Ku shkel C.A.E, shkel Zero dhe Mashtrimi. Aty ndodhet vetëm ministri Bode

[mesuesi_1]

Ku shkel C.A.E, shkel Zero dhe Mashtrimi. Aty ndodhet vetëm ministri Bode


Gazeta Agon

Ervin Sorra


C.A.E po kërkon 2 milionë euro kudo ku mund të kapen, me forcë apo me mashtrim.

Ky është lajmi më i fundit. Por cila është historia e kësaj kërkese makabre?


Kjo zë fill në mashtrimet e C.A.E, gjurmët e të cilës ndodhen kudo.


Shoqëria e emërtuar C.A.E shpk, (Construction Albanian Enterprise) është një shoqëri që ka lënë “gjurmë” në pamjen e Shqipërisë. Ka lënë gjurmë për një kohë të gjatë në rrugën e Plepave në Durrës, ku për shumë vite kalimtarët mallkuan tokë e qiell dhe vetë pronarin panjohur që “i hapi zorrët” rrugës, por nuk e ndërtoi. Ka lënë gjurmë në rrugën Shkodër- Hani i Hotit, ku u kryen vonesa të mëdha. Petrolifera e Vlorës që është marrë përsipër nga CAE është sot e kësaj dite as në gjendje fillestare.



Banka e Shqipërisë vuan vonesat e CAE


Tani gjurmët e C.A.E shihen në qendër të Tiranës, tamam në fasadën e selisë së Bankës së Shqipërisë. C.A.E ka “fituar” tenderin për rikonstruksionin e Selisë së Bankës së Shqipërisë që në vitin 2007, por sot e kësaj dite qendra e Tiranës ndoshte me mushkërijë të hapura për shkak se kompania C.A.E nuk ka realizuar asnjë nga detyrimet e saj.

Kuptohet, Guvernanca e e Bankës së Shqipërisë nuk ka faje në këtë pikë. Vetë ministria e Financave dhe Ministri Bode e ka për zemër C.A.E. pronari i kësaj të fundit është miku i afërt i njërit nga miqtë e afërt të Bodës, me emrin Agim Zeqo, ose Agimi i Red Bull. Agimi për një kohë të gjatë mbante presidencën e ekipit të zemrës të zotit Bode, ekipin e futbollit “Skënderbeu” në Korçë. Tani që e ka lëshuar Agimi, ekipin e ka marrë Ardian Kollçaku, por gjithnjë nën kujdesin e Bodes dhe Agimit të Red Bull.

Kështu si me ekipin e Skënderbeut ndodhi edhe me rikonstruksionin e Bankës së Shqipërisë. Shoqëria C.A.E u ndërtua vetëm pak ditë para se të fillonte puna për tenderimin e Bankës së Shqipërisë. Domethënë, kuptohet se kishte një kidhje mes Ministrit të Financave dhe mikut të tij, Agim, për t’i dhënë tenderin zotit Ardian Kollçaku.

Por sidoqoftë, falsiteti i veprimit të shoqërisë C.A.E është përhapur gjerësisht në investimet e vendit, kudo ku ka para.



Mitomani apo mashtrim financiar?...


Lajmi më i bujshëm mashtrues i lëshuar nga C.A.E është ky: Investimet e kësaj kompanie “pritet të kapin shifrën 10 miliardë euro”. Nuk ka ku shkon mashtrimi më i madh. Vallë ku janë mundësitë e një investimi të tillë? Vetë shteti, gjithë shteti, realizon një buxhet prej 5 miliardë euro në vit; ndërsa kompania që nuk arrin të ndërtojë as shtatë kilometra rrugë deklaron se do të investojë 10 miliardë euro. Me 1 miliardë Euro mund të ndihmohej edhe vetë Greqia për daljen nga kriza.

CAE deklaron se “është e vetmja kompani shqiptare që ndërton hidrocentrale...” (shkruar në biografinë e saj). Çudi e madhe, një kompani që nuk ka vënë një gurë, na qnka e vetmja që ndërton hidrocentrale...


Çfarë mashtrimi?!

Megjithëse nuk ka përfunduar asnjë nga veprat që ka marrë në ndërtim, Kollçaku deklaron se përfaqëson “një nga kompanitë me kapacitet më të madh profesional dhe pajisjesh për të implementuar këto lloje projektesh në vend”. ( Vallë cilat projekte? Deri më sot nuk ka asnjë projekt, aq më pak të realizuar).



