Mauzole per Ahmet Zogun?

[MaDaBeR]

Ne nje interviste dhene per emisionin Arena, i moderuar nga gazetari Roland Qafoku, ish kryeministri Majko i eshte pergjigjur ne kete menyre njeres nga pyetjet qe i eshte bere:

Qafoku: Keni ndonjë figurë që spikat në këto 100 vjet shtet dhe që spikat në bërjen e shtetit shqiptar?

Majko: Nuk jam përpjekur që të gjej një model, ka pasur momente që i kam vlerësuar jo nga mënyra e administratës, por e akteve. Ne nuk kemi informacionin e plotë në këto 100 vjet që t’i kemi ndenjur një ministri apo kryeministri, apo një burri shteti tek koka dhe të vlerësojmë çfarë ai ka bërë mirë apo keq. Mendoj se ka akte që duhen vlerësuar dhe p.sh, një akt që duhet vlerësuar është ai i largimit të Ahmet Zogut jashtë vendit në pushtimin e Italisë. Shumë historianë e kanë cilësuar si akt tradhtie, por për mua, akti i largimit të mbretit Zog është akti i vetëm juridik që i tregonte botës së Shqipëria ishte pushtuar nga Italia dhe duhet vlerësuar me pozitivitet. Këtë e tregojnë edhe eksperiencat e huaja të mbretërve të tjerë. Këtu ka një hile, pasi një pjesë e shoqërisë shqiptare dhe e formacioneve antizogiste e përqafuan si pozitiv aktin e pushtimit nga Italia dhe pothuajse nuk flitet fare për deputetë që kanë firmosur për dorëzimin e kurorës të mbretit Zog, Italisë, dhe ky është krim shtetëror. Nuk po them që kjo e zhvesh Ahmet Zogun nga të metat e tij, por ky akt mendoj se duhet të ndriçohet.

[MaDaBeR]

Nderkohe vjen reagimi i Braces dhe te tjereve per kete deklarate te Majkos:

Largimi i Zogut më ’39-ën, Braçe shpërthen kundër Majkos


Rishkrimi i historisë dhe rivlerësimi në mënyrë të veçantë i figurës së mbretit Zog, ka futur në konflikt socialistët. Deklarata e dy ditëve më parë e ish-kryeministri Pandeli Majko, i cili vlerësonte si pozitive figurën e Zogut në themelimin e monarkisë dhe sidomos për momentin e largimit jashtë vendit në vitin ’39, gjatë pushtimit fashist, ka ngjallur pakënaqësi në radhët e grupit parlamentar socialist. Ka qenë nënkryetari i grupit, Erion Braçe, ai që nuk është pajtuar me këtë qëndrim dhe dje pavarësisht se Majko nuk ishte i pranishëm, nuk ka ngurruar ta ngrejë edhe si shqetësim gjatë mbledhjes së grupit. Ndërkohë që më pas në faqen e tij në facebook, duke iu referuar këtij rasti, ka deklaruar jo pa ironi se është bërë e vështirë të jetosh si i majtë.

Grupi

Grupi parlamentar socialist gjate nje mbledhje te zhvilluar, ku të pranishëm ishin dhe kryetarët e bashkive të Durrësit dhe Korçës, të cilët në prani edhe të mediave janë shprehur hapur kundër miratimit të aktit normativ për lirimin e banesave të ish-pronarëve. Më pas mbledhja është zhvilluar me dyer të mbyllura, ku është diskutuar lidhur me projektligjet dhe diskutimet e lira që do të zhvillohen në seancën plenare të së enjtes. Ndërkohë që në fund të mbledhjes fjalën mësohet se e ka kërkuar deputeti Erion Braçe, i cili, duke marrë shkas nga deklaratat e Majkos gjatë një interviste televizive, ka kërkuar nga drejtuesit e grupit që të merren masa që të ketë një qëndrim të rakorduar sa i përket deklaratave që jepen në media, aq më shumë kur këto prekin çështje ideologjike të së majtës, siç është edhe ajo që ka të bëjë me qëndrimin për monarkinë dhe figurën e Zogut. Sipas tij, nuk është normale që ndërsa figura e Zogut dhe gjithë monarkia konsiderohet si një vijë ndarëse mes të majtës dhe të djathtës në Shqipëri, politikanë socialistë të dalin dhe të deklarohen në qëndrime të ndryshme nga ato që sot mbajnë gjithë socialistët. Ndërkohë që lidhur me këtë shqetësim ka reaguar kreu i grupit, Gramoz Ruçi, i cili mësohet që t’i ketë kërkuar Braçes që të mos merret me këto debate, pasi nuk është momenti. Siç bëjnë të ditur burime pranë grupit, Ruçi lidhur me këtë debat është shprehur se ka plot çështje të tjera me të cilat duhet të merren tani socialistët, ndërsa ka theksuar se PS nuk duhet të bjerë në të njëjtin debat që kërkon ta fusë Kryeministri kur flet për rivlerësime historie apo figurash të tjera historike.

