Miliona Haxhinj – Miliona Dashuri

[Mexhid Yvejsi]

MILIONA HAXHINJ –
MILIONA DASHURI

Miliona haxhinjë
Miliona dashuri
U nisën, po nisën
Nga toka, deti dhe qielli
Atje ku lindi Dielli
Për të vizituar
Vendin e Shenjtëruar
Qaben e Madhëruar
Meken e Bekuar
Për të zbritur
Në Medinen e Ndritur…

Miliona haxhinj
Miliona dashuri
Nga të dy gjinitë
Po i lënë shtëpitë
Po i lënë foletë
Po i lënë atdhetë
Me mall, me lot,
Por me shpirtin plot
Veç për t’Madhin Zot…

Miliona haxhinjë
Miliona dashuri
Të bardhë e të zinjë
Të vjetër e të rinjë
Rradhë-rradhë këndojnë
All-llahun e Madhërojnë
Përpara Tij nënshtrohen
Përpara Tij pendohen…

Haxhinjtë shqiptarë
Rreth flamurit kombëtar
Me zemër të pastruar
Me shpirt të lartësuar
Kujtohen edhe për ne
Që jemi n’Atdhe:
Lutën për Kosovën,
Lutën për Çamërinë
Lutën për Shqipërinë…

Mexhid YVEJSI, Gjakovë