Shqipëri: Privatizohen 4 hidrocentrale për 110 milion euro

[Albo]

Katër HEC-et shiten për 110 milionë euro

Pas 1 dështimi dhe disa shtyrjeve radhazi, tenderi për shitjen e katër hidrocentraleve Bistrica 1, Bistrica 2, si dhe “HEC Ulëz Shkopet sh.a”, rezultoi iimages (1) suksesshëm, pasi vlera e ofruar për blerjen e tyre shkoi në 109 milionë euro, shumë e cila u ofrua nga kompania turke “Kurum”. Për HEC-et e Bistricës morën pjesë në garë 7 kompani, por “Kurum” ofroi vlerën më të lartë prej 52 milionë eurosh. Edhe për HEC “Ulëz Shkopet”, “Kurum” ofroi 57 milionë euro, duke qenë oferta më e lartë dhe fituese gjithashtu. “Komisioni do të tërhiqet për të vijuar me detyrimin e mëtejshëm, vlerësimin e ofertave dhe përpilimin e raportit përfundimtar që do rendisim edhe nëpërmjet pikëzimit të ofertave financiare dhe teknike, pas verifikimit dhe vlerësimit përkatës. Procesi ka konfidencialitetin e tij, nuk do ju fshehim gjë, por duhet kohë për të evidentuar gjithë procesin”, – tha Dervishaj. Komisioni i Vlerësimit të Ofertave në bashkëpunim me konsulentin IFC, do të vijojnë me verifikimet dhe vlerësimet e nevojshme për procedurat e mëtejshme. Pak muaj më parë qeveria vendosi që t’i shkëpuste këto 4 hidrocentrale nga varësia e KESH-it dhe t’i nxirrte ato për privatizim. Shuma pritet të arkëtohet në muajt e parë të vitit që vjen në buxhetin e shtetit, duke i dhënë kështu një suport pozitiv këtij buxheti, i cli në tri vitet e fundit është gjendur në vështirësi për realizimin e planit prej krizës ekonomike. Ndryshe nga dyshimet që qeveria ka për arkëtimin e vlerës së shitjes së Albpetrolit prej 850 milionë eurosh, paratë për katër HEC-et konsiderohen më të sigurta. Kompania “Kurum” është një nga biznesit më të mëdha në vendin tonë dhe operon prej vitesh në prodhimin e hekurit në një pjesë të ish-Metalurgjikut në Elbasan. Ndërsa ka edhe një licencë si furnizues i kualifikuar i energjisë elektrike. Përdorimi i të ardhurave nga privatizimi pritet të vendoset nga qeveria. Ministri Bode ka deklaruar se arkëtimet nga privatizimet do të përdoren për investime në infrastrukturë dhe për financimin e borxhit.





Ofertat për “Ulëz Shkopet sh.a”

1- Georgian American Alloys, inc 26.500.000 euro

2- Energolinija LLC 31.888.084 euro

3- Çalik Enerji 15.800.000 euro

4- Kurum International sh.a 57.500.000 euro



Ofertat për “Bistrica 1” dhe “Bistrica 2”


1- Georgian American Alloys, inc 30.355.000 euro

2- Energolinija LLC 4.847.496 euro

3- TRE SPA- italy Novapower 27.500.000 euro

4- Çalik Enerji 9.300.000 euro

5- Kurum International Sh.A 52.000.000 euro

6- ERPA investment 35.100.000 euro

7- Agna Consortium 37.100.000 euro

MAPO

[Albo]

