Perfundon greva e urise e te perndjekurve politike

[erriii]

BTW me sa mora vesh asnjeri nuk kishte kerkuar per te ngrene kur dolen nga greva. Te gjithe ishin mbledhur ne nje kafene aty prane e po shplodheshin

hahahah siduket jan shkep tuj honger gjithe diten se skane pas ca me bo tjeter

sa per temen me ne fund mbaroj edhe kjo greve ashtu sic filloj dhe ashtu sic pritej te perfundonte nje greve pa kurrefaren e lidhjes me greven dhe per me teper me nje kryetar qe tani e njohim te gjithe se si i ben punet e shoqatave e te grevave

gjithsesi nga njera ane ja vlejti sepse per disa qe pretendojne pushtet rrugeve te pakten ju jepen arsye perdite e me shume qe pushteti nuk behet rrugeve
rrugeve rrine vetem rrugacet kshuqe le te provoje njehere ne jete te beje pushtet nga tavolina me bisedime dhe me ide te qarta politike jo vetem me idene qe te ike njeri se do vije tjetri sepse me keto mashtrime ka ketu e njezet vjet qe jetojme dhe tani e dime se cfare jane nuk e hame me djathin per sapun

[erriii]

hahaha folni lirshem te gjithe se socialisteve ju ka hik zoni tani qe nuk arriten kurgjo edhe me kete greve
kshuqe nja 1 jave nuk folin ma se skane ca thone

vetem po nxorren eduart shalsin me fol se te pakten ai i shkreti eshte i sinqerte i thote gjonat ashtu si i din hahahahahhahaha

[2043]

hahaha folni lirshem te gjithe se socialisteve ju ka hik zoni tani qe nuk arriten kurgjo edhe me kete greve
kshuqe nja 1 jave nuk folin ma se skane ca thone

vetem po nxorren eduart shalsin me fol se te pakten ai i shkreti eshte i sinqerte i thote gjonat ashtu si i din hahahahahhahaha

Ti mos fol me se flet vetem gabime.
Shalsi i thote gjerat ashtu sic i ndjen e jo ashtu sic i din.

[juanito02]

Ske as ti shosh as ti heqesh shkrimit analitik te Bazes qe si askush tjeter flet per fashizmin berishian dhe ku elementet e demokracise qofshin dhe ekstreme mungojne tershisht.


Letër falënderimi grevistëve të mbijetuar
Shkruar nga: TemA Online

Nga Mero Baze

Vendimi për t’i dhënë fund një greve të gjatë, që po shkonte drejt vetëmohimi tuaj fizik, është lajmi më i mirë që kemi marrë sot. E di që ka plot cinikë zemërligj, që ju donin të vdekur për ëndrrën tuaj të gjallë dhe plot të vdekur, por të pakallur, që ju donin ende në grevë, që të ndjeheshin të gjallë. Vendimi juaj është i drejtë dhe në kohën e duhur, pasi ju nuk ishit më në grevë, por në një burg të improvizuar, jo nën policinë e burgjeve të komunizmit, por nën policinë politiko- krahinore të Sali Berishës, që po ju çonte drejt vdekjes dhe degradimit të grevës. Mungesa fizike e lëngjeve, trisolit, sheqernave dhe medikamenteve, ishin një akt kriminal, i ngjashëm me ato që kanë bërë nazistët apo komunistët në burgjet e tyre politike dhe raciste.

Vendimi juaj për të dalë gjallë nga kjo grevë do t’i dhembë Sali Berishës. Jeta juaj është vazhdimi i luftës me të, ndërsa vdekja juaj do të ishte fitorja e tij përfundimtare mbi ju.

Ai ju donte të vdekur për shumë arsye.

Arsyeja e parë ishte se ju u bëtë katalizatori i një vetëdije të lartë qytetare të Shqipërisë shqiptare, bash pasi Sali Berisha kishte menduar se e vrau shpirtin e protestës në këtë vend më 21 Janar, kur vrau katër demonstrues paqësorë para zyrës së tij, pa i hyrë ende një gjemb në këmbë. Fakti që ju i dolët përballë dhe shkuat drejt vetëflijimit, i kujtoi atij se në këtë vend ka qytetarë, që jo vetëm nuk tremben nga plumbat e tij, por janë gati të vdesin përballë tij.

