Mos u merzisni o vellezer,ky stan kete bulmet ka,ky eshte temperamenti yne prej kacaku.Shkon tjetri e vret te dashuren pse dashuron nje tjeter duke qene e martuar!!!!!!Sa kilometra i trashe duhet te kete qene ky njeri pervec te keqes qe u beri femijeve te pafajshem?!
Sa per bashkeshortin e saje,ai nuk ka fuqi te ngreje poturet,eshte peme pa ****,po te kishte nder mend te bente gje do ta kishte bere me pare se tani ka marre fund cdo gje o byrazer.Femijet duhet ti marre shteti ne mbikqyrje ose ndonje shoqeri bamiresie se jane gjynaf.
Malsori, thone dhe : " Bej ate qe te them ,mos bej ate qe une bej"
....dhe pse nena nuk eshte me ne jete i ati eshte.
Ngushellime, historia nuk eshte e bukur , prap skishte pse te shkonte deri ne ket akt .
Postuar më parë nga Lexuesi_
Lexues, ketu ligji me vdekje nuk hyn fare. Vrasesi ka mbaruar pune duke e thjeshtuar ne maksimum. Eshte vetekzekutuar.
Ligji me vdekje nuk ka asnje efekt ne keto lloj ekzekutimesh qe perfundojne me vetekzekutimin e autorit.
Mund të shkëpusësh Çunat nga TIRONA, por kurrë nuk mund të shkëpusësh TIRONËN nga zemra e Çunave !!!
-------------------
E moj e nderuar....prej këtij brumi......interesant.....!, pas nja 100 vjetësh ndonjë Shekspir shqiptar, do shkruajë ndonjë tragjedi/mos e dhashtë zoti komedi/, të përmasave evropiane....botërore...
Paramendoje... një femër/të themi grua/,arrinë të fus në bela një fshat,rreth e shtet.....me "bëmat" e saj...
Për "dashurinë" e saj,vdes një fshat...,rreth,shtet e komb... !!!
O bobo...,në kohen kur gjysma e botës tallin b... me namuz,seks e moral ..!,
Te ne,... vdiset për "dashuri"...!
Thot burri i botës,baba i disa kalmojve,"biznismen" në falimentim ,si gjith shqiptarët;-Nuk munda ta kapërdijë tradhëtinë... e b....rës dhe bammmëëëë... !!!
Ku jeni ju dramaturg,komedian e artist, fshati e qyteti...!
Ja brumi për çka të doni; tragjedi.komedi,tragji-komedi,parodi e histori në botimin e verzionin shqiptarë....
Nëse e doni verzionin kosovar,vrasjet i keni për para,fajde,kamata,toka,privatizime e deri për "komb e atdhe"....rallë e për mallë....gjithkah në Prizren,Pejë, e deri te fshati amerikan,me shumë thika...uuuu
Ps.Vetëm mbenda 24 orësh,në Kosovë ka së paku 4-5 vrasje......,sipas gazetave lokale kosovare....hetimet vazhdojnë.....
Ndoshta une nuk po jetokam ne Kosove,ka akcidente komunikacioni,por jo keto lloj vrasjesh,ndoshta nuk jame ne dijeni.....Ps.Vetëm mbenda 24 orësh,në Kosovë ka së paku 4-5 vrasje......,sipas gazetave lokale kosovare....hetimet vazhdojnë.....
Rëndesia e një personi nuk vlerësohet nga hapësira që zë, por nga boshlleku që le kur nuk është më.
Vrasjet ne kosoves brenda 365 diteve jane rreth 150.
psh: Gjilani ne vitin 2010 nuk e ka pas asnje vrasje.
Me sa di ne 2011 edhe Drenasi nuk e ma shenu asnje Vrasje.
“Kush është prej jush pa mëkat, le ta gjuajë i pari gurin në të!”
.Ps.Vetëm mbenda 24 orësh,në Kosovë ka së paku 4-5 vrasje......,sipas gazetave lokale kosovare....hetimet vazhdojnë....
- edhe tek ne ka Malok por jan te integruar ne shoqeri.
- lat nam ju andej , turp i botes.
