Ndarja e Kosoves?!

[Antiproanti]

Haziri: Luginën për një pjesë të Veriut

Idetë për ndarje dhe shkëmbim territoresh midis Kosovës dhe Serbisë sa vijnë e shtohen në prag të dialogut të paralajmëruar në nivele të larta politike mes dyja qeverive.

Kryeministri serb, Ivica Daçiq ka përsëritur këto ditë, atë që ai e cilëson si mendim të tij individual, se ndarja e Kosovës do të ishte zgjidhja më e mirë.

Kurse në Prishtinë, ka mendime që prekja e kufijve dhe tërësisë territoriale do të duhej të ishte reciproke, duke aluduar në shkëmbimin e territoreve.

Deputeti i Lidhjes Demokratike të Kosovës, Lutfi Haziri për një kohë më të gjatë ka lansuar idenë e tij që Kosova dhe Serbia të ridefinojnë kufirin.

Ideja e tij aludon në kufirin mes dyja vendeve që ka ekzistuar deri në vitin 1956. Sipas kësaj ideje, Kosova do të merrte brenda kufijve të saj komunat jugore të Serbisë, Preshevën, Medvegjën e Bujanocin, kurse Serbisë do t’i ktheheshin Leposaviqi dhe disa fshatra të Zubin Potokut.

“Definimi i kufirit i zgjidh problemet tjera. Përmes një dialogu politik, të natyrshëm dhe pranueshëm për të dyja palët duhet të zgjidhet problemi i shqiptarëve në lindje të Kosovës (jug të Serbisë) dhe ai i serbëve në veri të Kosovës duke e vendosur parimin e kufirit të vitit 1956, atëherë kur reforma agrare në ish-Jugosllavi apo kur politika serbomadhe e fshehur në petkun e komunizmit ka bërë ndryshimet të territoreve për shkak të ndryshimit demografik në Kosovë”, thotë Haziri për Radio Evropën e Lirë.

Ndërkohë, pozicioni i Serbisë në prag të dialogut të ardhshëm me Kosovën, aktualisht po prezantohet me dy e më shumë alternativa.

Përderisa kryeministri Daiçiq prezanton pikëpamje personale për ndarje të Kosovës, shefi i Zyrës për Kosovën në Qeverinë e Serbisë, Alleksandar Vullin thotë se ende nuk ka asgjë konkrete lidhur me bisedimet, nivelin dhe temat që do të trajtohen.

“Mos prisni nga ne, pasi që nuk është as praktikë diplomatike që të dalim me dokumente dhe qëndrime përfundimtare, përderisa pala tjetër nuk është deklaruar se a i dëshiron në fakt bisedimet politike”, thekson Vullin.

“Tash për tash ne kemi gatishmërinë për bisedime teknike dhe zbatimin e marrëveshjeve të arritura. Dhe, në momentin kur pala tjetër të deklarohet për bisedime politike si edhe bashkësia ndërkombëtare, të njëjtin moment do ta keni edhe përgjigjen e Serbisë”, thotë Vullin.

Në anën tjetër, deputeti Lutfi Haziri thotë se Serbia po përgatitet që të hyjë në dialog me Kosovën me zgjedhje opsionale duke ofruar qoftë alternativën e ndarjes së veriut apo statusin special për atë pjesë.

Të dyja zgjidhjet, sipas tij do ta defunksionalizonin shtetin e Kosovës, andaj ai mendon se edhe pala kosovare duhet të ketë një plan B para se të hyjë në procesin e ardhshëm të bisedimeve me Serbinë.

“Tani kemi ardhur në një kohë kur edhe Kosova duhet të bëj zgjedhje opsionale dhe duhet të ketë panin B. Fundja unë besoj që një dialog politik në këtë kohë që jemi i zgjidh problemet dhe me një marrëveshje paqësore në mes Kosovës dhe Serbisë rreth territoreve mund të përballohen vështirësitë kryesore që kemi me Serbinë. Nuk mund të ketë normalizim dhe pajtim me Serbinë pa i zgjidhur problemet e hapura që lidhen edhe me territorin edhe me luftën e fundit në Kosovë”, thotë Haziri.