Braçe

Pasi nuk ka marrë një përgjigje pozitive për shqetësimin e tij, nënkryetari i grupit, Erion Braçe ka preferuar ta ndajë këtë shqetësim edhe me miqtë e tij në facebook. Në komentin e tij sa i përket këtij debati ai shprehet se Zogu tradhtoi, vodhi dhe e vrau Shqipërinë. Më pas ai ironizon se me këto qëndrime që mbajnë eksponentë të lartë të PS-së edhe kur bëhet fjalë për çështje që kanë të bëjnë me ideologjinë e së majtës, është bërë e vështirë që të militosh dhe të jetosh si i majtë. “Ahmet Zogu nuk e ka tradhtuar Atdheun? Po çfarë i bëri Atdheut, Zogu? E shiti? Pooooooooooo! I vrau djemtë më të mirë, burra që edhe sot ndriçojnë në altarin e heronjve të këtij vendi? Pooooooooooooo! Rrëmbeu çdo gjë, pasuri dhe mjete monetare? Poooooooooooo! Themeloi “Monarkinë”, e ktheu në një pushtet gjakatar, abuziv, varfërues, prapambajtës? Pooooooooooooooooooo! Po atëherë? Ju pata thënë, është bërë tejet e vështirë të jetosh e militosh si i majtë! Zotni Gurakuqi, Zotni Prishtina, Zotni Rustemi, Imzot Noli, e kam detyrim ta luftoj rivlerësimin e Monarkisë edhe në emrin tuaj!!!”, – shprehet Braçe, duke iu përgjigjur në distancë Pandeli Majkos. Ky i fundit dy ditë më parë gjatë një interviste televizive do të shprehej se “një akt që duhet vlerësuar është ai i largimit të Ahmet Zogut jashtë vendit në pushtimin e Italisë. Shumë historianë e kanë cilësuar si akt tradhtie, por për mua, akti i largimit të mbretit Zog është akti i vetëm juridik që i tregonte botës së Shqipëria ishte pushtuar nga Italia dhe duhet vlerësuar me pozitivitet. Këtë e tregojnë edhe eksperiencat e huaja të mbretërve të tjerë”.

MAPO

[MaDaBeR]

Nderkohe dje, ka ardhur edhe reagimi i Sali Berishes rreth çeshtjes ne fjale.

