LDK kunder Jahjages..

[Brari]

A po e gabon LDK-ja cakun, kur po kërkon “kokën” e Jahjagës?

Adrian Çollaku

Lidhja Demokratike e Kosovës këtë javë tregoi se ishte shumë serioze në atë që e deklaroi për sa kohë radhazi, se nëse nuk respektohet marrëveshja politike e arritur vitin e kaluar ndërmjet Hashim Thaçit- Isa Mustafës dhe Behgjet Pacollit për zgjedhjen e presidentes, atëherë ajo do ta bllokojë reformën zgjedhore dhe kushtetuese. Drejtuesit e partisë më të madhe opozitare në vend u tërhoqën nga reforma zgjedhore. Kushti i tyre është shumë i qartë- dorëheqja e presidentes Jahjaga dhe respektimi në tërësi i kësaj marrëveshjeje që u arrit në prill të vitit të kaluar. Ky veprim i LDK-së, në pamje të parë duket si i ngutshëm dhe jo i analizuar mirë, apo më mirë të themi veprim inatçor (shpresoj të mos më akuzojë kryeministri Thaçi për plagjiat, ngase me sa më kujtohet, edhe ai e ka përdorur këtë shprehje për Isa Mustafën). Nuk e di nëse drejtuesit e LDK-së i kanë analizuar të gjitha efektet që mund t’i ketë një vendim i tillë për tërheqje nga reforma zgjedhore, dhe ajo çka mund të arrijnë me këtë vendim. Së pari, me këtë tërheqje LDK-ja vetëm sa do t’i bëjë telashe vetes me ndërkombëtarët. Presioni i ndërkombëtarëve do të rritet dita-ditës, derisa ta detyrojnë atë t’i kthehet reformës zgjedhore. Së dyti, shpresoj që LDK-ja nuk ka “harruar” se në Kosovë ende ka ambasada të huaja dhe sërish do ta detyrojnë që t’u kthehet proceseve në vend, në këtë rast reformës zgjedhore dhe kushtetuese, siç ndodhi me zgjedhjen e Jahjagës në krye të shtetit. Dhe krejt në fund, LDK-ja e Isa Mustafës duhet ta dijë se marrëveshja politike me të cilën u zgjodh Atifete Jahjaga në krye të shtetit është antikushtetuese, sepse me këtë marrëveshje janë shpërfillur të gjitha procedurat demokratike. Dhe në anën tjetër, vendimi i Gjykatës Kushtetuese është definitiv, pavarësisht a pajtohemi ne me të apo jo, tekefundit kështu e parasheh Kushtetuta, që e kanë votuar edhe LDKja, edhe partitë tjera. LDK-ja një gjë duhet ta pranojë se kryeministri i Kosovës, Hashim Thaçi, së bashku me ambasadorin amerikan Christofer Dell, ia kanë luajtur lojën. Dhe marrja me pasojat e kësaj “loje” është e kotë, sepse tani është shumë vonë që të ndryshohen gjërat. Partia e Mustafës nuk e ka asnjë mekanizëm që ta detyrojë Jahjagën që të japë dorëheqje. Ajo këtë gjë mund të bëjë në tri situata: nëse asaj ia merr mendja, kuptohet nëse këtë ia kërkojnë “miqtë” ndërkombëtarë, apo edhe nëse bash për këtë insiston kryeministri Thaçi. Për sjelljen e Jahjagës të mos flasim. U pa se për të pushteti është shumë i këndshëm… Ndërkaq, ato që po i thotë Jahjaga se “nuk guxon…” të japë dorëheqje janë pallavra dhe janë fjalë që i kanë thënë “miqtë” ndërkombëtarë që t’i thotë. Iniciativa e LDK-së që ta rrëzojë Jahjagën mund të shkojë huq. Por, edhe po ta zëmë se LDK-ja arrin që ta rrëzojë Atifete Jahjagën nga posti i Presidentit, sërish partia më e madhe opozitare nuk ka arritur që ta kapë objektivin e duhur. Pushteti real sot në Kosovë është Partia Demokratike e Kosovës, më saktësisht kryeministri Thaçi me Co., e tij, i cili vendos për çdo gjë. Madje, edhe për atë se çka duhet të flasë Presidentja nëpër fjalime. Se për institucione të tjera të mos flasim, sepse ai ka kontroll 100%. Nëse LDK-ja e ka përnjëmend që ta bëjë opozitën ashtu si duhet, atëherë adresa është Qeveria dhe kryeministri Thaçi me Co., sepse edhe po ta rrëzojnë Atifete Jahjagën, ata nuk kanë bërë asgjë. Ndoshta do t’ia bënin edhe një argat më shumë Hashim Thaçit. A mundet Europa të mbijetojë? A po e gabon LDK-ja cakun, kur po kërkon “kokën” e Jahjagës? Timothy Garton Ash koment debat Europianët nuk duhet ta braktisin përfundimisht shpresën e themeluesve. Pa bashkëpunim në rritje në rang global, bota e shekullit 21 mund t’i përngjajë fundit të shekullit 19 në Europë me rivalitetet e fuqive të mëdha. Në shansin më të mirë, Europa mund të bëhet jo vetëm një tjetër gjigant, por mund të ofrojë shembullin e një tjetër bashkëpunimi gjigantësh shumëkombësh.