CAE ka zgjedhur kapuçin për gjoba



Shoqëria C.A.E ka përdorur vetëm mashtrimin dhe “gjobat” për ata që mendon se kanë disa lekë në xhep, dhe kjo me sportin e vetë ministrit të Financave Ritvan Bode. Bode, sigurisht nuk është me Kollçkaun në kohën kur ky kërcënon fizikisht investitorët duke iu kërkuar miliona euro, por është në kurriz të Kollçakut, dhe ky ndihet mirë e trim, bash për këtë arsye).

Kohët e fundit Kollçaku po kërkon 2 milionë euro, po i kërkon “me çdo kusht”. I kërkon në rrugë, nëpër faqe kërcënuese gazetash, me përndjekjet që ushtron Ministri e tij e Financave, me Tatimet dhe me sektorin VIP të Tatimeve, me shtrembërim ligjesh... Pak kohë më parë i kishte kërkuar edhe duke bërë kërcënime me jetë për investitorë të huaj në vendin tonë.

Me siguri, edhe në këtë rast, bashkë me Ministrin e Financave. Vallë pse i duhen 2 milionë euro që kërkon tua shvasë të tjerëve?



CAE ka bllokuar minierat e kromit dhe hekurnikelit në Juglindje


Për të mbushur gropat në Minierat e kromit në Pogradec dhe në Librazhd, ku është bashkë-investitor?

Me siguri jo. Megjithëse në minierat e kromit ët zonës së Juglindjes, Ardi kollçakë ka bërë një Zero. Asnjë kilogramë krom nuk ka dalë prej minierave si rezultat i punës së këtij. E vetëshpallur si e aftë për “miniera dhe inxhinieri mekanike” CAE ka krijuar lidhje me PEC Plant Engineering dhe Consulting ku Kollçaku blee 51 për qind të aksioneve. Kollcaku ka marrë 51 për qind të aksioneve edhe nga kompania Alb Xhoi shpk që operon në fushën e minierave dhe ka leje për shfrytëzim në disa miniera të ferro- kromit e nikelit në Librazhd e Pogradec. Por deri më sot, që nga viti 2008 kur i mori aksionet, nuk ka asnjë rezultat. Minierat e Veri- lindjes janë okupuar për t’u lënë pa punë nga CAE. Sigurisht, në ndihmë të shoqërisë bllokuese ndodhet ministri i Financave, banor dhe deputet në këto zona. Ritvan Bode.



Si u krijua fantazma CAE?


Një ditë prej ditësh, ndërsa ndodhej si emigrant në Itali, Ardi Kollçaku tha se “më qan zemra për investim në Shqipëri”. Themeloi kompaninë “Titan Poneggi” në vitin 1996 në Emilia- Romagnia. Bënte shërbime të vogla banesash. Në vitin 2007 u kthye në Shqipëri ku ndërtoi CAE dhe u lidh me kompaninë italiane ACMAR, kompani e njohur për punë jo korrekte në Shqipëri. Megjithatë kjo nuk kishte rëndësi; rëndësi kishte që Kollcaku të fshihej pas një kompanie të huaj dhe të kishte në krah vetë ministrin e Financave, Bode dhe mikun e tij të afërt, Agim Zeqo.

E Hene, 15 Tetor 2012

[mesuesi_1]

Vjedhje e madhe e ministrit Bode ndaj shoqërive vendëse dhe të huaja

Përfaqësuesi Tatimor- piramida të reja të Ministrit të Financave

Gazeta Agon

Lexuesi, me siguri lexuesit e zakonshëm, nuk janë akoma të njohur me atë që quhet “Përfaqësuesi Tatimor”. Termi dhe funksioni i përfaqësuesit tatimor është shpikur tani vonë nga vetë ministri i Financave, Ritvan Bode.


Çfarë është kjo “ufo” financiare dhe ekonomike që hyri mes nesh në një kohë pa kohë?...

Kam përshtypjen se as ata që e njohin në majë të gishtave ekonominë dhe financat, nuk e kuptojnë çfarë është kjo. Nuk e kuptojnë sepse është një absurd dhe një mjet për të varfëruar ekonominë, biznesin, investitorin dhe vetë qytetarin. Është një mjet “magji” që po risjell edhe një herë të njëjtën frikë, të njëjtën metodë, të njëjtin rrezik si edhe piramidat financiare, frikshëm të njohura aty nga vitet 1996- 97 e më tej.



