Postuar më parë nga
juanito02
Kriminelet e vertete jane kupola shtetretore e krimit.
Kriminelët VIP që u liruan më 2009 nga 4 ministrat për zgjedhje
Misteri nis të marrë udhë. Ish ambasadori amerikan Xhon Uidhers u përgjigj pas skandalit të kabllogrameve të publikuar nga Uikiliks, që përfshinë dhe Shqipërinë, se “Amerika thotë gjithnjë të vërtetën dhe nuk gënjen, pavarësisht nëse dikujt i pëlqen apo jo”. Teksa Astrit Patozi, i njohur dhe si Alfons Ballshi me pseudonim, i quajti limonata, e vërteta ishte vërtet e hidhur. Kabllogramet flisnin qartë për një lobim ministrash për të liruar sa më shumë VIP-a të botës së krimit nga qelitë, që t’i përdornin për të mbledhur vota më 2009. Nga një investigim që ka kryer agjencia AMA, një pjesë të fakteve i kemi botuar ditët e fundit pas vrasjes së shefit të komisariatit Adem Tahiraj nga Ilir Xhakja, ka zbuluar se janë katër VIP-at e krimit që shpëtuan ministrat e kabinetit më 2009 nga qelitë. Në kabllograme flitej për Sokol Olldashin (Transportet), Fatmir Mediun (ish I Mbrojtjes), Enkelejd Alibeajn (I Drejtesise), dhe Lulzim Bashën (I Jashtem). Pas këtyre ministrave qëndrojnë katër bosët e krimit, prej të cilëve disa të lirë ende. Bëhet fjalë për Fatmir Kajollin, aktualisht këshilltari Republikan i Mediut në bashkinë e Fierit. Arben Isufajn, ose Ben Qimja, i liruar nga Fatmira Hajdari me 2009, edhe pse si provë për vrasjen e 2001 ishte qimja e flokut dhe AND !. Ilir Xhakja, i forti i Shijakut, qe akuzohej per te pakten 4 vrasje dhe ishte liruar me disa vendime gjykatash, nga Arjana Fullani 2009, tek Neritan Tabaku 2011, ky kishte liruar edhe Klodian Saliun në 2004, para se të vritej nga Lulzim Berisha. I fundit dyshohet se është Florenc Çapja (të njohur për miqësinë me krerët e LSI), të cilët u shfrytëzuan nga ministri Lulzim Basha, në Elbasan, në atë kohë për lobim zgjedhjesh, meqe kishin dhe parakoalicion. Çapja akuzohej per seri vrasjesh në bashkëpunim për hakmarrje, pasi më 2005 i vranë vëllanë në një lokal luksoz, Sokol Çapja. Katër ministrat dhe katër personazhet e botës së krimit k lidh së bashku vetëm një vit, ai 2009 k zgjedhjeve të përgjithshme, ku sipas kabllogrameve pati ndikim të madh edhe në grabitjen e dy mandateve të opozitës dhe mijëra votave. Kabllogramet e Uidhersit dërguar Uashingtonit flisnin qartë se si Mediu-Olldashi-Basha e Alibeaj bashkëpunuan duke liruar kriminelë nga burgu, ose u premtuan lirinë që ua dhanë pas zgjedhjeve. Por cfarë ndodhi. Tashmë gjithcka po del në shesh. Urdhër arresti i Italisë nuk mund të fshihej për Kajollin, ai erdhi para zgjedhjeve të 2009 dhe Olldashi e përdori. Të gjitha makinacionet cojnë edhe tek shkaqet e vrasjes se bujshme te Fatmir Xhindit me 2 maj 2009, nje muaj e pak para zgjedhjeve te pergjithshme ne Roskovec. Nese Xhindi do ishte gjalle, e djtahta do kishte edhe nje mandat tjeter me pak. Arben Isufaj (Ben Qimja), lirohet nje dite pas zgjedhjeve te pergjithshme, te henen e 30 qershorit, nga Fatmira Hajdari, pasi puna ishte kryer. Florenc Çapja doli i lire ne Elbasan pasi nuk u gjeten prova, Kajollin gjykata ne nje tjeter skandal e liroi nga akuza kete vit, kurse Capja u zbulua pas vrasjes me te fundit te Gentian Beqirit, ky teksa ruhej me police ne arrest shtepie ne Elbasan. Per krimin u kap edhe Avni Jace, ky i akuzuar dhe liruar me pas per vrasjen e policit Roland Rexhepi, pikerisht me 2009 !!!. I fundit Ilir Xhakja, miku i Sokol Olldashit qe mblidhte vota ne Shijak e Sukth. Pak dite me pare ekzekutoi ne nje debat per arsye te panjohura kryekomisarin e Shijakut, Adem Tahiraj, ky i proceduar disa here nga SHKB per veprime arbitrare, ndersa i graduar me 2008 ne rrethana te paqarta me tre shkalle njeheresh. Xhakja ishte liruar nga denimi i Krimeve te Renda per vrasje me 21 vite burg. Vendimi i pare qe e liroi ishte i Arjana Fullanit me 2009. Perseri viti 2009, dhe jo pak, por para zgjedhjeve te përgjithshme. Ketu u hap rruga për liri të perhershme në Gjykatën e Durrësit, ku Neritan Tabaku, (gjyqtar tepër problematik në këto skandale i përdorur nga pushteti aktual edhe për tokat e bregdetit), e shpalli Xhakjan të pafajshëm, pse ishte miku i Olldashit. Përseri shfaqet një datë simbolike, 9 shkurt 2011, ose pak ditë pas 21 janarit. Xhakja fitoi lirinë më 2009, por autoritetet perpiqen ta fshehin te verteten sikur ai eshte liruar me 2011. I lirë ka qenë duke qarkulluar, por vetem me shkresa e siguroi më 2011. Të katër personazhet e mësipërm i shërbyen politikës më 2009, ashtu sic i përshkruante edhe Uidhers në kabllograme. I vetmi që nuk përmendet me emër është Florenc Çapja. Por faktet, dokumentet flasin qartë. Ai u arrestua më 2006 për plagosjen e shefit të qarkullimit Elbasan, Fadil Mema, dyshohej për vrasjen e kunatit të këtij po atë vit, ndërsa doli I lirë gjatë vitit elektoral. Pikërisht atë vit (2009) që u vra edhe Roland Rexhepi, ish agjenti i antidrogës. Teksa vrasja e fundit e nxorri zbuluar përfundimisht, edhe pse ka paraqitur si alibi një vulë në doganë. Por në fakt të katër të dyshuarit janë me alibi të momentit, që mund t’i nxjerrin vitin tjetër elektoral (2013) edhe si të pafajshëm. Çapja thotë se ishte në Maqedoni ditën e krimit, Xhakja se e mendonte kurth dhe e bëri për vetëmbrojtje vrasjen, pasi Tahiraj, që nuk e njihte, kishte armë në dorë. Kajolli mbrohet me imunitetin politik dhe gjykata rrezoi Italinë në mënyrë skandaloze, kurse Ben Qimja ia ka dhënë pafajësinë përveç Kuliçajt, edhe Fatmira Hajdari. Të gjitha këto fakte më sipër janë të provuara, dokumentuara, të raportuara dhe që mund të gjenden lehtë. Gjithcka nisi në vitin electoral 2009….kurse tani gjithcka po del sipër si vaji mbi lakra……
Regullat e Postimit
Përgjigju Duke Cituar
Krijoni Kontakt