A do të bashkohet LDK dhe LDD ?

[Guri i Kuq]

Ngjarjet e fundit në Kuvendin e Kosovës,përçarjet më se të dukshme në radhët e PDK-së, në mes krahut të Thaçit dhe Fatmir Limajt dhe reperkusionet e pritshme hipotetike të kësaj përçarje pas Kuvendit të PDK-së,i kanë vu në alarm të gjitha partitë politike në Kosovë.Dhe, kjo reflektohet me shumë hapa të pritshëm,por edhe me shumë befasi...

A do t'i bashkohet LDD LDK'së?

Nga Express 08 Tetor 2012 14:10


(E plotësuar) Kryetari i Lidhjes Demokratike të Dardanisë, Nexhat Daci nuk e ka përjashtuar mundësinë e bashkëpunimit me LDK'në, para zgjedhjeve të ardhshme.

"Unë besoj në Kryetarin e LDK’së kam qenë përkrahës i tij shumë herësh. E ka një rrugë shumë të vështirë para vetit, një rrugë të cilën të tjerët para se me ardhë e kanë bërë me gropa vështirë të riparueshme. Ne jemi në fillim të një procesi dhe duhet njëherë ta bëjmë diagnostikimin e procesit për mos me dhanë terapi të gabueshme. Unë nuk jam njëri që i ha fjalët e mia, se ju letrat nuk mund t’i hani nesër kështu që do të shohim... Por vet prezenca jonë dhe disponimi tregon se asgjë personale në mes të neve dyve nuk ka dhe s’ka pas kurrë", ka thënë Daci.

As kreu u LDK'së, Isa Mustafa nuk e ka përjashtuar mundësinë e bashkimit me LDD'në e Nexhat Dacit, në një koalicion parazgjedhor.

"Unë kam dalë javën e kaluar me një ide dhe propozim dhe që të shohim proceset dhe në bazë të atyre të proceseve të bëjmë një bashkim të partive të qendrës së djathtë në mënyrë që në qeverisjen e ardhshme të veprojmë dhe punojmë bashkërisht. Ajo çfarë sot bëmë është se në biseduam, biseduam në mënyrë shumë të relaksuar dhe e lamë mundësinë që në procese të ardhshme prapë të punojmë edhe që këto procese t’i vlerësojmë. Tash unë nuk mund të them se do të ketë apo nuk do të ketë, unë i kam shpreh të gjithëve edhe spektrit politik vendor edhe atij ndërkombëtarë se nuk është vështirë që të bëhet reforma", tha Mustafa.

Që të dy lideret thane se ka disponim te mire për te bashkëpunuar.

Mustafa takon Dacin

Kryetari i Lidhjes Demokratike të Kosovës, Isa Mustafa ka ftuar në një takim kreun e Lidhjes Demokratike të Dardanisë, Nexhat Dacin.

Takimi ka filluar para pak çastesh në Villa Gërmia, në periferi të kryeqytetit.

Gazetarja e ExpressOnline raporton se krerët e dy partive shoqëroheshin në këtë takim nga bashkëpunëtorë të ngushtë partiakë.

Takimi ka për qëllim mundësinë e bashkëpunimit mes dy partive, në kohën kur LDK po përpiqet t’i mbledh rreth vetës subjekte të deklaruara si të Djathta.

[Lexuesi_]

Zor ashte me u ba bashk keta te dy sepse te dy mendojn me kan ne kryeveni e dy kryevena nuk jan.

[Gogi]

Ka me u bo nami kur bashkohen, te dyja bashk as nje parti nuk e bojne .

"Amkademik" Daci me precedent penal i denuar edhe Akademi,.

[Guri i Kuq]

Fronti i zorshëm

Nga Leonora Aliu 09 Tetor 2012 07:34



Isa Mustafa shtroi një drekë për Nexhat Dacin, në përpjekje për ta bindur atë që t’i bashkohet “Frontit të Djathtë”. Ftesa e lumturoi Akademikun, por ai tha se duhen të ndodhin shumë takime për të arritur ndonjë bashkëpunim me LDK’në. Për AAK’në, ideja e Mustafës për bashkimin e partive të deklaruara si të djathta, ka nisur mbrapsht.

