Emri Allah

[Skimpo]

Emri Allah
nga Ibnul-Kajjim shkoqitur nga Medarixhus-Salikin 1/41
Emri Allah tregon të gjithë emrat e përsosur dhe cilësitë fisnike në tre mënyra, meqë tregon
hyjninë e Tij e cila përfshin pohimin e të gjitha cilësive të hyjnisë për Të, së bashku me mohimin
e të kundërtave të tyre për Të. Pra, cilësitë e hyjnisë janë cilësi të përsosurisë, duke mos qenë në
çfarëdo ngjasimi me krijimin, dhe të pastërtia nga çdo e metë…
Nga dobitë e shkëlqyeshme të emrit të tij [Allah]
Ibnul-Kajjim ka thënë:
"… Për sa i përket dobive të veçanta të domethënies [së emrit të Tij], atëherë më i dituri midis
krijimit [salallahu alejhi ue selam] ka thënë:'Unë s'mund të të lavdëroj sa duhet [siç Ti e
meriton]. Ti je ashtu siç e ke lavdëruar veten Tënde". [Muslimi, nga hadithi i A'ishes, radiallahu
anha].
Pra, si mund t'i njehsojmë dobitë e veçanta të emrit të Atij që përfshin çdo përsosuri, pakufi, dhe
çdo falënderim dhe lavdërim, ekzaltim dhe lartësim, dhe e gjithë madhështia dhe përsosuria, i
gjithë lavdi dhe bukuria, e gjithë e mira dhe fama, bujaria, shkëlqesia dhe mirësia i takojnë Atij
dhe janë prej Tij.
Ky emër nuk përmendet në sasi të pakët, përveçse e bën atë që të shtohet; as në gjendje frike,
përveçse e largon atë; apo në ndonjë fatkeqësi, përveçse e heq atë; as në gjendje shqetësimi e
ankthi, përveçse i sjell forcë atij; as nga ndonjë në gjendje poshtërimi, përveçse i sjell nder atij; as
në skamje, përveçse ai bëhet i kamur; as nga ndonjë që e ndien veten të larguar dhe të
merakosur, përveçse i sjell atij ndihmë dhe fitore; as nga ai që është në gjendje të çrregullt,
përveçse i hiqet vështirësia; as nga ndonjë i arratisur, përveçse do të gjejë strehë. Pra, ky është
emër nëpërmjet të cilit hiqet shqetësimi, nëpërmjet të cilit kërkohet zbritja e bekimit, dhe
nëpërmjet të cilit lutjet përgjigjen; nëpërmjet tij gabimet përmirësohen, mëkatet fshihen, dhe
veprat e mira afrohen.
Ky është emër me të cilin janë vendosur toka dhe qiejt, me të cilin janë zbritur librat e shpallura,
dhe më të cilin lajmëtarët janë dërguar. Me të janë parashkruar ligjet, nëpërmjet tij janë
vendosur dënimet e parashkruara, dhe me të është parashkruar xhihadi. Nëpërmjet këtij emri
është ndarë krijimi në fatlumët dhe të mjerët. Me të vendoset Dita e vërtetë dhe e llahtarshme,
dhe me të vendosen Peshoret e Drejtësisë, Ura shtrohet, dhe vendosen parajsa dhe Zjarri. Me të
adhurohet dhe lavdërohet zoti i gjithë krijimit. Për të drejtat e këtij emri janë dërguar lajmëtarët,
dhe për të do të bëhet pyetje në varr, dhe për të do të ketë ringjallje. Kundërshtimi bëhet për të,
Page 2
2 MBUROJA.net
gjykimi i takon atij, dhe miqësimi dhe armiqësimi bëhet për të. Nëpërmjet tij ata që e njohin dhe
i vendosin të drejtat e tij, do të jenë të lumturit; nëpërmjet tij ata që janë të paditur për sa i përket
atij dhe i lënë të drejtat e tij, do të jenë të mjerët. Pra, ky është shkaku për krijimin dhe urdhrin,
dhe nëpërmjet tij këto pohohen dhe vërtetohen, dhe drejt tij ata arrijnë përfundim. Krijimi
ndodh nëpërmjet tij, i kthehet atij dhe ekziston për shkak të tij. Nuk ka gjë në krijimin dhe s'ka
urdhër dhe dënim, përveçse nis nga ai dhe përfundon me të. Kjo është çfarë e sjellë atë dhe
shkaku i tij:
"O zoti ynë, Ti nuk ke krijuar gjithë këtë pa qëllim. I pastër je Ti nga kjo. Na shpëto nga
dënimi i zjarrit". [Aali-Imran, 191]