Haxhinasto: Katër HEC-et nuk u shiten lirë

Ministria e Ekonomisë njoftoi se fituesi i garës për privatizimin e katër HEC-ve Bistrica 1, Bistrica 2” sh.a. dhe Ulëz-Shkopet do të shpallet në konsultim me Korporatën Financiare Ndërkombëtare (IFC), e cila ka asistuar procesin e privatizimit. Në këtë garë kompania turke Korum ka ofruar çmimin më të lartë prej 109 milionë eurosh, që është vlerësuar nga ekspertët shumë i ulët. Pasi në një periudhë normale reshjesh kjo vlerë gjenerohet vetëm për dy vite. Mirëpo në një reagim zyrtar dje METE, duke sqaruar opinionin publik dhe mediatik tha se pas kryerjes së verifikimit dhe vlerësimit përkatës, Komisioni i Vlerësimit të Ofertave në bashkëpunim me konsulentin ndërkombëtar IFC do të hartojnë raportin përfundimtar, i cili do t’i bëhet i njohur publikut. “Përsa pretendimeve se HEC-et e nxjerra në privatizim po shiten me një vlerë të ulët, Ministria e Ekonomisë sqaron se këto pretendime dhe interpretime nuk qëndrojnë dhe nuk janë të mbështetura në të dhëna të sakta”, thuhet në deklaratën e METE.


MAPO

[Albo]

Dervishaj: Asetet e katër HEC-ve ishin 170 mln euro, u shiten 110 mln euro

Duke konsideruar si sukses transparencën më të cilën u shitën katër hidrocentralet, zv.minitri Sokol Dervishaj ka pohuar dje në një komunikim me download (1)mediat se vlera e aseteve të tyre ishte 170 milionë euro, ndërsa çmimi që u përfitua nga shitja ishte 110 milionë euro. Ai i mëshoi me forcë faktit se procesi i privatizimeve ka qenë transparent, por opozita ka si qëllim që të politizojë procesin e privatizimeve.

Zv.ministri nuk sqaroi nëse këto kompani janë shitur me gjithë kreditë e mbartura apo të çliruara prej tyre. Tenderi i zhvilluar në muajin dhjetor, pas tre raste dështimesh, shpalli fitues kompaninë turke “Kurum”, e cila ofroi 110 milionë euro për të blerë katër hidrocentralet, Ulzën, Shkopetin, Bistricën i dhe Bistricën II. Pavarësisht se tenderi u zhvillua në kushtet e konkurrencës, ekspertët e sektorit gjykojnë se vlera e shitjes nuk përputhet me realen në kushtet e eficensës së objekteve dhe të rendimentit. HEC-et prodhonin rreth 450 mijë megavat energji elektrike në vit, duke garantuar të paktën 22 milionë euro të ardhura, ndërsa kompanisë së prodhimeve të çelikut, “Kurum”, kjo situatë i shkon për shtat nisur nga fakti se është konsumatorja kryesore e energjisë elektrike në vend. Shitja e katër HEC-eve do t’i shkaktojë vendit të tjera humbje në sektorin energjetik, kryesisht Korporatës Elektroenergjetike Shqiptare (KESh-it). Në total, HEC-et e Ulëz Shkopetit dhe dy Bistricat kanë një kapacitet të instaluar prej 80 megavat. Sipas të dhënave zyrtare, katër hidrocentralet e nxjerra në shitje prodhojnë së bashku 350-450 milionë kilovat orë në vit. Ndryshe nga dyshimet që qeveria ka për arkëtimin e vlerës së shitjes së Albpetrolit, prej 850 milionë eurosh, paratë për katër HEC-et konsiderohen më të sigurta. Kompania “Kurum” është një nga bizneset më të mëdha në vendin tonë dhe operon prej vitesh në prodhimin e hekurit në një pjesë të ish-Metalurgjikut në Elbasan. Ndërsa ka edhe një licencë si furnizues i kualifikuar i energjisë elektrike. Përdorimi i të ardhurave nga privatizimi pritet të vendoset nga qeveria. Ministri Bode ka deklaruar se arkëtimet nga privatizimet do të përdoren për investime në infrastrukturë dhe për financimin e borxhit.