Gjashtë vjet nga Kuvendi Zgjedhor i LDK’së, kur Nexhat Daci mori përkrahësit e tij nga aty dhe formoi parti të re, krerëve të LDK’së iu ka rënë ndërmend se mbase mund ta rikthejnë Akademikun në gjirin e tyre.

Për këtë, Isa Mustafa shtroi një drekë, në një restorant të Gërmisë.

Ftesa u pranua nga Nexhat Daci - të cilit që prej zgjedhjeve të fundit, kur partia e tij nuk arriti ta kalonte pragun zgjedhor - nuk i ndodh shpesh të marrë ftesa të tilla.

Kreu i LDD’së dukej i lumtur që po takonte homologun nga LDK’ja, por në deklaratën për media, pas drekës, la të kuptohet se duhen edhe shumë takime në mënyrë që të arrihet ndonjë marrëveshje.

“Do të thosha që është një sukses tepër i madh që t’i bësh bashkë shqiptarët në një tavolinë dhe të mos përlahen”, tha Daci.

“Dhe, ky sukses ndodhi. Takimi ishte tejet relaksues”, shtoi ai.

Isa Mustafa po tenton ta krijojë një front të partive të deklaruara si të djathta, si e vetmja mënyrë për ta mundur PDK’në e Hashim Thaçit. Ai u ka bërë ftesë publike AAK’së, AKR’së dhe LDD’së.

Nexhat Dacit i ka pëlqyer kjo ide.

“Profesor Isa dhe kolegu, jemi edhe në Universitet, edhe në Akademi, e tha idenë e vet, unë i thashë që kjo duhet të vazhdojë në kuptimin e sqarimit të çështjeve”.

Mustafa, ndërkaq, ka sqaruar më tej idenë e tij.

“Ne sot e kishim qëllim që të ulemi bashkërisht edhe të bisedojmë, ta kemi më tepër një ndejë, bisedë pune, por jo që të merremi vesh apo të mos merremi vesh. Unë kam dalë javën e kaluar me një ide dhe propozim dhe që të shohim proceset dhe në bazë të atyre të proceseve, të bëjmë një bashkim të partive të qendrës së djathtë, në mënyrë që në qeverisjen e ardhshme të veprojmë dhe të punojmë bashkërisht. Ajo çfarë sot bëmë, është se në biseduam, biseduam në mënyrë shumë të relaksuar dhe e lamë mundësinë që në procese të ardhshme prapë të punojmë edhe që këto procese t’i vlerësojmë”, tha kreu i LDK’së.

Por, kjo nuk është punë e lehtë për t’u arritur.

Nexhat Daci shfryu sërish mllefin ndaj ish-kreut të LDK’së, Fatmir Sejdiut.

“Unë besoj në Kryetrarin e LDK’së, kam qenë përkrahës i tij shumë herësh. E ka një rrugë shumë të vështirë para vetes, një rrugë të cilën të tjerët, para se me ardhë, e kanë bërë gropa, vështirë të riparueshme. Por besoj që me vullnetin që sot e demonstroi Kryetrari i LDK’së, tash nëse nuk është kjo fushatë para zgjedhjeve të Akademisë, se të dy jemi në proces të atillë, e besoj që mirë do të shkojë....”, u shpreh Daci.

Por, Lideri i LDD’së bëri me dije se ribashkimi nuk do të jetë i lehtë.

“Shikoni, ne kemi hyrë në fillim të një procesi dhe duhet njëherë ta bëjmë diagnostikimin e procesit për të mos dhanë terapi të gabueshme. Unë nuk jam njeri që i ha fjalët e mia, se ju letrat nuk mund t’i hani nesër, kështu që do të shohim... po vetë prezenca jonë dhe disponimi tregon se kurrgjë personale në mes ne dyve nuk ka dhe s’ka pasur kurrë”, tha Daci.