Vv - Palaço+LISBA :D
05 Tetor 2012 - 09:08 | Shqiperi
Gruaja e vrasësit: E dija se shkonte me Elivertën, kisha frikë të flisja
Nga: ENKELEJDA SKËNDERASI
Gruaja e vrasësit: E dija se shkonte me Elivertën, kisha frikë të flisjaKORCE - Eshtë martuar me dashuri me Viktor Rozhanin. Vitet e fundit, dashuria për burrin që e kishte zgjedhur vetë, i është shkërmoqur. Babai i katër fëmijëve e shkatërroi, e tradhtoi dhe e la me turp. Alma Rozani, bashkëshortja e autorit të vrasësit të trefishtë të ndodhur mbrëmjen e së dielës në fshatin Podgorie të Korçës thotë se do të ishte më mirë që ajo të kishte vdekur. Në një intervistë dhënë për "Gazeta Shqiptare", 47-vjeçarja pohon se e dinte që i shoqi kishte lidhje sentimentale me Eliverta Çoçkën, por nuk guxonte t'i thoshte gjë. Ajo thotë se bashkëshorti ishte shumë i rreptë dhe nuk mund të fliste për gjëra të tilla, dhe se ishte e kushtëzuar nga mentaliteti dhe opinioni në fshat. Ndërkohë, Rozani kërkon që dy familjet e viktimave tu japin besë se nuk do të hakmerren për çmendurinë e burrit të saj.
Sa vite martesë kishit me bashkëshortin tuaj, Viktorin?
Kemi plot 25 vite martesë. Jemi martuar me dashuri, dhe kjo që ndodhi është e çuditshme deri diku. Ne kemi dhe katër fëmijë, Martini është më i madhi, pas tij kam vajzën e martuar në Greqi, Ilirin dhe Elsën.
Si e përjetuat ngjarjen?
Më mirë të kisha vdekur, se të dëgjoja dhe të shikoja këtë që ndodhi. Nuk di çfarë të mendoj, çfarë të besoj më. Por, sigurisht që e vdekur do isha më mirë. Më turpëroi mua dhe fëmijët, këta të fundit m'i la të zhytur në borxhe. Fëmijët i kam rritur me gjak, ndërsa burri im shiti gjithçka që kisha ndërtuar vetë.
Ishit në dijeni të lidhjes jashtëmartesore të bashkëshortit tuaj?
Kishim martesë të lumtur për më shumë se 20-vjet. Vitet e fundit normalisht që dukej ftohja, vonohej në shtëpi, dilte për të punuar dhe një Zot e di se ku përfundonte. Para nuk sillte në shtëpi edhe pse punonte me traktor. Jo vetëm kaq, por nxirrte lek nga shtëpia. Ai mbante kuletën themi ne, dhe e kishte boshatisur. Më pas shiti disa nga pronat, madje mori dhe kredi 8 milionë lekë. Mua më tha se do të ngrinte një biznes të vetin. Kjo nuk u realizua kurrë, pasi Viktori i prishi lekët me atë Eliverta Çoçkën. Erdhën ata të bankës para ca muajve dhe na sekuestruan dhe ca toka të tjera. Tani na ka mbetur vetëm kopshti i shtëpisë. Por siç e tha dhe djali, paska marrë kredi dhe në një bankë tjetër 10 milionë të vjetra. Erdhën dhe na i kërkuan. Nuk dimë se ku do përfundojmë. Mbase ka marrë dhe kredi të tjera (qan). Na shkatërroi të gjithëve, jo vetëm veten e tij. Nuk kam çfarë të them tjetër.
Ju e dinit që burri juaj kishte lidhje sentimentale me Eliverta Çoçkën?
(Fillimisht hesht). Kisha dëgjuar, por nuk doja ta besoja, dhe për më tepër nuk guxoja t'i thoja. Mentaliteti në fshat nuk të lejon të flasësh për të tilla gjëra me burrin. E mbaja brenda vetes, dhe ja çfarë ndodhi.
Mund të na kujtoni momentin e fundit?
Të dielën që shkoi hëngrëm drekë bashkë, dhe më pas Viktori iku në punë. Ai punonte në tokat e banorëve të fshatit për të nxjerrë lekë, se deri në atë pikë ishte katandisur. Një banor që e kishte marrë në punë, më tha që ishte me të duke punuar tokat deri rreth orës 17:00. Më pas, ai na tregoi se Viktori i kishte thënë se "e shikon ku përfundova, po punoj për cigare tek ti. Më parë isha pronar, tani argat. Hajde, hajde si qenka bota". Pastaj i kishte rënë telefoni, dhe Viktori i kishte thënë punëdhënësit se do të kthehej në shtëpi. Por, im shoq nuk u kthye i gjallë.
