Burg përjetë për Ilir Xhakja, vrasësin e kryekomisarit të Shijakut Adem Tahiraj

[user010]

Unë nuk marr veshë nga ligjet.. por si qytetarë e kam besojë të drejtën të shpreh opinionin për natyrën e ligjeve të vendit.

Në qoftë se do të jesh më i drejtë vendos të njëjtin dënim për heqjen e jetës pa diskriminim, qoftë grua, polic apo krimineli më i fundit, dhe për rraste speciale p.sh policat ose gratë përveç akuzës të jetës shto dhe akuza të tjera të bazuara në argumente si për shembull:

-Heqja e jetës të policit ka pasoja më të gjera për shoqërinë pra shto/emëro një akuzë përkatse këtu
-Heqja e jetës të gruas ndodh për arsye se gruaja nuk ka fuqinë fizike të barabartë, pra shto dhe këtu një akuzë përkatëse

Kështu dhe diskriminim nuk bëhet por edhe drejtësia është më e madhe sepse për rastet speciale parashikohen akuza që rezultojnë në dënim më të madh duke dhënë kështu më shumë drejtësi (sipas mendimit tim, nuk jam specialist)!

[Albo]

Arrestime të bujshme në radhët e Policisë

Hetimi per vrasjen e shefit te komisariatit te Shijakut, Adem Tahiraj, ka pasuar me ndeshkimin e dy punonjesve te policise qe e shoqeronin ate. Fatmir Hoxha dhe Kastriot Gostunari akuzohen se nuk parandaluan vrasjen, megjithese ata kishin mundesi per te vepruar. Ministria e Brendshme njoftoi mbreme me ane te nje deklarate per shtyp arrestimin e punonjesve te policise, Fatmir Hoxha dhe Kastriot Gostunari. "Sherbimi i Kontrollit te Brendshem, ne Ministrine e Brendshme, ka kryer veprimet e para hetimore ne ngarkim te punonjesve te policise Fatmir Hoxha dhe Kastriot Gosturani, pasi mbi ta rendon akuza per vepren penale te "Shperdorimit te detyres", lidhur me mosveprimet e tyre ne ngjarjen tragjike te dates 13.09.2012, ku humbi jeten Shefi i Komisariatit te Policise Shijak, Kryekomisar Adem Tahiraj. Keto veprime jane kryer krahas veprimeve hetimore te kryera nga sektori i Krimit te Organizuar prane DPQ Durres, nen drejtimin e prokurorise per Krime te Renda. Te dy punonjesit e policise qe kane qene ne vendngjarje, duke kryer detyren se bashku me kryekomisarin, megjithese kane pasur te gjitha mundesite, nuk kane kryer asnje veprim per te parandaluar vrasjen, neutralizuar vrasesin apo per ta kapur dhe arrestuar ate", - deklaroi Ministria e Brendshme, e cila shtoi se mosreagimi apo mosveprimi i punonjesve te policise se lartpermendur, bie ndesh me detyrimet ligjore, qe parashikon ligji nr. 9749, "Per Policine e Shtetit", ku ne nenin 4, "Pergjegjesite e Policise", ne piken 1, germa "a" thuhet: "Pergjegjesite e policise jane si me poshte: "a"- te mbroje jeten e njerezve, sigurine dhe pronen e tyre personale" dhe piken 2 te ketij neni, ku thuhet: "Cdo punonjes i policise ka per detyre te permbushe te gjitha pergjegjesite e percaktuara ne piken 1 te ketij neni, pavaresisht se ciles strukture i sherben". ". "Paralelisht, shkeljet e mesiperme, te kryera nga punonjesit e policise Fatmir Hoxha dhe Kastriot Gosturani, referuar edhe pasojes teper te rende te ndodhur, perbejne mospermbushje te rregullt te detyres dhe permbajne elemente te figures se vepres penale te shperdorimit te detyres, parashikuar nga neni 248 i Kodit Penal. Per kete arsye, Sherbimi i Kontrollit te Brendshem, beri ndalimin e punonjesve te policise Fatmir Hoxha dhe Kastriot Gosturani per vepren penale te shperdorimit te detyres. Materialet i jane referuar per ndjekje penale dhe kompetence, prokurorise se rrethit Durres' thuhej me tej ne deklaraten e Ministrise se Brendshme. Kastriot Gosturani fillimisht u ishte shmangur hetimit te kryer nga ana e SHKB-se, ndersa u arrestua mbreme disa ores pas kapjes se Fatmir Hoxhes.

