Shqipëria merr statusin kandidat

[EuroStar1]

TIRANE- Komisioni Europian rekomandoi dje që Shqipëria të marrë statusin e vendit kandidat për në Bashkimin Europian, por me kushtin që të shënohet progres në fushën e drejtësisë, në atë të administratës publike si dhe në reformën parlamentare, duke kërkuar njëkohësisht edhe një angazhim më të fortë në luftën kundër korrupsionit dhe krimit të organizuar.

“Gazeta Shqiptare” boton sot gjetjet kryesore të Raportit të Progresit 2012 për Shqipërinë.

PROGRES-RAPORTI 2012
Raporti i Progres për Shqipërinë është pjesë e Paketës së Zgjerimit 2012 të miratuar nga Komisioni Evropian më 10 tetor. Komisioni Evropian arriti në përfundimin se Shqipëria ka bërë progres drejt përmbushjes së kritereve politike për anëtarësim në BE duke kryer një numër reformash të rëndësishme kundrejt prioriteteve kyç të Opinionit të Komisionit të vitit 2010. Duke pasur parasysh këtë, Komisioni Evropian rekomandon që Shqipërisë t’i jepet statusi i vendit kandidat në BE, pasi të përmbushë masat kyçe në fushat e reformës së gjyqësorit dhe administratës publike dhe rishikimin e rregullores së Kuvendit. Komisioni do të vlerësojë gjithashtu përpjekjet e mëtejshme të Shqipërisë në luftën kundër korrupsionit dhe krimit të organizuar. Me qëllim që të jetë në gjendje të kalojë në fazën tjetër dhe të hapë negociatat e asociimit, Shqipëria duhet të demonstrojë veçanërisht një implementim të qëndrueshëm të angazhimeve të ndërmarra dhe plotësimin e prioriteteve kyçe të mbetura që nuk janë përmbushur plotësisht. Fokusi duhet të jetë shteti ligjor dhe të drejtat themelore. Dialogu i qëndrueshëm politik do të mbetet esencial për një proces të suksesshëm të reformave. Mbajtja e zgjedhjeve parlamentare të vitit 2013 do të jetë një test themelor në lidhje me këtë dhe një parakusht për çdo rekomandim për hapjen e negociatave.

KRITERI POLITIK
Shqipëria ka bërë përparime në përmbushjen e kriterit politik të Kopenhagës për anëtarësi në Bashkimin Evropian. Koordinimi i punës lidhur me integrimin në BE është përmirësuar më tej, duke çuar në rishikimin e Planit Kombëtar të Veprimit për trajtimin e prioriteteve kyçe të BE-së. Ky proces ka qenë transparent dhe pjesëmarrës, përfshirë diskutime me opozitën në Komisionin Parlamentar për Integrimin Evropian. Dialogu politik mes palëve është përmirësuar shumë duke i lejuar Shqipërisë të plotësojë katër nga përparësitë kyçe, veçanërisht ato që kanë të bëjnë me funksionimin e duhur të kuvendit, miratimin e ligjeve në pritje që kërkojnë shumicë të përforcuar, emërimin e Avokatit të Popullit dhe proceset dëgjimore dhe votuese për institucionet kryesore dhe modifikimin e kuadrit ligjor për zgjedhjet. Shqipëria është në udhën drejt përmbushjes së dy prioriteteve kyçe lidhur me reformën e administratës publike dhe përmirësimin e trajtimit të të dënuarve. Ka patur progres edhe për prioritetet e mbetura, përfshirë hapa me rëndësi si miratimi i ligjit mbi gjykatën administrative, rritja e sekuestrimit të pasurive kriminale, miratimi i një strategjie gjithëpërfshirëse mbi reformën e pronave dhe sanksioneve shtrënguese për dhunën në familje. Miratimi i amendimeve kushtetuese që kufizojnë imunitetin e zyrtarëve të lartë dhe gjyqtarëve shënoi një hap me rëndësi në luftën kundër korrupsionit. Shqipëria vazhdon të luajë një rol konstruktiv në ruajtjen e stabilitetit në rajon dhe nxitjen e marrëdhënieve të fqinjësisë së mirë me vende të tjera të Ballkanit Perëndimor dhe BE-së. Megjithatë, nevojiten përpjekje të tjera dhe të qëndrueshme për të përmbushur plotësisht kriterin politik të Kopenhagës. Për sa i takon demokracisë dhe shtetit ligjor, është thelbësore të mbështetemi në progresin e bërë dhe të sigurohet qëndrueshmëria e dialogut politik dhe përpjekjeve të përbashkëta për reforma. Janë të nevojshme masa konkrete për forcimin e përgjegjshmërisë, pavarësisë dhe efikasitetit të sistemit gjyqësor. Duhet forcuar precedenti i hetimeve, përndjekjes dhe dënimeve në rastet e korrupsionit në të gjitha nivelet. Lufta kundër krimit të organizuar duhet përmirësuar më tej. Vëmendje e veçantë i duhet kushtuar zbatimit të vazhdueshëm të strategjisë për të drejtat e pronësisë. Zbatimi i instrumentave legjislative dhe politike në fushën e të drejtave të njeriut, veçanërisht në lidhje me romët, duhet përmirësuar më tej.