Po për ceremoninë e varrimit çfarë mund të na tregoni?
Për këtë nuk dua të flas, cilido e kupton se pas asaj që bëri, edhe varrimi ishte i tepërt.
Pse rrini të ngujuar?
Kemi frikë nga ndonjë hakmarrje. Nga të dyja familjet e viktimave kemi frikë. Policia e ka bërë punën e saj. Ka edhe patrulla në fshat, por sërish kemi frikë. Më tepër kam frikën e fëmijëve. Viktori i turpëroi dhe i la dhe në hasmëri. Do doja fjalën e familjarëve të taksistit Feridon Bollguri dhe të familjes Çoçka që nuk do marrin hak.
(er.nu/Gazeta Shqiptare/BalkanWeb)
04 Tetor 2012 - 17:04 | Shqiperi
Vrasja e 3-fishtë, babai i autorit: Im bir gjeti atë që kërkoi. Jo hakmarrje
KORCË- 5 ditë pas krimit të 3-fishtë në fshatin Podgorie të Korcës, që tronditi mbarë opinionin publik, familjarët e tre viktimave vijojnë të qëndrojnë të ngujuar nga frika e hakmarrjes. NEWS24 me ndërmjetësinë e kryeplakut të fshatit Arben Bilinci, ka thyer heshtjen në banesën e autorit Viktor Rozani.
Babai i 52-vjecarit, Enver Rozani, i tronditur nga ngjarja e rëndë tregon se si e mësoi lajmin e rëndë deri tek ceremonia e pazakontë e varrimit të djalit të tiij.
“Erdhi plaka dhe më tha se cfarë ka ndodhur, ka vrarë vetën dhe ka vrarë dhe dy persona më tha. Nuk na ka thënë njeri se cfarë ka ai, as nuk e kemi pikasur as nuk na ka thënë. Unë nuk bëra varrim, pasi nuk i takon respekt për gjënë që bëri. Asnjë nuk doja të lajmërova askënd, por lajmi u mor vesh në lajme. Më erdhë disa njerëz, por nuk doja, i lashë pa drekë, pa bukë, se djali im nuk meritonte respekt”,- rrëfeu babai i 52-vjecarit, Enver Rozani.
I moshuari mes lotëve, rrëfen se 52-vjecari i ka shkatërruar ekonomikisht, pasi i ka zhytur në borxhe. Dikur një biznesmen i fuqishëm në bujqësi vitet e fundit, Viktori u shndërrua në argat që punonte në tokat e të tjerëve për një paketë cigare, pasi të gjitha paratë i kishte harxhuar me Eliverta Çoçkën.
“Vitet e fundit sikur nuk e kishte me qejf punën, ai nuk na tregonte edhe për borxhet. Unë për hesap tim borxhe nuk kam. Ai ka marrë në dy banka dhe nga turpi lashë edhe pensionin tim, pasi me vinte zor se vinin në shtëpi. Kredinë që e mori nuk bëri ndonjë aktivitet”,- u shpreh 77-vjecari.
Por, tmerri i familjes Rozani, 6 anëtarët e së cilës ngrysin ditët brenda 4 mureve të familjes dy katëshe nuk mbaron me kaq. 77-vjecari tregon se nuk kapërcen dot pragun nga frika e një hakmarrjeje të mundshme, ndërsa i bëjnë apel shtetit të ndërhyjë që familjet e dy viktimave të japin besën dhe të mos hakmerren.
“Kjo është gjë e rëndë, por unë kam besim në organet kompetente, kam besim se do na e rregullojnë gjendjen sepse im bir atë kërkoi atë gjeti, hakmarrje s’duhet të ketë. Po të jetë njeri më logjikë ta mendojë”,- bëri apel 77-vjecari.
Ndërkaq, policia e Korcës vijon ende të mbajë banesat e viktimave nga frika e një ngjarje tjetër të rëndë.
(e.m/News24/BalkanWeb)
Regullat e Postimit
Krijoni Kontakt