Ky person u jep grave “pafajësinë e dytë”. Doktori Stefan Gynter thotë se ka ribërë virgjëresha plot 400 gra. Kirurgu intim nga Dyseldorfi i Gjermanisë thotë se është specializuar pikërisht për këtë çështje.
“Kur bëja praktikën time në Bohum vinin shumë gra myslimane, të cilat më pyesnin se a mund ta bëja një gjë të tillë. Në Gjermani atë kohë nuk flitej për një gjë të tillë. Në fund të vitit 2006 shkova në SHBA e sigurova atje teknologjinë e nevojshme”, thotë Gynter.
Sot operon 100 gra në vit. Janë myslimane që jetojnë në Gjermani, por edhe shumë gra të tjera nga Jemeni, Afganistani, Turqia.
“Këto gra kanë vështirësi të mëdha në rast se natën e parë të martesës nuk janë virgjëresha. Unë u them atyre se çfarë është e mundur. Por krahas këtij varianti, që është më i sigurti, në internet mund të gjejnë ngjitëse e madje edhe topa me bojë të kuqe”, thekson doktori Gynter.
Vetëm një kristiane ka operuar ai gjatë gjithë kohës që punon. Bëhet fjalë për një angleze, një besimtare e devotshme. Në një rast tjetër operoi një grua që donte t’i bënte burrit “një dhuratë”.
Operacioni zgjat 45 minuta. Pacientes nuk i mbeten shenja. Në varësi të ndërhyrjes operacioni kushton nga 800 deri në 1200 euro. Në rast se bëhet pas lindjes, kushton 2500 euro.
Por si ndjehet zoti Gynter?
“Në rast se nuk i trajtoj unë, do shkojnë diku tjetër dhe do kenë probleme të mëdha. Natyrisht nuk do preferoja që të marr një porosi të tillë”, theksoi në fund Gynter. /ina/zëri/
Përgjigju Duke Cituar
Postuar më parë nga elsaa
Krijoni Kontakt