KRITERI EKONOMIK
Ekonomia shqiptare ka vazhduar të ketë stabilitet makroekonomik. Shqipëria ka bërë përparim drejt shndërrimit në një ekonomi tregu funksionale. Ajo duhet të jetë në gjendje të përballet me presione konkurruese dhe forcat e tregut brenda Bashkimit në periudha afatmesme, me kusht që reformat strukturore të përshpejtohen dhe thellohen, përfshirë përforcimin e sistemit ligjor dhe forcimin e kapitalit fizik dhe njerëzor. Kërkesa e brendshme ka kontribuar më së shumti në rritjen e GDP me 3,1% në vitin 2011, e megjithatë veprimtaria ekonomike ka ngecur në çerekun e parë të vitit 2012 nga përçarjet e pushtetit. Inflacioni ka mbetur i pandryshuar falë politikes së shëndoshë monetare të Shqipërisë. Megjithatë, ekonomia shqiptare ka mbetur e cënueshme për shkak të një defiçiti të lartë dhe defiçiti fiskal është rritur në vitin 2011. Të metat që prekin shtetin ligjor dhe mbrojtjen e të drejtave të pronësisë pengojnë zbatueshmërinë e kontratave dhe kanë ndikime negative mbi investimet dhe klimën e biznesit. Mbetet shqetësimi mbi nivelin e lartë në rritje të huave jopërformuese në sistemin bankar. Sektori informal dhe mbledhja e dobët e taksave mbeten një sfidë.

LEGJISLACIONI I BE
Shqipëria ka bërë një progres të moderuar në përmirësimin e aftësive të saj për të ndërmarrë detyrimet e anëtarësisë përmes përafrimit të legjislacionit dhe standardeve të saj me ato të BE-së, veçanërisht në fushat e konkurrencës, taksave, statistikave, drejtësisë, lirisë dhe sigurisë, arsimit dhe kulturës dhe bashkimit doganor. Megjithatë, nevojiten përpjekje më të mëdha meqë progresi ka qenë i kufizuar në fusha si liria e lëvizjes së punëtorëve, prokurimi publik, ligji për pronësinë intelektuale, zhvillimi i bujqësisë dhe ai rural, siguria e ushqimit, energjia dhe mjedisi dhe ndryshimet klimaterike. Nevojiten përpjekje të qëndrueshme për forcimin e kapacitetit administrativ për implementimin dhe zbatimin e legjislacionit.

