Perfundon greva e urise e te perndjekurve politike

[mesuesi_1]

ka pas edhe 4,5,6 vjet vetem per peshq te vegjel

po pra .... per ate kategori te "burgosurish" qe kalonin nga njera biruce ne tjetren me detyra te posacme ....


.

[ATMAN]

TIRANË - Gjykata e Tiranës ka vendosur sot shpërndarjen e grevës së urisë së ish-të përndjekurve politikë, grevë e cila sot ka hyrë në ditën e 26 të saj.

Këtë vendim gjykata e ka marrë, duke pasur parasysh një padi nga ana e Drejtorisë së Policisë së Tiranës, e cila e konsideron grevën të paligjshme, sepse në të janë kryer vepra penale.

Ndërkohë që, gjendja shëndetësore e grevistëve është rënduar së tepërmi dhe ata ditët e fundit po kërkonin të uleshin tonet e ashpra e të shtroheshin në bisedime me qeverinë, e cila nga ana e saj ka përsëritur se, kundrejt tyre ka zbatuar ligjin, pa dërguar asnjë përfaqësues të saj te grevistët.

Grevistët: "Nuk e njohim gjykatën"

Nga ana e tyre, grevistët kanë reaguar se nuk do të largohen nga çadrat dhe nuk e njohin vendimin e gjykatës. Por dhe nëse i nxjerrin me forcë, ata do ta zhvendosin grevën diku tjetër, ndërkohë që forcat e tyre po shterrojnë. Ata e kanë quajtur të turpshëm dhe mungesë lirie vendimin e gjykatës. "Në kundërshtim me të drejtat e individit për të protestuar", janë shprehur njëzëri ata.

"Ne nuk kemi forcë fizike të përleshemi me policët, ata janë rrogtarë të thjeshtë. Por nuk do të duam të largohemi nga çadrat. E nëse e bëjnë me forcë, do digjemi përpara Parlamentit. Doktori pa zemër nuk ka zemër të shohë dhimbjen tonë. Por bashkë me djegien tonë do të digjet përfundimisht edhe karriera e tij politike", kanë thënë grevistët Lamaj dhe Kollçaku. "Berisha iku dhe la urdhërat prapa. Këto nuk janë zgjidhje. Zgjidhja është siç tha dhe ambasadori amerikan dje, uluni dhe diskutoni. Nëse këta njerëz nxirren me vendim gjykate, që dihet se në dorë të kujt janë, ne deklarojmë se në Shqipëri ekziston një diktaturë e re, që vepron në mënyrat më brutale dhe veprimi që bëhet me ne bëhet me çdo qytetar. Berisha: Ose hiq vendimin, ose do të bëhet gjak, do të digjemi para Parlamentit", ka thënë koordinatori i grevës, Skënder Tufa.

"Kjo është e turpshme. Ne duam që, siç kanë vdekur shokët tanë, të vdesim edhe ne", është shprehur Fatmir Lamaj përpara mediave, të cilat i ka falenderuar për transparencën, e pas vendimit për pezullimin e grevës sot ka pasur rënie tensioni dhe gjendje parainfarkti dhe është çuar me urgjencë në spital. Mjekët së fundi kanë sqaruar për televizionin A1 Report, se Lamaj po mbahet në reanimacion dhe është stabilizuar. Sipas tyre, Lamaj erdhi me aritmi në zemër.

Grevistët e një ideali më tej kanë shtuar se "ata janë pa punë e pa para, e kërkojnë dëmshpërblimin e pamarrë, e jo siç gënjen Berisha, se e paska zbatuar ligjin dhe ua ka dhënë ato." Grevisti Asllan Patrioti në një deklaratë të ashpër theksoi se, nëse përdoret forca kundër grevistëve, do të ketë viktima.

Arvizu-Sequi

Ambasadori amerikan Arvizu dhe ai i BE-së, Ettore Sequi, i kanë vizituar grevistët gjatë ditëve të tyre të grevës dhe pikërisht mbrëmë Arvizu ka kërkuar dialog të qeverisë me ta, pasi çështja e tyre së pari është humanitare. Ndërsa Ettore Sequi, sot nëpëmjet ekranit televiziv ka kërkuar që shmangen aktet vetëflijuese dhe të rinisë dialogu.