Deputeti Haziri mendon se faktori politik në Kosovë fillimisht duhet të ulet dhe gjejë një konsensus të brendshëm politik në lidhje me planin B në këto bisedime dhe në kohën më të përshtatshme të hyjë në bisedimet me Serbinë për të diskutuar për çështjet dhe temat e hapura.

Sidoqoftë, opsionet për ndarje, shkëmbim territoresh apo ridefinim të kufijve në Ballkan, nga faktori ndërkombëtar që nga shpallja e pavarësisë së Kosovës janë konsideruar të mbyllura.

Por, këto tema janë trajtuar në vazhdimësi nga politikanë të ndryshëm për shkak të problemeve dhe vatrave të hapura të krizave që janë të pranishme në shumë vende të rajonit dhe efekteve zinxhirore që prodhojnë secila prej tyre. /rel/
http://www.zeri.info/artikulli/1/1/5...ese-te-veriut/

[ARIANI_TB]

Nuk do te ket ndarje te Kosoves, jo perderisa eshte Hashim Thaci ne krye. Ndarja e Kosoves edhe deshire e levizjes huliganese V.V, kjo e fundit e sheh si mundesi te ardhjes ne pushtet vetem permes dhunes dhe duke perdor si pretekst patriotizmin (edhe pse nuk jane te deshmuar).

Prandaj kjo Qeveri nuk do lejoj ndarjen e Kosoves.

[Mexhi]

Presheva, “patatja” e nxehtë e rajonit

Lugina e Preshevës, një rajon që deri pas Luftës së Dytë Botërore ishte pjesë e Kosovës dhe ku jetojnë mijëra shqiptarë, me vite të tëra vazhdon të mbetet një tabu temë e Ballkanit, madje nuk mungojnë edhe cilësimet se ajo është një “fuqi baroti”. Nëse i pyet banorët e kësaj ane se cilit rajon i takojnë, ata nuk hamenden për të thënë se janë nga Kosova Lindore, por në fakt që Presheva, Medvegja e Bujanoci, nga viti 1945 i takojnë Serbisë. Jeta për shqiptarët e atjeshëm nuk është aspak e lehtë, ndërsa para disa viteve, morën edhe armët në dorë përmes Ushtrisë Çlirimtare të Preshevës, Medvegjës dhe Bujanocit. Tani, në momentet kur Prishtina dhe Beogradi zyrtar janë shumë pranë tavolinës së bisedimeve, autoritetet e kësaj pjese kërkojnë inkuadrimin e tyre, me pjesëmarrje të drejtpërdrejtë apo edhe me vet hapjen e temës për Luginën e Preshevës, njëlloj sikurse për serbët e veriut. Sinjali i parë se Lugina e Preshevës do të jetë një tjetër patate e ngrohtë në duart e Prishtinës dhe Beogradit u konfirmuar drejtpërdrejt nga autoritetet e kosovare. Çështja e tri komunave me shumicë shqiptare nën administrimin e Serbisë, Preshevës, Bujanocit dhe Medvegjës do të zë vend në dialogun mes Kosovës dhe Serbisë, ka thënë zëvendëskryeministri i Kosovës, Hajredin Kuçi. Ai ka potencuar se avancimi i të drejtave kombëtare të shqiptarëve që jetojnë në Serbi do t’i kontribuonte jo vetëm normalizimit të marrëdhënieve të Kosovës me Serbinë si dy shtete fqinje, por edhe paqes dhe stabilitetin në rajon. Sipas tij, nuk mund të bëhet fjalë për normalizim të raporteve Kosovë-Serbi, në kurriz të shqiptarëve të Luginës.