Figura e Zogut, Berisha: Majko po bëhet kurban nga enveristët

TIRANË Deklarata e deputetit të PS-së, Pandeli Majko se kërkon një rishikim të historisë për figurën e Ahmet Zogut, për të cilin sipas tij, duhet të jepet kontributi dhe vlerat që ai ka pasur, i ka shkuar fort për shtat qëndrimit të deritanishëm të kryeministrit Sali Berisha. Për pasojë, kreu i ekzekutivit ka shfrytëzuar vendimin për dhënien e një fondi shtesë Bashkisë Vlorë për financimin e projektit “Rikonceptimi i Sheshit të Flamurit”, në kuadër të 100-vjetorit të Pavarësisë, për të kaluar tek debati që përçoi të majtët deklarata e Majkos. “…Unë shoh se zoti Majko rrezikon të bëhet kurban i mbretërisë, për fajin e vetëm se bëri një deklaratë në përputhje të plotë me vendimet e Parlamentit shqiptar për mbretin. Është Parlamenti shqiptar ai që ka vendosur referendumin dhe ka qenë në unison i gjithë spektri politik. Ju garantoj se nuk do kishte ndonjë deputet, të majtë, të qendrës apo të djathtë që do të votonte për t’i rikthyer të drejtën për të ardhur në pushtet, një trashëgimie tradhtare”, – tha dje Berisha në mbledhjen e qeverisë, duke shtuar se reagimet kundër Majkos shoqërohen nga “ngarkesa enveriste”. “…Kur ne votuam së bashku për referendumin dhe unë e dekretova atë me një marrëveshje të të gjitha forcave politike, gjykoj se forcat politike bënë një hap shumë të madh përpara në rivlerësimin e historisë së kombit të tyre. Po kështu, rikthimi pas referendumit i familjes, votimi i ligjit në parlament për t’i dhënë një status asaj. Tani përpiqen të gjejnë armiq vetëm e vetëm se zoti Majko pati kurajën t’i qëndrojë historisë, i çliruar nga ngarkesa enveriste e saj. Por këto janë punë të tyre, ne si Komision do të duhet të vazhdojmë të bëjmë çdo përgatitje. Ftoj edhe një herë bashkitë e komunat e vendit të bashkëngjiten në këtë periudhë që ta festojmë këtë ngjarje, duke nderuar të gjithë ata, të cilëve u detyrohemi shumë. E vërteta është se historia jonë 100-vjeçare nuk ka qenë e thjeshtë. Ajo ka qenë shumë e vështirë, çka do të thotë se patriotët, atdhetarët, ata që ishin promotorët e saj janë përballur me vështirësi shumë të mëdha, por i kanë kapërcyer ato dhe sot Shqipëria është e pavarur dhe feston 100-vjetorin e saj”, – tha ai. Për herë të parë, Kryeministri vlerësoi edhe propozimin e kryetarit të Bashkisë së Vlorës, Shpëtim Gjika, për projektin e “Rikonceptimit të Sheshit të Flamurit”. “Bashkia e Vlorës ka bërë projektin dhe ne sigurisht që do ta bashkëfinancojmë atë. Unë dua të përgëzoj kryetarin e Bashkisë së Vlorës, zotin Gjika. Uroj që shembulli i tij të frymëzojë edhe kryetarët e tjerë të bashkive e komunave. 100-vjetorin ne e kemi parashikuar ashtu siç është, një festë mbarëkombëtare dhe një mundësi kontributi të qeverisë qendrore dhe asaj vendore, që ta festojmë në mënyrën më dinjitoze. Natyrisht, ky është një shembull i zotit Gjika, i cili ka marrë një iniciativë pozitive. Ka edhe iniciativa të tjera që do të studiohen”, – shtoi Berisha.

MAPO

[MaDaBeR]

Nderkohe ka ardhur edhe reagimi i vete Majkos ne lidhje me figuren e Mbretit Zog.

“S’jam zogist, por Zogut t’i jepet ajo që i takon”

TIRANE- Deputeti Pandeli Majko reagon pas debatit te madh qe ka shkaktuar deklarata e tij e fundit per Ahmet Zogun, duke theksuar se ne ’2002 dhe më pas ishte qeverisja socialiste ajo që hapi dyert për familjen mbretërore dhe dhënien e një statusi ligjor për të…Nuk kam dëgjuar “psherëtima” nga askush në atë kohë se po “rehabilitojmë vrasësit apo kolaboracionistët”….”

Dy dite me pare, pas deklarates se Majkos, reaguan ashper deputeti i PS-se Erjon Brace dhe historiani e politikani i njohur, Paskal Milo. Ne intervistat e tyre, botuar ne “Panorama”, pak dite me pare, Milo e cilëson gafë deklaratën e Pandeli Majkos rreth aktit të largimit nga Shqipëria të Mbretit Zog në prill të vitit 1939.



ZOGIZMI IM…

Në shtyp ka dy ditë që po lexoj historinë time si “zogist”…Kush më njeh përfshi dhe zogistët e dinë që nuk jam i tillë! Ajo që më vjen keq, është se ky debat po vjen brenda llogjikës së lojës së kryeministrit aktual me historinë e Shqipërisë dhe shqiptarëve.

Ky debat filloi me deklarimin tim se largimi i mbretit Zog nga Shqipëria ishte akt juridik që zyrtarizoi pushtimin e Shqipërisë…Ironikja, është që kjo ishte thjesht një përsëritje e asaj që kam thënë edhe më parë! Duket se jemi në një situatë të “re”…! Pas kësaj pashë, që sipas disave, i kisha dalë në mbrojtje me këtë deklaratë një tradhëtari, hajduti, vrasësi dhe ku dihet cfarë tjetër…

Si të mos mjaftonte kjo, Kryeministrit Berisha deklaroi se “i paska ardhur keq” që unë mund të bëhem “kurban” i mbretërisë”!?