Balkanweb/

[EuroStar1]

Keto kushte BE ka disa vjet qe i ka "zbardhur" e jane te njohura per shqiptaret.
Ajo qe nuk e "zbardh" dot BE, eshte se cfare kushtesh do te nxjere partia socialiste per cdo ligj qe ka lidhje me kerkesat e BE e qe duhet detyrimisht votimi me 3/5 ne kuvend.

[EuroStar1]

TIRANE- Ambasadori i Bashkimit Europian Ettore Sequi, pasi i dorëzoi sot progres-raportin e KE krerëve më të lartë të shtetit, sqaroi në një konferencë për shtyp, pikat kyce mbi të cilat ngrihet ky raport, duke rekomanduar që Shqipëria t’i zbatojë ato, me qëllim që sic tha ai, propozimi i sotëm të bëhet realitet në dhjetor.

“Sic e dini edhe ju unë sot kam pasur mundësi t’ua dorëzoj raportin krerëve më të lartë të shtetit. Nesër do ia dorëzoj dhe Ramës. Jam i mendimt se dita e sotme është tejet e rëndësishme, tregon përparimet që ka bërë Shqipëria gjatë vitit të shkuar, përparimi është i konsiderueshëm. Gjatë këtij viti vumë re një dialog të përmirësuar politik, që ndikoi edhe tek reformat. Në përgjithësi Shqipëria pati progres të mirë për sa i përket përmbushjes së 12 prioriteteve. Gjatë kësaj kohe janë përmbushur disa kritere kyce, që kanë të bëjnë me funksionimin e parlamentit, zgjedhjen e Avokatit të Popullit dhe reformën zgjedhore. Shqipëria po ecën në rrugën e duhur për sa i përket reformës për adminstratrën publike”, tha Sequi.

Kreu i BE në vendin tonë deklaroi se një nga parakushtet që Shqipërisë t’i celen negociatat për anëtarësimin në BE janë edhe zgjedhjet e vitit 2013-të. Ai renditi disa pika kyce ku Shqipëria duhet të ketë kujdes.

“Zbatim i qendrueshëm i reformave, sidomos në fushën e sundimit të ligjit. Të fuqizohet pavarësia, llogaridhënia e institucioneve gjyqësore. Vendosmëri në konsolidimin e luftës ndaj korrupsionit dhe krimit të organizuar. Masa efikase për përforcimin e të drejtave të njeriut dhe politikave jodiskriminuese. Zgjedhjet e ardhshme të jenë në përputhje me standardet europiane, si parakusht për celjen e negociatave”, nënvizoi Sequi.

Më tej Sequi siguroi se Shqipëria do ta marrë plotësisht statusin në dhjetor, “me tu përmbushur reforma në gjyqësor, ajo për administratën publike dhe rregullorja e Kuvendit", tha ai, ndërsa shtoi se vendi duhet të tregojë angazhim për korrupsionin dhe krimin e organizuar. Sipas Sequit “Ligji për Gjykatën e Lartë dhe Shërbimin Civil janë të lidhur me reformat e sipërpërmendura”.

Sequi nënvizoi edhe një herë se përmbushja e reformave do bëjë të mundshëm statusin. “Integrimi është një mjet me anë të të cilit kontribuohet që vendet të funksionojnë më mirë. Për sa i përket objektivit që është statusi, kjo është e mundshme, ajo që është e rëndësishme është përmbushja e atyre reformave. Integrimi është një proces nga i cili të gjithë duhet të marrin merita, gjërat e bëra nga qeveria dhe opozita, përmend edhe rolin e shoqërisë civile, e cila dha një kontribut tejet të rëndësishëm në hartimin e planit të veprimit”, shtoi ambasadori.

(ma.ar/BalkanWeb)

[EuroStar1]

BRUKSEL - Shqipëria ashtu siç ishte paralajmëruar një ditë më parë, merr statusin e vendit kandidat në BE, të kushtëzuar.