Atëherë, pak më thjeshtë, çfarë është kjo?


Në planin individual:

Ti miku im lexues ke udhëtuar në Austri ose në Britaninë e Madhe, ose në Greqi.... Aty ke një mik, ke vizituar vilën e tij dhe je dashuruar pas projektit të vilës. “A mund ta aplikoj edhe unë në fshatin tim këtë projekt?...”, pyet mikun tënd. Ai të përgjigjet “me kënaqësi”, madje emocionohet pse e pëlqen projektin e tij. Atëherë, të nesërmen të dërgon te arkitekti që ka kryer projektin e vilës. “Po- thotë ai- projekti kushton “X” euro”, ti paguan, kënaqesh me atë që arrite dhe kthehesh në Shqipëri. Këtu të dalin ata të Tatimeve dhe të kërkojnë adresën e arkitektit ose të studios që të shiti projektin...





Këtu qëndron tërë çështja:



Tatimet urdhërojnë që studio e arkitekturës e Austrisë, Britanisë a Greqisë... që të shiti projektin, të paraqitet menjëherë në Tiranë për të paguar TVSH.



Por në ekonominë e gjerë kombëtare “shpikja” mbi Përfaqësuesin Tatimor ka impakt më të gjerë dhe shumë- shumë më shkatërrimtar se në një ekonomi të vetme individuale. Në ekonominë tonë të lirë e të hapur, ku për dy dekada kanë hyrë dhe vazhdojnë akoma më shumë të hyjnë investitorë të huaj a të bëhen kontrata shërbimesh nga shoqëritë vendëse, Përfaqësimi Tatimor krijon precedentin më të keq, precedentin e vjedhjes hapur të pasurisë së ekonomive vendëse e të huaj si dhe varfërimin ekonomik të individit apo të të gjithë vendit.

Mos harrojmë se me zgjerimin e gamës së ekonomisë sonë, një ekonomi e hapur dhe e lirë, kërkesat për shërbime nga jashtë janë me miliona. Kërkohet shërbim për projekte, për ide, në fushën e industrisë, në fushën e energjisë, në fushën e bujqësisë, në fushën e teknologjisë, në fushën e kulturës e arteve, etj, etj. Le të kujtojmë vetëm hidrocentralin e Ashtës, i cili qe i detyruar të marrë qindra shërbime nga jashtë dhe të paguajë diku afër 2.5 milionë euro vetëm për TVSH-në e këtyre shërbimeve.



Në gjithë botën, sidomos në vendet e Bashkimit Evropian e më gjerë, veprohet ndryshe; dhe, veprohet kështu:

Kur importon një shërbim nga një vend i huaj (sidomos nga vende të BE), nuk paguan TVSH. Kjo është procedurë normale dhe standarde në gjithë botën. Në qoftëse Ministri i Financave i republikës së Shqipërisë ka lëshuar (siç ka ndodhur në fakt) një urdhër në kundërshtim me këtë standard, atëherë i bie që vepron në kundër-sens me standardin evropian e botëror.



Si interpretohet zhvatja e paligjshme?


Ligji i Përfaqësuesit tatimor, iniciuar dhe shpikur nga Ministria e Financave, ka nisur jetën në vitin 2010. Ky ligj devijon procedurat normale botërore për Importin e shërbimeve. Sipas tij (në mënyrën më të keqe dhe absurde) në qoftë se një sipërmarrës a individ në botë, bën një shërbim për në Shqipëri (ndaj një shoqëria vendase apo të huaj), ai pas kësaj menjëherë është i detyruar të udhëtojë drejt Shqipërisë, të marrë një faturë tatimore shqiptare dhe me këtë të paguajë TVSH-në për shërbimin e kryer (dmth., të eksportuar prej tij në Shqipëri). Me këtë rast është i detyruar edhe të emërojë një Përfaqësues tatimor në Shqipëri.





Ky është interpretimi që i bëhet ligjit nga ana e Drejtorisë së Përgjithshme të Tatimeve. Çdo shoqëri e huaj që kryen shërbime për Shqipërinë duhet të paguajë. Madje, sipas Drejtorisë së Përgjithshme të Tatimeve, në qoftë se kapërcehet afati i caktuar, ndaj kompanisë që kryen shërbimin vendoset një dënim po aq i lartë sa është edhe vetë shifra e TVSH-së.