Kjo është një tronditje serioze për të. Ishte ky akt që e ktheu atë në origjinën e vjetër të sekretarit të partisë, që filloi tu shante e mallkonte si kriminelë ordinerë, si trafikantë e bixhozxhinj. Ishte ky akt që e detyroi atë të hynte në konflikt me gjithë kancelaritë perëndimore dhe të refuzonte kërkesën e tyre të përditshme nga Uashingtoni në Bruksel për tu ulur në dialog me ju. Ai pa tek akti i juaj dështimin e tij për t’i ulur kokën shoqërisë shqiptare dhe nuk kish më në mendje vuajtjet dhe të drejtën tuaj, por makthin për pushtetin e tij. Ishte kjo arsyeja që ai iu donte të vdekur, ndaj dhe filloi t’u vriste përditë pak nga pak me Gestapo-n e tij politike, që e ka nxjerrë nga shpellat e errëta të këtij vendi për të mbrojtur pushtetin e tij.

Arsyeja e dytë përse Sali Berisha u donte të vdekur, ishte vetë historia juaj. Ju ishit miqtë që i qëndruat afër deri në fund Hysen Shoshorit, njeriut që e akuzoi Sali Berishën se e kish denoncuar për ta futur në burg, dhe më pas ishit promotorët e nxitjes së protestës kundër Sali Berishës, duke e poshtëruar atë me një qese mielli ndërsa po hynte në parlament. Ai nuk ua fal kurrë këtë histori. Përpjekja e tij për të qëndruar në pushtet me mitin e të fortit, që nuk pyet për ligje, rregulla dhe jetë njerëzore, u thye prej jush me një qese mielli të hedhur mbi makinën e tij, e cila e detyroi të shtrihej barkas si frikacak dhe të pushonte nga puna 20 policë, që nuk e mbrojtën. Në një farë mënyre me një gjest simbolik, ju i hoqët atij mitin e trimit që nuk pyet për askënd dhe e kthyet në një dordolec qesharak, që filloi pas kësaj të shëtiste shkollë më shkollë me antiplumb për tu folur fëmijëve për kundërshtarin e tij politik. Ai kish dhënë gjithçka që ajo skenë me qese mielli të mos kish ndodhur, por falë jush ndodhi dhe ai nuk ua fal dot këtë.

Arsyeja e fundit përse ai ju donte të vdekur në këtë grevë, është dhe me e rëndësishme për të. Greva juaj vetëmohuese ngjalli një solidaritet të heshtur në Shqipëri. Shoqëria shqiptare heshti duke shprehur simpati për ju dhe e la fushën bosh duke u lënë ballë për ballë me Sali Berishën. Ishte një gjest instiktiv që vinte nga përvoja e saj e hidhur me një vrasës në pushtet, por dhe një përpjekje për të mos i dhënë të drejtë akuzave të tij për nxitjen politike të grevës. Është e vërtetë se ju protestuat vetëm, por më e vërtetë është se Sali Berisha mbeti vetëm përballë jush. Ai nuk pati dot mbështetjen e asnjë grupi politik brenda vendit, nuk pati dot mbështetje as të persekutuarve të tjerë politikë, që janë rrogëtarë të tij. E vetmja që ai mundi të përdorte ishte heshtja e dhjamshme e tyre, e cila e ktheu atë në një “gjeneral të një ushtrie të vdekur”, që nuk i përgjigjej askush. Përveç disa lapangjozëve që ëndërrojnë një ditë që të jenë ushtarë të Sali Berishës, asnjë ish- kolegu juaj në burg apo internime nuk doli në krah të tij. Asnjë figurë e rëndësishme e PD-së nuk doli kundër jush, përveç Presidentit, i cili siç dihet nuk ka më asnjë rëndësi.

Ai ju donte të vdekur pasi me aktin tuaj ju u bëtë përfaqësues të shumicës së heshtur shqiptare. Shumicat e heshtura janë koalicionet më të mëdha që veprojnë në regjime autoritare dhe diktatura. Në një vend ku protesta qëllohet me plumb, opozitat kthehen vetiu në shumica të heshtura. Sali Berisha u donte të vdekur, pasi shpresonte se pas asaj, do t’ia dilte të thoshte që nuk pyes as për ata që vras dhe as për ata që vetëvriten përballë meje.