Komisioneri për Zgjerim Stefan Fyle duke prezantuar para komisionit të Jashtëm të Parlamentit Europian raport-progresin për Shqipërinë, deklaroi se KE parashikon një status të kushtëzuar për Shqipërinë, por me kushtin që më parë të jenë realizuar disa reforma në fushën e drejtësisë, në atë të administratës publike si dhe të përmbyllë reformën parlamentare, duke kërkuar njëkohësisht edhe një angazhim më të fortë në luftën kundër korrupsionit dhe krimit të organizuar. Shqipëria kështu bën gjysëm hapi përpara drejt familjes së madhe Europiane.

“Shqipëria ka bërë progres domethënës në vitet e fundit. Duhen marrëveshje më të mëdha mes palëve. Është arritur sukses në disa reforma. Duke patur këtë progres. Komisioni i jep Shqipërisë statusin e vendit kandidat, me kusht që të ketë reforma të tjera në Drejtësi dhe sa i përket Parlamentit. Komisioni beson se një pjesë e mirë e prioriteteve është zbatuar, por duhen përpjekje të tjera sa i takon luftës kundër krimit të organizuar”,- deklaroi Fyle.

Sa u përket 12 prioriteteve kyçe të Komisionit Europian, të paplotësuara kanë mbetur tashmë reforma parlamentare dhe miratimi i ligjeve për Gjykatën e Lartë dhe Shërbimin Civil. Pas dy refuzimesh radhazi ndaj kërkesës së Shqipërisë për të marrë statusin e vendit kandidat, këtë vit vendi ynë arriti të kalojë provimin e Brukselit, megjithëse jo me notën maksimale. Shqipëria do të bëhet kështu vendi i pestë i Ballkanit kandidat për të hyrë në BE, pas Kroacisë që do të anëtarësohet në 2013-ën, Maqedonisë, Malit të Zi dhe Serbisë.

Perfundimet e Raportit
KE thekson në Raport se sigurimi i qëndrueshmërisë së dialogut politik është thelbësor për funksionimin e institucioneve demokratike dhe për rrugën e Shqipërisë në BE. Sa i përket demokracisë dhe sundimit të ligjit, dialogut politik në Parlament është përmirësuar dhe vihet re një atmosferë më konstruktive gjatë komisioneve kuvendore dhe takimeve plenare. Raporti thekson se progres i mirë është arritur në fushat kyçe të reformës politike si funksionimin e duhur të Parlamentit.

KE me raportin vuri në dukje se ka progres në reformën gjyqesore dhe luftën kundër korrupsionit në reformën për imunitetin e zyrtarëve, Gjykatën Administrative, në mbrojtjen e minoriteteve dhe komunitetit rom, në mbrotjjen e të drejtave të grave dhe në luften kundër krimit të organizuar.

Sa i përket sistemit gjyqësor, progres është bërë në kompletimin e reformës gjyqësore, që është dhe një çështje kyçe në prioritetet e BE. Strategjia e reformës gjyqësore dhe plani i veprimit i marsit 2012-të ka nisur të zbatohet. Ligji mbi Gjykatat Administrative dhe Ligji mbi Konferencën Gjyqësore Kombëtare janë miratuar.
Megjithatë, e rëndësishme mbetet të forcohet përgjegjshmëria, pavarësia dhe efikasiviteti i gjyqësorit.

Progres i mirë është raportuar në luftën kundër korrupsionit në gjyqësor, nëpërmjet kufizimit të imunitetit të gjyqtarëve.

Raporti i KE vlerësoi rolin e Shqipërisë në marrëdhëniet ndërajonale, zhvillimi i ekonomisë, progresin në çështjen e pronave dhe pse nënvizon se regjistrimi i pronave ende nuk ka përfunduar. Sipas raportit, kompesimi i ish-pronarëve ka ecur me ritme të ngadalta.

21 Janari, KE: Të hidhet dritë mbi ngjarjen
Raporti i KE thekson që procedurat për të hedhur dritë mbi ngjarjet e 21 Janarit 2011 duhet të përfundojnë përmes një procesi të besueshëm gjyqësor.

