C'thote Kurani per Muhamedin!

[angmokio]

Ne kete teme deshiroj te debatojme rreth menyres se si Allahu xh.sh e pershkruan ate ne Kuran. C'pozicion kishte ai tek Allahu xh.sh dhe c'impakt duhet te kete ai ne jeten e secilit besimtar musliman.
Shikoni se c'thote Allahu xh.sh ne Kuranin famelarte per te a.s.

1. Statusi i tij i lartesuar.

33:56. Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhërojeni pra atë (duke rënë salavatë) dhe përshëndeteni me selam.

21:107. E Ne të dërguam ty (Muhammed) vetëm si mëshirë për të gjitha krijesat.

94:4. Dhe Ne, ta ngritëm lart famën tënde?

17:79. Dhe në një pjesë të natës zgjohu me të (me Kur'anin - namazin), është e sigurt se Zoti yt do të ngrejë ty në një vend të lavdishëm.

47:2. Ndërsa atyre që besuan, bënë vepra të mira dhe atë që iu shpall Muhammedit e besuan, e ajo është e vërtetë prej Zotit të tyre, Ai atyre ua shlyen mëkatet dhe ua përmirëson gjendjen.

Vazhdon..........

[angmokio]

2. Dashurine prej Allahut xh.sh

3:31. Thuaj: “Nëse e doni All-llahun, atëherë ejani pas meje që All-llahu t'ju dojë, t'ju falë mëkatet tuaja, se All-llahu është që fal shumë, mëshiron shumë.


9:128.Juve ju erdhi i dërguar nga lloji juaj, atij i vie rëndë për vuajtjet tuaja, sepse është lakmues i rrugës së drejtë për ju, është i ndijshëm dhe i mëshirshëm për besimtarët.

33:45.O ti Pejgamber, Ne të dërguam ty dëshmues, lajmëtar përgëzues e qortues.
33:46.Dhe me urdhrin e All-llahut, thirrës për në rrugën e Tij dhe pishtar ndriçues.

4:113.E sikur të mos ishte dhuntia e All-llahut dhe mëshira e Tij ndaj teje, një grup prej tyre do të humbte ty, por ata nuk humbin tjetër, pos vetes së tyre. Ty nuk mund të dëmtojnë asgjë. All-llahu të shpalli ty, librin dhe sheriatin, të mësoi çka nuk dije. Dhuntia e All-llahut ndaj teje është shumë e madhe.

3:164.Është e vërtetë se All-llahu u dha dhuratë të madhe besimtarëve, kur ndër ta nga mesi i tyre dërgoi të dërguar që atyre t'u lexojë shpalljen e Tij, t'i pastrojë ata, t'ua mësojë Kur'anin dhe sheriatin, edhe pse, më parë ata ishin krejtësisht të humbur.
8:33. Po All-llahu nuk do t'i dënojë ata, derisa ti (Muhammed) je në mesin e tyre dhe All-llahu nuk do t'i dënojë, derisa ata kërkojnë falje (istigfarë).

48:10.Ata që të zotohen ty, në të vërtetë ata i zotohen All-llahut, se dora e All-llahut është mbi duart e tyre. E kush e thyen (zotimin), ai e thyen vetëm në dëm të vetin, e kush e zbaton atë që i është zotuar All-llahut, Ai do t'i japë atij shpërblim të madh.

Vazhdon.....

[angmokio]

SI TI LUFTOJM FYESIT E MUHAMEDIT s.a.v.s ME KURAN DHE SUNNET

Ne jemi Muslimanë dhe duhët të sillemi si Muslimanë dhe të ndjem brenda vetës me bindje të plot që jemi antarë të Shehaditit
La ilahe il Allahu Muhameden Resulullah, Ne duhet të reflektojm me menquri, maturi, dituri dhe me dashuri ndaj Islamit dhe të i lujftojm pa kompromisë ata që po fyejn Islamin, po fyejn më të dashurin e Allahut Muhamedin s.a.v.s.