Mirëpo vetë Ministri i Financave, Ritvan Bode, ka perceptuar pak muaj më parë se sa i mbrapshtë është ky ligj. E ka konstatuar mbrapshtinë e bërë, por nuk e korrigjon. Në një letër dërguar Drejtorisë së Përgjithshme të Tatimeve dhe Kabinetit të Kryeministrit, vetë Ministri Bode shkruan: “... atëherë ky person nuk ka detyrimin e caktimit të një përfaqësuesi tatimor për efekt të TVSH për shërbimet që i kryen degës në funksion të aktivitetit të tij ekonomik”. (Neni 9, pika 1 e Ligjit).



Qëllimi i aplikimit të ligjit në atë mënyrë që ka zgjedhur Ministria e Financave është pikërisht ky: Të mblidhen të ardhura nga kushdo, me çdo mënyrë, pa pyetur për asnjë princip normal, madje pa pyetur as për dëmin ekonomik që i shkaktohet secilit. Institucionet tatimore shqiptare kanë gërmuar në arkiva dhe kanë “zbuluar” me qindra sipërmarrje që kanë marrë shërbime nga jashtë dhe këto të gjitha janë vënë nën detyrimin për të paguar. Madje për të paguar gjithë shërimin që kanë marrë që nga krijimi.



Ligji ka efekt prapaveprues shkatërrimtar


Do të ishte e tmerrshme sikur bota të mos kishte hequr efektin prapaveprues të ligjeve. Madje vetë kodet e Hamurabit, mbreti i gjashtë i Babilonisë, që i përket periudhës 1700 vjet para Erës së re, po të kishin marrë efekte prapavepruese, nuk do të kishim këtë Botë që kishim, por ndoshta në epokën e Gurit. Efekti prapaveprues si ligjit ka qenë përjashtuar edhe nga vetë diktatorët e rinj, sepse i nxirrte “lakuriq” në sy të botës.

Por sipas interpretimit që i bën Ligjit Ministria e financave dhe Drejtoria e Përgjithshme e Tatimeve, ky merr efekte prapavepruese. Çdo shoqëri tregtare, vendase ose e huaj, çdo investitor i huaj apo vendës, detyrohet të paguajë TVSH për gjithë shërbimet që ka marrë nga jashtë gjatë gjithë periudhës që nga lidja. Kjo do të thotë një grumbullim detyrimesh të pajustifikuara, madje kundër ligjit të Kushtetutës, që i rëndohen biznesit dhe vetë ekonomisë së vendit. Secili që ka kryer një shërbim në favor të shoqërive që operojnë në Shqipëri është e detyruar të paguajë për pesë, dhjetë a njëzet vjet të shkuara. Në qoftë se këto “degë” shërbimesh nuk gjejnë “mamanë” e tyre, atëherë detyrohen të paguajnë vetë shoqëritë që kanë përfituar shërbimet.

Veprimi është një shkelje flagrante e Kushtetutës, e cila nuk lejon asnjë efekt prapaveprues të ligjit dhe dhunim të të drejtës së individit. Sa për individin, që të kuptohet më mirë shpikja, le të bëjmë këtë krahasim: Ti shkon të lahesh në det, por aty tani kanë vendosur një roje (Tatimet në rastin tonë konkret ose Përfaqësuesi tatimor). Ai të lë sa të futesh në ujë dhe pastaj të thërret: “Eja paguaj për sot dhe për gjithë jetën tënde që je larë në det”. Ky është krahasimi “naiv” por i vërtetë.





Pse është kjo një piramidë e re?


Vjelja e TVSH në mënyrë të paligjshme me anë të përfaqësuesit tatimor, aq më keq vjelja brutale me efekt prapaveprues, e shtrëngon investitorin ose shoqërinë tjetër tregtare, biznesmenin apo tjetër, që të paguajë pa arsyetim, vetëm për të mbushur arkën e Tatimeve. Ky investitor është i detyruar të rrudhë veprimtarinë dhe pas kësaj të ngushtojë numrin e të punësuarve. Efekti shkon direkt te individi, deri në familjen shqiptare. Këtë efekt dinak por shkatërrimtar e ndjeu me rastin e piramidave financiare, që u duk sikur mblidhnin pasuri, por në fakt sillnin shkatërrim për secilin.





