Kosova me kod telefonik kombëtar +355

[Antiproanti]

Pra, po e pranon se heren e pare ja fute kot?

....

Debati mbi kodin telefonik

Në një debat parlamentar Albin Kurti tha se duke i mohuar Kosovës të drejtën për kod telefonik gjatë trembëdhjetë vjetëve të fundit kemi paguar miliona euro për të huazuar kodet e Serbisë, Monakos dhe Sllovenisë. Prandaj ai tha se është koha që qeveria të kërkojë nga Shqipëria që të pajiset me kodin e saj. Ai deklaroi: "Ne jemi një, ne jemi një komb, dhe kësaj do të mund t’i shtonim përmbajtje edhe në këtë fushë: kombi nuk është vetëm kulturë, gjuhë, traditë e histori, por kombi është edhe politikë, institucione dhe ekonomi kombëtare."

Ndersa kundershtuesit e vetem tekesaj rezolute ishin minoritaret serb te parlameniti te Kosoves dhe qeveria e Serbise.

Krahaso qendrimet e VV-se me qendrimet e ketyre te fundit dhe e sheh se me cilin qendrim perafrohet me shume qendrimi juaj.

Edhe nese Kurti, Thaqi dhe Daciqi do te kerkonin "te njejten gje" p.sh. perdorimin e kodit telefonik te Shqiperise nga Kosova, nuk do te thote se ky fakt mund te perkthehej thjeshte si mendim, qendrim dhe qellim i perbashket i ketyre treve.

Qellimi i Daciqit mund te ishte (ne fakt do te ishte) i nje natyre tjeter nga qellimi i Kurti ose i Thaqit. Edhe ne mes te Kurtit dhe Thaqit do te kishte dallime, edhe pse te nje natyre tjeter nga dallimet me Daciq.
Pra, fakti qe dy kundershtar politik apo armiqe ne momente te caktuara kundershtojne ose perkrahin dicka, qe ne shumicen e rasteve emrues te perbashket e ka vetem titullin ose formen, nuk eshte argument per te konstatuar qendrime apo qellime te perbashketa...

[Albo]