Shefi i Komisariatit u vra ne sy te vartesve te tij

Kryekomisari, Adem Tahiraj, u ekzekutua pasditen e dates 13 shtator te ketij viti ne fshatin Katund i Ri, Shijak. Per krimin akuzohet 38-vjecari, Ilir Xhakja, i cili u vetedorezua 8 ore pas ngjarjes. Gjithcka ndodhi pas bllokimit te makines pa dokumente te nipit te Xhakjas nga ana e kryekomisarit, i cili shoqerohej nga dy policet, Fatmir Hoxha dhe Kastriot Gostunari. Ledjan Krasnaj kishte njoftuar dajen e tij, Ilir Xhakjan per bllokimin e makines, i cili mberriti ne vendngjarje. Pas nje debati me punonjesin e policise Fatmir Hoxha, i cili ishte shoferi i kryekomisarit, Xhakja zhvilloi me pas nje debat me kete te fundit. Ne momentin qe mes paleve u duk se debati u mbyll, Tahiraj vendosi pistoleten ne brez dhe u drejtua per nga automjeti per tu larguan, kur Xhakja e qelloi me pistolete pas shpine, duke i shkaktuar vdekjen e menjehershme. Krimi u zhvillua ne sy te dy vartesve te tij te cilet, pas hetimeve rezultoi se, nuk nderhyne per te parandaluar vrasjen dhe as per te arrestuar me pas autorin.

Koha Jone

[Albo]

Pranga shoferit të kryekomisarit të vrarë, gënjeu në dëshminë për Xhakjan

TIRANE- Shërbimi i Kontrollit të Brendshëm arreston Fatmir Hoxhën, shoferin e shefit të komisariatit të Shijakut, Adem Tahiraj, i vrarë javën e kaluar, ndërsa shpalli në kërkim policin e komisariatit të Shijakut, Kastriot Gosturani, i cili dyshohet të jetë arratisur. Lajmi u konfirmua zyrtarisht dje në mbrëmje nga zëdhënësi i ministrit të Brendshëm, Leonard Olli, nëpërmjet një deklarate për shtyp. Sipas Ollit, të dy personat e marrë në ndjekje penale akuzohen për shpërdorim të detyrës parashikuar nga neni 248 i Kodit Penal. Sipas zëdhënësit, akuza e ngritur ndaj tyre lidhet me mosveprimet e dy personave të mësipërm në ngjarjen tragjike të datës 13 shtator të këtij viti në fshatin Sukth të Durrësit, ku mbeti i vrarë shefi i Shefi i Komisariatit të Shijakut, kryekomisar Adem Tahiraj. Ndërkohë burime nga prokuroria thanë edhe se dy punonjësit e policisë kanë dhënë dëshmi që nuk përputheshin në momentin që janë marrë në pyetje nga kolegët për ngjarjen, madje shoferi, sipas tyre, ka dhënë dëshmi të rreme, duke pohuar fillimisht se nuk e njihte atentatorin, ndërsa më pas u mësua se kishte njohje të hershme me të. Burimet e Policisë thanë se dy policët dyshohet se nuk kanë reaguar ndaj agresorit Ilir Xhakja, i cili qëlloi mbi Tahirajn së paku pesë herë, duke e lënë atë të vdekur në vend, për shkak të plagëve të rënda të marra në trup dhe në kokë. “Të dy punonjësit e policisë që kanë qenë në vendngjarje, duke kryer detyrën së bashku me kryekomisar Tahirajn, megjithëse kanë patur të gjitha mundësitë, nuk kanë kryer asnjë veprim për të parandaluar vrasjen, neutralizuar vrasësin apo për ta kapur dhe arrestuar atë”,- tha zëdhënësi i Ministrisë së Brendshme në deklaratën e tij të dhënë mbrëmë për mediat. Më tej ai bëri të ditur se për këto arsye, Shërbimi i Kontrollit të Brendshëm (SHKB), kreu ndalimin e punonjësit të policisë Fatmir Hoxha 51 vjeç, me për veprën penale të shpërdorimit të detyrës, parashikuar nga neni 248 i Kodit Penal. Ndërkaq, kur efektivët e Shërbimit të Kontrollit të Brendshëm thirrën për t’i komunikuar akuzën dhe arrestimin, efektivit tjetër të komisariatit të Shijakut, Kastriot Gosturani, ky i fundit nuk është paraqitur, por është larguar.