Amnesty International

Amnesty International ka reaguar ashpër ndaj qeverisë për grevën e ish-të përndjekurve politikë në Shqipëri. AI i ka bërë thirrje qeverisë që të respektojë të drejtat e tyre dhe të nisë dialogun me ata.

“Amnesty International mirëpret takimin fillestar të premten e shkuar, që u zhvillua pas ndërhyrjes së ambasadës së SHBA dhe delegacionit të BE, mes grevistëve dhe presidentit Bujar Nishani. Megjithatë, kryeministri Sali Berisha ka vazhduar të theksojë se protestuesit janë të motivuar politikisht. Amnesty International i kërkon atij që të adresojë shqetësimet e tyre dhe të sigurojë që dëmshpërblimi të paguhet menjëherë, pasi ata kanë marrë vetëm 1/8 e dëmshpërblimit”, thuhet në deklaratën e AI.

/Shekulli Online/

[juanito02]

Arvizu: Qeveria të dialogojë, ndryshe të largohet
Shkruar nga: TemA

Ambasadori amerikan: Politikanët shqiptarë janë më të këqijtë për komunikim, të tmerrshëm

Ambasadori i Shteteve të Bashkuara në Tiranë, Aleksandër Arvizu, zgjodhi një ekran pro qeveritar si ABC News për të folur për çështjen e ish- të përndjekurve dhe grevën e tyre të urisë.

Ambasadori amerikan tha në fillim të intervistës se nuk mund të mos shkonte për të dëgjuar grevistët për problemet e tyre.

Duke folur për aktet e vetëdjegies, ai tha se: “duhet të ketë një mënyrë më të mirë për të shprehur ankesat e tua se dhuna ndaj vetes”.

Por ambasadori amerikan u tregua i ashpër kur tha se nëse qeveria nuk dialogon, atëherë duhet të largohet.

“Në një shoqëri demokratike qeveria duhet të bëjë dialog edhe me ndonjë grup që nuk i pëlqen, pasi është detyra jote sepse je zgjedhur. Nëse kjo është e parehatshme, atëherë abdiko nga pozita, largohu dhe lë dikë tjetër,” tha ai.

I pyetur për çështjen e përdorimit të grevës nga politika, ai tha: “pyetja që dëgjon më shumë këto ditë është se a ka manipulim me këtë grevë. Por kjo nuk është pyetja më aktuale. Për mua kjo është një pyetje e pafrytshme. E them këtë me shumë respekt për ndjenjat e njerëzve”.

Madje ambasadori ka sjellë shembullin e Kamboxhias, ku edhe ka shërbyer. Ai tha se në atë vend një çështje kryesore ka qenë gjykimi i drejtuesve të Kmerëve të Kuq. Ai solli në studio një libër, për historitë e tmerrshme të regjimit brutal të tyre.

Arvizu tha se për amerikanët, të përndjekurit nuk janë statistikë, duke dhënë kështu një përgjigje për qeverinë, që përgjigjet me statistika ndaj një greve urie.

Arvizu tha se qeveria mund të kontaktojë me grevistët pa letra e dokumente, por për t’i dëgjuar.

“Mendoj se qeveria mund të bëjë një punë më të mirë për të komunikuar me njerëzit që kanë këto ankesa veçanërisht,” tha ai.

I pyetur për rolin e ndërkombëtarëve në ndërmjetësimin e këtyre çështjeve, ai tha: “e di që ndonjëherë ndërkombëtarët mund të luajnë rolin e një ure që të lehtësohet komunikimi. Jo që të shërbejë si ndërmjetës, por që të lehtësojë njëfarë komunikimi”.

Dhe nisur nga problemi i komunikimit, Arvizu preku një plagë të këtij tranzicioni.

“Nga të gjitha vendet ku kam shërbyer, kam gjetur që zyrtarët e politikanët shqiptarë janë komunikuesit më këqij, të tmerrshëm,” tha ai.

“Më duket se nëse qeveria do kishte dashur të kishte një komunikim të sinqertë me ta, me kamera apo pa kamera, mund ta kishte bërë, por gjithnjë nëse do të kishte dashur,”

[SERAFIM DILO]

paret tona te populllit po shkojne ne xhepat e ish-te perndjekurve dhe ish-pronareve

popull **** qe lejon keto mire te na e bejne

Nuk ka problem,se Ramizi me Nexhmien prap popullit do ja kthejn.(Nuk i shef nipin e Enverit,qe u martua per popullin).