Në vendin tonë gabimet përsëriten pasi nuk ka kujtesë historike të ndërtuar në principe të qarta. Ajo që ka ndodhur është “kokëngrënia” dhe ndërtimi i të vërtetave të njëanëshme të cilat prodhojnë keqpërdorimin e politikës mbi faktet dhe historinë.

Unë nuk jam historian! Por, di që Partia Demokratike e nisi rrugëtimin e saj si “Noliste”…U vendos edhe një bust i peshkopit patriot Fan Noli, për këtë arsye, midis godinës së Akademisë së Shkencave. Sot ai bust është lëvizur!…

Shpresoj që media ta ketë ende në arkivë mospranimin e familjes mbretërore dhe Leka Zogut në aeroportin e Tiranës kur ai u kthye në vendlindje pas vitit 1992! Sigurisht urdhërin për këtë e dha dikush që ka kthyer mendjen sot!…

Në 1997, të gjitha partitë politike, përfshirë edhe republikanin Godo, ishin të pranishme për t’ja uruar mirëseardhjen Leka Zogut në Shqipëri në një nga sallat e Hotel Rognerit. Unë isha aty me vendimin e Kryesisë së PSSH për të përfaqësuar qëndrimin miratues të saj. Në atë takim mungonte vetëm një parti. Kjo ishte Partia Demokratike.

Kush e propozoi referendumin për monarkinë si një cështje ende e hapur në tavolinën e partive në 1997? Një gjë është e sigurtë që PD dhe presidenti i kohës ishin në pozitat e atij që “e pranoi” atë…

Mendoj se pavarësisht se cfarë ndodhi pas zgjedhjeve të 1997-ës me përplasjet përpara zyrave të KQZ-së mes policisë dhe turmës ku ishte edhe Leka Zogu i veshur ushtarak, cdokush që kuptonte “lojën” politike të atëhershme e dinte se kush ishte “mjeshtri” i këtij kurthi….

Në 2002 dhe më pas ishte qeverisja socialiste ajo që hapi dyert për familjen mbretërore dhe dhënien e një statusi ligjor për të…Nuk kam dëgjuar “psherëtima” nga askush në atë kohë se po “rehabilitojmë vrasësit apo kolaboracionistët”…

Dikush nga LSI paska deklaruar se është me Luigj Gurakuqin dhe jo me Zogun! Me sa di, anëtarë të kësaj partie mbanin nga krahu në zbritjen nga avjoni nënën mbretëreshë në 2002…Për të mos diskutuar pastaj faktin që po bashkëqeverisin…me legalistët!

Në këtë histori tragjikomike ka një lojtar të vjetër që bën herë “mbrojtësin” e herë “sulmuesin”. Ky është Sali Berisha! Ai e ka ditur se duke ngritur “lart” figurën e Zogut në të vërtetë absolute të historisë shqiptare do të zgjojë nervozizmin e shqiptarëve të cilët mendojnë se 100 vjet shtet nuk është vetëm kaq! Ai e di këtë! Doktori dinak e di se kjo lojë për “pronësinë” e historisë nxjerr të fituar sidomos atë. E lodhur nga qeverisja, pas 22 vjetësh histori politike me ulje dhe ngritje, pyetja therrëse për PD-në është se cfarë profili partie është ky grupim njerzish që qeverisin Shqipërinë aktualisht?

Ambjenti social i qeverisjes aktuale shqiptare është produkt i poskomunizmit dhe dyzimit të tij. Ajo me sjelljet e fundit ndaj të vërtetave të historisë shtetformuese të Shqipërisë na fton të vazhdojmë jetën e dyfishtë, që mendon ndryshe dhe flet ndryshe. Ky proces vjen e ngjizur nga një kulturë “konvertimi” e cila është bërë virusi më domethënës i krizës së tranzicionit të shoqërisë shqiptare. Kjo kulturë është baza e një imoraliteti politik që të bënte dje nga komunist në demokrat dhe nga opozitar në pushtetar sot, pa respektuar asnjë kod etike apo vullnet politik të votuesve. Kulti i maskarait politik po kthehet aktualisht në moral!