Në këto kushte ai është shpallur në kërkim policor. Ndërkaq të dy policët kanë qenë në një proces të ecurisë disiplinore nga Drejtoria e Standardeve Profesionale në Policinë e Shtetit, mirëpo duke qenë se për të njëjtën ngjarje kishte edhe një hetim penal, në këtë rast Drejtoria e Standardeve Profesionale është tërhequr, duke lënë hetuesit e prokurorisë të vazhdonin hetimin. Vetë dy punonjësit e policisë, po ashtu si edhe shumë efektivë të tjerë që kanë marrë pjesë në operacion, janë marrë dhe janë pyetur nga Drejtoria e Standardeve Profesionale, në lidhje me mënyrën e reagimit të tyre në ngjarjen e javës së kaluar, kur mbeti i vrarë kryekomisar Tahiraj. Në deklarimet e tyre efektivët e policisë kanë pohuar se nuk kanë pasur mundësi reagimi, për shkak të shpejtësisë që kanë rrjedhur ngjarjet deri në vrasjen e Tahirajt. Pavarësisht kësaj, SHKB-ja, kreu arrestimin e Fatmir Hoxhës, ish- shofer i Tahiratj dhe tha se ka shpallur në kërkim policor punonjësin tjetër të policisë, Kastriot Gosturani, i cili i është shmangur ndalimit të kërkuar ndaj tij nga ana e SHKB-së.

MAPO

[Albo]

Vrasja e kryekomisarit, "Arrest me burg" për dy shoqëruesit

TIRANË- Gjykata e Krimeve të Rënda ka dhënë masën “Arrest me burg” për policët Fatmir Hoxha dhe Kastriot Gosturanin, pasi u arrestuan nën akuzën e mosveprimit për të parandaluar vrasjen e kryekomisar Adem Tahiraj

Seanca për masën e sigurisë u zhvillua mesditën e sotme me dyer të mbyllura në Gjykatën e Krimeve të Rënda, Tiranë. Gjykatësi Luan Hasneziri ka pranuar kërkesën e Prokurorisë, e cila pretendon se arrestimi i dy efektivëve është bërë në shkelje të procedurës penale, ndërkohë që masa e arrestit ka habitur palën mborjtëse, për mënyrës se si gjykata e cuan të jashtëligjshëm arrestimin e policëve dhe më pas jep masën e arrestit për to.

Fatmir Hoxha dhe Kastriot Gosturanin, tashmë i mbetet të apelopjnë vendimin për një masë më të ulët, ose për arrest shtëpie deri në zbardhjen e plotë të rrethanave.

Fatmir Hoxha dhe Kastriot Gosturani shoqëronin kryekomisarin e Shijakut ditën e vrasjes, por ata janë vënë nën akuzë për shpërdorim detyre, pasi nuk kanë ndërhyrë në momentin që autori ë vrasjes Ilir Xhakja ka mbërritur në vendngjarje me armën, me të cilën qëlloi më pas Tahirajn. Në përfundim të hetimeve Shërbimi i Kontrollit të Brendshëm arriti në konkluzionin se dy efektivët Hoxha dhe Gosturani mund të parandalonin krimin.

(e.m/BalkanWeb)

[Albo]

Liroi nga burgu Xhakjan, gjyqtari Neritan Tabaku zyrtarisht i pandehur

TIRANË- Gjyqtari Neritan Tabaku është njohur sot me akuzën për shpërdorim detyre me pasoja të rënda, pasi u paraqit në prokurori.

Prokurori i cështjes Luljan Zonja ka deklaruar se Neritan Tabaku është zyrtarisht i pandehur. Ai akuzohet se ka shpërdoruar detyrën, duke liruar nga burgu Ilir Xhakjan, i cili vrau kryekomisarin e Shijakut Adem Tahiraj.

Gjyqtari dyshohet se ka vonuar qëllimisht zbardhjen e vendimit që liroi Ilir Xhakjan, vrasësin e Shefit të Komisariatit të Shijakut, Adem Tahiraj.