Akti i ndërprerjes së grevës suaj vetëmohuese ka sot shumë vlerë, pasi mbi të gjitha ju jeni gjallë dhe do ta vazhdoni betejën tuaj. Ju u provuat shqiptarëve dhe botës se Sali Berisha është një udhëheqës jolegjitim, që nuk pranon të flasë me popullin e tij dhe që synon të qeverisë dhe mbajë pushtetin me metoda dhune deri në genocid, siç është gjesti kundër mbijetesës suaj.

Ju u provuat shqiptareve dhe botës se ky vend vuan nga moszbatimi i ligjit, nga mungesa e respektit për lirinë dhe frika nga qëndrimi klasor i pushtetit. Keni bërë mjaft për veten tuaj dhe shoqërinë shqiptare. Vdekja juaj do ta zbehte këtë bilanc, kurse jeta juaj do ta forcojë atë. Vdekja juaj do qetësonte Sali Berishën dhe do dëshpëronte shoqërinë. Mos harroni se më shumë se uria juaj vdekjeprurëse, atë e tremb një qese mielli e juaja mbi kokën e tij. I dhemb më shumë se plumbi.

[POKO]

Digjuni si Burrat

Edison Ypi

Vrasjet e sotme, nga ato me shtypje koke me çekiç, çarje kurrizi me sqepar, prerje koke me kosore ose biçak, sharrim me Kallashnikov, e deri te vetvrasjet, si ato të vetëhelmimit me bar miu, varje në litar në një qoshe të errët të shtëpisë pas shkruarjes së një pusulleje patetike në formë lamtumire, deri tek djegja e vetes me benzinë pretenduar si akt sublim, të gjitha kanë si piksynim vdekjen, të cilën e arrijnë. Me përjashtim të asaj të fundit, djegies së vetes me benzinë. E cila vdekje, si e kanë faktuar përvojat e fundit, për çudi, filloka me fjalë të mëdha që pretendojnë vetflijim, por mbaroka me përzhitje, domethënë me dështim. Kjo dukuri e re përbën një rast kurioz që ngre pikëpyetje, sa mbi principin e vetsakrifikimit, po aq edhe të rrugëve apo metodave të përdorura për ta realizuar vetsakrifikim me sukses të plotë.

Për fat ekzistojnë precedentë që na ndihmojnë për të hedhur dritë mbi këtë fenomen.

Janë rastet e disa femrave, të cilat, në përpjekje e sipër për tu martuar me burrin që lakmojnë, për të provuar; “Ja X-in, ja rashë e vdiqa”, gëlltisin një numur aspirinash, përpëliten ca ditë në shtrat, dhe pas pak nisin nazet dhe avazet e vjetra.

Se ja ç’po ndodh,

E organizojnë grevën në prag të marrjes së Statusit Vend Kandidat për në Bashkimin Europian.

Nga njëra anë s’lënë fjalë për Shtetin dhe Kryeministrin. Nga ana tjetër, po atë Shtet dhe po atë Kryeministër, e ftojnë për bisedime, zgjidhje, marrveshje.

Një herë thonë se greva është ekonomike. Tjetrën herë se është politike. Të tretën herë se greva nuk është as ekonomike as politike. Të katërtën, se greva është edhe ekonomike edhe politike. Të pestën herë s’u merret vesh se ç’thonë.

Nuk tregohen të sinqertë që në fillim, të thonë se, përveçse janë të lirë të bëjnë ç’të duan, edhe të vetdigjen, çfarë kanë bërë në këto vite, por presin që tua “zbulojnë” të tjerët.

Pranojnë që jehonën mediatike të grevës së tyre, pra grevën e ish të burgosurve, ta bëjnë televizionet dhe gazetat e majta plot me pinjoj xhelatësh dhe vampirësh që i kanë futur nëpër burgje, të cilët tani bëjnë sikur u dalin krah viktimave, dhe grevën e përdorin si mjet propagandistik për të marrë pushtetin.

Mes kësaj rrëmuje bie në sy një fjalëshumë. Një qefli i miellit, derrave, benzinës. Një që mbahet sikur i ka hequr ky të gjitha vuajtjet, sikur i ka bërë ky të gjitha burgjet dhe të gjitha internimet e të gjithë shqiptarëve gjatë gjithë kohës së Diktaturës. E dëgjova një ditë këtë të lezeçëm të përzhitur me kokën e fashuar kur tha se flakën nuk ia vuri shoku i vet me çakmak, dhe, për ta konfirmuar në nivel Fishtjan, perifrazoi nga “Lahuta e Malcis”;

“A ke pa shqiptar me sy

që djeg vehten edhe ty?”