Si bëhet kjo lufte???

01. Thuaj dhe ndjeje në vetën tënde E DUA MUHAMEDIN s.a.v.s sepse kështu do të na doj Allahut s.v.t

“Thuaj: Nëse e doni All-llahun, atëherë ejani pas meje që All-llahu të ju dojë” (Ali Imran – 31).
Transmeton Enesi [radijall-llahu anhu] nga Pejgamberi [salall-llahu alejhi ve sel-lem] i cili thotë: “Asnjëri nuk ka besuar përderisa të mos jem më i dashur tek ai se babai i tij, fëmija, vetvetja dhe njerëzit në përgjithësi”. (Buhariu dhe Muslimi)

02. Fali pesë kohet e Namazit, dhe të gjitha në Xhami sidomos namazin e Sabahut.

Pejgamberi salallahu alejhi ue selem ka thënë: “Dy rekatet e sabahut janë më të vlefshme sesa e gjithë dynjaja dhe çka ka në të.” Muslimi 725.

03. Zgjohu falë Namaz Nate,dhe bëj Lutje të Allahu për Pejgamberin a.s

Allahu s,v,t ka thënë: “Dhe në një pjesë të natës zgjohu me të (me Kur'anin - namazin), është e sigurt se Zoti yt do të ngrisë ty në një vend të lavdishëm ”. (El-Isra:79).
Nga Ibn Abbasi (radiall-llahu anhuma) transmetohet se ka thënë:
Na ka urdhëruar i Dërguari i All-llahut (salall-llahu alejhi ue ala alihi ue sel-lem) që të falim namaz nate dhe na ka nxitur ne duke na thënë: kujdesuni për namazin e natës dhe falni atë qoftë edhe një rekatë.
Tra: Taberani, e Saktesoi Shejkh Albani.

04. Agjëro ditën Hënë dhe të Enjte dhe bëj lutje para iftari për Pejgamberin a.s

Usame ibn Zejd e ka pyetur pejgamberin s.a.v.s per agjerimin e tij te henen dhe te ejten, pejgamberi s.a.v.s ka thene: “Ne keto dy dit paraqiten veprat tek Allahu xh.sh , dhe une kam deshir qe veprat e mija ti paraqiten Allahut xh.sh duke qen une agjerueshem” (Nesaiu 2357, Ahmedi 5/201, hadithi eshte Hasen
05. Dërgo Salavate sa më shumë mbi Pejgamberi a.s,
Thotë Pejgamberi [sal-lallahu alejhi ve sel-lem]: "Kush thotë një herë salavate mbi mua, All-llahu i përcjellë atij dhjetë salavate." . Muslimi dhe Ahmedi

06. Blej ndonjë libër mbi të Dërguarin e Allahut s.v.t dhe dhuroja ndonjë të afërmi si dhuart.

07. Jep Sadaka dhe shuaje zemrimin e njerzëve ndaj Islamit,

Pejgamberi, alejhi salatu ue selam, ka thënë: “Sadakaja e shuan zemërimin e Allahut ashtu sikur uji e shuan zjarrin” (Sahihu Tergib nr. 983).

08. Ndihmoi ndonjë familje të varfur

09. Respekto familjen dhe thirri të gjithë në rrugen e Pejgamberit a.s

10. Ruaje qetsin duke mbrojt Pejgamberin a.s me dashuri ndaj të pafajshmëve, dhe jo me urrejtëje ndaj tyre

Pejgamberi a.s ka thënë: “Të japësh besën që të mos adhurosh askënd tjetër veç Allahut e të mos i shoqërosh kënd Atij, të falësh namazin, të japësh zekatin, të këshillosh muslimanët dhe të largohesh nga idhujtarët”. (Ahmedi dhe Nesai).