Tenderi i zhvilluar në muajin dhjetor, pas tre raste dështimesh, shpalli fitues kompaninë turke “Kurum”, e cila ofroi 110 milionë euro për të blerë katër hidrocentralet, Ulzën, Shkopetin, Bistricën i dhe Bistricën II. Pavarësisht se tenderi u zhvillua në kushtet e konkurrencës, ekspertët e sektorit gjykojnë se vlera e shitjes nuk përputhet me realen në kushtet e eficensës së objekteve.

MAPO

[Albo]

Shalsi: Qeveria të japë shpjegime për shitjen e HEC-eve

Deputeti i Partisë Socialiste Eduart Shalsi ka kërkuar sot që qeveria të japë shpjegime për shitjen e HEC-eve. “Do shiten 4 HEC-et me 1.4 milionë euroimages (1) për megavat të instaluara. Qeveria nuk ka bërë asnjëherë publike bilancet të këtyre hidrocentraleve në mënyrë që qytetarët të gjykojë këtë privatizim për të cilin nuk ka pasur konsulta me ekspertë apo specialistë të fushës. Ne gjykojmë se bëhet fjalë për një shitje në kurriz të interesave të shqiptarëve me ndikime negative në ekonomi dhe fushën sociale. Në ditët në vijim do t’ju japim argument financiar kundër kësaj shitje”, tha Shalsi.

Privatizimi i HEC-eve, Shalsi : Është bërë për të mbushur gropat e buxhetit në kurriz të qytetarëve

Partia Socialiste është shprehur sot se privatizimi i 4 hidrocentraleve nga qeveria është një aferë korruptive, përmes së cilës shqiptarëve u është download (9)shkaktuar një dëm i madh. Deputeti i kësaj partie Eduard Shalsi bëri me dije se PS nuk e njeh privatizimin e HEC-eve. Sipas Shalsit privatizimi është bërë me ngut për të përmirësuar financat e shtetit. “Ne nuk e njohim shitjen ose privatizimin e 4 HEC-eve që bëhen në kurriz të shqiptarëve. Dimë fare mirë situatën dramatike të financave shqiptare, por nuk mund të pranojmë të mbushen gropat e buxhetit në kurriz të interesave afatgjata të qytetarëve, nuk do ta lejojmë.”- deklaroi Shalsi. Deputeti Shalsi vuri në dukje se në dy shitjet e hidrocentraleve që ka bërë qeveria në një hark të shkurtër kohor është vërejtur një diferencë e madhe në çmim. “Hidrocentrali i Lanabregasit iu shit pushtetit vendor me një çmim prej 3 ml eurosh për 1 megavat fuqi e instaluar, ndërsa Ulza, Shkopeti dhe Bistrica 1 e 2 iu shitën një kompanie private me një çmim prej 1.4 ml eurosh për 1 megavat fuqi e instaluar. Nisur nga ndryshimi i çmimeve, rezulton se me shitjen e 4 HEC-eve interesave të shqiptarëve u është shkaktuar një dëm ekonomik prej rreth 100 ml euro.”- deklaroi Shalsi.

MAPO

[Albo]

Privatizimi i HEC-eve, METE nënshkruan kontratën me Kurum

Ministria e Ekonomisë, Tregëtisë dhe Energjitikës nënëshkroi sot kontratën me kompaninë Kurum për për blerjen e 100 për qind të aksioneve, përkatësisht të shoqërisë “HEC Bistrica 1 dhe Bistrica 2” sha dhe shoqërisë HEC Ulëz Shkopet sha. Oferta e Kurum u miratua edhe nga Këshilli i Ministrave . Në një njoftim të saj, METE shprehet se një ditë më parë janë nënshkruar me kandidatin fitues shoqërinë “Kurum International” sha, marrëveshjet përkatëse për blerjen e aksioneve të shoqërive “HEC Bistrica 1 dhe Bistrica 2” sha dhe “HEC Ulëz Shkopet” sha. Katër hidrocentralet të ndara në dy paketa, Bistrica 1 dhe 2 më vete dhe Ulzë-Shkopetit, jane blere për shumën 109.5 milionë euro.

