Armando Sadiku

[[HD]]

Seria A/ Catania, Siena e Chievo në garë për sulmuesin shqiptar Armando Sadiku





Armando Sadiku vazhdon të tërheqë vëmendjen e klubeve të ndryshme nga disa prej ligave më të rëndësishme në Europë. Sulmuesi 21-vjeçar i Kombëtares shqiptare është bërë objekt dëshirat për një numër të konsiderueshëm skuadrës, pasi golave që i shënon me rregullsi mbrësëlëse i shtohen edhe paraqitjet e mira.

Së fundmi për Sadikun po interesohen tre klube të Serisë A italiane, të cilat kanë nisur një garë të ethshme për të afruar “bomberin” që në 10 ndeshje të Challenge League-s zvicerane ka deri më tani ka realizuar 8 gola te Lugano.

Elbasanasi i ka mahnitur të gjithë edhe me statistikat e një “bomberi” rrace: prej transferimit në Zvicër në vitin 2011, ai ka shënuar në total 36 gola në 49 ndeshje. Një mesatare e frikshme dhe që tregon se tashmë Sadiku është gati për një sfidë të madhe.

Mesatarja e golave të shënuar nga kuqeziu, i ka bindur klube si Siena, Catania apo Chievo që Armando Sadiku është gati për të hedhur hapin e rëndësishëm në karrierë dhe Seria A do të ishte absolutisht një vitrinë shumë e rëndësishme që ai të konfirmohej.

Tre klubet italiane, të cilat i shtohen Genoa-s, që ka qenë e para e cila vëzhgonte Sadikun, e kërkojnë me ngulm lojtarin. Megjithatë, ato duhet të mposhtin konkurrencën e klubeve të tjera europiane.

Përveç interesimit nga skuadrat më të rëndësishme të futbollit elitar në Zvicër, sulmuesi kërkohet edhe në Gjermani. Së fundmi në garën për shërbimet e tij është futur Munich 1860 i Bundesligës II. Këta të fundit janë të gatshëm të paraqesin një ofertë të rëndësishme për ta blerë që prej janarit.

Invesimi i klubit të dytë bavarez do të vijë për të mposhtur konkurrencën nga Seria A, por edhe nga Stuttgarti në Bundesligë dhe Rostov në Premier League-n, ruse.

[goldian]

nga vijne keto informacione aman
se ne kenaqemi vit per vit duke i ngrit ne piedestal keto yjet tone

[[HD]]

Sadiku-gol te Lugano, tani është kryegoleador






Armando Sadiku shënoi një tjetër gol për Luganon në ligën e dytë zvicerane, në një takim në fushën e Vohlenit, por nuk arriti t’u jepte 3 pikët të vetëve. Pasi sulmuesi elbasanas realizoi në minutën e 32-të të pjesës së parë, Vohlen barazoi në të dytën me anë të Nenad Bijeliçit kur kishin mbetur vetëm 7 minuta nga fundi. Me këtë barazim, Lugano ndodhet në vendin e 5-të në Challenge League, me 17 pikë pas 13 takimeve, duke qenë 1 pikë larg vendit të tretë që mbahet nga Vil, por që ka një ndeshje më shumë për të luajtur. Ndërkaq, Sadiku kryeson listën e golashënuesve të kësaj lige me 8 gola, ndërsa pas tij janë Koli e Jahoviç me nga 7 gola. Sulmuesi është vënë edhe në qendër të merkatos në ditët e fundit, ku një sërë skuadrash nga Seria A (Katania, Kievo, Fiorentina) kanë kërkuar shërbimet e tij. Për momentin, sipas informacioneve, oferta më e mirë ka shkuar nga gjermanët e Mynih 1860 (Bundesliga 2).

[[HD]]

[[HD]]

Goli i shenuar ne ndeshjen Shqiperi - Qipro!

[Qyfyre]

Sadiku: Te Dortmundi shkoj me një këmbë

“Te Borusia e Dortmundit do të shkoja me një këmbë”. Kështu thotë Armando Sadiku pas interesimit që kanë shfaqur kampionët e Gjermanisë për bomberin e përfaqësueses kuqezi. Në një intervistë për “Panorama Sport”, sulmuesi elbasanas rrëfen edhe disa nga detajet mbi bisedimet me klubin gjerman.