Gjykata e Lartë dhe Reforma Parlamentare
Komisioni Europian rekomandon se prioritetet kyçe që nuk arritën të kishin progres domethënës do të jetë i nevojshëm angazhimi për t’i plotesuar ato. Në mënyrë që të mbajmë vrullin e reformës së tanishme dhe të konsolidojmë arritjet e saj, Shqipëria duhet të fokusohet veçanërisht në përshtatjen me konsensus të rregullave të rishikuara të procedurës për Parlamentin dhe amendameteve të ligjeve në Gjykatën e Lartë.
"Në mënyrë për të mbajtur vrullin e reformave aktuale dhe të konsolidojë arritjet e saj deri më sot, Shqipëria do të ketë nevojë në veçanti të përqëndrohet në miratimin me konsensus rregullat e procedurës së rishikuara për Parlamentin dhe ndryshimet e ligjeve për Gjykatën e Lartë dhe në Shërbimin Civil".

Zgjedhja e Presidentit
Raporti i KE evidenton se në 11 Qershor 2012, u zgjodh Presidenti i ri me 4 raunde, me një numër të madh votash nga maxhoranca.

Raporti i KE për Shqipëri theksoi se zgjedhja e Presidentit u bë në rrugë kushtuese, porse nuk u arrit një gjithëpërfshirje politike, dhe kjo solli një tërheqje në konsolidimin e dialogut politik. Kjo solli një ngadalësim të përkohshëm në përpjekjet e reformave që kërkonin konsensus. 'Pavarësisht retorikave mes Qeverisë dhe opozitës, marrëveshja politike vijoi të zbatohet'.
(el.me/d.b/BalkanWeb)

[EuroStar1]

TIRANE- Ambasadori i Bashkimit Europian në vendin tonë, Ettore Sequi i dorëzoi sot kryeministrit të vendit raportin e progres-raportit të KE, që sic tha ai mbulon një periudhë 12 mujore. Duke e quajtur këtë ditë historike, ambasadori Sequi tha se përvec vlerësimeve, raporti këshillon edhe përmbushjen e disa reformave thelbësore për integrimin.

“Kam kënaqësinë t’i dorëzoj sot kryeministrit raportin e progresit të KE-së, që mbulon një periudhë prej 12 muajsh. Ky raport është edhe mjeti i duhur që tregon udhën për të ardhmen. Me pak fjalë, këtu janë mbuluar progresi, përparimi i bërë gjatë vitit të shkuar”, -tha Sequi.

Ambasadori Sequi shtoi se Shqipëria duhet të përmbushë edhe disa reforma të tjera thelbësore, pika kyce këto, sic komentoi Sequi që janë, “reforma në gjyqësor, në administratën publike, rishikimi i rregullores së Kuvendit, miratimi i pr/ligjit për Gjykatën e Lartë”, tha ai.

“Ndërkohë që dëshirojmë të shikojmë përparim për sa i përket luftës së korrupsionit dhe krimit të organizuar. Progresi duhet bazuar në disa fjalë kyce, të cilat kanë cuar deri në këto arritje, më kryesish marrja në konsideratë e faktit që integrimi është objektiv kombëtar dhe ndahet nga të gjithë, që bazohet në një proces gjithëpërfshirës. Kemi besim që do përmbushen edhe reformat e kërkuara, janë thelbësore”, shtoi ai. E rëndësishme për Shqipërinë, vijoi ai, është edhe për faktin se përkon me vitin e 100-të të Pavarësisë.