MAPO

[Albo]

Ruçi: Hiqni dorë nga privatizimi i 4 HEC-eve. Topalli: Privatizimi i tyre po mbush arkën e shtetit

Seanca e sotme kuvendore ka nisur me një debat të ashpër midis deputetëve të opozitës dhe atyre të mazhorancës. Opozita kërkoi që kalendari të përfshijë pr/ligjin për personat me aftësi të kufizuar dhe të hiqen nga kalendari ligji për privatizimin e 4 HEC-eve dhe ratifikimi i dhënies së licencës për lotarinë kombëtare. Ndërsa, nga ana tjetër kryetarja e Kuvednit, Jozefina Topalli, theksoi se në kalendar së shpejti do të futet dhe referendumi për 3 ligjet e integrimit.

Kryetari i grupit parlamentar të PS-së, Gramoz Ruçi kërkoi që të mos shpejtohet me futjen e çështjeve në kalendar, ku ka çështje më të rëndësishme që presin miratim prej kohësh.

“Të privatizosh 4 HEC-e dhe të mos lesh kohën më procedurale, por të shpejtosh ditët e pushimit të avancosh seancën nga e enjtja deri të hënë thotë në mënyrë taksative nuk mund të futen në kalendar, publiku shqiptar duhet ta kuptojë se çfarë është ky nxitim. Kërkoj të reflektoni në këtë çështje sepse kemi të bëjmë me privatizimin e pasurisë së shqiptarëve dhe me të ardhura që është lotaria kombëtare që nuk është pasuria juaj. Të hiqen nga kalendari i javës që vjen dhënia e privatizimi i 4 HEC-eve dhe ratifikimi i dhënies së licencës së Lotarisë Kombëtare. Të zbatohet rregullorja e parlamenti për këto probleme që u ngritën. Gjithashtu, PS ka mbi tre muaj që ka depozituar një nismë për personat me aftësi të kufizuar, e cila nuk është përfshirë në kalendar. Doli pretendimi se s’ka faturë financiare, pra, rregullorja iu detyron t’ia ktheni nismëtarëve ta plotësojnë. Sot e mbi 3 muaj ka që e kemi depozituar dhe Këshilli i Ministrave duhet të ishte shprehur dhe në kalendar duhet të ishte përfshirë dhe të kishte marrë verdiktin në seancën parlamentare”, shprehet Ruçi.

Kryetarja e parlamentit theksoi se rasti i Lotarisë Kombëtare ka mbërritur prej javësh në parlament ndaj erdhi koha të futej në kalendar. Kurse për rastin e 4 HEC-eve theksoi se nuk mund të përjashtojë nga kalendari çështje që mbushin arkën e shtetit.

“Është e vërtetë se pr/ligji i Ruçit është kthyer se nuk ka faturë socialiste ndaja administrata ta kthejë për shqyrtim me qëllim që të vendosë faturën financiare. Rasti i lotarisë ka mbërritur prej disa javësh dhe normale që të hyjë në procedurën e ditës. Sa i përket HEC-eve, ne kemi praktikë parlamentare se kur flitet për interesa financiare që paratë shkojnë në buxhetin e shtetit dhe ajo hyn në kalendarin e kuvendi. Sa kam qenë kryetare këtë e kam zbatuar. E kemi lënë të hapur dhe fleksibël nëse kanë emergjencë dhe për ne është e nevojshme. Nëse jo do kalojmë në javën e tretë të kalendarit për të vazhduar në punën e Kuvendit”, theksoi Topalli.

Kryeparlamentarja në vijim të fjalës theksoi se në Parlament ka mbërritur kërkesa për referendum mbi 3 ligjet e bllokuara në Kuvend pasi kërkojnë shumicën e cilësuar.