Gjyqtari Tabaku është vënë në qendër të kritikave pas vrasjes së kryekomisarit të Shijakut, Adem Tahiraj nga Ilir Xhakja, një shtetas me disa precedentë penale, disa prej tyre për vrasje.

Pyetja që u shtrua pas vrasjes së komisarit ishte, si u lirua nga disa kalvare gjyqesh Ilir Xhakja, një person me CV të pasur kriminale.

(ma.ar/BalkanWeb)

[MaDaBeR]

Ne vendimin e lirimit te Ilir Xhakjes nuk eshte vetem ky Neritan Tabaku qe ka gisht. Madje per mua ky eshte ai ekzekutuesi i fundit i urdherit, ai legeni vogel qe e kapin nga xhaketa si te duan kta te medhenjte. Ka gisht ne kete çeshtje drejt per se drejti Gjykata e Larte. Ilir Xhakja eshte denuar nga nje gjykate, nga gjykata e Krimeve te Renda. Ndersa gjykata e larte, i dha fuqi prapavepruese nje ligji qe percaktonte kopetencat e gjykatave te rretheve dhe asaj te krimeve te renda, dhe e çoi ceshtjen per shqyrtim nga Gjykata e Krimeve te Renda (E cila kishte dhene nje vendim per Xhakjen), ne gjykaten e rrethit te Durresit. Dhe si per çudi, kjo gjykate e liron ate si te pafajshem.

Pra, Gjykata Kushtetuese ketu ka dhe pergjegjesine kryesore, pasi ka vepruar ne kundershtim me KUSHTETUTEN E SHQIPERISE. Ligjet nuk kane fuqi prapavepruese, perjashto ndonje rast te veçante kur dhe kete e caktojne ligjvenesit. Duhet doemos nje hetim me i gjere, duhet perfshire ne hetim edhe Gjykata e Larte, nese duam te nxjerrim nje pergjegjesi sa me te sakte dhe te dihet tamam se si eshte vepruar me rastin ne fjale.

Ndersa keto u mor ne hetim ky Tabaku e ndonje filxhan pas tij, jane sa per te lare gojen, sa per te thene qe ej shiko se po punojme ne. Nuk ecet perpara me sikur, por me pune dhe me reforma, sado te dhimbshme te jene ato. Duhet sheruar plaga ne prendesi te saj, dhe jo vetem flluskat qe nxjerr ne siperfaqe, pasi plas nje flluske sot por neser formohet tjetra. Keshtu dhe ky tabaku, eshte vetem nje vegel ne duart e peshkaqeneve te medhenj.

[Albo]

Vrasja e krykomisarit, Prokuroria con për gjykim Ilir Xhakjan, procesi më 18 janar

TIRANË- Gjykata e Krimeve të Rënda pritet të nisë procesin gjyqësor ndaj Ilir Xhakjas, i akuzuar si autor i vrasjes së kryekomisarit të Shijakut, Adem Tahiraj, pasi Prokuroria e Krimeve të Rënda e ka çuar sot çështjen në këtë gjykatë.

Bëhet me dije se çështja në ngarkim të të pandehurit Ilir Xhakja, do të shqyrtohet nga një trup gjykues, që ka për drejtues gjyqtarin Bardhyl Dhama. Ndërkohë që seanca e parë për këtë çështje pritet të zhvillohet me datën 18 Janar.

Shtetasi Ilir Xhakja, i arrestuar, akuzohet se është autori i vrasjes me armë zjarri të Kryekomisarit Adem Tahiraj, në 13 shtator të vitit të kaluar në afërsi të Durrësit. Ndaj tij, rëndojnë disa akuza ndër to, e “vrasjes me dashje” për shkak të detyrës së efektivit të Policisë së Shtetit.

(m.a/BalkanWeb)

[Albo]

Vrasja e kryekomisar Tahiraj, Prokuroria: Shoferi dhe polici që e shoqëronin fajtorë, të dënohen

TIRANË- Gjykata e Krimeve të Rënda rrëzoi sot kërkesën e Ilir Xhakjas për gjykim të shkurtuar, duke bërë që i akuzuari si autor i vrasjes së Shefit të Policisë së Shijakut, Adem Tahiraj të rrezikojë burgim të përjetshëm.