11. Shpërndaje sa më shumë fjalen e Resulullahut s.a.v.s

Muhamedi s.a.v.s ka thënë: “Kushdo që thërret për në udhëzim do ta ketë shpërblimin njësoj me personin që e ndjek atë pa iu pakësuar atij (pasuesit) shpërblimi aspak.”(Buhariu & Muslimi)

12. Bëj Dua te Zoti që të bëj prej banorëve të Xhenetit, dhe të të takoi me Pejgamberin a.s

Allahu i Lartësuar thote: " Ata të cilët besuan dhe bënë vepra të mira janë prej banorëve të xhenetit dhe aty janë përgjithmonë." El Bekare: 82

13. Bëj Dua te Zoti që Muhamedi a.s të bëj Shefat për ju Diten e Gjykimit dhe mos falimento me të falimentuarit

Resulullahu sal-lall-llahu alejhi ve sel-lem ka thënë: "Me të vërtetë i falimentuar nga umeti im është ai i cili vjen në Ditën e Kijametit me namaz, agjërim dhe zekatë, por nga ana tjetër ka ofenduar dhe fyer në nder dikënd, ka ngrënë padrejtësisht pasurinë e dikujt, e ka vrarë atë apo e ka rrahur atë.
( E për këto gjeste) dëmtuesi i jep nga të mirat e tij dhe nëse ato i mbarojnë para se t’ia rikthej hakun të dëmtuarit plotësisht, atëhere i merren mëkatet të dëmtuarit dhe i mvishen dëmtuesit dhe kështu dëmtuesi hidhet në zjarr”.
( Transmeton Muslimi)

14. Mos mallko, mos u urrej njerzi të pafajshëm sepse me ata mirret Allahut s.v.t

"E s'ka dyshim se ata janë të cilët e fyejnë Allahun dhe të Dërguarin e Tij, ata i ka mallkuar Allahu në dunja e në ahiret dhe për ta ka përgatitur një dënim të dhembshëm!" (Kur'an, 33: 57).

15. Mos bëj veprime që ty të të urrejn njerzit, sepse urrejtëja ndaj teje do të thotë urrejtëje ndaj Islamit dhe Muhamedit s.a.v.s

16. Beso se edhe e tër bota njerzore të zgjohej dhe të i denonin ata njërzi që fyejn Pejgamberin a.s nuk do i a jepnin hakun sikur se i a jep Allahu Sunduesi i tokës dhe qiellit dhe kuptoi se ata nuk janë asgjë tjetër vetëm se Hipokrit të kohës moderne

"Hipokritëve e hipokriteve dhe jobesimtarëve Allahu u ka përcaktuar zjarrin e Xhehennemit, ku do të jenë përgjithmonë, ai mjafton për ta, dhe ata i ka mallkuar Allahu. Ata kanë dënim të pandërprerë!" (Kur'an, 9: 68).

17. Beso se cdo gjë është në komanden e Allahut, dhe asnjë njëri nuk mundet të fyej apo të ul emrin e Muhamedit s.a.v.s, sepse Allahu është Ai qe e ngriti dhe jo Njerzit, dhe Allahu do ta ngrit emrin e Tij s.a.v.s deri diten e gjykimit
Thotë Zoti në Kuran:“ Dhe ta dini se midis jush gjendet i Dërguari i Allahut!” (Huxhurat 7)

18. Beso në xhenet dhe atje të pret Pejgamberi a.s dhe veprimi juaj sot në pajtim me rrugën e Tij s.a.v.s (Sunnetin) Devotshmërin të dërgon në Xhenet

Thuaj: “A është më i mirë ai (zjarri i Xhehennemit), apo Xhenneti i përjetshëm, i cili u është premtuar si shpërblim dhe vend jetësimi të devotshëmve”. [25:15]

19. Beso ne Xhehenem dhe kij friken nga zjarri i tij dhe largohu nga polemikat,dhe beso se ky Xhehnem nuk do ndizet pa këta lloj njerzish që fyejn Pejgamberin a.s nga injoranca e tyre

Allahu i Lartësuar thotë: "E sikur t’i shihje ata kur janë ndalur pranë zjarrit e thonë: Ah, sikur të ktheheshim(në dunja) të mos përgënjeshtrojmë faktet e Zotit tonë e të bëhemi nga besimtarët. Jo, (s’është ashtu) po atyre u doli në shesh ajo që e mbanin fshehtë më parë, prandaj edhe sikur të ktheheshin ata do të përsëritnin atë që e kishin të ndaluar, e s’ka dyshim, ata janë gënjeshtarë." (En’amë, 27-28).