“Kërkesa për referendum është depozituar e firmosur nga një numër i madh i deputetëve, është formalizuar tërësisht në përputhje me kushtetutën dhe ligjet. Ndaj do kemi rastin ta votojmë”.

Shekulli Online

[Albo]

Kuvendi miraton privatizimin e 4 HEC-eve, opozita kundër

TIRANE- Kuvendi i Shqipërisë miratoi vetëm me votat e mazhorancës shitjen e 4- HEC-eve. Të dy kontratat, Bistrica 1 dhe 2, si dhe Ulëz, Shkopet morën nga 73 vota pro dhe 61 kundër.
Kreu i qeverise, Sali Berisha duke folur ne Kuvendin e Shqiperise, pas akuzave te opozites per privatizimet ka deklaruar se parate e marra prej tyre duhen per investime dhe shnderrohen ne te mire direkte per qytetaret.
Ai ka keshilluar opoziten te punojne e te shqetesohen per qytetaret dhe jo per karrigen e kryetarit te tyre.
“Ne përvec se i përmbahemi parimit tonë, ne i privatizojmë se ne energji blejmë por rrugët e shtruara si blejmë dot, duhet ti shtrojmë vetë, se shkolla të reja nuk importojmë dot, na duhen para për të ndërtuar shkolla, se po ndërtojmë dhjetëra të tjera, por subvencionet për ullishtet, arrorët, nuk sjellim dot, na duhen para për ju, ne spitalet të reja nuk importojmë dot, na duhen para për to”- tha Berisha.
Sipas tij, maxhoranca e ka per ta dashur kete vend me probleme, por qe po i zgjidhen nje nga nje.
Ai ka thene se do te jete shume e afert dita qe kur kombet e tjera do paguajne me shume se sot shqiptaret, keta do te blejne energjine me kosto me te ulet qe ekziston, ate ujore.
“Nëse ne privatizojmë, ne privatizojmë që paratë e tyre t’i shndërrojmë në një të mirë të madhe, direkte për qytetarin shqiptar. Informoj shqiptarët se është politika e vendosur e kësaj qeverie, e cila ia doli në mënyrë të suksesshme të ndërmarrë, të hapë siparin e ndërtimeve më të mëdha hidro energjetike të vendit. Për 30 vjet me radhë, ujërat e vendit u derdhën në dete e liqene si të pavlerë, është 2007, viti që shënoi kthesën vendimtare në drejtim të potencialit ujor të madh të vendit”- tha ai.

Brace: Kuvendi, lavatrice e Berishes. Po shet HEC, si te jene domate

Debate ne Kuvendin e Shqiperise per projektligjin per privatizimin e kater HEC-eve, të Bistricës, Bistrica 1, Ulzës dhe Shkopetit.
Deputeti i PS-se, Erjon Braçe ka akuzuar qeverine dhe kryeministrin per kete privatizim te paligjshem, ne dem te vendit dhe ne interes te Berishes.
Sipas Braces, ky privatizim i radhes thellon krizën e sektorit vecanërisht KESh-it.
“Këtu ka ndodhur gjithçka, privatizimi i personalizuar,i paligjshëm, privatizim nën cmim, aplikuar në cdo rast, privatizimi me garante të forta për blerësin, të gjitha të kryera nga qeveria e Berishës. Kuvendi që shihni sot nuk di gjë, nuk ka marrë pjesë në proces, 80% e deputetëve nuk e njohin marrëveshjen që do të votojnë sot, Kuvendi është kthyer në lavatrice që lan e shplan marrëveshje të korruptuara në shitje të atdheut”- tha Brace.
Sipas tij, paratë bëjnë çudira në vend, që e kanë zhbërë kryeministrin në një pazarçi.
“Ministria sapo tha se ky ishte absurd, kush ishte ministri para jush, kryeministri i vendit? Si mund të thoni këtë për kryeministrin e vendit. Nuk është absurd, por standard. Privatizimi nën çmin, kryeministri po privatizon për të përfituar jo për të dalë nga kriza. 2 muaj më parë kryeministri i detyroi shitjen e Lana Bregasit, tek një kompani private. Tani po shet vetëm për 1.4 milionë euro për megavat. Rrezikohet me 3 herë rritja e çmimit të energjisë. Ky injorant kujton se po shet domate me shumicë. Unë dua ta pyes kush po i merr 100 milionë euro kryeministër”, tha Brace.