Sa për serbët e veriut, aq edhe për shqiptarët e Preshevës

Kryetari i Komunës së Preshevës, Ragmi Musfata, konsideron që në momentin kur në tryezën bisedimeve të Prishtinës dhe Beogradit gjendet problemi i serbëve të veriut të Kosovës, pa dyshim se në këtë kontekst duhet të përfshihet edhe problemi i shqiptarëve të Luginës së Preshevës. Ai është i mendimit se nuk është e domosdoshme pjesëmarrja e shqiptarëve të Luginës së Preshevës, por është e domosdoshme që shqiptarët e Luginës së Preshevës të futen në agjendë. Pa dyshim, thotë ai, insistojnë që të gjitha ato që do të përfitojnë si të drejta në një shkallë më të lartë serbët e Veriut të Kosovës, duhet t’i përfitojnë edhe shqiptarët e Luginës së Preshevës. Ai në këtë drejtim është i mendimit se edhe BE edhe SHBA, apo shtetet me orientim pro-demokratik, nuk do të kundërshtojnë shkallën e arritshmërisë së të drejtave të shqiptarëve në Luginën e Preshevës, duke krahasuar atë me të serbëve në Veri të Kosovës. “Çdo gjë që përfitohet në jetë drejtim në këto bisedime mes Prishtinës dhe Beogradit për serbët e Veriut, duhet që në mënyrë tërësisht proporcionale edhe reciproke të përfitojnë edhe shqiptarët e Luginës së Preshevës dhe në këtë kontekst konsideroj se do të krijohet një situatë shumë më e mirë e dy shteteve deri tani të panjohura ndërmjet veti, Serbisë dhe Kosovës, të njihen dhe të zgjidhen problemet midis shqiptarëve dhe serbëve dhe të krijohen kushte shumë më të mira për hyrjen në Bashkimin Evropian, qëllimi i çdo qytetari të rajonit të Ballkanit Perëndimor”, shprehet Musfata për gaztën KOHA. Ndërkaq, ish-shefi politik i Ushtrisë Çlirimtare për Preshevë, Medvegjës dhe Bujanocit, tash lider i Lëvizjes së Progresit Demokratik, Jonuz Musliu, përkujton se nuk është hera e parë që kanë kërkuar të jenë pjesë e bisedimeve shqiptaro-serbe.

“Ne kemi kërkuar që vazhdimisht të mos mbesim anash pasi kemi edhe Referendumin e vitit ‘92, luftën e UÇPMB-së, Marrëveshjen e Konçulit për Bashkim me Kosovën. Pra flas për dy atribute shumë të forta, një dritë jeshile që të jemi edhe ne pjesë e bisedimeve”, thotë Musliu për KOHA.

Ai shprehet pasi në delegacionet e Kosovës as në Vjenë e as në Rambuje nuk është përfill kërkesa e shqiptarëve të Luginës së Preshevës, është dashur të marrin armët dhe të luftohet që ti tregohet botës se në Preshevë, Medvegjë dhe Bujanoc, ka dhunë, terror dhe në çdo moment tentohet të pastrohen shqiptarët nga Qeveria e Serbisë.

“Na detyruan të bëjmë luftë që kjo pjesë të jetë e populluar me shqiptar. Natyrisht se pa dëshirën e shqiptarëve fuqitë botërore e kanë ndarë nga Kosova Preshevën, Medvegjën dhe Bujanocin. Qëllimi kryesor ka qenë që Kosova të mos ketë dalje në Korridorin 10 dhe në hekurudhë. Por ne nuk jemi faji dhe fajtori që ajo ka ndodhur. Tash është koha që për 100 vjetorin e pavarësisë së Shqipërisë, të bisedohet dhe t’i kthehet Kosovës edhe kjo pjesë - Presheva, Medvegja dhe Bujanoci. Ky është verdikti, vullneti qytetar i shqiptarëve të Luginës së Preshevës”, shprehet Musliu. “Duhet të gjendet mënyra që përfaqësuesit e Luginës të jenë pjesë e delegacionit dhe kërkesat e tyre të shqyrtohen qoftë drejtpërdrejt, qoftë duke e kushtëzuar palën serbe, se nëse ata kërkojnë të drejta speciale për veriun, ato në të njëjtën logjikë do t’i takonin të Luginës së Preshevës, ose të maksimalizohen kërkesat e serbëve në veri me atë që Serbia ua jep aktualisht shqiptarëve për ato krahinat e veta, provincat veta siç është Lugina e Preshevës”. Kështu ndërkaq shprehet njohësi i çështjeve rajonale Shkëlzen Maliqi. Ai thotë se kjo është një logjikë që ndoshta është dashur të jetë prezent edhe më herët në biseda kur është hapur pjesa e veriut. Mendon se atëherë ndoshta ka qenë herët që të jetë kjo logjikë, por jo edhe tani. Ai nuk beson që as faktori ndërkombëtar të ketë diçka kundër kësaj.



