Kosova me kod telefonik kombëtar +355

[Nice_Boy]

Sot, në seancën e rregullt të Kuvendit të Kosovës, deputetët, me shumicë votash kanë miratuar Rezolutën për zëvendësimin e kodeve telefonike aktuale që i shfrytëzon Kosova.
Sipas kësaj rezolute të cilën e ka paraqitur deputeti nga lëvizja për Bashkim Agim Kuleta, kodet (+377, +381 dhe +386) do të zëvendësohen me kodin telefonik të Republikës së Shqipërisë +355.
Me këtë hap, sipas Kuletës, Kosova dhe qytetarët e saj do të përfitonin shumë si në aspektin politik, ekonomik po ashtu edhe në aspektin e sigurisë.

[violativo]

Lajm i mire ..... dhe i gezueshem .....

[drague]

355 e ka shqipnija mor bir

[derjansi]

njejt do ta ken te dyja.

edhe pak e do shkatrrojm dhe at piken kufitare ni her e pergjithmon

[Edvin83]

Një hap i vogël por shumë domethënës drejt ribashkimit! Kështu lajmesh dua çdo javë!

[Ingenuous]

Disa here e kam lexuar e rilexuar kete lajm... se mos ishte ndonje shaka virtuale. Kemi shume hapesire per bashkim kombetar, ky eshte njeri prej tyre.

E kam thene shume vite me pare ne kete forum, se "Bashkimi i shqiptareve padyshim, eshte e drejte legjitime dhe demokratike e popullit shqiptar. E drejte mjerisht shume e vonuar dhe mjerisht ende e penguar, por siç u behet edhe te tjereve gjithje e me qarte, politikisht dhe moralisht e arsyeshme, kurse historikisht e pashmangshme."

Me zgjidhjen e drejte te çeshtjes shqiptare , domethene, me bashkimin e shqiptareve do te zgjidhej njera prej padrejtesive me te medha ne Evrope, qe i rendon marredheniet politike te vendeve ballkanike, qe e rendon ndergjegjen e vendeve te medha evropiane me vendimet e te cilave eshte bere ajo padrejtesi.

[BlueBaron]

Bravo Kosova !!!


Po Shqiperia ka ndonje merite ketu ??? Psh, ne aprovimin e perdorimit te te njejtit prefix.

[drague]

Bravo Kosova !!!


Po Shqiperia ka ndonje merite ketu ??? Psh, ne aprovimin e perdorimit te te njejtit prefix.

eshte pak e veshtire te realizohet.

duhet ne nderrohen gjithe prefikset e qyteteve

[BlueBaron]

eshte pak e veshtire te realizohet.

duhet ne nderrohen gjithe prefikset e qyteteve

S'besoj o Drage. Mjafton te shtosh nje shifer apo dy shifra qe nuk perdoren nga Shqipria pas 355 dhe besoj se realizohet. Psh. 0, nuk besoj se ka ndonje qytet ne Shqiperi qe perdor prefiksin me 0 per t'u thirrur nga jashte. Keshtu per te tel ne Kosove formon +355 0 dhe numrin qe deshiron.

[violativo]

Bravo Kosova !!!


Po Shqiperia ka ndonje merite ketu ??? Psh, ne aprovimin e perdorimit te te njejtit prefix.

Shqipëria heziton t’i japë kodin +355 Kosovës


Ligjvënësit në Kosovë me shumicë votash kanë miratuar projektrezolutën lidhur me përdorimin e tri kodeve të huaja telefonike në Kosovë. Me këtë rezolutë parashihet që Kosova të shfrytëzojë kodin telefonik të Shqipërisë +355 dhe jo atë të Serbisë +381, të Monakos +377 dhe të Sllovenisë +386. Por burime të Kosovapress brenda Ministrisë së Zhvillimit Ekonomik kanë bërë të ditur se kjo ministri ka kërkuar një gjë të tillë nga organet kompetente shqiptare, por nuk kanë gjetur mirëkuptimin e tyre.

Deputeti i PDK-së, Zenun Pajaziti mendon se shteti shqiptar nuk është shumë e interesuar për këtë çështje dhe e ilustron me faktin se në Shqipëri këto ditë po mbahet një konferencë, ku është prezent edhe ITU-ja (Unioni Ndërkombëtar i Telekomunikacionit), por institucionet e Kosovës nuk janë ftuar.

Ai madje ka kërkuar nga institucionet e vendit që të shkojnë edhe pa ftesë vetëm që të marrin pjesë dhe të bisedojnë me zyrtarët e ITU-së.

Ndërkohë, burime të Agjencisë Lajmeve Kosovapress brenda Ministrisë së Zhvillimit Ekonomik bëjnë të ditur se ka pasur konsulta për këtë çështje, por shteti shqiptar nuk ka shprehur gatishmërinë që Kosova të ketë kodin telefonik +355.

“I kemi dërguar letër ministrit të Telekomunikacionit qysh vjet, por nuk na ka kthyer kurrfarë përgjigje për këtë çështje”, ka thënë burimi.

Ndërkohë, ai që ka propozuar këtë projektrezolutë e që pas një jave u votua me shumicë votash, thotë se duhet të provohen të gjitha mënyrat në të këtë drejtim.

Deputeti i Lëvizjes për Bashkim, Agim Kuleta, në një prononcim për Kosovapress ka thënë se nuk duhet të paragjykohet në lidhje për këtë çështje pa pasur bisedime mes dy qeverive.

“Unë konsideroj se paragjykimet që nuk mund të bëhet një gjë e tillë nuk duhet të na privojnë ne nga e drejta për të provuar diçka. Ne e kemi nisur këtë mocion, jemi të bindur që me përpjekje të vazhdueshme të argumentuara ne mund t’ia arrijmë këtij qëllimi. Negociatat me Republikën e Shqipërisë janë të domosdoshme dhe duhet pëlqim i dyanshëm për këtë çështje dhe pasi të arrihet kjo të provohet edhe me ITU-në që të merret pëlqimi i saj dhe të realizohet kjo në terren”, ka theksuar Kuleta.

Deputeti ka thënë se tani varet shumë prej qeverisë së Kosovës sa do të jetë aktive në këtë drejtim.

Për më tepër, ai ka shtuar se deri më tani të dy qeveritë nuk kanë ndërmarrë ndonjë hap konkret në lidhje më këtë çështje.

“Mendoj që ende nuk është testuar ky vullnet sa duhet. Mendoj që duhet të provohet seriozisht kjo çështje. Ne dëgjuam aty në Kuvend se ka më shumë retorikë prej Republikës së Shqipërisë sesa punë konkrete, konsideroj që retorikë ka edhe prej anës tonë shumë. Prandaj ky mocion është një rast i mirë që të dëshmojmë me vepër që jemi të interesuar për këtë çështje dhe pastaj të testojmë se sa është e interesuar dhe serioze Republika e Shqipërisë, por pa e provuar nuk guxojmë të paragjykojmë”, ka deklaruar ai.

Tema