Haxhinasto: Proces transparent

Ministri i METE-s, Haxhinasto ka deklaruar se akuzat e opozites nuk qendrojne, pasi procedura e ndjekur per privatizimin eshte ne perputhje te plote me ligjin.
“Do përgjigjem për shumë të pavërteta që u thanë. Së pari sot diskutojmë për ratifikimin e një procesi, jo për vet ligjin për të privatizuar pasi ai ka 2 vjet që ka kaluar. Së dyti sa u takojnë dokumentave të politikave të privatizimit. Është edhe në strategjinë e PS ku thuhet qartë se pas privatizimit të sektorit të energjisë elektrike do kalohet në liberalizimin e sistemit”- tha ai.
Sipas ministrit, kjo është vazhdimësi e qartë e politikave të filluara prej opozites dhe është në vijim të privatizimeve në vitin 200-2005 ku u dhanë
koncesion 31 HEC dhe u shitën 15.
“Pse është e nevojshme. I nevojitet buxhetit të shtetit, që është i gjithë shqiptarëve, dhe nga privatizimet përfitojnë gjithë shqiptarët për shkolla spitale rrugë etj., Nga pikëpamja strategjike rëndësia e këtyre HEC-eve ka rënë, pasi po ndërtohen shumë të tjera, me kapacitet shumë më të larta. Sa i takon çmimit që ju flisni, ai është mbi mesataren e shitjes së HEC të ngjashme. Çmimi mesatar është 1.4 milion euro për megavat. Sa i takon transparencës, është krejtësisht e plotë. Sa i takon punësimit është pjesë e marrëveshjes, që i gjithë detyrimi për të mbajtur në punë punëtorët është pjesë e saj”, tha Haxhinasto.
Deputeti i PS-se, Arben Ahmetaj, duke folur kunder ketij privatizimi ka deklaruar se ky privatizim eshte ne vijimin te atyre qe qeveria i ben ne kudnershtim me interesin e shqiptareve, ceshtje qe sipas tij do te marre zgjidhje menjehere pas zgjedhjeve te 23 qershorit.
Seanca e sotme ka nje sere projektligjesh te tjere krahas miratimit te privatizimit te 4 HEC-eve, të Bistricës, Bistrica 1, Ulzës dhe Shkopetit; ai i referendumit per tre ligjet e integrimit, Llotaria Komebtare etj.
Ne kete seance priten debate mes paleve, pasi opozita ka kundershtuar ashper privatizimin e HEC-eve, duke thene se do votoje kunder. Sipas saj, qeveria po shpejton te privatizoje gjithca para zgjedhjeve, ne dem te interesit te shqiptareve.
Nje seance me pare, opozita kerkoi heqjen nga kalendari të ligjit për privatizimin e katër HEC-eve, por me shumicen e maxhorances kerkesa u rrezua dhe kalendari i punimeve gjeti miratim.
Kontratat për blerjen e aksioneve të shoqërive “HEC Bistrica 1 dhe Bistrica 2” sha dhe “HEC Ulëz Shkopet” sha u nënshkruan më 11 shkurt 2013 nga METE dhe kandidatit fitues shoqëria “Kurum International”.
Kontratat u nënshkruan në zbatim të vendimit të qeverisë të datës 09 janar 2013, ku ofertat e shoqërisë “Kurum International” u kualifikuan si fituese për blerjen e 100 për qind të aksioneve të 4 HEC-eve.
Ndërkohë dy çështje të cilat pritet të shkaktojë debate në Kuvend është edhe ligji për llotarinë kombëtare dhe “Për mediat audiovizive” për të cilat opozita tashmë ka deklaruar votën kundër.