E, pavarësisht se ende nuk e kanë zyrtarizuar bashkimin mes tyre, të hënën, Daci dhe Mustafa u shfaqën mjaft bashkëpunues. Kur Mustafa u pyet nga gazetarët nëse shpreson në një fitore të betejës që i ka hyrë për zgjedhjet e ardhshme, përgjigje dha Daci.

“Është guxim më së pari që është nisur në luftë, e në luftë ka dalë edhe me gjasë të dalë fitues”, përfundoi ai, si gjithnjë, duke qeshur. Lideri i LDD’së tha se rezultati i negociatave mes tij dhe Mustafes do të dihet para zgjedhjeve të ardhshme në Kosovë.

Ftesa e ngjashme nga Mustafa ditë më parë iu drejtua edhe AAK’së së Ramush Haradinajt dhe AKR’së së Behgjet Pacollit.

Por këto të dyja thuhet të mos kenë vendime rreth mundësisë së takimit me liderët e LDK’së për një koalicion të mundshëm parazgjedhor.

Jo edhe aq të disponuar për diçka të tillë janë shfaqur zyrtarët e AAK’së.

“Mendoj se të gjitha idetë janë të mira, të gjitha idetë për të dalë prej situatave, mirëpo idetë për koalicion nuk thuhen paraprakisht në publik, kërkesat publike i pasojnë kërkesat që shkojnë nëpër tavolina, kjo ndodh në gjithë botën, jo vetëm në Kosovë dhe nuk duhet përkundrazi. Nuk mund të thuhet në televizor dhe pastaj të shkohet në tavolinë në një çështje kaq delikate”, ka thënë Nënkryetari i AAK’së, Ardian Gjini, të hënën, pas mbledhjes së Kryesisë së Kuvendit.

Ndërsa, deputetja Myzejene Selmanaj, nga AKR’ja, tha për Express se presin të mblidhet Kryesia e Partisë për të diskutuar rreth ftesës së LDK’së.

“Nuk kemi marrë ende vendim për këtë, presim që në mbledhjen e Kryesisë të flasim për atë. Pavarësisht kësaj, duhet të dihet se është e drejtë e çdo partie për të vendosur edhe për nderim të partisë me të cilën qeveris”, u shpreh ajo duke lënë të hapur mundësinë e ndërrimit të koalicionit aktual qeverisës, pjesë e së cilës është AKR’ja.

Tendencës së LDK’së për fitore në zgjedhjet e ardhshme, të cilat ende nuk dihet saktë se kur do të mbahen, nuk shihen si rrezik nga partia më e madhe në pushtet. Nënkryetari i PDK’së, Hajredin Kuçi e sheh jorezultativ përcaktimin e fundit të LDK’së, që t’i bëjë bashkë të gjitha partitë me orientim të djathë në një koalicion parazgjedhor.

“LDK’ja nuk është forcë që duhet të gravitojnë qytetarët, e as subjektet e tjera politike me identitet... Tendencat e tilla janë shpresë për anëtarësinë e thyer të LDK’së, por që nuk do të kenë rezultate si shpeshherë më parë”, ka thënë Kuçi për media.

Së pari reformat

Gjithë deklarimet e fundit për koalicionet e mundshme kanë krijuar përshtypjen e një atmosfere parazgjedhore në opinion. Mirëpo, mbajtja e zgjedhjeve brenda këtij viti po shihet si vështirë e mundshme, ngase reformat kushtetuese dhe zgjedhore nuk kanë përfunduar ende. Kjo si pasojë e bllokadës që ka krijuar në këtë proces LDK’ja e Isa Mustafes.

Ky i fundit, ndërkaq, tha se ka zgjidhje për përfundimin e reformave duke mos dhënë ndonjë datë konkrete se kur do të mund të ketë zgjedhje të reja në Kosovë.