Kjo pra ishte pyetja për zotin Bode:


Gazetari i gazetës Agon, që me datën 6 tetor ka kërkuar nga ministri Bode një përgjigje rreth kësaj pyetjeje:



Drejtoria e Përgjithshme e Tatimeve për te mbushur arkën ka shpikur historinë e përfaqësuesit tatimor, nga te paktat ne bote, ju çfarë pozicioni keni ne lidhje me ketë argument? A është e zbatueshme përfaqësuesi tatimor edhe për shoqëritë e huaja qe kane filialin ne Shqipëri apo ekuivalenten?



Kësaj pyetjeje nuk ka pranuar t’i përgjigjet zoti Bode.

Sigurisht, ai një përgjigje e ka dhënë, por jo për gazetën. Ka shkruar një letër për Drejtorinë e Tatimeve dhe për Kabinetin e Kryeministrit ku thotë se ky ligj nuk duhej zbatuar për shoqëritë që kanë filiale në Shqipëri... (shiko faksimilen). Pra, megjithëse është dakord të mos zbatohet, zoti Bode ka aplikuar këtë normë për gjithë shoqëritë dhe investitorët që veprojnë këtu, që nënkupton vjeljen e miliona e miliona eurove në dëm të vendit, në dëm të ekonomisë, në dëm të familjeve dhe shoqërisë shqiptare.



Tani kuptojmë pse zoti Bode nuk i dha përgjigje pyetjes së gazetës sonë.




BOX:



Natyrisht, zoti Bode do të thërritet nga gjykatat ndërkombëtare për dëmshpërblim ndaj gjithë shoqërive që në mënyrë jo të ligjshme iu janë aplikuar penalitetet. Por përsëri, as kësaj here mund të mos paguajë vetë zoti Bode nga xhepi i tij, do të paguajnë qytetarët shqiptarë.



Qytetarët shqiptarë do të kuptojnë se do të ishte më mirë që zoti Bode të vazhdonte të kryente detyrën e kontabilistit në kooperativën bujqësore...





BOX:



Pra një jave, gazeta Agon i ka dërguar nëntë pyetje për një intervistë publike ministrit Bode. Si çdo funksionar i lartë i administratës publike, zoti Bode është i detyruar të përgjigjet para publikut.

Pyetjes nr 4 iu përgjigjem vetë sot.



Duam të pyesim përsëri zotin Bode: Do të përgjigjeni edhe për tetë pyetjet e tjera, apo të fillojmë të përgjigjemi ne gazetarët e Agon, për secilën pyetje, një nga një?



Edhe një herë, ja cilat janë pyetjet:





1. Si është e mundur që Shteti ishte i detyruar të shiste pasuritë e tij (Albpetrol). Ju në cilësinë e Ministrit te Financës , mendoni se mos vallë keni shpenzuar shumë?

2. Sot, ndërmarrjet ndihen të përndjekura nga Drejtoria e Tatimeve, a mendoni që ky është një faktor pozitiv për zhvillimin, për punësimin dhe për tërheqjen e investimeve të huaja??

3. Administrata juaj fiskale, shpesh herë padrejtësisht, vendos duart në llogaritë bankare të njerëzve dhe të ndërmarrjeve në mënyrë pothuajse automatike, ky ju duket një shembull demokracie?

4. Drejtoria e Përgjithshme e Tatimeve për të mbushur arkën ka shpikur historinë e përfaqësuesit tatimor, nga të paktat në botë, ju çfarë pozicioni keni në lidhje me këtë argument? A është e zbatueshme përfaqësuesi tatimor edhe për shoqëritë e huaja që kanë filialin në Shqipëri apo ekuivalenten?

5. Si është e mundur që rimbursimet e TVSH-së janë me vite vonesë në vend të 30 ditëve, sipas ligjit? Janë për të gjithë në të njëjtën masë? Si është e mundur që rihapen kontrollet e sapo-mbyllura ose të mbyllura dhe të gjykuara prej kohesh ? A mund ta quajmë përvetësim të paligjshëm?

6. A mendoni se një pensionist mund të jetojë me 100 Euro në muaj?

7. Thuhet që ju jeni tifoz i skuadrës së Skënderbeut

8. Çfarë marrëdhëniesh keni me pronarin/sponsorin e skuadrës? A jeni në dijeni që ky sipërmarrës për aktivitetet e tij mban raporte të vazhdueshme me doganat?