Kërkesat e Luginës dhe Maqedonia

Të pyetur për ndonjë efektuim të mundshëm të kërkesave të autoriteteve të Luginës së Preshevës në Maqedoni, bashkëbiseduesit tanë janë me mendime të ndryshme. Kreu i Komunës së Preshevës, Mustafa thotë se kur jemi në saje të shënimit të 100 vjetorit të shtetit shqiptar, pa dyshim se ajo shpallje e pavarësisë i referohet të gjitha trojeve shqiptare. “Pa dyshim se popujve në rajon, pa dyshim se edhe shqiptarëve në këtë pjesë të Evropës i vije momenti kur mund të kërkojnë vendet e tyre, të kërkojnë autoktonitë e tyre, të kërkojnë mëvetësinë e tyre, të kërkojnë vetëvendosjen. Konsideroj se edhe shqiptarëve të territorit të Republikës së Maqedonisë i takon që të vetëvendosin për fatet e tyre. Por, megjithatë në Republikën e Maqedonisë ka organizim politik, të udhëhequr nga shqiptarët dhe ata e japin fjalën përfundimtare lidhur me vendosmërinë e shqiptarëve në Maqedoni - ndarje territoriale, konfederatë apo diç tjetër. Dhe në këtë drejtim nuk do t’i kisha lejuar vetes t’u përzihem homologëve politik në Maqedoninë lidhur me statusin politik të shqiptarëve atje. Megjithatë është problemi se në këtë 100 vjetor pa dyshim se vet shqiptarëve të Maqedonisë u takon vetëvendosja”, shprehet Mustafa. Por analisti Maliqi thotë se Maqedonia është në pozitë tjetër, është një rast më vete, jo vetëm Marrëveshja e Ohrit, por në përgjithësi situata demokratike, politike dhe të tjera imponojnë që shqiptarët atje të fitojnë statusin e kombit shtet-formues, të avancohen dhe të barazohen të drejtat e maqedonasve dhe shqiptarëve.

“Por me që vet ata po e ndërtojnë një identitet pak edhe fals me këto monumente, Maqedonia si shtet i maqedonasve, sigurisht se do të kenë reagimin edhe të shqiptarëve me atë që ata e shohin veten si qytetarë të rendit të dytë dhe nuk do të pajohen me këtë. Kjo, Maqedonisë i kthehet si boomerang”, shprehet Maliqi. Për ish-shefin politik të Ushtrisë Çlirimtare për Preshevë, Medvegjë dhe Bujanoc, sa i përket efektuimit të këtyre bisedimeve mbi shqiptarët e Maqedonisë, ai thotë se është një lidhje. “Shihet qartë se edhe Qeveria e Republikës së Kosovës, pra zëvendëskryeministri Kuçi e ka kuptuar që do të duhet të jemi ne si shqiptarë të Luginës së Preshevës, nuk do të thotë ajo që edhe shqiptarët e Maqedonisë mund të mbesin anësh”, shprehet Musliu.



Një lëvizje e re në Luginë?