Dhe fill pas recitimit shtoi se kishte pas në men me ia vu ai vet zjarrin nja katër a pesë shokëve, duke provuar në këtë mënyrë me gojën e vet se flakën ia ka vënë shoku. Por gaboi dyfish dhe shumfish. Sepse, ja vargjet e plota nga “Lahuta”;

“Krisi Osja atëbotë si luani

mje n’Cetinë i vojti zani

Ah kadal , Nikollë , t’ vraftë Zoti!

se këtu i thonë Oso Baroti

se s’ke pa Shqiptar me sy

që djeg vehten edhe ty!”

Prej të cilave vargjedelfare qartë,

Se perifrazimi nuk është pyetës por konfirmues,

Se Oso Kuk’ shqiptari ato fjalë t’rrepta nuk j’a drejton, si thotë qefliu i miellit dhe derrave, ndonjë shqiptari tjetër, por Knjaz Nikollës, Mbretit të Malazezve që po do me pushtu Vraninën dhe Shkodrën.

Se Oso Kuka nuk fton shqiptarin me djeg shqiptarin, por fton veten për me djeg veten, pastaj Knjazin, Gospodarin.

Në 20 mijë vargje për Oso Kukën, paret përmenden disa herë. Por jo si shpërblim për djelmoshat shqiptarë që mbrojtën Vraninën me në krye Oso Kukën. Paret tek “Lahuta” përmenden për joshjen me pare që Gospodarët u bënin shqiptarve për t’i blerë. Oso Kuka nuk u ble me pare. Oso Kuka u vetdogj për Shqipëri, për Atdhe. Prandaj për Oso Kukën janë ngritur këngë dhe Oso Kuka ka hyrë në Histori.

Dhe është po ky miellacak që i dërgon letër, jo më pak se Zonjës Klinton. Letër plot me gabime dhe kundërthënie. Sikur greva nuk po bëhet për pare por në mbrojtje të një qëllimi të lartë, zbatimit të ligjshmërisë, duke marrë shkas nga një qëllim meskin, zbatimi jo i përpiktë i ligjit për dëmshpërblimin e vetes.

Nuk digjet burri për pare.

Burri digjet për Fe, Mbret, Atdhe, Dashuri, Kanun, Besë.

Burri, sidomos malësori, nuk zemërohet pak, dashurohet pak, urren pak, digjet pak. Burri zemërohet shumë, dashurohet shumë, urren shumë, dhe, po të lypset, nuk përzhitet, por digjet.

Po ndodhin çudira në atë grevë.

Po i kërkojnë pare Kryeministerit sikur Kryeministri paret i mban në xhep, dhe, po të dojë, fut dorën në xhep e ua jep, po të mos dojë s’ua jep.

Po kërkojnë lëngje. Është e çuditshme kjo kërkesa e lëngjeve për një grevë urie, e aq më tepër për një grevë vdekjeje. Greva e urisë, apo e vdekjes, nuk bëhet me lëngje. Greva e Urisë, sa kohë është e tillë dhe jo e rrejshme, në pritje të përgjigjes së kërkesave, bëhet në një ambient të mbyllur ku, veç ajrit që thithet, nuk ka absolutisht asgjë që hahet, pihet, gëlltitet, përtypet. Po erdhi përgjigje e kënaqshme, mirë. Po erdhi përgjigje e pakëndshme, ose po s’erdhi asnjë përgjigje, vjen ajo që vjen, plaka, kosorja, vdekja. Këto janë gjëra elementare për një grevë urie. Kështu ka ndodhur kudo dhe kurdoherë kur janë bërë të tilla greva ku grevistët s’kanë pritur lëngje dhe përkujdesje, por, sado cinike të duket, vetëm përgjigje dhe vdekje.

Pse s’po del Ismail Kadarea në mes të Parisit ta lagi veten me benzinë dhe ta kërcënojë Komisionin e Nobel-it; Ja më jepni çmimin, ja do t’i them Bujar Hudhrit ta ndezë çakmakun të digjem i gjallë ? Sepse Ismaili këto gjëra i di. Po të mos i dinte do ta kishte marrë atë çmim me kohë.