Kreu i BE në vendin tonë, Ettore Sequi u shpreh më tej se Shqipëria duhet t’i përmbushë këto reforma deri në dhjetor.
“Besoj që këto reforma janë afër përfundimit, rëndësi ka miratimi i këtyre ligjeve, reformave. Këtu ka rëndësi edhe zbatimi, i reformave e ligjeve. Besoj që mund të arrini reformat me dëshirë dhe vullnet për dialog, me frymë kompromisi, me respekt të ndërsjelltë dhe të kuptuarut se cili është interesi i vendit dhe të ardhmen që për mua është integrimi nuropian. Deri në dhjetor kushti për reformat, pasi në dhjetor këshilli i ministrave të BE do marrë vendimin e vetë duke u bazuar në raportin e Komisionit Europian, ne duhet të japim mesazhin se reforma duhet të përfundojnë”, shtoi Sequi.

STATUSI, BERISHA: DO DËSHMOJMË SE E MERITOJMË
Gjatë fjalës së tij në konferencën e përbashkët me ambasadorin e BE-së në vendin tonë, kryeministri Berisha shprehu angazhimin e tij maksimal për të përmbushur kërkesat e KE-së, në mënyrë që siç tha ai, t’i dëshmojmë familjes evropiane se e meritojmë statusin e vendit kandidat.

Ndërsa shprehu vlerësimin për kontributin e opozitës në përmbushjen e reformave, kryeministri theksoi se mazhoranca ka dëshmuar fleksibilitetin më të madh në procesin e bashkëpunimit me opozitën.

“Komisioni kërkon që ndërkohë të votohen 3 ligje, të cilat janë ne parlament. Unë angazhohem të bëj çdo gjë që është e mundur brenda parimeve të një sistemi demokratik e ato ligje të votohen që javën që vjen. Kur vjen puna te qeverisja, këto parime nuk kanë ngjyra partiake, por janë parime universale që rregullojnë qeverisjen. Mbetem i vendosur të punoj me intensitet të madh.”- u shpreh kryeministri Berisha.

Më tej shefi i qeverisë shqiptare e cilësoi të logjikshme rëndësinë që KE i kushton procesit të ardhshëm zgjedhor në vend.

“Raporti me shumë të drejtë parashtron hapjen e negociatave pas procesit zgjedhor dhe vlerësimit të këtij procesi. E konsideroj të logjikshme këtë kërkesë. Do bëjmë gjithçka për proces zgjedhor të lirë e të ndershëm dhe jemi të vendosur ta demonstrojmë këtë para çdo qytetari shqiptar dhe para çdo vëzhguesi dhe miku të Shqipërisë. Me ato zgjedhje të dëshmojmë se meritojmë hapjen e negociatave, kërkesë kjo ndër më legjitimet, më logjiket që mund t’i shtrohet një vendi.”- deklaroi Berisha.

Kryeministri e cilësoi raportin e KE-së si vlerësimin më të madh që u bëhet qytetarëve shqiptarë, në 100-vjetorin e pavarësisë së vendit. Ai i falënderoi shqiptarët për mbështetjen që i kanë dhënë procesit të integrimit të vendit në BE, administratën për përkushtimin në përmbushjen e pikave të Planit të Veprimit, si dhe ambasadorin dhe delegacionin e BE-së në vendin tonë, për angazhimin dhe mbështetjen që i kanë dhënë Shqipërisë.

“Sot të fituar janë qytetarët shqiptarë, të cilët mezi e kanë pritur këtë ditë dhe unë dua te zotohem para tyre se do bej gjithçka për të promovuar këtë axhendë, si axhenda më e mirë për të ardhmen”- u shpreh kryeministri.
(ma.ar/er.nu/BalkanWeb)

[EuroStar1]

IRANE- Ambasada e Shteteve të Bashkuara të Amerikës me anë të një deklarate për mediat mirëpret Raportin e Zgjerimit rë BE që rekomandon miratimin e statusit kandidat për Shqipërinë me kusht përmbushjen e reformave të tjera kyçe.