[ATMAN]

Shkrimtari Rexhep Qosja është shprehur se përgjegjës për grevën e urisë të ish të përndjekurve është Kryeministri.

“Duhet të jesh ndjenjërisht i topitur,shpirtërisht i shkretëtuar dhe politikisht i verbër ta shikosh vetëdiegijen e njerëzve me mënjanërinë provokuese me të cilën po e shikon qeveria shqiptare me kryeministrin Sali Berisha në krye”, pohon ai në një shkrim për “GSH”-në.

Qosja thekson se Berisha ka ndërmend sërish të shpallet fajtor edhe me këtë kauzë.

“Siç është fajtori kryesor për shumë vdekje dhe vrasje në vitin 1997, siç është fajtori kryesor për tragjedinë e Gërdecit, siç është fajtori kryesor për vrasjen e katër protestuesve më 21 janar 2011, kryeministri i Shqipërisë, Sali Berisha, duket të jetë fajtori kryesor, në të vërtetë shkaktari kryesor i tragjedisë shqiptare që po ndodh në grevën e ish të burgosurve politik që 24 ditë”, shprehet Qosja.

Ai thekson se Berisha është fajtor sepse ai qeveris me kanun.

“Ky njeri që qeveris Shqipërinë, në të vërtetë që sundon Shqipërinë, kur e kur, si e thotë vetë, me forcën e hekurt të ligjit, e shumë më shpesh me forcën e hekurt të kanunit, me gënjeshtra, me shantazhe, me kërcënime, me mashtrime e me mjete të tjera parapolitike, tiranike e despotike, po i hedh apo mundet benzinë grevës së ish të burgosurve”, deklaron Qosja.

Shkrimtari është shprehur se solidarizohet me ish të përndjekurit politik, por iu thotë jo akteve të vetëdjegieve.

“Doja t’ju them atyre se me grevën dhe vetëdjegiet nuk do ta zgjidhin çështjen më të madhe të Shqipërisë sot: çështjen 22 vjeçare të quajtur Sali Berisha”.

Sipas Qoses pritja dhe shpallja “Qytetar Nderi” e kryeministrit në Deçan të Kosovës reflekton se klasa politike e Kosovës nuk kupton politikisht dhe nuk vlerëson historikisht se ç’po ndodh në Shqipëri.

“Derisa numër gjithnjë më i madh i shqiptarëve kudoqofshin ata dhe numër gjithnjë më i madh i mediave në Evropë e dënojnë sjelljen politike dhe çnjerëzore të kryeministrit të Shqipërisë ndaj ish të burgosurve politikë dhe vetëdjegies së disa prej tyre, në Gjakovë dhe në Deçan, para katër ditësh ai u prit siç nuk priten më vrasësit politikë në botë”, tha Qosja.

[ATMAN]

Fatmir Lamaj vs. Sali Berisha dhe…Robert Mubage

Nga Eduard Zaloshnja

Kur bebeja Sali i Berishajve të Vuçidolit lëshoi klithmën e parë në këtë botë, dy gjyshërit e Fatmir Lamajt po luftonin dhëmbë për dhëmbë me forcat komuniste në Labëri. Ndërkohë, babai i bebushit Sali mirëpriste ardhjen e komunistëve në pushtet dhe, eventualisht, e dërgoi të djaloshin Sali me një valixhe druri në Tiranë, për të filluar ngjitjen meteorike në karrierën mjekësore dhe në aktivitetin në radhët e Partisë së Punës.

Kur Sali Berisha voziste me varkë në Drilon të Pogradecit me të birin e Enver Hoxhës, dy gjyshërit e Fatmir Lamajt kishin vite që u ishin kalbur eshtrat, pas pushkatimit nga partia e babait të shokut vozitës të Sali Berishës (ku ky i fundit militonte) dhe, ndërkohë, rreth 100 vjet burg politik ishin akumuluar në fisin Lamaj.

Kur Sali Berisha dëshmonte në gjyqin kundër heroit anti-komunist Hysen Shoshori, Fatmir Lamaj u arrestua, për t’i shtuar edhe një dekadë tjetër shekullit të burgut politik të akumuluar nga fisi i tij. Dhe kur Sali Berisha kujdesej për shëndetin e Hysni Kapos, Fatmir Lamaj torturohej çnjerëzisht në birucat e burgjeve të labit Kapo.

