A mendoni se do fitoje Kreshnik Spahiu ne votimet 2013

[EuroStar1]

Qesh station qesh , se po ju vje radha

Aleanca Kuq e zi nis fushatën e publikimit të dosjeve të politikanëve shqiptarë

Aleanca Kuq e zi ka avancuar fuqishëm fushatën e saj opozitare, duke paralajmëruar publikimin e dosjes penale për të gjithë politikanët shqiptarë, të cilët sipas AK-së kanë kryer krime apo vepra penale. Dhe këtë fushatë, forca e re politike e qendrës e ka nisur pikërisht me Kryeministrin Sali Berisha, i cili sipas AK-së ka kryer veprën penale të “tjetërsimit të territorit të vendit”, duke iu referuar marrëveshjes së ujërave me Greqinë, që u hodh poshtë një vit më parë nga Gjykata Kushtetuese. Gjatë ditës së djeshme, Kreu i Aleancës Kuq e Zi thirri Departamentin Juridik me juristët dhe ekspertët e ligjit për të komunikuar nisjen e fushatës “Fytyrat e krimit”. Sipas kësaj fushatë, Aleanca Kuq e Zi do të hetojë dhe do të përgatisë dosjen penale për çdo politikan apo funksionar të lartë të shtetit që kryen krime.

Fotot e politikanit, vendi i krimit dhe referenca ligjore do t’i tregohen publikut, por dhe dosjet do të dërgohen në Prokurori nga juristët e Aleancës Kuq e Zi. Departamenti i ligjeve i Aleancës Kuq e Zi publikoi dje posterin e Kryeministrit Berisha, foto e të cilin ishte ndërtuar me vendngjarjet e krimeve të kryera nga 1997 deri në marrëveshjen e ujërave, të cilën AK-ja e cilëson si marrëveshja “për dorëzimin e territorit të kanalit të Korfuzit, pjesërisht në favor të shtetit grek”.

Kreu i Aleancës Kuq e Zi, Kreshnik Spahiu, deklaroi dje se: ”Parlamenti i ri Kuq e Zi, si dhe qeveria e kuqezinjve pas pak muajsh do t’i japin fund amnistisë që demokratët dhe socialistët i bënë njëri- tjetrit. 8 vite qeverisje demokratësh nuk u ndëshkua asnjë socialist dhe 8 vite socialistësh nuk u ndëshkua asnjë demokrat. Për këto arsye Aleanca Kuq e Zi ka vendosur të nisë me dosjen e parë penale, që i përket shtetasit Sali Berisha, për veprën penale të parashikuar nga:

Neni 208 i Kodit Penal. Në këtë nen theksohet: “Dorëzimi plotësisht apo pjesërisht i territorit të një shteti apo fuqie të huaj, me qëllim për të cenuar pavarësinë dhe integritetin e vendit, dënohet me burgim jo më pak se pesëmbëdhjetë vjet ose me burgim të përjetshëm”. Ndërkaq, në nenin 210 të Kodit Penal, bëhet e ditur se “Marrëveshja e bërë me fuqi apo shtete të huaja për dorëzim pjesërisht ose tërësisht të territorit apo të forcave të armatosura e materialeve mbrojtëse, me qëllim për të cenuar integritetin e vendit, dënohet me burgim nga pesë gjer në dhjetë vjet”. Kreshnik Spahiu i kërkoi Departamentit juridik dhe ekspertëve që të punojnë për dosjen e shtetasit Sali Berisha dhe ta përgatisin atë përpara 100- vjetorit të Pavarësisë. Kjo dosje tashmë duhet referuar në vendimin e Gjykatës Kushtetuese, ku qeveria e kryesuar nga Kryeministri Berisha ka shkelur hapur kushtetutën dhe integritetin territorial të Republikës së Shqipërisë”. Ndër të tjera, kreu i AK-së bëri të ditur se “Është në moralin e një shoqërie që jo vetëm të vlerësojë heronjtë dhe rilindësit, por edhe të ndëshkojë tradhtarët e kombit apo ata që kryejnë krime. Shteti dhe shoqëria shqiptare nuk do të kenë stabilitet, nëse nuk do të vendosim një shtet të hekurt ligjor nëpërmjet ndëshkimit të qeveritarëve që kanë kryer krime, ky është respekti më i madh që ne mund të kemi për historinë dhe integritetin e vendit. Shqipëria ka nevojë të aplikojë për modelin kroat që të dërgojë në bankën e të akuzuarve ish-kryeministrin Sanader si precedent besimi për t’iu hapur dyert në procesin e integrimit Europian”. Kjo nismë e Aleancës Kuq e Zi do të vazhdojë të zbatohet për çdo ministër, deputet, kryetar bashkie, komune demokrat dhe socialist që ka kryer vepra penale, me qëllim që publiku të jetë i ndërgjegjshëm që pas disa muajsh një shtet i ri do të pastrojë vendin nga politikanët kriminelë.