“Rekomandimi është dëshmi e politikave konstruktive të ndjekura nga të gjitha partitë politike gjatë vitit të kaluar dhe për këtë arsye përfaqëson një mundësi historike për shqiptarët. Ne i mbështesim me forcë përpjekjet e Shqipërisë për integrim në BE dhe nxisim të gjitha palët të vazhdojnë të shpalosin bashkëpunimin e nevojshëm për të përfunduar dhe zbatuar reformat që mbeten pezull”, thuhet në deklaratën e Ambasadës së SHBA.

[EuroStar1]

TIRANE - Presidentit të Republikës, Bujar Nishani iu dorëzua sot pasdite nga Ambasadori i BE-së në vendin tonë, Ettore Sequi, progres-raporti i KE për Shqipërinë për vitin 2012.

Siç njofton zyra e shtypit e Presidencës, Ambasadori Sequi theksoi se progres-raporti njeh arritjet e Shqipërisë bazuar në 12 rekomandimet e KE-së dhe rekomandon hapat e nevojshëm që duhet të ndërmerren, bazuar në një vullnet të përbashkët politik për kryerjen e reformës parlamentare, reformimin e drejtësisë dhe reformën administrative.

Sipas ambasadorit Sequi, roli i Presidentit të Republikës në mbështetje të konsensusit politik është vendimtar.

Nga ana e tij, Presidenti Nishani falenderoi Komisionin Evropian për objektivitetin e treguar në progres-raport e për ndihmën e vazhduar që KE dhe vendet e tjera të BE-së i kanë dhënë Shqipërisë në procesin e integrimit evropian.

Presidenti falenderoi në mënyrë të veçantë Delegacionin e BE në Tiranë për veprimtarinë profesionale në mbështetje të institucioneve shqiptare dhe realizimit të reformave.

Pasi i vlerësoi rekomandimet e mbetura si plotësisht të arritshme, Presidenti Nishani shprehu bindjen se klasa politike shqiptare dhe të gjithë aktorët e përfshirë do të vazhdojnë kontributin e tyre të përkushtuar në përmbushjen e këtyre rekomandimeve duke ndarë së bashku përgjegjësitë dhe frutet e suksesit.

(er.nu/BalkanWeb)

[Boy_XL]

Shqipëria merr statusin kantidat

- Urime gjith Shqiptarve.

[DYDRINAS]

SHBA: Statusi, mundesi historike per shqiptaret

Ambasada e SHBA mirepret Raportin e Zgjerimit te BE-se qe rekomandon miratimin e statusit kandidat per Shqiperine me kusht permbushjen e reformave te tjera kyce.

"Rekomandimi eshte deshmi e politikave konstruktive te ndjekura nga te gjitha partite politike gjate vitit te kaluar dhe per kete arsye perfaqeson nje mundesi historike per shqiptaret", - thuhet ne nje deklarate te ambasades se SHBA-se ne Tirane. Ne reagimin e ambasades theksohet se Shetetet e Bashkuara te Amerikes mbeshtesin perpjekjet e Shqiperise per procesin e integrimit ne Bashkimin Europian. "Ne i mbeshtesim me force perpjekjet e Shqiperise per integrim ne BE dhe nxisim te gjitha palet te vazhdojne te shpalosin bashkepunimin e nevojshem per te perfunduar dhe zbatuar reformat qe mbeten pezull", - thuhet ne deklarate. Deklarata e selise diplomatike te Amerikes ne Tirane thekson se ambasada e SHBA-se mirepret Raportin e Zgjerimit te BE-se qe rekomandon miratimin e statusit kandidat per Shqiperine me kusht permbushjen e reformave te tjera kyce. Plotesimi i rekomandimeve te BE dhe realizimi i reformave qe lidhen me statusin e vendit kandidat kane qene disa nga ceshtjet qe jane trajtuar ne qendrimet publike realizimin e reformave. Ambasadori Aleksander Arvizu ka theksuar se ceshtja e integrimit duhet te jete prioritet kryesor i politikes dhe kjo te deshmohet duke realizuar reformat e kerkuara.


koha jone

[DYDRINAS]