Nga një vend pelegrinazhi dhe mbështetjeje që tashmë do duhej të ishte bërë, çadra e grevës së ish-të burgosurve të Diktaturës është katandisur në vendin më të shkretë. O Perëndi sa pa lidhje dhe sa perverse janë ankesat habitore të klyshave të kurvit për mos mbështetjen e grevës nga qytetarët. Klyshat e kurvit që i vijnë qark grevës si hienat, nuk i bëjnë vetes pyetjen pse s’mbështetet greva, por pyesin qytetarët pse s’e mbështesin grevën.

Është turp i madh Burri të kërkojë pare me përzhitje, njëri benzinën, tjetri çakmakun, i treti batanijen, i katërti që thërret Ambulancën, i pesti që lexon komunikatën e radhës. Këto janë djegie gjysmake. Ju lutem bëni djegje të plota. Digjuni si Oso Kuka. Se, pare, pavdekësi, këngë, lavdi, Histori, Burri nuk merr dot kurrën e kurrës me asgjë tjetër përveçse me vdekje.

[violativo]

kapitalizmi nuk do llafe por do pune
kush shante komunizmin shkonte ne spac apo burrel, kush shan kapitalizmin pret ndihme sociale.

Puna do komunikim , marreveshje dhe zgjidhje problematikash qe te eci ! Dhe kete rol e luan vetem fjala e degjuar !

Cfare po na ben te "zgjuarin" qe do te thote se "fjala" ka lindur kot dhe eshte nje "rudiment" apo mbetje nga majmuni ?

[mesuesi_1]

Dalja nga greva, u ndërpre ushqimi


Gjashtë ish-të përndjekurit politikë kanë lënë dje grevën e urisë dhe ky vendim erdhi pasi Policia e Tiranës, prezente për sigurinë dhe mbarëvajtjen e grevës, bllokoi futjen në këto ambiente të ushqimeve. Grupi i ish-të përndjekurve politikë, që për asnjë moment të grevës së urisë nuk morën mbështetjen e kësaj kategorie, një ditë pas deklaratës së policisë se nuk do të lejonte qoftë edhe Avokatin e Popullit që të furnizonte me ushqime, kanë njoftuar përfundimin e saj. Greva e urisë nisi nga një grup prej 20 individësh, të cilët gjatë 31 ditëve u vërtetua se jo vetëm që mashtruan se nuk kishin marrë asnjë shpërblim nga qeveria Berisha, por edhe që u komanduan nga Partia Socialiste. Shumë prej grevistëve disa muaj më parë kanë marrë pjesë në tryezat politike të Partisë Socialiste për programin elektoral ndaj kategorisë së ish-të përndjekurve politikë.

Greva u përgatit nga PS

Konkretisht, Gjergj Ndreca, Fatmir Lamaj, Agim Kallçaku janë ata që janë deklaruar prej muajsh si pjesë e PS, të cilët në muajin mars dolën për të zgjidhur të drejtat e ish-të burgosurve përkrah Edi Ramës, nipi i ish-anëtarit të Byrosë Politike të PKSH-së, Spiro Koleka, gjithashtu në krah të Gramoz Ruçit, ish-ministrit të fundit komunist, i cili u akuza drejtpërdrejt për vrasjen e 4 të rinjve që kërkonin lirinë në qytetin e Shkodrës. Gjithashtu, përdorimi politik nga Partia Socialiste i grupit të ish-të përndjekurve politikë u vërtetua që në nisje të kësaj greve, kur kjo parti u kujdes të siguronte çadrat, batanijet apo edhe vendin ku do të pozicionohej greva e urisë. Që në nisje të saj, të parët që kanë vizituar grupin e 20 personave ishin kreu i PS-së, Edi Rama dhe ish-Kryeministri socialist, i cili dëmshpërbleu në qeveri jo ish-të përndjekurit, por persekutorët e tyre.

