Shqipëria merr statusin kandidat

[murik]

amen, shyqyr

[smokkie]

Ja urime cuna & goca !

[medaur]

Na cane edhe kta menderen...na e nxorren per hundesh.. jo ket vit jo vitin tjeter kane 20 vjet keshtu . nuk jam i gezuar fare..

[EuroStar1]

TIRANË- Më tepër sesa përfitime politike, Shqipëria do të përfitojë ekonomikisht nga statusi i vendit kandidat në Bashkimin Europian, megjithëse i kufizuar. Eksperti i Ekonomisë, Adrian Civici shpjegon se vendi ynë tashmë do të bëhet pjesë e programeve të financuara nga BE dhe nëpërmjet fondeve strukturore do të jetë një destinacion që ofron më shumë siguri dhe stabilitet për investitorët e huaj.

“Shqipëria ka shumë ‘sportele’ ku duhet të trokasë në Bruksel, përgjithësisht në institucionet e Bashkimit Europian, për tu bërë pjesë e programeve të mëdha. Tashmë si një vend kandidat, Bashkimi Europian do të na shohë me një sy tjetër, sa i përket atyre që quhen korridore rrugore, korridore energjitike, korridore ajrore, pjesë e zhvillimit të turizmit. Si një vend kandidat për Bashkimin Europian, natyrisht që jep siguri. Jo vetëm sigurinë formale për investime, por edhe siguri gjeopolitike dhe gjeostrategjike që Shqipërisë në një farë mënyre deri tani i ka munguar”,- sqaroi Civici.

Por, cfarë duhet të bëjë Shqipëria për të përfituar nga ky moment?

“Ne duhet të jemi më të vëmendshëm ndaj politikave ekonomike, financiare, sociale, politikave të konkurrencës, zhvillimit, politikës monetare Europiane. Deri tani e kemi bërë thjesht si një vend që ekziston diku, por tani duhet të bëhemi pjesë reale e tij dhe duhet të koordinojmë politikat tona me këto lloj politikash”,- theksoi Civici.

Vendet e Bashkimit Europian janë përtnerët kryesorë tregtarë të Shqipërisë, me të cilët realisht realizohet 62.6 % e shkëmbimeve tregtare. Gjithashtu janë investitorët kryesorë të vendit nëpërmjet investimeve direkte, privatizimeve, por edhe programeve të zhvillimit.

(e.m/NEWS24/BalkanWeb)