Sequi: Shqiperia permbushi prioritet kyce, raporti arritje

Rozeta Rapushi

Ambasadori i Bashkimit Europian ne vendin tone, Etore Sequi, e cilesoi dje nje arritje inkurajuese rekomandimin e Komisionit Europian per Keshillin qe Shqiperia te marre statusin e vendit kandidat. Ne nje konference per shtyp, pas dhenies se progres-raportit te KE-se, krereve te shtetit shqiptar, Sequi, u kujdes gjithashtu te keshillonte dhe te bente thirrje per partite politike qe te plotesojne kerkesat e mbetura, mes te cilave dhe zhvillimin e zgjedhjeve parlamentare 2013 me standarde per celjen e negociatave. "Gjate ketyre 11 muajve kemi vene re perparime, sidomos ato qe kane te bejne me marreveshjen politike te nentorit dhe nje dialog te permiresuar politik qe bene te mundur miratimin e reformave kyce", - u shpreh Sequi. Sipas tij, Shqiperia ka bere progres te mire per anetaresimin dhe permbushjen e prioriteteve kyce, qe jane funksionimi i parlamentit, zgjedhja e avokatit te popullit dhe reforma zgjedhore, nderkohe qe po ecen para per sa i perket prioriteteve qe kane te bejne me reformen ne administraten publike dhe permiresimin e trajtimit te te ndaluarve. "Duke marre parasysh kete progres te arritur, komisioni vendosi t'i rekomandoje keshillit te jape statusin e vendit kandidat me kerkesat e parashtruara. Komisioni Europian do te nxjerre nje raport, sapo kerkesat e bera do te plotesohen", - vijoi diplomati. Nga ana tjeter, Ambasadori i Bashkimit Europian ne vendin tone, kerkoi qe klasa politike te punoje me shume dhe te fokusohet ne plotesimin e kerkesave te bera. Ne vecanti, ai permendi gjithashtu se duhet te punohet per qendrueshmerine e reformave te ndermarra dhe zbatimin e ligjit. "Statusi eshte i mundshem. Ajo qe eshte e rendesishme, eshte permbushja e masave dhe reformave te kerkuara. Une mendoj qe ky eshte nje objektiv qe do te arrihet ne rast se te gjitha palet e perfshira ne proces dhe energjite qe kane, do te perdoren per dialog, me te njejtin vullnet per kompromis, ndergjegjesim per te kuptuar sfidat. Permbushja e te gjithe prioriteteve kyce, do te sillte statusin", - vijoi Sequi. Ne kete kuader, diplomati permendi faktin se nje vit me pare, askush nuk e mendonte se pas marreveshjes se nentorit, Shqiperia do te arrinte te realizonte brenda nje viti nje sere nga reformat kyce. Duke marre shkas nga ky hap, ai tha se ato qe kerkohen mund te realizohen dhe se vleresimi ne progres-raport per punen e bere, eshte inkurajues. "Kane mbetur reforma per t'u realizuar. Nuk shoh asnje arsye pse te mos vazhdoje ky angazhim per reformat", - shtoi ai. Por per ambasadorin e BE, parakusht per celjen e negociatave do te jene zgjedhjet e ardhshme, te cilat duhet te jene ne perputhje me standardet europiane.

Sipas tij, te gjithe kane pergjegjesi per integrimin e vendit, ndersa vleresoi edhe rolin e shoqerise civile per kontributin ne planin e veprimit. Ai falenderoi gjithashtu ministren e Integrimit, Majlinda Bregun, dhe kreun e komisionit te integrimit, Ditmir Bushati, per kontributin dhe ndihmen ne kete proces. Ambasadori Ettore Sequi ka deklaruar se Komisioni Europian do te vijoje asistencen teknike dhe financiare per Shqiperine. Ai theksoi se pavaresisht krizes ekonomike, me te cilen po perballet Europa, ndihma nuk do te ndalet, pasi vete Bashkimi Europian eshte i interesuar per Shqiperine.

koha jone