Armando, kur e morët vesh për interesimin e Borusias së Dortmundit?
U njoftova pak ditë më parë. Më thanë se ishin interesuar zyrtarisht në klubin e Luganos dhe më pas kishin nisur kontaktet edhe me menaxherin tim.
Çfarë menduat kur e morët vesh këtë?
U hutova disi, u gëzova, u emocionova… ishte një përzierje ndjenjash që, për një moment, më trullosi, por e mblodha veten aty për aty. Rregulli numër 1 për mua është: bëj si duhet punën që të takon, më pas shohim se çfarë mund të ndodhë. Nuk dua të zhbalancohem tani te Lugano, sepse do të ishte shumë e rrezikshme.
Në ç’fazë janë bisedimet me Borusian?
Mendoj se janë në fazën fillestare. Ata kanë marrë disa DVD të ndeshjeve të mia dhe besoj se gjatë kësaj kohe edhe do të më monitorojnë nga afër. Gjithashtu, një menaxher i klubit të Borusias ka nisur kontaktet me menaxherin tim. Kaq mund t’ju them, se kaq kam marrë vesh deri tani, sinqerisht.
Nëse bisedimet shkojnë mirë, çfarë do të bëni?
Do të shkoj me një këmbë… (qesh). Pyetje është kjo?! Janë kampionët e Gjermanisë, si mund të refuzohen?!
Po, por pak javë më parë deklaruat se nuk shkuat te Torino pasi kishit frikë se përfundonit në stol…
Po, e kam thënë dhe nuk kam gënjyer. Unë nuk isha gati që të kaloja direkt nga një klub si Lokarno te Torino, sepse nuk kisha as eksperiencën e duhur dhe as vetëbesimin e duhur. Tani gjërat janë më ndryshe, por po ju them gjithashtu se Torino nuk është njësoj me Borusian…
Ju për cilën skuadër të huaj bëni tifo?
Për Interin. Jam një tifoz i thekur i kësaj skuadre dhe gjithnjë kam ëndërruar që një ditë të luaj në “San Siro” me fanellën zikaltër…
Flitet se kanë shfaqur interes edhe Fiorentina me Sienën. Nëse zgjidhni një prej tyre, mund të luani të paktën kundër Interit…
Nuk është kaq e thjeshtë. Ato janë skuadra të mira, por të mos e ekzagjerojmë. Interesimi dhe vëzhgimi janë larg me ofertën dhe me konkretizimin e transferimit.
Dukeni sikur jeni pak i trembur…
Jo, jo, nuk jam i trembur. Përkundrazi, ideja se mund të luaj në një klub të madh më ekzalton pa masë, por duhet të bëj kujdes. Nëse të “rrëshqet këmba” në një moment, është e vështirë të ngrihesh. Unë dua t’i bëj gjërat me radhë dhe të eci mirë.
Të flasim pak për Kombëtaren. Më 14 nëntor luhet në Zvicër, në Gjenevë, një miqësore me Kamerunin…
Dua të jem në atë ndeshje. Besoj se do të jenë afro 10 mijë shqiptarë, por ndoshta edhe më shumë. Këtu që tani ka nisur interesimi dhe disa të njohur më kanë kërkuar bileta.
Ua keni gjetur biletat të paktën?
… (Qesh). Jo, jo e kam të pamundur. Më duhet të lë stërvitjen dhe të shkoj të kërkoj bileta, që t’i kënaq të gjithë.
De Biazi ju vlerëson shumë, por lojtari që kritikoi më tepër pas fitores me Slloveninë ishit ju… A u mërzitët?
Jo, mua nuk m’u dukën kritika. Ai tha se Sadiku nuk bëri si duhet atë që i thashë, sepse kishte shpenzuar shumë energji në ndeshjen e parë. Nuk mendoj se këtu ka ndonjë gjë për t’u mërzitur. Në ekipin përfaqësues unë nuk luaj si sulmues i mirëfilltë, por shumë i tërhequr dhe më duhet të vrapoj tej mase.
Si është raporti juaj me De Biazin?
I shkëlqyer. Fatmirësisht këtu në Zvicër e kam mësuar mirë italishten, çka më ndihmon ta kuptoj mirë se çfarë kërkon ai prej meje. Mua më bën të ndihem i rëndësishëm dhe, për aq kohë sa kam besimin e tij, gjërat janë në rregull.
Po jashtë fushës a keni kontakte me të?
Po, ai ka një interesim konstant. Më telefonon ose dërgon mesazhe pas ndeshjeve të fundjavës dhe më pyet se si shkoi ndeshja, se si jam me shëndet dhe të tjera gjëra teknike. E vlerësoj shumë për këtë, sepse do të thotë se më ka në konsideratë.