[Station]

Ku e provove Kreshnikun ti qe krijove kete opinion ?

Më kujtohet andej nga 1992 morën një plakë pa dhëmbë në itervistë në mes të arës (se atëhere punohej akoma) Euro.
Ishte fjala për Saliun dhe plaka thoshte:
"Ta provojmë njëher dhe këtë se në dor e kemi e heqim prapë"

[EuroStar1]

Më kujtohet andej nga 1992 morën një plakë pa dhëmbë në itervistë në mes të arës (se atëhere punohej akoma) Euro.
Ishte fjala për Saliun dhe plaka thoshte:
"Ta provojmë njëher dhe këtë se në dor e kemi e heqim prapë"

E mo mjaft i provuam 50 vjet komunistet, pastaj 20 vjet te bijte e komunisteve, tani te provojme te rinjet qe vijne me premtime te reja. Mjaft ja kemi shitur bycen Grekut dhe Serbit. Ka ardhur koha te kemi dinjitet si popull, qofte brenda kufive por edhe jasht tyre

[BEHARI]

Veshtire qe Shqiptaret te mashtrohen nga Kreshnik faqeziu I korruptuar!

[user010]

Bravo euro.. këtë nënvizova unë midis të tjerave:

Mes shumë gjërave 8 vite qeverisje demokratësh nuk u ndëshkua asnjë socialist dhe 8 vite socialistësh nuk u ndëshkua asnjë demokrat.

Nuk di kush do vi në qeveri, për AK nuk kam opinion, të paktën mos të vinë prapë ata rrugaçët e PS/PD që ngelën me tu rrahur dhe me tu sharë si rrugaçët më të fundit.

[gjirfabe]

Degjo mua o evroprotoidh,

Hiç merak mos ki ti nga sa shkruajn keta me lart .

Te gjithe ja futin kot.

Ky Niku jo vetem qe do mari Tufen e Caqes, po rrezik do dali dhe mbi PS.

Po s'beson mua, shiko votimet popullore te gazeta shekuli.

E ti e di, ajo i ka nga hera gjerat sagllam.

Suksese ne 2017 te fitoni dhe Unazen e Koços,

se Tufen e Caqes e qerdhepset kete rradhe.


.

[EuroStar1]

Si te ka then Saliu o gjirafe

Ta hedhesh shkrimin me ngjyre blu mbi fush te bardhe ? Se me ke flamur me ngjan sme kujtohet

[Antiproanti]

...

Nuk di kush do vi në qeveri, për AK nuk kam opinion,...

Per te gjithe qe nuk kane opinion, ja programi i AK:

PREAMBULA

Aleanca Kuq e Zi (AK) beson se zhvillimi social, ekonomik e politik i Shqipërisë mund të garantohet vetëm nga zbatimi i parimeve demokratike të shtetit ligjor përmes forcimit të integritetit, sovranitetit dhe dinjitetit kombëtar në mbrojtje të vlerave kushtetuese të vendit e simboleve kombëtare.

Aleanca Kuq e Zi (AK) është krijuar për t`iu përkushtuar mbrojtjes së Kushtetutës së Republikës së Shqipërisë, mbrojtjes së dinjitetit njerëzor duke e shndërruar në një simbol rezistence për cështjen kombëtare.