20. Thuaj sa më shumë : Redijtu bil-lahi Rabben ve bil-Islami dinen, ve bi Muhammedin nebijjen.
‎(Jam i kënaqur që Zoti im është All-llahu, feja ime është Islami dhe Pejgamberi im Muhammedi)

21. Duaje Pejgamberin a.s si Sahabet dhe duro për Dashurin ndaj Tij,

Ebu Bekri r.a "Sytë e tij lotonin nga dhimbja, por ai nuk lëvizi sepse iu dhimbs ta zgjojë Profetin (a.s) nga gjumi".
Bilali r.a -“Nuk mundja të qëndroja në Medinë pas vdekjes së Pejgamberit (s.a.v.s.)”.Kur donte të thërriste ezanin dhe vinte te fjala: "Dëshmoj se Muhamedi është i Dërguari i Zotit” iu ndalte zëri dhe qante pa ndal nga dashuria për Pejgamberin a.s.


Analizë rreth Fitorëve që arriti Islami:

01.

Shikone se si pushton islami botën nuk ka media në botë që nuk përmendet Islami dhe Muhamedi s.a.v.s që i bie se s'ka shtëpi në botë që nuk depërton islami.
Nga Temim Dariu na përcillet të ketë thënë: E kam dëgjuar Profetin, sal-lallahu alejhi ue selem, të thoshte:
“Kjo fe do të arrijë atje ku arrin dita dhe nata. Allahu nuk do të lërë shtëpi lloçi e as leshi veçse do ta fusë në të këtë fe, me krenarinë e krenarit apo me nënçmimin e të nënçmuarit. Krenari kjo me të cilën e krenon Islamin dhe nënçmim me të cilin e nënçmon kufrin”.

02.

Shikone se si bashkohen Muslimanën si një trup kur është në pyetje Pejgamberi a.s dhe harrohen ndasit mes tyre.
Pejgamberi a.s ka thënë: “Muslimanët në lidhjen dhe mëshirën në mes tyre, janë si një trup i vetëm! Nëse ndjen dhembje në një gjymtyrë, i gjithë trupi vuan nga pagjumësia dhe ethet.”

03.

Përmendja e emrit Pejgamberit tonë Muhamedit s.a.v.s për gjat këtyre ditëve dhe sa e sa Muslimani ndihet i knaqur me Pejgamberin a.s e kush ndihet i kënaqur me Resulullahun s.a.v.s Allahu do ta kënaq atë diten e gjykimit
Redijtu bil-lahi Rabben ve bil-Islami dinen, ve bi Muhammedin nebijjen.
SHQIP: (Jam i kënaqur që Zoti im është All-llahu, feja ime është Islami dhe Pejgamberi im Muhammedi)
Muhamedi s.a.v.s ka thënë: Kush e thot këtë 3 here mëngjes e mbrëmje Allahu do të knaq atë diten e Xhykimit.(Buhariu)

04.

Paramendoje sa here shkruhet vetëm në google.com emri i Tij a.s , sa here në Youtube dhe shumë e shumë rrejete elektronike pse ndodh e gjithë kjo sepse Allahu i ka thënë në Kuran:
Vërtet, ti je në një shkallë të lartë Morali (Kalem.4)

05.