Unë ja vlerësoj “teknikën” politike Sali Berishës ndaj nuk dua të replikoj me askënd tek zërat e shqetësuar për “zogizmin” tim… Qetësisht ftoj të ngrihet cilindo në nivelin e pjesmarrësve të Konferencës së Pezës dhe fondamenteve të nisjes së LANC-it ku legalistët ishin pjesë integrale deri në Shtabin e Përgjithshëm të saj. Komunistët i pranuan legalistët si partnerë ndryshe nga Balli Kombëtar derisa ndodhi divorci i njohur. Partinë Komuniste mund ta akuzosh për shumë gjëra, por në bashkëpunimin me kolaboracionistët ajo ka pasur më shumë se “vijë të kuqe”…

Ky debat i nisur ka kuptim! Ai padyshim do të ndjellë “korbat” e cdo ane por padyshim ata nuk janë problemi por rezultat i tij. Problemi që ngacmon aktualisht ndërgjegjen e cdo shqiptari është raporti me të vërtetën në historinë tonë kombëtare.

Unë hyj tek njerzit që refuzoj të pranoj që në 100 vjet shtet jemi drejtuar nga një hajdut dhe kolaboracionist (!) dhe nga një diktator i dyshuar për homoseksual(!)…Unë besoj tek gjakftohësia që koha na këshillon të vlerësojmë me qetësi. Ahmet Zogut t’i jepet ajo që i takon duke ja vlerësuar aktet dhe analizuar gabimet. Enver Hoxhës po ashtu. Dhe pa dyshim edhe për cilindo tjetër nesër, duke krijuar keshtu “simfoninë” e munguar të historisë sonë kombëtare dhe paqen me të kaluarën tonë të përbashkët…

Unë nuk jam historian. Jam vetëm një njeri që kujtoj se para zgjedhjeve të 2009 në një sallë të mbushur plot me të rinj e të reja të FRESSH-it, në pallatin e kongreseve, midis duartrokitjeve u deklarua se pjesëmarrës si i ftuar ishte edhe princi…nipi i Ahmet Zogut! Mua, nuk e fsheh më janë mbushur sytë. Nipi i armikut tonë zyrtar të historisë politike të vjetër dhe të re ishte aty.

Një histori që miqtë e mi të Legalitetit ma kanë treguar vetë thotë se në vitet 60-të kur Enver Hoxha prishi marrëdhëniet me Bashkimin Sovjetik, legalistët në emigracion u organizuan e dolën edhe me deklarime se në se Shqipëria sulmohej ata do të vinin dhe të bëheshin “ushtarë të Enver Hoxhës”…Kjo është padyshim vec gjuhë shqiptarësh.

Gabimet shqiptare të historisë janë të lidhura me luftën për pushtet. Aty shfaqen difekte dhe probleme të cilat nxisin qeveritarët të bashkëpunojnë edhe me kundërshtarët historikë të shqiptarëve. Kjo ka ndodhur dhe ndodh!

Përvjetori i 100-të i shtetformimit ka një vlerë të madhe për të kuptuar nga vimë dhe ku jemi duke shkuar.

Eshtë e provuar jo vetëm në politikë por edhe më gjerë se urrejtja krijon një identitet më të qartë se sa universalizmi i dashurisë. Unë shpresoj tek dyta dhe historia e shkrujtur jo nga politikanët.

Shpresoj që teksti i saj të hedhë rrënjë ngadalë për të shpëtuar brezat që vinë nga modeli i kokëngrënies dhe papërgjegjshmërisë kombëtare të cilat nuk janë cilësi të shqiptarëve por padyshim të qeverisjeve të tyre.

Duke mirëkuptuar cilindo që ka mendim të ndryshëm shpresoj se kur shikoni fotografinë e dorëzimit të kurorës mbretërore të Shqipërisë në Romë për mbretin italian ju vjen padashur pyetja edhe inatcore – “Po pse ai mbreti “hajdut” iku dhe nuk është këtu?!”…. A duhej të rezistonte më shumë? A duhej të vritej? A duhej…. Pyetjet janë shumë! Përgjigja ime është e thjeshtë. Megjithatë, ai nuk qëndroi si kolaboracionist zyrtar për të na turpëruar historikisht! Ahmet Zogu pavarësisht gjithë rezevave të mia ndaj veprimtarisë së tij, në atë moment kuptoi kohën dhe vendosi! Kjo nuk e bën hero, por padyshim nuk e bën atë as tradhëtar!