Pjesëtarët e grevës kanë marrë 900 mijë dollarë dëmshpërblim

Në 31 ditë të grevës së urisë u vërtetua gjithashtu se, të 20 personat kishin marrë në një formë apo në një tjetër dëmshpërblim ekonomik, çka rrëzoi kategorikisht deklaratat e tyre se greva ishte ekonomike dhe jo politike. Në një kohë kur grevistët deklaronin se qeveria nuk ka dhënë asnjë dëmshpërblim ekonomik ndaj shtresës së ish-të burgosurve politikë, sipas dokumenteve u vërtetua se 20 grevistët e shfrytëzuar në total kanë përfituar këstin e parë dhe sipas ligjit edhe atë të dytë me lekë privatizimi dhe fabrika në linja prodhimi, objekte apo troje turistike me rreth 900 mijë dollarë. Në 31 ditë të grevës së urisë u vërtetua se Gjergj Ndreca është një biznesmen, i cili ka mundur të përfitojë nga politikat favorizuese të qeverisë Berisha për ish-të përndjekurit politikë jo pak. Me letrat me vlerë që qeveria Berisha u ofroi kësaj shtrese të nderuar që në mandatin e parë, Ndreca mundi të privatizojë fabrikën e miellit në Laç, duke u bërë aksioneri kryesor i saj. Në regjistrat e privatizimeve rezulton se, Ndreca ka mundur po ashtu të privatizojë edhe kompleksin e rritjes së derrave po në Laç. Këtë kompleks, Ndreca e ka privatizuar së bashku me kushëririn e tij, Nue Lushi. Të dy rezultojnë se kanë pasur nga 50% të aksioneve në këtë kompleks. Konfirmohet, se Ndreca e ka shitur pjesën e tij të aksioneve të kompleksit të derrave, duke përfituar prej saj shumën e 120 milionë lekëve. Gjithashtu u vërtetua se Shpëtim Karamuça, grevist nga Elbasani, është njeriu, i cili ka përfituar shtëpi banimi prej Berishës, si dhe ka marrë këstin e parë të parave dhe është në pritje të këstit të dytë. Shtëpia e Karamuçës e përfituar nga fondi i banesave të dhëna për shtresën e ish-të përndjekurve politikë ndodhet në lagjen "5 Maji" të Elbasanit. Apartamenti i tij konsiderohet i bollshëm, pasi ka përfituar dy dhoma dhe një kuzhinë dhe gjendet në katin e dytë. Karamuça nuk ka paguar asnjë qindarkë për këtë shtëpi, pasi e ka përfituar atë falas. Nuk dihet se si kanë ecur punët e tij, por, Karamuça pasi e ka marrë shtëpinë falas e ka shitur atë për një shumë të konsiderueshme parash. Po ashtu, Perikli Shqevi, njeriu i futur në grevë rezultoi të kishte në pronësi një vilë luksoze në Greqi. Shqevi u akuzua se i vuri flakën grevistit tjetër Ndreca. Fatmir Lamaj ishte një tjetër nga grevistët e urisë, të cilët mashtruan në media se ndodhet në këtë grevë urie, pasi qeveria nuk i ka dhënë atij dëmshpërblimin financiar. Ndryshe nga shumica e mbi 20 mijë të përndjekurve politikë të diktaturës komuniste, Lamaj jo vetëm ka përfituar mijëra dollarë, por ka përfituar edhe nga privatizimi i ish-Postës Kufitare në Manastir në Sarandë gjatë vitit 1996. Pasi e ka shndërruar këtë objekt në biznes, Fatmir Lamaj e ka shitur atë duke përfituar një shumë të konsiderueshme. Këtë fakt nuk e ka mohuar as vetë grevisti Lamaj gjatë një reagimi mediatik. "Hipotekat sot kanë akses për çdo qytetar, me përjashtim të një reparti ushtarak që u nda me një shokun tim bashkëvuajtës", deklaroi grevisti Fatmir Lamaj, i cili në ditët e para të grevës deklaronte për mediat se nuk ka marrë asnjë përfitim nga qeveria si ish-i përndjekur. Por mashtrimi i Lamajt shkon edhe më tej. Lamaj ka përfituar edhe këstin e parë të dëmshpërblimit, i cili shkon në 5 mijë e 600 dollarë, ndërsa është në pritje të këstit të dytë dhe favorizohet të dëmshpërblehet në listat e para, për shkak të vendimit të qeverisë për të dëmshpërblyer fillimisht me këstin e dytë ish-të përndjekurit politikë nën moshën 65 vjeç. Gjithashtu, grevisti Lamaj si i përndjekur politik është favorizuar për t'u punësuar në administratën shtetërore. Besim Valteri, një tjetër i futur në grevë me kauzën se qeveria nuk i ka dhënë dëmshpërblim financiar, rezultoi të kishte marrë këstin e parë të parave në shumën 6,071,233 lekë, si dhe ka përfituar si shumë të tjerë një shtëpi 3 + 1 kuzhinë, të cilën e ka shitur më pas duke i lënë të gjitha paratë në bixhoz. Ish-i përndjekuri Valteri nuk ka paguar asnjë qindarkë për këtë shtëpi, pasi e ka përfituar atë falas.