Në vitin 1991, rrugët e jetës së Saliut dhe Fatmirit u takuan në Vlorë. Saliu, pasi ishte larguar nga partia e babait të shokut të tij të vozitjeve në Drilon, kishte dalë në krye të Partisë Demokratike dhe, gjatë fushatës zgjedhore të atij viti, e takoi Fatmirin e sapoliruar nga burgu. Që prej atij viti e deri në 2009-ën, Fatmiri votoi rregullisht për Partinë Demokratike, sepse, nga shtrëngimi i dorës që kishte bërë me ish-komunistin Berisha, kishte krijuar një bindje të brendshme se ishte penduar sinqerisht për militimin në partinë që i kishte shkatërruar jetën atij dhe gjithë fisit të tij.

Madje, në vitin 2004, një fotografi e madhe e Fatmirit të përgjakur gjatë një protestë kundër qeverisë Nano, ishte përbri një editoriali të Sali Berishës në gazetën Rilindja Demokratike, ku ky i fundit argumentonte se përse duhej bërë një dëmshpërblim i menjëhershëm e i plotë i martirëve si Fatmir Lamaj.

Thyerja e Fatmirit me Saliun ndodhi pas zgjedhjeve të 2009-ës, kur sorrollatjet për të marrë këstet e dëmshpërblimit të premtuar nga Saliu para zgjedhjeve, e bindën më së fundi se atij i interesonte vetëm vota e të burgosurve politikë dhe jo dëmshpërblimi dinjitoz i tyre. Dhe kur mori vesh se bashkëvuajtësit e tij ishin futur në grevë urie në Tiranë, Fatmiri hipi në një furgon dhe shkoi e u ngujua edhe ai me ta.

Dhe vijmë kështu tek dita e pardjeshme. Pardje, Saliu festoi me familjarët e tij datëlindjen, ndërsa Fatmirit i kishin ardhur familjarët ta vizitonin, por grupi policor i drejtuar nga një tropojan besnik i Saliut, nuk i lejoi të futeshin në çadrën e grevës… Saliu gëzon shëndet të plotë, ndërsa Fatmirin deshin ta dërgonin mjekët në spital, por ai refuzoi të dilte nga greva…

Dhe ironia nuk mbaron me kaq. Në ditën kur Fatmiri u deklaroi mjekëve se do të vetëflijohej, Saliu u deklaroi deputetëve të tij, me rastin e datëlindjes së vet, se do të jetojë edhe 34 vjet të tjera dhe se do të qeverisë edhe kaq vjet sa ka qeverisur… Dhe kjo deklaratë e Saliut na çon 10 mijë kilometra në jug të Shqipërisë, ku 88-vjeçari i rrjedhur nga trutë Mugabe po garon për t’u rizgjedhur për të n-tën herë president i Zimbabves…

[Akili-A]

Genjeshtra tjeter banale e qeverise per ish te perndjekurit, eshte manipulimi me 2200 apartamente qe qeveria pretendon se i ka dhene FALAS.

Kur u percaktua vlera per ditet e demshperblimit te burgut, QEVERIA U ZBRITI NGA SHUMA E DEMSHPERBLIMIT NGA 13-15 MILION LEKE TE VJETRA ATYRE QE KISHIN MARRE APARTAMENTE NE VITET 90.
PRA ATA ISH TE PERNDJEKUR QE MOREN APARTAMENTE I KANE BLERE .

[mesuesi_1]