Aleanca Kuq e Zi (AK) nuk është mohimi i vlerave, arritjeve dhe kontributeve të deritanishme të vendit, por është ofertë e re, atdhetare dhe demokratike me misionin dhe vizionin e saj historik për një Shqipëri tjetër.

Aleanca Kuq e Zi (AK) është mbyllja e tranzicionit dhe nisja e një faqe të re politike. AK nuk është e kaluara e hidhur politike, por ajo është e tashmja dhe ardhmja e çdo qytetari dhe e vetë kombit.

Aleanca Kuq e Zi (AK) është energji pozitive, forcë mobilizuese qytetare, pra është aleancë qytetare; është energji e rinisë shqiptare, pra është aleancë rinore; është energji e mendimit intelektual shqiptar, pra është aleancë intelektuale.

Aleanca Kuq e Zi (AK) është alternativë reale, e besueshme politike për një qeverisje të re bazuar në ndjenja patriotike dhe vlera demokratike; është kundër polarizimit politik, por pro bashkimit politik; është kundër konfrontimit të skajshëm, por pro kompromisit historik; është kundër krizave permanente politike, por pro konsesusit për cështje madhore kombëtare e publike; është kundër diferencimit ekstrem shoqëror, por pro kohezionit social të shoqërisë shqiptare;

Aleanca Kuq e Zi (AK) mbështet aspiratën shekullore të shqiptarëve për Bashkim Kombëtar. AK mendon dhe beson se bashkimi i shqiptarëve duhet të ndodhë në një dicka më të madhe se sa vetë Shqipëria. Bashkimi i shqiptarëve duhet të jetë në linjë me parimet dhe strategjitë e Bashkimit Europian. AK angazhohet për të respektuar të Drejtën Ndërkombëtare në Fuqi dhe njeh si normë të përgjithshme të së Drejtës Ndërkombëtare principin e vetëvendosjes së popujve.

Aleanca Kuq e Zi (AK) është lëvizje politike moderne dhe konstitucionaliste, tërësisht paqësore e demokratike;

Aleanca Kuq e Zi (AK) mbetet tek binomi i pandarë: kombi dhe demokracia, pa demokraci nacionalizmi përbën kërcënim dhe pa nacionalizëm demokracia është dështim. Demokracia e kombi janë dy të mira plotësuese që garantojnë mirëqënien sociale dhe organizimin social funksionues.

...

Programi i plote (DOC)

[Edvin83]

Ja dhe rezultati i sondazhit te shekulli per voten ndaj partive ne Shqiperi, qe e kopjova tani, ne oren 11:15 te 25 shtatorit.
Pra sic e shohim, ka goxha pjesemarrje, rreth 8000 votues, qe ne statistika do te perbenin nje kampion te mjaftueshem per rezultate. Megjithese vlera e nivelit te gabimit mund te jete disa perqind, prape shihet qe ne keto zgjedhje do te kemi 3 parti qe do te dalin me perqindje te peraferta. Ka shume mundesi qe PD te marre 35%, PS 35%, AK 20 %, e partite e tjera perqindjet e tjera. Ak ka thene qe nuk do te beje koalicion as me PD e as me PS, prandaj pergatituni per nje periudhe te gjate me qeveri teknike, ose ka rrezik te behet ndonje qeveri e perzier, pa nje shumice absolute.



Nëse zgjedhjet parlamentare do të mbaheshin sot për kë parti do të votonit?

PS 31.14% (2,462 vota)

AK 24.59% (1,944 vota)

PD 18.71% (1,479 vota)

Asnjërën 9.85% (779 vota)

FRD 7.73% (611 vota)

LSI 1.51% (119 vota)

Tjetër 1.23% (97 vota)

PDK 1.16% (92 vota)

PDIU 0.97% (77 vota)

PBDNJ 0.83% (66 vota)

LZHK 0.76% (60 vota)

PSD 0.65% (51 vota)

PLL 0.58% (46 vota)

PR 0.29% (23 vota)


Vota totale: 7,906

[EuroStar1]

Edvin

Po u perzi AK-ja me PD apo PS, ja kam bo M***n i pari

Une per kete arsye do e votoj, qe te jete larg felliqsirave qe na kan sunduar deri me sot