Totozani futi ushqim në grevën e urisë

Avokati i Popullit, Igli Totozani ka futur ushqim në çadrat e grevistëve të urisë, duke shkelur edhe rregullat e një greve urie. Totozani ka vizituar të dielën grevën e urisë që po zhvillonte grupi i ish-të përndjekurve politikë dhe ka hedhur baltë dhe akuza ndaj forcave të policisë që po siguronin rendin dhe jetën e grevistëve. Totozani ka akuzuar policinë se nuk ka lejuar të futet ujë dhe ilaçe te grevistët, por këto akuza sa banale aq edhe të pavërteta janë hedhur poshtë nga Policia e Tiranës. Me deklaratat e tij, Totozani tregoi edhe një herë se është një shërbëtor i bindur i kreut të PS, Edi Rama. Totozani nuk ka shkuar te grevistët për të parë gjendjen e tyre, por ka shkuar me misionin për t'u dërguar atyre ushqime, duke shkelur rregullin elementar të një greve urie. Ndërsa për të fshehur veprimin e tij të paligjshëm, Totozani u mundua të dezinformojë opinionin publik, duke mashtruar se policia nuk ka lejuar të futet ujë dhe ilaçe për grevistët e urisë. Drejtoria e Policisë së Qarkut të Tiranës i ka bërë apel institucionit të Avokatit të Popullit, si një institucion i pavarur, që të respektojë integritetin e tij dhe të mos bjerë pre e manipuluesve të grevës së paligjshme të ish-të përndjekurve politikë dhe të kërkojë ndjesë publike për akuzat e rënda dhe të pavërteta të ushtrimit të torturës apo keqtrajtimit të grevistëve nga ana e punonjësve të Policisë së Shtetit. Nëpërmjet një deklarate për shtyp, Drejtoria e Policisë së Qarkut Tiranë shpreh keqardhjen për deklaratat e pavërteta të Avokatit të Popullit. "Grevistëve të urisë nuk u janë ndërprerë nga ana jonë as ilaçet, as mjekimet apo ndërhyrja mjekësore. Pranë ambienteve të grevës është atashuar gjithë kohën një autoambulancë e pajisur me staf mjekësor, me të gjithë medikamentet e nevojshme. Në këtë kontekst, i bëjmë apel institucionit të Avokatit të Popullit, si një institucion i pavarur në kuptim të Kushtetutës, të respektojë integritetin e tij dhe të mos bjerë pre e manipuluesve të kësaj greve të paligjshme dhe të kërkojë ndjesë publike për akuzat e rënda dhe të pavërteta të ushtrimit të torturës apo keqtrajtimit të grevistëve nga ana e punonjësve të Policisë së Shtetit. Gjithashtu, i bëjmë thirrje Avokatit të Popullit, të heqë dorë nga roli i furnitorit me ushqime të individëve që kanë hyrë në një grevë, të pretenduar si grevë urie", thuhet në deklaratën për shtyp të Drejtorisë së Policisë të Qarkut Tiranë.

Greva, policia mori të gjitha masat për mbajtjen e situatës nën kontroll

Drejtoria e Policisë së Qarkut Tiranë bën të ditur më tej se, në ruajtje të sigurisë së jetës së grevistëve. "Drejtoria e Policisë së Qarkut Tiranë, që në ditën e parë të grevës e në vijim, ka marrë të gjitha masat për mbajtjen në kontroll të situatës, duke organizuar shërbime policore, për garantimin e rendit dhe qetësisë publike, si dhe parandalimit të çdo incidenti të padëshiruar, në vendin ku zhvillohet greva. Pas tentativave për dëmtim nëpërmjet djegies apo vetëdjegies nga dy prej pjesëmarrëve në grevë, Policia e Tiranës rriti edhe më shumë masat e sigurisë, në funksion të një qëllimi të vetëm: Sigurimin e jetës së grevistëve, si dhe për të mos lejuar që pjesëmarrësit në grevën e urisë, në kushte të rënduara psikologjike dhe me ndikime politike nga jashtë ambienteve të grevës të kryenin akte vetëdëmtimi", thuhet në deklaratën e Drejtorisë së Policisë të Qarkut Tiranë.

