Sindikalistet ne Kosove protestojne planet e privatizimit te ndermarjeve publike

[ARIANI_TB]

Bashkimi i Sindikatave të Punëtorëve të Kosovës, shoqatat sindikale, organizatat joqeveritare, partitë opozitare dhe qytetarë të shumtë, kanë filluar të nënshkruhen në peticionin “Kundër privatizimit të PTK-së, Trepçës, KEK-ut”, dhe ndërmarrjeve tjera të cilat konsiderojnë se janë privatizuar në mënyrë të pandershme dhe të paligjshme. Peticioni që filloi të enjten në Sheshin “Nëna Terezë” në Prishtinë, do të vazhdojë në të gjitha qytetet e Kosovës.

Ramadan Makolli, anëtar i kryesisë së Federatës Sindikale të PTK-së, njëherësh punëtor në këtë ndërmarrje qysh prej 30 vjetëve, me këtë rast ka thënë se për aksionin e filluar, ku do të kërkojnë mbledhjen e nënshkrimeve të qytetarëve të Republikës së Kosovës, kundër privatizimit të ndërmarrjeve publike, kanë gjetur përkrahjen e shumicës së punëtorëve të këtyre institucioneve, por edhe të sindikatave, partive politike dhe qytetarëve.

“Nuk është hera e parë që ne kemi kundërshtuar procesin e privatizimit, por tashmë është bërë në mënyrë masive dhe të gjithë shoqatat sindikale, organizatat joqeveritare, opozita dhe shumë qytetarë tjerë, i janë bashkuar këtij peticioni kundër privatizimi të PTK-së, KEK-ut, Trepçës, Aeroportit, Hekurudhave dhe ndërmarrjeve tjera publike, të cilat janë privatizuar dhe kanë prurë punëtorët në mjerim, aty ku punojnë dhe veprojnë”, ka thënë ai.

Ramadan Makolli, procesin e privatizimit në Kosovë, e konsideron të dështuar dhe tëdëmshëm për mirëqenien e qytetarëve të Kosovës. Prandaj vlerëson se privatizimet e tilla nuk i bëjnë nderë askujt, përkundrazi dëmtojnë rëndë ekonomin e vendit.

“Privatizimin e kundërshtojmë me arsyen se i kemi parë privatizimet që kanë ndodh deri tash, dhe asgjë tjetër nuk kanë sjellë veç mjerim dhe varfëri në popullatën e Kosovës. Asnjë e mirë me marrë shembull nuk ka ndodh dhe çdo privatizim që ka ndodh ka sjellë fukarallëk në derë të qytetarit të Kosovës, dhe i ka bërë nderë atij që e ka ble dhe po them se nesër nuk do t’i gëzohet kësaj blerje që e ne konsiderojmë se është blerje e pandershme, të pandërgjegjshme dhe të pahijshme”, ka thënë ai.

Privatizimin e ndërmarrjeve publike të Kosovës e kundërshtojnë edhe qytetarët, të cilët një veprim të tillë të Qeverisë së Kosovës e konsiderojnë të dëmshëm për ekonomik e vendit.

Seniha Vokshi, njëra ndër ato që me padurim priste të nënshkruhet në peticionin “Kundër privatizimit të PTK-së, KEK-ut dhe Trepçës”, ka thënë për Kosovapress se privatizimi që po ndodh në Kosovë, nuk po sjellë asgjë të mirë.

“Do të nënshkruhem edhe kundër privatizimit të Postës, edhe kundër shtijës së KEK-ut. Unë e di që është shit KEK-u 26 milionë, por të nesërmen i kam dëgjuar lajmet se kanë investuar 55 milionë në ndërtimin e dy hidrocentraleve në Kozhnik të Deçanit. E si i paskan 55 milionë me investua atje, e 26 milionë e shesin një objekt kaq të madh. Mendoj se një veprim i tillë është në dëm të Republikës së Kosovës”, ka thënë ajo.

Sindikalistët e PTK-së kanë kërcënuar, duke thënë se nëse ndodh privatizimi i kësaj ndërmarrje, do të bllokojnë punën dhe dotë përdorin metoda që investitori potencial të mos e gëzojë blerjen, të cilët e konsiderojnë të paligjshëm dhe të pandershëm.

Ndryshe, këtë nismë të BSPK-së, e kanë përkrahur edhe invalidët, subjektet politike opozitare, sindikalistët dhe shoqëria civile. Peticioni do të vazhdon edhe në qytetet e tjera të Kosovës./kosovapress/

http://www.gazetaexpress.com/?cid=1,14,90946

[Brari]

mir e kan sindikatat..

te mbrohen objektet nga vet puntoria se aty eshte djersa e tyre..
vjen nji lahper katunarhane nga zvicra a suedia a gjermania qe..asnji dit pun ska ber per kosoven..(ka vetem nji merit se ka bertit UCK ne mynshen e hamburg e pastaj ne rogner u ka dhan ca tasa pasul shtabistave te 15 katshit.. te klosit.. ) dhe ben te veten.. nje fabrik a kombinat..

[Albo]

Sindikalistet po i ngaterrojne gjerat:

- Privatizimi i ndermarjeve publike ne Kosove eshte rruga e duhur, pasi kjo ka per te rritur aktivitetin ekonomik ne Kosove dhe mbi te gjitha, ka per ti prere udhen korrupsionit. Ashtu si ne Shqiperi, keto ndermarje publike vidhen e shperdorohen nga te emeruarit politike te njerezve ne pushtet. Duhet te shiten nje ore e me pare.

- Sindikalistet kane te drejte te protestojne per mungesen e transparences ne tenderin e privatizimit dhe per pazaret qe mund te jene bere mes qeveritareve dhe te interesuarve. Keto ndermarrje duhet te shiten me nje cmim te arsyeshme, aq sa kane vleren aktuale ne treg.

Albo

[ARIANI_TB]

[ARIANI_TB]