Grevisti Lamaj përfitoi nga privatizimet e Berishës dhe dëmshpërblimin

Privatizoi dhe shiti ish-postën kufitare


Fatmir Lamaj është një ndër grevistët e urisë, të cilët kanë mashtruar në media se ndodhen në këtë grevë urie, pasi qeveria nuk i ka dhënë atij dëmshpërblimin financiar. Ndryshe nga shumica e mbi 20 mijë të përndjekurve politikë të diktaturës komuniste, Lamaj jo vetëm ka përfituar mijëra dollarë, por ka përfituar edhe nga privatizimi i ish-Postës Kufitare në Manastir në Sarandë gjatë vitit 1996. Pasi e ka shndërruar këtë objekt në biznes, Fatmir Lamaj e ka shitur atë duke përfituar një shumë të konsiderueshme. Këtë fakt nuk e ka mohuar dje as vetë grevisti Lamaj gjatë një reagimi mediatik. "Hipotekat sot kanë akses për çdo qytetar, me përjashtim të një reparti ushtarak që u nda me një shokun tim bashkëvuajtës", deklaroi dje grevisti Fatmir Lamaj, i cili në ditët e para të grevës deklaronte për mediat se nuk ka marrë asnjë përfitim nga qeveria si ish-i përndjekur. Por mashtrimi i Lamajt shkon edhe më tej. Lamaj ka përfituar edhe këstin e parë të dëmshpërblimit, i cili shkon në 5 mijë e 600 dollarë, ndërsa është në pritje të këstit të dytë dhe favorizohet të dëmshpërblehet në listat e para, për shkak të vendimit të qeverisë për të dëmshpërblyer fillimisht me këstin e dytë ish-të përndjekurit politikë nën moshën 65 vjeç. Gjithashtu, grevisti Lamaj si i përndjekur politik është favorizuar për t'u punësuar në administratën shtetërore. Në vitet e para të demokracisë, Lamaj ka qenë shef i rendit në qytetin e Sarandës, ndërsa deri ditën e sotme me ndërhyrjen e Institutit të ish-të Përndjekurve Politikë, ai është punësuar si punonjës i administratës shtetërore. Gjithashtu, një nga ish-të përndjekurit politikë që është futur në grevën e urisë, Shpëtim Karamuça nga Elbasani është njeriu, i cili ka përfituar shtëpi banimi prej Berishës, si dhe ka marrë këstin e parë të parave dhe është në pritje të këstit të dytë. Shtëpia e Karamuçës e përfituar nga fondi i banesave të dhëna për shtresën e ish-të përndjekurve politikë ndodhet në lagjen "5 Maji" të Elbasanit. Apartamenti i tij konsiderohet i bollshëm, pasi ka përfituar dy dhoma dhe një kuzhinë dhe gjendet në katin e dytë. Karamuça nuk ka paguar asnjë qindarkë për këtë shtëpi, pasi e ka përfituar atë falas. Po ashtu, Gjergj Ndreca është një ndër grevistët, i cili deklaroi se po hyn në grevë urie, pasi qeveria Berisha nuk e ka dëmshpërblyer me asnjë lek. Ndreca ka mundur të përfitojë nga politikat favorizuese të qeverisë Berisha për ish-të përndjekurit politikë jo pak. Me letrat me vlerë që qeveria Berisha u ofroi kësaj shtrese të nderuar që në mandatin e parë, Ndreca mundi të privatizojë fabrikën e miellit në Laç, duke u bërë aksioneri kryesor i saj. Në regjistrat e privatizimeve rezulton se, Ndreca ka mundur po ashtu të privatizojë edhe kompleksin e rritjes së derrave po në Laç. Këtë kompleks, Ndreca e ka privatizuar së bashku me kushëririn e tij, Nue Lushi. Të dy rezultojnë se kanë pasur nga 50% të aksioneve në këtë kompleks. Konfirmohet, se Ndreca e ka shitur pjesën e tij të aksioneve të kompleksit të derrave, duke përfituar prej saj shumën e 120 milionë lekëve. Kjo tregon fare qartë angazhimin e qeverisë jo vetëm për të dëmshpërblyer ish-të përndjekurit politikë, por edhe për të ndihmuar në integrimin e tyre social. Gjithashtu, këto të dhëna hedhin poshtë deklaratat e këtij grupi ish-të përndjekurish politikë se, greva e urisë është për arsye të mosvëmendjes së qeverisë Berisha ndaj kësaj shtrese.

Kreshnik MERSINLLARI

[Duaje Siveten]

Topi: Indiferentizmi ndaj ish-të përndjekurve politikë, kriminal

Kryetari i partisë “Fryma e Re Demokratike” Bamir Topi ka deklaruar sot nga qyteti i Elbasanit se indiferentizmi nga ana e qeverisë ndaj grevës së urisë të ish të përndjekurve politik është kriminal.

Sipas tij, qeveria nuk ka pasur në plan të parë qytetarin, por veten dhe familjarët e saj.

Ndërsa ka zhvilluar një takim me mbështetësit e FRD-së në qytetin e Elbasanit , Topi ka theksuar se kjo parti do të dijë të komunikojë me qytetarët.

“Partitë e vjetra mashtrojnë me premtimet e tyre, por FRD-ja do të mbajë premtimet”, tha Topi.

[Qyfyre]

Kesti u jepet me pare atyre nen 65 vjec? pastaj atyre mbi 65?