Burimi: Panorama

[Albo]

Hec-et, paratë nuk janë derdhur në arkën e shtetit


Paratë për privatizimin e 4 hidrocentraleve ende nuk janë derdhur në arkën e shtetit. Burime nga Ministria e Ekonomisë bëjnë të ditur se kompania fituese e tenderit që u zhvillua në muajin dhjetor ende nuk ka kryer transaksionin financiar. Pas miratimit të tenderit nga qeveria, Ministria e Ekonomisë nënshkroi marrëveshjen me kompaninë “Kurum sha” për kalimin e 100% të aksioneve në zotërim në një vlerë prej 109.5 milionë euro. Marrëveshja për privatizimin e hidrocentraleve u miratua me 73 vota në Kuvend në datën 4 mars dhe që nga kjo periudhë, kompania fituese ka afat 45 ditë kohë për të përmbyllur transaksionin me qeverinë shqiptare. Nga ana tjetër, qeveria për të mbuluar shpenzimet e saj dhe për të rritur investimet, gjatë këtij muaji ndërmori një ndryshim në ligjin për buxhetin e shtetit, nga ku mund të marrë hua nga bankat tregtare në vlerën e 12 miliardë lekëve. Si garanci për shlyerjen e kësaj huaje, qeveria ka vënë paratë që do të marrë nga privatizimi i hidrocentraleve Bistrica 1 dhe 2 dhe Shkopet-Ulëz. Huaja nga qeveria nuk është marrë ende, ndërsa kompania fituese ka afat deri në datën 20 prill për të derdhur paratë për privatizimin e hidrocentraleve. Ministria e Ekonomisë, pas disa dështimesh për shitjen e këtyre hidrocentrale, më datë 21 dhjetor të vitit të kaluar realizoi tenderin për privatizimin e tyre. Nga të tetë kompanitë pjesëmarrëse, “Kurum sha” ofroi vlerat më të larta, 52 milionë euro për hec Bistrica 1 dhe 2 dhe 57 milionë e 500 mijë euro për hec-et Shkopet-Ulëz. Kjo kompani, kërkoi që vlerës totale të ofertuar t’i zbritej TVSH e rimbursueshme nga aktiviteti i saj ekonomik gjatë vitit që lamë pas në vlerën 1.3 milionë euro. Edhe pse mbështetja nga administrata tatimore ishte e menjëhershme për zbritjen e kësaj vlere nga totali i ofertës, duke bërë ndryshimet e mundshme në marrëveshjen e privatizimit, kompania ende nuk ka derdhur paratë.

MAPO

[Fehmikaciu]

.....kjo eshte e pabesueshme,por po me duket se e vertet qenka,po shitet pasuria e popullit shqipetare,si me ju lane baballaret e tyre bakshish,fleni popull fleni se prej gjumit do tju rritet standardi,,,,,,

[loneeagle]

Qe ku e keni kelyshin e grekve,normalisht qe do reagonte ne raste te tilla,votojeni prape qenin.


Rama: S`do njohim privatizimin e HEC-eve, blerësit të tërhiqen sa s`është vonë

Opozita nuk do te njoh asnje prej privatizimeve te hidrocentraleve qe eshte paralajmeruar nga qeveria dhe do t'i anuloje ato kur te jete ne pushtet. Kjo eshte deklarata qe ka bere dje kreu i PS-se, Edi Rama ne lidhje me nisjen e procedurave ligjore per privatizimin e 5 hidrocentraleve.

Cfare jane keta rob te trashe. Pikerisht ketu qendron problemi me Shqiperine qe i tremben investuesit, kane frike sepse nese ndryshojne partite ne pushtet nuk njohin asnje aktivitet. Tmerr!