Avokati mbrojtës i Xhakes kërkoi në seancën e sotme që klientit të tij, t’i bëhet një ekspertizë psikologjike me arsyetimin se në vitin 1994 Xhakja nuk e ka kryer shërbimin ushtarak për shkak të problemeve psikologjike, por kjo kërkesë është rrëzuar nga trupi gjykues. Kryekomisar Adem Tahiraj, u vra në 13 shtator 2012 gjatë një aksioni policor në Katund Sukth nga Ilir Xhakja. Autori u arrestua disa orë pas krimit gjatë një operacionit të policisë.

PROKURORIA : SHOFERI DHE POLICI FAJTORË TË DËNOHEN
Po sot prokuroria e Durrësit dha pretencën për shoferin e kryekomisarit Adem Tahiraj, Fatmir Hoxha dhe për oficerin e policisë.

Gjatë seancës së sotme në Durrës, prokuroria ka kërkuar 2.5 vite burg për secilin nga te pandehurit si dhe 600 mijë lekë gjobë dhe pezullim detyre për tre vite. Prokuroria deklaron se dy të pandehurit nuk vepruan për neutralizimin dhe kapjen e Ilir Xhakjas.

(e.m/News24/BalkanWeb)

[Albo]

Liroi Xhakjan, Prokuroria: 3 vjet burg per gjyqtarin

Klodiana Kotorri

Prokuroria kerkoi nga Gjykata e Tiranes, denimin me 3 vjet burg dhe 5 vjet mosushtrim te asnje funksioni publik per gjyqtarin Neritan Tabaku. Ai akuzohet per moszbardhjen e vendimit te pafajesise se Ilir Xhakjes gje e cila ka penguar akuzen te apeloje vendimin ne nje shkalle tjeter. Konkluzionet perfundimtare te Prokurorise u paraqiten diten e djeshme ne Gjykaten e Tiranes, ndersa vete Neritan Tabaku nuk preferoi te paraqitet ne sallen e gjyqit. Per prokurorin, gjyqtari Tabaku me vetedije ka vonuar per rreth 20 muaj zbardhjen e vendimit te pafajesise per Ilir Xhakjen, tashme i akuzuar per vrasjen e ish-shefit te Komisariatit te Policise ne Shijak, te komisarit Adem Tahiraj. Per kete vonese, gjyqtari ka konsumuar vepren penale te “shperdorimit te detyres”. Pas dhenies se pretences, trupi gjykues ka shtyre per ne 18 shtator vendimin per gjyqtarin Tabaku, seance ku mbrojtja do te jape konkluzionet e saj. “I pandehuri Neritan Tabaku ka qene gjyqtari kryesues qe ka gjykuar te pandehurin Ilir Xhakja dhe si pasoje e veprimeve te tij pas perfundimit te ketij gjykimi u demtuan interesat e drejtesise, duke mos u gjykuar i pandehuri Ilir Xhakja ne te gjitha shkallet e gjykimit. Kjo erdhi si shkak se i pandehuri nuk dorezoi vendimin penal dhe dosjen gjyqesore qe kishte gjykuar, derisa i pandehuri Ilir Xhakja kreu nje veper tjeter penale, duke mos marre parasysh faktin se ndaj ketij vendimi ishte bere ankim”, thuhej ne konkluzionet perfundimtare te Prokurorise. Sipas organit te akuzes gjyqtari duhet te depozitonte vendimin e arsyetuar ne sekretari bashke me dosjen perkatese brenda afatit 5 ditor nga data e shpalljes, gje qe nga i pandehuri nuk u permbush kjo detyre e tij. “Ne baze te provave te mesiperme dhe ligjit te aplikueshem i pandehuri duhet te deklarohet fajtor nga Gjykata per vepren penale per te cilen eshte akuzuar, duke i caktuar llojin dhe masen e denimit ne perputhje me kriteret ligjore te nenit 47 te Kodit Penal. Duke marre parasysh rrezikshmerine e vepres penale e shprehur dhe ne sanksionin e saj, duke u denuar deri ne 7 vjet burgim, kohen, menyren dhe vendin e kryerjes se vepres penale e ne kete kuader rrezikshmeri ka paraqitur dhe i pandehuri duke e kryer ate me dashje. Duke qene se nuk ka rrethana lehtesuese, duke pasur parasysh interesin e demtuar, lloji i denimit qe duhet te jepet ndaj te pandehurit eshte ai me burgim, sic e parashikon dispozita penale, neni 248 i K.Penal. Perfundimisht, duke qene se ne gjykim nuk rezultuan shkaqe te shuarjes se vepres penale apo shkaqe padenueshmerie per te pandehurin (mosha apo papergjegjshmeri mendore) dhe fajesia e tij eshte plotesisht e provuar”, thuhej me tej ne konkluzionet perfundimtare te Prokurorise.