“Tash unë nuk mund të them se do të ketë apo nuk do të ketë, unë iu jam shprehur të gjithëve, edhe spektrit politik vendor, edhe atij ndërkombëtar, se nuk është vështirë që të bëhet reforma”, u shpreh Mustafa të hënën. “...Unë nuk shoh ndonjë problem që të gjitha këto reforma të procedohen në Kuvend, që përmes trupave punuese, komisioneve dhe organit të Kuvendit, të gjendet zgjidhja ose të jepen mandate shtesë nga Kuvendi dhe ne do të kyçemi që ky proces shumë i rëndësishëm, jo vetëm për LDK’në, por për gjithë Kosovën, të përfundojë ashtu siç duhet, sepse ne shpresojmë që zgjedhjet e ardhshme duhet të gjenerojnë me organe që rrjedhin ose burojnë drejtpërdrejt nga vullneti i qytetarëve”, ka thënë Mustafa.

[Guri i Kuq]

Kujtoj se z.Enver Robelli,në një artikull të botuar dje në Koha Ditore i ka bërë një analizë të shkelqyeshme LDK-së dhe krerëve të saj.....
Për këtë temë, është interesante vetëm pjesa e dytë e artikullit të gjatë që flet edhe për përplasjet në PDK...Por,për to një temë tjetër...
------------------

2.
Të tilla për shembull duken tani qëndrimet e ish-kryetarit të Kosovës, Fatmir Sejdiu. Si pensionist politik, i diskredituar nga një vendim i Gjykatës Kushtetuese, e cila - me apo pa të drejtë - e ka damkosur si shkelës të ligjit themelor, ai herë pas here paraqitet në opinion me mendime krejtësisht të shthurura. Fisnikëria e një politikani shihet edhe në mënyrën se si pajtohet me humbjen. Fatmir Sejdiu nuk është pajtuar me humbjen demokratike dhe po përpiqet të bëjë sa më shumë dëm, duke shpresuar se kështu mund të kthehet si triumfues i madh në skenën politike. Një shpresë e kotë! Dihet për politikanë të mençur, të cilët e kanë humbur betejën për kryetar partie kur madje gjatë kongresit, pa asnjë paralajmërim, janë ballafaquar me kundërkandidatë. I tillë ka qenë Rudolf Scharping-u i Partisë Socialdemokrate të Gjermanisë (SPD), i cili në vitin 1995 u rrëzua nga froni nga kolegu i tij partiak Oskar Lafontaine. Pas disfatës së rëndë Scharping atëbotë tha se SPD-ja tani e ka liderin e pakontestueshëm, i cili duhet të mbështetet pa asnjë dilemë. Natyrisht deri në kongresin tjetër. Fatmir Sejdiu nuk po pret asnjë kongres, por po përpiqet të manipulojë me njerëz, të cilët nuk e kanë problem t’i shërbejnë secilit usta politik, madje edhe duke ndërruar partinë më shpesh se këmishën. Sejdiu po luan rolin e viktimës dhe në një intervistë për gazetën “Kosova sot” foli edhe për “një fushatë të paprecedentë kundër personalitetit tim, madje edhe kërcënimet e grupeve të orkestruara edhe me djegien e selisë. Tellallë që thërrisnin për linçimin tim. (...) Fatbardhësisht, disa nga ata tashmë janë duke u hetuar për krime, shantazhe e kërcënime, që del se kanë qenë pjesë e një strukture të orkestruar. Tani i mbetet drejtësisë ta thotë fjalën e vet dhe realisht të shihen se kush janë ata dhe mbështetësit e tyre”. Si gjithnjë, edhe kësaj radhe ish-kryetari Sejdiu kultivon një gjuhë jokonkrete, me aludime, pa asnjë dëshmi. Një politikan serioz, që ankohet se po e kërcënojnë me djegie të selisë (cilës seli?), duhet patjetër ta njoftojë opinionin se kush janë kriminelët e dyshuar. Derisa ka qenë në pushtet s’është dëgjuar të flasë qartë kundër devijimeve të mëdha në politikë, tash sikur përpiqet të marrë rolin e apostullit moral. Këtu qëndron dallimi mes hipokrizisë së Fatmir Sejdiut dhe zemërimit të Jakup Krasniqit. Tash Sejdiu thotë se në Kosovë “ekziston një klimë tensioni dhe frikë”! Por kjo frikë ka ekzistuar edhe në kohën e kryetarit Fatmir Sejdiu, fatmirësisht jo e shkaktuar prej tij, por prej atyre me të cilët ai u shtri në një shtrat të përbashkët koalicioni, i cili shpejt rezultoi si shtrat Prokusti. Atëherë Sejdiu nuk ka folur kundër frikës, sepse vetë ka qenë i rehatuar, siç thuhet, me shtëpi e me katandi.