9. Ju, z. Ministër keni pak që keni ndërruar shtëpinë dhe besoj që do e ndërroni përsëri, a mendoni që tregu i imobiliarëve do ta përballojë krizën?





( Vijon në numrat e ardhshëm)



E Marte, 16 Tetor 2012

[Mike Oldfield]

Bode eshte njeriu qe mbeshteti Piramidat e ndertuara nga FMN e Banka Boterore e sollen hatane ne Shqiperi ne 97, eshte njeriu qe eshte marre me vullnetaret e Enverit ne Devoll, eshte njeriu i kapur nga francezet, eshte njeriu qe ka penguar realisht demshperblimin e ish te perndjekurve politik...... me pak fjale eshte nje PLEHRE qe francezet e Enverit ja kane futur Doktorit ne qeveri e ne parti...... shkarkojeni sa nuk eshte vone.

[mesuesi_1]

Mike, ke te drejte ....Sala ka bere shume gabim qe e vuri minister te financave njeriun qe direkt ishte i perfishire me piramidat .... po c'te besh siduket Bode si edhe shume emra te tjera qe ne 2005 kane qene rezultat i kompromiseve .....




.

[mesuesi_1]

Bode zhvat 1 mln euro nga Tatimet për vilën e luksit në Rolling Hill

Gazeta Agon

Jola Drini

Ministri i Financave pritet të transferohet në vilën e re, rreth 400 metro katrorë banim, në kodrat në Lindje të Tiranës, me emrin Rolling Hills. Rolling Hills ka në Amerikë ku jetojnë miliarderët, por ka edhe në Tiranë

Zona ku tani ka vilën ministri i Financave është zona më e reklamuar në vend, ku mund të blejnë shtëpi vetëm milionerët. Kjo është “Rolling Hills”, e reklamuar si një zonë rezidenciale projektuar veçanërisht nga studio amerikane për një shtresë akoma “ëndërr” në Shqipëri.

Shtresa “e ëndërruar” nënkupton ata që u pasuruan për një periudhë shumë të shkurtër, por që u pasuruan në mënyrë të rrufeshme dhe të pakontrolluar. Një ministër i qeverisë aktuale bën pjesë në këtë shtresë që është pasuruar deri në majat e shtresës së pasanikëve, por pa asnjë “faturë” se si. Ndërsa të tjerë që tentuan të rriten ashtu si në NASA, që prej dy dekadash janë ngritur e kanë rënë përdhe dhe tani nuk iu dihet nami as nishani...

Çfarë do të ndodhë me ministrin Bode, i pasuruar deri në pikën që mund të blejë vilë në “Rolling Hills”?... E ardhmja nuk i dihet askujt ekzaktësisht, por vetëm e tashmja mund të analizohet. Gazetari i gazetës Agon, dy javë më parë i kishte kërkuar zotit Bode të përgjigjej rreth “vendbanimit të ri”. Pyetja 9 e gjithë intervistës ishte formuluar kështu: “Ju, z. Ministër keni pak qe keni ndërruar shtepine dhe besoj qe do e ndërroni përsëri, a mendoni qe tregu i imobiliareve do ta përballojë krizën?”.

Kemi pritur gati dt javë për një përgjigje, por akoma nuk e kemi. Tani po detyrohemi t’i kthejmë ne përgjigje, në vend të zotit Bode.

Gazetari ynë, i cili u lejua pas shumë përpjekjesh që të hynte në zonën e “Rolling Hills”, mundi të perceptonte ku ndodhej vila e ministrit Bode. Pak kohë më parë zoti Bode ka deklaruar për publikun dhe për ligjin se sapo ka ndërtuar një vilë në fshatin e tij të lindjes, ka pasur edhe një shtëpi të re në një nga zonat e mira të Tiranës, por nuk ka thënë asnjë fjalë për vilën e re në “Rolling Hills”.

Pikërisht për këtë arsye gazetari i Agon e pyeti mbi transferimin e ri; por ministri as denjoi të përgjigjej. Në këtë rast mund të bëhet pyetja: Vallë çfarë do të ndodhë me të ardhmen e ministrit? Sepse e ardhmja e një ministri që nuk deklaron saktë pasurinë e tij, është shumë e keqe para ligjit. Zoti Bode do të detyrohet të përgjigjet si para Partisë Demokratike, ku mban edhe një post të lartë të Sekretarit të Përgjithshëm, ashtu edhe para ligjit. Mashtrimi me pasurinë për zyrtarët e lartë është shumë i dënueshëm.