Ilir Xhakja

Ilir Xhakja aktualisht eshte ne qeli per vrasjen e kryekomisarit Adem Tahiraj. Ngjarja ndodhi ne shtator te vitit te kaluar pas nje debati mes tij dhe shefit te komisariatit te Shijakut ne Katund te Ri. Xhakja qelloi me pistolete Tahirajn duke i shkaktuar vdekjen e menjehershme. Ai u vetedorezua ne polici rreth tete ore me pas. Xhakja u shpall i pafajshem per vrasjen e Qerim Malokut e ndodhur ne vitin 1998 per te cilen dhe u arrestua dhe u shpall i pafajshem nga gjyqtari Neritan Tabaku.

Akuza: Nuk u kundershtuan provat

Prokuroria ne konkluzionet e saj perfundimtare deklaroi se gjykimi u zhvillua ne mungesen e vullnetshme te te pandehurit Neritan Tabaku, duke u perfaqesuar nga mbrojtesi i tij. “Prej tij nuk pati kundershtime te provave te marra dhe te administruara ne gjykim me kerkese te prokurorit. Nga mbrojtesi u paraqit vendimi i Gjykates se Apelit Durres me te cilin ishte lene ne fuqi vendimi i Gjykates se Durresit per te pandehurin Ilir Xhakja, i cili e deklaronte ate te pafajshem. Megjithese ky vendim u pranua nga Gjykata, ai nuk ka asnje lidhje me ceshtjen ne gjykim dhe objektin e akuzes, pasi vendimi ka te beje me zgjidhjen ne themel te ceshtjes dhe i pandehuri nuk u gjykua per pafajesine e dhene prej tij”, tha Prokuroria

KJ

[Albo]

Burg përjetë vrasësit të kryekomisarit të Shijakut

Gjykata ka shpallur sot fajtor Ilir Xhakjen dhe i ka dhënë dënim me burgim të përjetshëm për vrasjen e krykomisarit të Shijakut, Adem Tahiraj. Vendimi është marrë nga Gjykata e Krimeve të Rënda, e cila pasi dëgjoi palët vendosi që të pranojë kërkesën e organit të akuzës dhe dënimin me burg përjetë të Xhakjes.

Në seancën e mëparshme prokurori Eugen Beçi e ka cilësuar Xahkjen fajtor për akuzën e vrasjes për shkak të cilësive të veçanta, vrasjes së mbetur në tentativë, armëmbajtjes pa leje dhe kundërshtim të forcave të policisë.

Ngjarja ndodhi pasditen e datës 13 shtator të vitit 2012, në rrugën drejt Katundit të Ri, Sukth. Ish-shefi i komisariatit të Shijakut mbeti i vrarë më 13 shtator 2013 me pesë plumba. Ai kishte urdhëruar ndalimin e një automjeti, që drejtohej nga nipi i Xhakjes. Sapo ka mësuar për problemet e të nipit me uniformat blu, Xhakja ka shkuar dhe është konfliktuar menjëherë me fjalë me kryekomisar Tahiraj dhe më pas e ka qëlluar pesë herë, duke i shkaktuar vdekjen e menjëhershme.

Në linjën e tij të mbrojtjes, Ilir Xhakja deklaroi se pati qëlluar për t’u vetëmbrojtur nga tentativa e kryekomisarit për të qëlluar ndaj tij dhe se nuk e njihte dhe nuk kishte dijeni për detyrën që kryente personi që ai qëlloi. Pretendimet e tij janë rrëzuar nga dy dëshmitarët e ngjarjes, Fatos Hoxha dhe Kastriot Gosturani, të cilët dëshmuan se sulmin nuk e filloi viktima, por autori.

MAPO