Kjo ngjarje dhe gjithë të tjerat na thërrasin neve që të i kthehemi Kuranit sepse kthimi jonë te Kurani është fitorja më e madhe morale dhe Islame.
Aishja r.a thotë:”Morali i tij ishte Kurani.”
Për fund themi se Muslimanët duhet të rreshtohen në anen e Paqes tek njerzit sepse driten, fen e Allahut askush nuk mundet ta shuan edhe pse ndokush mund të mundohet dhe se kurthat, sherret që po bëhen Zoti do i kthej ne hajr për Muslimanët.
Allahu në Kuran thotë..."mos e llogaritni sherr, por ajo është më mirë për ju". (Nur: 11).

Ata me gojat e tyre mundohen që ta shuajn dritën e Allahut, por Allahu e përhap dritën e Tij edhe pse nuk e duan pabesimtarët (Kur`an).

THUAJ DHE KRENOHU DUKE THËNË "E DUA ALLAHUN, E DUA PEJGAMBERIT A.S MOS KE TRUP"

Davet Citaku

[angmokio]

10 FAKTE QË ZBARDHIN KONTRIBUTIN E PEJGAMBERIT, ALEJHI SELAM PËR NJERËZIMIN

Në vijim, do të prezantojmë një rezyme të shkurtër të asaj që Profeti Muhammed, [alejhis salatu ves salam]bëri për botën në tërësi, dhe këtë në pikat në vijim:

1.

Muhammedi, [alejhis salatu ves salam], arriti -nëpërmjet shpalljes hyjnore- të nxjerrë njerëzimin nga adhurimi i njerëzve në adhurimin për Zotin e njerëzve. Padyshim, ky është nderimi më i madh që i është bërë njeriut.

2.

Muhammedi, [alejhis salatu ves salam], po kështu me shpalljen hyjnore, çliroi mendjen e njeriut nga nënshtrimi ndaj besëtytnive dhe mashtrimeve, si dhe varësia ndaj idhujve dhe adhurimeve të kota. Ai arriti po kështu ta largoj mendjen nga vërtetimi i ideve dhe bindjeve të kota, sikur ajo se -kinse- Zoti ka djalë dhe se ka sakrifikuar me të pa asnjë faj të tij për të liruar njerëzimin nga mëkati.

3.

Muhammedi, [alejhis salatu ves salam], vuri themelet e tolerancës ndërnjerëzore, kuptohet në përputhje dhe pajtim me fjalën e Zotit, se “Nuk ka dhunë në fe!” Pejgamberi, [alejhis salatu ves selam] sqaroi të drejtat e jobesimtarëve që nuk janë në luftë me muslimanët dhe foli për sigrinë e tyre si dhe sigurinë e familjeve, nderit dhe pasurive të tyre. Edhe sot e kësaj dite në vendet islame jetojnë lirshëm dhe qetë shumë jomyslimanë, derisa në Spanjë, Gjyqet e Inkuizicionit punuan në drejtim të shfarosjes së muslimanëve dhe spastrimit etnik të Spanjës nga ata që nuk kishin kulturë perendimore.

4.

Muhammedi, [alejhis salatu ves selam] ishte mëshirë për mbarë botët, për të gjithë njerëzit, pa dallim feje. Madje, ishte i mëshirshëm edhe me shpezë dhe kafshë duke ndaluar dëmtimin e qëllimshëm të tyre apo mundimin e tyre.

5.

Pejgamberi, [alejhis salatu ves selam] ofroi një imazh respektues dhe vlerësues për të gjithë profetët paraprak, Ibrahimin, Musanë, Isanë, [alejhimus selam], madje i shpalli Allahu i Madhëruar në Kur’an se përgënjeshtrimi i vetëm njërit prej tyre, nënkupton përgënjeshtrimin e të gjithëve. Të gjithë profetët [alejhimus selam] janë vëllezër që kanë hise në thirrjen në Njëshmërinë e Allahut të Madhëruar.

6.

