit, të përfituarit dhe të argumentuarit.
Autor: Shejh Selim ibn Aid El Hilali, Aman, Jordani
Shkëputur nga faqja e tij e internetit " www.al-helaly.com"
Përktheu: Arjan Ahmesula
Kush nuk është robi i All-llahut, ai është robi i shejtanit.
SubhanAll-llah, vëllau im ti më akuzon për kokëfortësi, kurse ti je ai që i refuzon argumentet dhe atë që ka thanë All-llahu dhe i dërguari i Tij salAllahu alejhi ve selam:
Angmokio, Siratal Mustekijm është ajo që quhet Selefij, apo për ty është e pakuptueshme kjo? Sahabët këtë e kanë pasuar ( ndjekur, apo të themi se quhen edhe Selefij ), Pejgamberi salAllahu alejhi ve selam ka thënë: “... kije frikë Allahun dhe bëj durim. Dhe unë jam Selefi më i mirë për ty.” [1]( hadith nga Muslimi nr. 2450 ), apo ti që e din arabishten më mirë se Dijetarët dhe e kupton ma ndryshe se ata dhe se unë që e kuptoj ashtu siç e kanë thënë ata ( pasuesit e drejtë sipas Kur'anit dhe Sunnetit . Sipas teje qenka gabim?!!!
Ti vëllau ose nuk don ta pranosh të vërtetën ose unë nuk e di qëllimin tënd se, ku don me arritë me kokëfortësinë tëne.
Prej tash as që dua të përgjigjm në postimet e tua në këtë temë, mbasi argumentet i kemi sjellur dhe ti nëse don i pranon, nëse nuk don mos i prano i dashur "në Fe nuk ka dhunë ", dhe kaq.
Selamun alejkum
Kush nuk është robi i All-llahut, ai është robi i shejtanit.
Regullat e Postimit
Krijoni Kontakt