Skënder Tufa, i dënuar për prostitucion

Greva e urisë e grupit të ish-të përndjekurve politikë u koordinua nga dy persona me precedentë penalë, Skënder Tufa i dënuar 7 vjet për prostitucion në vitin 2004, si dhe Asllan Patrioti i akuzuar për mashtrim ndaj një biznesmeni italian. Përgjatë 31 ditëve, ndërsa pretendonin si kauzë të tyre lirinë, dy koordinatorët lirinë e tyre pas rrëzimit të diktaturës e kishin shfrytëzuar për aktivitete kriminale. Kjo vuri në dyshim edhe vetë pjesëtarët e grevës së urisë, pasi ky kontigjent kriminal nuk u mbështet nga shtresa e ish-të persekutuarve. Skënder Tufa, që drejtoi grevën e urisë, sipas dokumenteve rezultoi i dënuar nga të gjitha shkallët e drejtësisë shqiptare me 7 vite burg për veprën penale të shfrytëzimit të prostitucionit në bashkëpunim, parashikuar nga neni 114, shkronja (a), pika (6) e Kodit Penal të RSH. Arrestimi i tij është bërë më 4 maj të vitit 2004, gjatë një operacioni të forcave të policisë në lokalin ku ai shfrytëzonte dy femra për prostitucion. Provat e paraqitura nga policia dhe Prokuroria faktonin se Tufa në bashkëpunim me shtetasin Gentian XH., shfrytëzonin për prostitucion në një lokal të Tiranës shtetasen Engjëllushe T., dhe Rudina H. Operacioni i policisë është kryer pas sinjalizimeve se, në lokalin ku ushtronin aktivitetin e tyre Skënder Tufa dhe Gentian XH., shfrytëzohej për prostitucion fermrash.

Asllan Patrioti, i dënuar për përdhunim

Edhe bashkëkoordinatori i grevës, Asllan Patrioti, është një i akuzuar për mashtrim dhe presion. Patrioti u arrestua në flagrancë nga Policia e Tiranës, pasi ishte kapur duke i marrë një shtetasi italian 700 euro nëpërmjet mashtrimit dhe presionit. Në njoftimin e Policisë së Tiranës thuhej se, u arrestua në kushtet e flagrancës shtetasi Asllan Ramadan Patrioti, 59 vjeç, banues në Tiranë, duke marrë me anë të mashtrimit shumën prej 700 eurosh shtetasit italian M.N. Shtetasi italian M.N., në muajin qershor 2012, denoncoi vjedhjen e automjetit të tij personal, i cili pas pak ditësh u gjet dhe iu kthye pronarit, nga strukturat e Policisë së Komisariatit të Policisë Nr. 4 Tiranë. Shtetasi italian prej kohësh, pas gjetjes së automjetit të vjedhur ishte nën presionin e shtetasit shqiptar Asllan Patrioti për t'u paguar, pasi pretendonte se kishte ndikuar për gjetjen e automjetit të vjedhur. Shërbimi i Kontrollit të Brendshëm ndërhyri në momentin, që Patrioti ishte duke marrë shumën e eurove. Asllan Patrioti gjithashtu ka qenë i dënuar me vendim të Gjykatës së Tiranës më 22 nëntor 1977 për krimin e marrëdhënieve seksuale me dhunë

Kreshnik MERSINLLARI

http://www.rilindjademokratike.com/R...r/politika.htm


.

[drague]

Per te perfituar kestin e dyte, te gjithe ish te denuarit politike , qe jetojne, duhet te dergojne zyrtarisht Ministrise se Financave CERTIFIKATEN PERSONALE.
Gjithashtu, nese ish te denuarit politike ose trashegimtaret ligjore, kane ndryshime te gjendjes civile, duhet te dergojne prane Ministrise se Financave dokumentacionin shtese


http://www.minfin.gov.al/

[BlueBaron]

Deri tani paskan dale nje dore e mire ordineresh si te burgos politike !!!

[drenicaku]

he paskan perfundu keta qakej greven hmmmmmmm?