mapo

---------------------


adhahile cfar m don kjo LDK qe lufton JAhjagen?
Mos jan ma te mire kta hajnat e lahperat ne kryesi te LDK-se?

Jahjaga po i kryen detyrat mire.

[Antiproanti]

Krasniqi nuk e quan të gabuar marrëveshjen për presidenten

Prishtinë, 3 shtator - Kryetari i Kuvendit të Kosovës, Jakup Krasniqi tha sot se marrëveshja mes tre liderëve për zgjedhjen e presidentit nuk ka qenë e gabuar, por sipas tij, politika kosovare duhet mësohet të respektojë marrëveshjet dhe vendimet e Kuvendit.

Ndryshe, Krasniqi përsëriti qëndrimin se zgjidhja e problemeve duhet të kërkohet nga nënshkruesit e marrëveshjes për presidentin. Kryetari i Kuvendit të Kosovës, Jakup Krasniqi, sipas raportimit të RTK-së, tha se për tejkalimin e situatës pas largimit të LDK-së nga Komisioni për reforma zgjedhore, veprim ky që lidhet me marrëveshjen për presidentin, zgjidhja duhet të kërkohet nga vetë nënshkruesit e marrëveshjes.

Sipas tij marrëveshja për presidentin nuk ka qenë e gabuar, por duhet të respektohet.
“Një marrëveshje që pastaj ka rezultuar me një rezolutë të Kuvendit të Kosovës, unë nuk do ta quaj të gabueshme, por politika kosovare duhet të mësohet ta respektojë marrëveshjen dhe vendimet e Kuvendit”, theksoi ai.
Kurse, Ismet Beqiri nga LDK-ja tha se rezoluta e miratuar në Kuvend pas marrëveshjes për presidenten ende ekziston, por ajo nuk po zbatohet, prandaj nuk ka arsye që LDK-ja të vazhdojë punën në komisione.
“LDK-ja po insiston dhe është shumë parimore më respektimin e asaj që është legjitime, marrëveshjes dhe rezolutës së kuvendit të Kosovës, prandaj është shumë qesharake, për të thënë se LDK-ja po bën bllokimin e proceseve Kjo nuk është e vërtet”, tha Beqiri.
Beqiri ka hedhur poshtë edhe deklaratat se kinse LDK-ja ka kërkuar nga Gjykata Kushtetuese interpretimin e amandamenteve që kanë të bëjnë me presidenten.
Ndërkaq, Ardian Gjini nga AAK-ja e sheh nevojën ndryshimeve në kodin zgjedhor, pa kushtëzime me zbatim të marrëveshjeve.
“Ne kemi hy në këtë proces për shkak se mendojmë se duhet të përmirësohet kodi zgjedhor, jo se për shkak se duhet të respektohet marrëveshja apo çka do qoftë tjetër”, theksoi ai.
...

http://www.koha.net/?page=1,13,113783