[[HD]]

Dortmundi interesohet per Armando Sadikun



Armando Sadiku është nën lupën e Borusias së Dortmundit. Sulmuesi i Kombëtares shqiptare, i cili prej kohësh monitorohet nga Siena dhe Mynih 1860, së fundmi ka tërhequr vëmendjen e kampionëve të Gjermanisë. Lajmin e konfirmon vetë menaxheri i futbollistit 21- vjeçar, Sokol Haxhia, në një deklaratë për mediat gjermane. “Sadiku është një lojtar shumë i kërkuar për shkak të karakteristikave që ka. Te Lugano ka ecur mjaft mirë, megjithëse luan aty prej pak kohësh. Por të mos harrojmë se ai po ecën me ritme të mira edhe në ekipin kombëtar, ku ka fituar tashmë vendin e titullarit. Përveç disa klubeve që janë përmendur deri tani, mund t’ju them se për Sadikun ka shfaqur interesim edhe Borusia e Dortmundit”, – ka deklaruar menaxheri i sulmuesit për “wa.de”. Armando Sadiku u transferua këtë verë nga Lokarno te Lugano në Kategorinë e Dytë të kampionatit zviceran. Në 10 ndeshje me ekipin e Luganos, sulmuesi nga Elbasani ka realizuar 8 gola. Ndërkohë që në tri ndeshje me ekipin përfaqësues ai ka shënuar një gol. Pak ditë më parë presidenti i Luganos pohoi se sulmuesi shqiptar me shumë mundësi do të largohet nga skuadra në merkaton e janarit.

[BlueBaron]

Me behet shume qejfi qe ky çun po ecen mire. Nga sa lexova i pelqeka te rrije edhe me kembe ne toke. Nje tjeter plus per te. Do te me pelqente shume t'a shikoja ne Serie A. Nqs eshte golshenues ne Serie A, eshte golshenues ne çdo kampionat dhe stadium te botes.


Zoti e ndihmofte !!!

[Qyfyre]

Dortmundi do ishte fantastike po ky menaxheri Sokol Haxhia e kam ven re qe e ka zakon te permendi emra te medhenj per lojtaret per te kriju interes. Gjithesesi cdo skuader ne Serie A apo Bundesliga do ishte shume mire

[[HD]]

Super-Sadiku arrin kuotën e 9 golave






Armando Sadiku po kalon një moment të jashtëzakonshëm te Lugano, edhe pse nuk mund të thuhet e njëjta gjë për skuadrën e tij. Sulmuesi i Kombëtares shqiptare ka shënuar sërish gol dje, duke arritur në kuotën e nëntë të tillëve në 11 ndeshje. Megjithatë, skuadra e Sadikut nuk ka ditur të ruajë avantazhin e krijuar nga shqiptari që në minutën e 24-t, pasi është përmbysur nga Uinterturi me 2 gola dhe në fund e ka humbur ndeshjen. Në fund të takimit, sulmuesi kuqezi është vlerësuar si lojtari më i mirë i Luganos jo vetëm për golin e shënuar, por edhe për paraqitjen në tërësi, duke marrë nota të larta për shpirtin e sakrificës.

Situata

Lugano momentalisht ka 17 pikë dhe është 16 pikë larg kryesuesve të kampionatit, Araut dhe ëndrrat për t’u ngjitur në Superligën zvicerane janë venitur. Kjo mund të sjellë edhe ndryshime drastike në klub, që mund të prekin edhe sulmuesin e Shqipërisë, Armando Sadikun. Për bomberin kuqezi interesohen disa klube të njohura të futbollit perëndimor, pasi ka pasur interesim nga skuadra gjermane, angleze dhe italiane. Emri i tij është lakuar edhe në korridoret e Borusia Dortmundit, ku vetë menaxheri i sulmuesit ka pohuar interesimin e kampionëve të Gjermanisë për futbollistin elbasanas. Nga shkurti i vitit 2011, Sadiku ka realizuar 36 gola në 49 ndeshje në kategorinë e dytë zvicerane. Vitin e kaluar ai ishte golashënuesi më i mirë te Lokarno. Gjatë verës, Lugano pagoi 415 mijë euro për kartonin e Sadikut, ndërsa vetë lojtari përfiton rreth 166 mijë euro në vit.