Pejgamberi, [alejhis salatu ves selam] doli në mbrojtje të të drejtave të njerëzve, pavarësisht gjinisë, moshës, statusit shoqëror dhe standardit jetësor. Ai [alejhis salatu ves selam] miratoi një sërë ligjesh dhe rregullash përkitazi me të drejtat e njeriut, dhe sigurisht, Hutbeja Lamtumirëse, është vetëm një nga faktet e shumta që flasin për shenjtërinë e nderit, gjakut, pasurisë. Kuptohet, këto parime profetike apo kjo kartë profetike e të drejtave të njeriut që botes i qe kumtuar nga vet ai vetëm pak muaj para se të vdiste, parapriu kartat tjera të të drejtave, si p.sh. Karta e Madhe e Lirive ose Magna Carta Libertatum e miratuar në vitin 1215, Deklaratën e të Drejtave të miratuar në vitin 1628, Ligjin për liritë personale të vitit 1679, Deklaratën e Pavarësisë së SHBA-ve më 1776, Kartën e të Drejtave njerëzore dhe qytetare të vitit 1789 si dhe Deklaratën botërore të të drejtave të njeriut të miratuar më 1948.

7.

Muhammedi, [alejhis salatu ves selam] moralit i kushtoi rëndësi të madhe në jetën e njeriut. Ai punoi në drejtim të kultivimit dhe ruajtjes së tyre, si sinqeriteti, përmbushja e premtimeve, ndershmëria. Po kështu punoi në drejtim të forcimit të lidhjeve shoqërore, si respekti për prindër dhe mbajtja e lidhjeve farefisnore, duke i zbatuar në praktike. Po kështu, përderisa ftoi dhe praktikoi këto norma mirësjelljeje, kërcënoi për moralin dhe cilësitë e urryera, si gënjeshtra, tradhtia, zilia, prostitucioni, arroganca ndaj prindërve, duke trajtuar edhe problemet që rrjedhin prej tyre.

8.

Muhammedi, alejhi’s selam, [alejhis salatu ves selam] ftoi në meditim dhe hulumtim në gjithësi për të përfituar dije dhe njohuri, duke e llogaritur këtë madje si diç për të cilën shpërblehesh. Këto parime miratoheshin në kohën kur dijetarët dhe shkencëtarët përjetonin tmerrin në kulturat dhe fetë tjera, duke përfunduar në rastin më të mirë në burg dhe në rastin më të keq me varje, mbytje apo djegie gjer në vdekje.

9.

Muhammedi, alejhi’s selam, [alejhis salatu ves selam] solli –prej Allahut të Madhëruar- fenë, e cila përputhet me natyrën e njeriut, kujdeset për nevojat shpirtërore dhe fizike të tij, bën balancim ndërmjet punës për dynja dhe asaj për ahiret. Është një fe, e cila disiplinon instinktet dhe dëshirat e njeriut duke mos i anuluar ato, siç bënë të tjerët në fetë tjera, që sollën ligje dhe norma që bien në kundërshtim me natyrshmërinë e njeriut dhe privuan adhuruesit nga dëshira për martesë. Po kështu i ftuan ata që të mos reagojnë nga dhunës dhe agresionit që ushtrohet ndaj tyre, gjëra këto që ndikuan në largimin total të tyre nga ajo fe, duke parapëlqyer dhe zgjedhur jetën materiale, e cila interesohet vetëm për përmbushjen e kërkesave të trupit (epshit) larg çdo ndikimi nga jeta shpirtërore.

10.

Pejgamberi, [alejhis salatu ves salam] solli shembullin më të mirë dhe më të përkryer të vëllazërisë njerëzore, duke lajmëruar se asnjë racë a lloj nuk ka vlerë ndaj tjetrit. Që të gjithë janë të barabartë në krijimtari, të drejta dhe obligime, ndërsa vlerësimi i tyre bëhet vetëm në bazë të besimit dhe devotshmërisë. Muhammedi, alejhi’s selam, [alejhis salatu ves salam] ua dha mundësinë joarabëve që t’i shërbejnë kësaj feje, si Suhejbi bizantinas, Bilali etiopian, Selmani persian, etj.