Por le të kthehemi te vila në zonën që për publikun rri e mbyllur gjatë gjithë kohës, pothuajse:

Si mund të ndërtohet një vilë nga një ministër, me një rrogë që është e deklaruar publikisht? Paga e deklaruar mjafton vetëm për një jetesë normale në familje. Ndërsa vila me rreth 400 metra katrorë kushton afro 800 mijë euro, që do të thotë afro 1 milionë euro. Kjo është një shumë marramendëse. Kryeministri socialist, Fatos Nano ka bërë një deklaratë të frikshme për vitet 1991 kur u zgjodh në këtë detyrë: “Kam gjetur në thesar vetëm 7 milionë dollarë”, ka deklaruar. Ndërsa presidenti Berisha, i viteve 1992- 97, ka bërë një prononcim po kaq tragjik: “Buxheti i shtetit ishte vetëm 8 milionë dollarë”, ka thënë.

Edhe në vizitat e para të delegacioneve perëndimore në fillim të viteve ’90 është bërë një deklaratë e tillë: “Për të rinovuar gjithë vendin me rrugë, drita e ujë, me vendbanime të reja, etj., nevojiteshin rreth 1.5 milionë dollarë....

Kjo është Shqipëria me hallet e saj. Ndërsa vila e një ministri të vetëm, e ministrit të Financave, kushton rreth 1 milionë euro që do të thotë rreth 1.5 milionë dollarë ose sa Shqipëria në vitin 1991.



Ku mund të përfitohen 800 mijë euro sot?



Paga e deklaruar as që mund të mendohet. Edhe kredia bankare është jashtë arsyetimit, sepse secila bankë do të rrezikohej po të hallakatej nëpër vila të shtrenjta pa vlerë të mëtejshme.



Atëherë cila është rruga që mund të mendohet?



Rruga e gjobave për bizneset, sidomos e bizneseve të mëdha, është njëra rrugë. Ministri i Financave ka aplikuar metodën e gjobëvënës për bizneset e mëdha, sidomos për investitorët e huaj që operojnë në Shqipëri. Këtyre iu merret TVSH- ja dhe nuk iu kthehet asgjë. Për t’u kthyer pagesa TVSH sipas ligjit duhet paguar nën dorë një shumë e majme, ndryshe nuk mund të të kthehen kurrë. Përveç TVSH bizneseve iu janë caktuar gjoba të tjera të mëdha, të cilat vijnë në kundërshtim me ligjet dhe Kushtetutën...Kjo piramidë e re e Ministrit Bode shkon vetëm në favor të tij personal. Domethënë shkon te vila dhe te pasuria tjetër akoma e padeklaruar.

Rruga tjetër e prurjes së parave për vilën e re në Rolling Hill janë miqtë e ministrit Bode që e rrethojnë dhe i rrethon me favore. Ministri Bode ka krijuar thuajse një qeveri të vogël jashtë qeverisë legale, e cila mund të kontrollojë doganat, taksat e tatimet si dhe disa biznese që bëhen kontrabandë. Rreth vilës së Bodes në Rolling..., kanë vilat e tyre edhe pasanikët e rinj, të mëkëmbur nën kujdesin e Bodes. Njër nga më të afërmit, Agim Zeqo është nga ata pasanikë që u krijuan tamam ditën kur Bode u bë “i madh” në pasurinë e shtetit. Tregojnë se miqtë e afërt të Bodes mund të veprojnë si të duan me taksat e tatimet, mund të rregullojnë sekserinë për çdo mall që hyn në Shqipëri, për çdo aksion financiar që kryhet. Nuk mund të blesh as bukën në qoftë se taksat e saj nuk kontrollohen nga enturazhi i Bodes.



Atëherë ku shkojnë këto para?

Shkojnë drejt përgjigjes së gazetarit të Agon për z. Bode dhe qe mbeti pa përgjigje të tij. Shkojnë në drejtim të vilës së tretë, por më rezidenca më luksoze në Ballkan.. Të vila e Bodes në Rolling....





E Premte, 19 Tetor 2012