Pollo: Kërkesa në OKB, Kosova të marrë prefiksin e Shqipërisë


Ministri për Inovacionin, Teknologjinë e Informacionit dhe Komunikimit në Qeverinë e Shqipërisë, Genc Pollo, në një intervistë ekskluzive për Radio Kosovën, tha dje se, pavarësisht faktit se Kosova ende nuk është anëtare e OKB-së, po punohet që ajo ta marrë prefiksin telefonik të Shqipërisë +355.
Z.ministër, Shqipëria paraqiti rezultatet e censusit. A vlerësoni se rezultatet përbëjnë me vërtetësi numrin e saktë të popullatës apo objekteve të mbledhura si të dhëna?
Mendoj se po. Sepse, gjithçka është bërë me metodologjinë e përparuar, është bërë në bashkëpunim të ngushtë dhe me mbështetjen e EUROSTAT-it, i cili ka praktikat më të mira botërore, ose ndër to do të thosha. Është verifikuar më pas, është vlerësuar nga profesionistët më të mirë ndërkombëtarë dhe mendoj që kemi censusin më të saktë që është bërë ndonjëherë në Shqipëri. Mendoj se në përfundim kemi një bazë të mirë për të njohur veten tonë nga pikëpamje ekonomike dhe shoqërore dhe kemi gjithashtu një bazë shumë të mirë për të ndërtuar politikat dhe buxhetet në nivel qendror dhe vendor në 10 vitet e ardhshëm.
Nga rezultatet e censusit Shqipëria doli me një popullatë në rënie. Ju keni thënë se faktorë kanë qenë lindshmëria e ulët sikurse dhe emigracioni. A mos do të thotë kjo që Shqipëria po shkon drejt plakjes?
Shqipëria nuk i ka më ato ritme të rritjes së popullsisë, atë nivel të lindshmërisë dhe atë moshë mesatare që ka pasur përpara 20 vjetësh dhe kjo është fare normale. Këtë rrugë kanë ndjekur edhe vende të tjera, që sot futen në kategorinë e vendeve të pasura dhe të vendeve të zhvilluara. Dhe, ajo që duhet të bëjmë ne, është që të përshtatim sistemet tona sociale me këtë trend. Nëse i referohemi pakënaqësive paraprake për censusin, duket se në rezultate kjo nuk ka qenë edhe aq shumë e shprehur. Këtu përjashtoj përgjigjet e prera të tipit ‘nuk kam interes të deklarohem’, kupto etninë apo besimin.
A mendoni se grupimet që ishin kundër censusit, përfshi shoqatat humanitare apo ato të pakicave, ndikuan në këto rezultate dhe njëherazi a përbëjnë shifrat e dala nga ky census në të vërtetë, saktësinë e grupeve etnike në Shqipëri?
Ka pasur një thirrje të një organizate të pakicës greke për mospjesëmarrje (organizata ‘OMONIA’). Por, për fat të mirë, ndryshe nga 10 vite më parë, pjesëmarrja e komunitetit, e pakicës greke, e cila jeton në jug të Shqipërisë, ka qenë në nivelet 80-90%. Kjo është shumë pozitive, sepse tregon besimin e këtij komuniteti dhe të pakicave të tjera te shteti shqiptar dhe tek organizimi i censusit. Ndërkohë, për ata që rëndom konsiderohen sharlatanë faqezinj që bënë thirrje për refuzimin total të censusit, do thosha që ne kemi një shifër më të ulët edhe se vendet e BE, të njerëzve që refuzuan të bashkëpunonin me anketuesit dhe që është nën nivelin 0,7%, çka në një farë mënyre korrespondon me nivelin që thirrjet ekstremiste, apo me nivelin e përkrahjes që gjejnë në Shqipëri dhe në shoqërinë shqiptare thirrjet ekstremiste.
Pra, duhet të themi se jemi të kënaqur me nivelin thuajse 99% të popullatës shqiptare në Shqipëri?
Të kënaqur apo jo, mund të them se ‘po, të kënaqur’! Por, kjo është pak e rëndësishme. Fakti është që 99% e të pyeturve, pra e banorëve të Shqipërisë, kanë deklaruar se kanë gjuhë amtare shqipen. Dhe, të gjithë e dimë që shqipja është elementi bazë i të ndjerit dhe i të qenit shqiptar. Të tjerat janë më relative. Ka një përqindje prej 14% që nuk i janë përgjigjur përkatësisë etnike, të tjerët janë shqiptarë. Por, këta 14% janë të gjithë me gjuhën amtare shqipe, çka nxjerr një konkluzion shumë të qartë dhe që konfirmon atë që thamë. ‘Nuk do të kemi surpriza’, kam përsëritur unë në vitin 2010 e 2011 dhe surpriza nuk patëm. Edhe në censuset e para të përpara 20 vjetëve popullsia etnike shqiptare rezultonte diku te 98% dhe tani e kemi 99%. Ndoshta kjo edhe për shkak të emigracionit, që ka prekur kryesisht pakicat. Por, nuk është ndonjë ndryshim i madh në tërësi. Pra, kemi një kontinuitet të përbërjes etnike shqiptare.
Si po ecën çështja e prefiksit të Shqipërisë që kërkon ta ketë edhe Kosova me rezolutën e 6 shtatorit të këtij viti të Kuvendit të Kosovës?
Kam biseduar me homologun tim, z.Besim Beqaj, ministër i Zhvillimit Ekonomik të Kosovës dhe jemi në prag të nënshkrimit të një Memorandumi Bashkëpunimi në përgjithësi për fushën e Teknologjisë së Informacionit dhe Komunikimit me Kosovën. Dhe, në kuadër të këtij memorandumi do ngremë edhe një grup pune për të gjetur zgjidhje, që të tentojmë të gjejmë zgjidhje për prefiksin e Kosovës, përfshi edhe mundësinë që Kosovës t’i alokohet prefiksi i Shqipërisë.
Pra, ky shans ekziston? Dhe, nëse deri tani nuk është bërë, çfarë e ka penguar tjetër, përveçse, po themi, aspektit politik?
Grupi i punës që parashikojmë të ngremë në të ardhmen, do të shikojë mundësitë teknike dhe juridike, ligjin ndërkombëtar dhe do të propozojë demarshet e caktuara që kjo të arrihet. Do doja t’u kujtoja që prefikset alokohen nga Bashkimi Ndërkombëtar i Telekomunikacioneve.
Po. Dhe, ju keni kontaktuar z.Pollo me Bashkimin Ndërkombëtar të Telekomunikacioneve?
Unë kam folur personalisht me Sekretarin e Përgjithshëm të ITU-së, apo të Bashkimit Ndërkombëtar të Telekomunikacioneve, për pranimin e Kosovës si anëtare me të drejta të plota në këtë bashkim, çka do të zgjidhte automatikisht çështjen e prefiksit si dhe shumë çështje të tjera. Por, ata janë strikt, se pa u bërë një shtet anëtar i OKB-së, nuk mund të bëhet anëtar i këtij bashkimi. Kjo është përgjigja që më kanë dhënë sa herë që e kam ngritur këtë çështje. Ndërkohë, që për rastin konkret të prefiksit, meqë ka rregullore, ka statute të veçantë dhe ka edhe raste që mund të shërbejnë si precedentë, grupi i teknikëve Shqipëri-Kosovë, do t’i shqyrtojë ato dhe do të vijë me një material dhe me rekomandime për qeveritë e të dy vendeve.
Pra, e thënë shkurt, pavarësisht pranimit ose jo të Kosovës për një periudhë kohe në Kombet e Bashkuara, kjo është e mundshme?
Kjo kërkon shumë mund dhe punë, dhe kërkon që të mos ketë veto, nga dy shtete që e dimë cilët janë, anëtarë të përhershëm të Këshillit të Sigurimit. Por, në qoftë se Kosova anëtarësohet në OKB, atëherë nuk ka më problem as me ITU-në dhe as me organizatat e tjera. Dhe, kjo dihet.
Mbi arsyetimin ekonomiko-financiar, përveçse interesit politik dhe kombëtar të kësaj çështjeje. Pra, bëj fjalë për prefiksin. A i shërben në tërësi mbajtja e prefiksit të Shqipërisë, Kosovës dhe anasjelltas?
Kjo është një çështje, që nëse akordohet ++355 si prefiks për Kosovën, do kërkojë një rishikim të planit të enumeracionit. Duhet të shikohen, duhet të shqyrtohen mundësitë apo efektet që do japë për çështjet e tarifimit, në të ardhurat nga minutat telefonike. Pra, është një çështje relativisht komplekse, e cila sjell avantazhe ekonomike. Mund të sjellë edhe disavantazhe ekonomike dhe është objekt i i një studimi specialistësh të telekomunikacionit, ekonomisë dhe të financës për të dalë me një parashikim të plotë, sepse përgjigjen e jep realiteti më saktë.

Gazeta Shqiptare