LDK-ja është bërë pikë e pesë për shkak se prijësit e saj vuajnë nga egoja, të cilën e kanë më të madhe se trupin. Ekziston ndërkohë një pajtim në opinion se Isa Mustafa është lider i ngathët, por problemin duhet parë pak më gjerë: askush nuk mund ta reformojë një parti, e cila qe 22 vjet nuk afron, por ndjek e përzë njerëz. Askush nuk mund ta reformojë një parti që dominohet prej funksionarëve që nuk kanë ambicie për ndryshimin pozitiv të shoqërisë dhe përparimin e vendit, por vetëm për sigurimin e pak privilegjeve për vete dhe klanet e tyre. Nuk reformohet partia nëse brenda keni mashtrues, të cilët një pjesë të mirë të kohës e kalojnë duke sajuar intriga bashkë me strukturat nëntokësore të PDK-së. Qe më shumë se 20 vjet në LDK sillen vërdallë njerëz të njëjtë - pa ide, arrogantë, të tillë që kujtojnë se janë pronarë të partisë. Për shembull as Fatmir Sejdiu, as Nexhat Daci nuk e kanë ndarë partinë për çështje parimore, por për shkak të mendësisë totalitare dhe përjashtuese. Ky mentalitet ka ndikuar që LDK-ja prej një partie që dikur fitonte 78 për qind të votave të rrëzohet te 20-përqindëshi. Një aventurë e re përçarëse e Fatmir Sejdiut ka gjasa ta fundosë LDK-në te 10-përqindëshi i votave. E vetmja punë e hairit që mund ta bëjnë aligatorët e pangopshëm të LDK-së është sikur të pajtoheshin që Isa Mustafa të ishte lider transicioni, i cili me mbështetjen e të gjithëve do të përgatiste një pasardhës të denjë. Të tillë s’mund të jenë as Fatmir Sejdiu, as Sabri Hamiti, as Eqrem Kryeziu. Këta mund të jenë vetëm vazhdues të agonisë. Ose, nëse duan, ndihmës që në LDK të ndodhë një ndryshim jo vetëm i cilësisë së politikës, por edhe i gjeneratave udhëheqëse. Në PDK ndryshime pozitive zor se do të ndodhin, me gjithë përpjekjet nganjëherë qesharake të Hashim Thaçit për “prurje të reja”, të cilat u dogjën vetvetishëm dhe sot janë vetëm objekt humori nëpër kafehanet e Prishtinës. PDK-ja në periudhën afatmesme, për fat të keq, do të jetë – si deri më tani - parti që operon jashtë kornizës demokratike, andaj çdo parti që ka bërë koalicion me të është djegur. Kështu do të jetë edhe në të ardhmen. Por ka parti e politikanë joparimorë në opozitë, të cilëve u pëlqen puthja e Judës.



robelli@bluewin.ch

[drenicaku]

bashkohuni se fabrika e karrikave ka probleme me shitjen

[toni54]

po po veq jane bashkuar......po njerzit nuk e dine...