Pakënaqësia ime dhe e bashkëmendimtarëve të tjerë është përtej strukturave politike që po qeverisin aktualisht me Preshevën, Bujanocin dhe Medvegjën, apo me politikat rajonale që kanë të bëjnë në mënyrë indirekte apo direkte me këto tri komuna, thotë gazetari dhe aktivisti për të drejtat e shqiptarëve Belgëzim Kamberi. “Politika në përgjithësi duket se nuk po prodhon zhvillim shoqëror në Preshevë, Bujanoc dhe Medvegjë. Çdo ditë e më tepër, po reflekton nevojën për një dinamikë më të madhe, për më shumë energji dhe për më shumë kapacitete politike dhe profesionale. Prandaj ka filluar të mbizotëroi ideja në mesin tonë, se ka nevojë për një pjesëmarrje më aktive politike, që do të mund ndoshta të kontribuonte në pasurimin e politikëbërjes, mirëpo nuk mund të thuhet se ka diçka konkrete për momentin, përveç një shprehje më konkrete pakënaqësie me gjendjen mbretëruese politike dhe me një vullnet në rritje për të marrë përgjegjësi politike në të ardhmen”, thotë ai.



Çështja e tri komunave me shumicë shqiptare nën administrimin e Serbisë, Preshevës, Bujanocit dhe Medvegjës do të zë vend në dialogun mes Kosovës dhe Serbisë
koha.mk

[juli32]

mos flisni ma per ata Mu.......serbesh, as emrin mos ja shkruani. se shpejti 1 shqiperi e madhe me pasaporten kuq e zi e le te plasin halete e ex jugosllavise. xhamadani vija vija eshte kosova eshte shqiperia

[quni_i_mire]

mos flisni ma per ata Mu.......serbesh, as emrin mos ja shkruani. se shpejti 1 shqiperi e madhe me pasaporten kuq e zi e le te plasin halete e ex jugosllavise. xhamadani vija vija eshte kosova eshte shqiperia

ja po na ba hasha pokraine e serbise.ka ba llaf me vllaun e tij dacic edhe kan me zgjedh hashen presednik te republike severna mitrovica.

[roni_s]

Duhet te jemi me te matur ne komentet tona dhe akuzat, sepse kjo eshte vetem nje deklarate nga Dacic, dhe jo edhe e z.Thaci.
Ne jemi deshmitare te asaj se sa cinik dhe dinake jane serbet, aq me teper ne relacion me ne.

Jo vetem kryeministri jone z.Thaci por cili do tjeter te ishte, jam i sigrute se do na perfaqsonte ne menyre shum te mire kunder serbeve, jo si rezultat i vlerave individuale, por per shkak te bemave te serbeve, dhe qdo njeri nga ne ka material kunder tyre.

Dacic dhe gjithe Serbia po e perdor parimin "Mbrojtja me e mire eshte sulmi"

Andaj nje deklarat e tille mund te them se eshte me shum ironike dhe e pa vertet.

[Gogi]

Edhe nje her u konfirmua sonte se Amerika dhe BE nuk pranojne ndryshime kufijeve.

Te vetmit paranojak ne ket mes jane ata te vetevendosjes.

[Hillirian-zo]

Nuk do te ket ndarje te Kosoves, jo perderisa eshte Hashim Thaci ne krye. Ndarja e Kosoves edhe deshire e levizjes huliganese V.V, kjo e fundit e sheh si mundesi te ardhjes ne pushtet vetem permes dhunes dhe duke perdor si pretekst patriotizmin (edhe pse nuk jane te deshmuar).

Prandaj kjo Qeveri nuk do lejoj ndarjen e Kosoves.

Gog i nderuar po nese me te vertet do te ndahet qka mendon ti !!!

[shitesi]

Ajo qe duhet te ndahet eshte Serbia.
Qeverite Shqiptare ne Prishtine e Tirane duhet te perkrahin vellezrit tane qe megjithese e kan derdhur gjakun lume kan ngel matane kufirit, qe edhe ata te bashkohen me trojet Shqiptare.

[Gogi]

Gog i nderuar po nese me te vertet do te ndahet qka mendon ti !!!

Asnjehere nuk do ndahet Kosova. Thaci, Ramushi, Jakupi, Bajram Rexhepi, Xhavit Haliti jane patriot qe kane luftuar per Kosove, keta mund te ken bere ndoshta ndonje te keqe ndonjeher, mirepo asesi nuk e tradhetojne vendin e vet.

Une sot nuk jam me politiken e Ramushit, mirepo une jam i bindur se as ai nuk do kishte lejuar ndarjen e Kosoves, a pakten jo me vullnetin e tij politik.