PANORAMA

[Albo]

Llogjika nuk perdoret nga njerezit qe kishin per detyre te instrumentonin propaganden komuniste per masat ne Shqiperi, ne kohen e Enver Hoxhes. Ahmet Zogu nuk e "tradhetoi" vendin duke u larguar nga Shqiperia, ai ne fakt beri krejtesisht te kunderten: largimi i tij nga vendi nuk zyrtarizoi vetem pushtimin e Shqiperise nga Italia fashiste, por deshmoi per historine se ai nuk ishte pale e planeve te fashisteve italiane per Shqiperi. Vetem nese ai do te kish zgjedhur te qendronte ne Shqiperi ne 1939, ai do te ishte tradhetar i interesave te vendit, pasi do te vihej ne sherbim te interesave te pushtuesit italian. Rendesia tjeter e ketij akti te Mbretit, largimi i tij nga Shqiperia, edhe pse ai nuk i ishte larguar kurre nje beteje ne jeten e tij qe kur ishte femije, ishte: ai zgjodhi turpin per veten dhe familjen e tij, per ti kursyer nenave te Shqiperise bijte e tyre, qe ishin gati te luftonin pushtuesin italian e ne ato dite prilli kerkonin arme nga shteti qe te luftonin italianet. Mbreti mjaftonte te jepte nje urdher te armatoste shqiptaret dhe ti bente thirrje nacionalisteve shqiptareve qe te prisnin me lufte pushtuesin, por nuk e beri kete gje pasi ishte i vetedijshem qe kjo do te sillte vete gjak te derdhur lume ne popullin e tij te varfer e te lodhur nga lufterat.

Milot, Xhufat, Frasheri e kompani, orkestruesit e propagandes komuniste per llogari te rregjimit komunist, duhet te kuptojne qe bashke me ta dhe brezin e tyre, do te vdesi edhe propaganda komuniste qe ata mbollen mes shqiptareve. E verteta historike vonon por asnjehere nuk mungon.

Albo

[Duaje Siveten]

Nje nga "poshtersite" e Mbretit Zog ka qene edhe mos-lejimi i shkollave greke ne Shqiperi.

[user010]

Na thoni dhe ne që nuk marrim veshë.. përse ishte mbret, kush autoritet e quajti ashtu?

Mbase nuk ka lidhje, por.. po Sala është mbret?

[violativo]

majka moja kujton se me gjuhen prej mishi do te thyeje kockat e te gjithe atyre bijve te thjeshte qe nuk zgjodhen rrugen e mbretit por qe ne 7 prill dolen e luftuan ne brigjet e Sarandes , Durresit , Vlores , me armet qe iu kishin lene te paret ose me ndonje pushke qe "mbreti" harroi tua merrte ! Pasi hoqi shulat e topave te artilerise dhe pasi u kujdes per floririn , mbathi kepucet lustrafine ("mbreti" i Majkas do te kish dale ne lufte por nuk i gjeten opengat) dhe me makine u nis drejt Greqise duke e lene atdheun ne kthetrat e italianeve , ushtrine pa komande dhe njerezit neper rruge qe kerkonin arme !!

Trimeri e madhe besa ! Keto veprime jane aq te veshtira per tu ndermarre sa edhe nje femije nuk do t'i shkonin ne mendje dhe jo me nje drejtuesi shteti !

Une nuk them te mos vleresohet sipas rrethanave historike qe kaloi Shqiperia , por te vertetat jane te verteta dhe me thoni : Per cfare arsye deformohen , mashtrohen dhe zbukurohen ?

[MaDaBeR]

majka moja kujton se me gjuhen prej mishi do te thyeje kockat e te gjithe atyre bijve te thjeshte qe nuk zgjodhen rrugen e mbretit por qe ne 7 prill dolen e luftuan ne brigjet e Sarandes , Durresit , Vlores , me armet qe iu kishin lene te paret ose me ndonje pushke qe "mbreti" harroi tua merrte ! Pasi hoqi shulat e topave te artilerise dhe pasi u kujdes per floririn , mbathi kepucet lustrafine ("mbreti" i Majkas do te kish dale ne lufte por nuk i gjeten opengat) dhe me makine u nis drejt Greqise duke e lene atdheun ne kthetrat e italianeve , ushtrine pa komande dhe njerezit neper rruge qe kerkonin arme !!

Trimeri e madhe besa ! Keto veprime jane aq te veshtira per tu ndermarre sa edhe nje femije nuk do t'i shkonin ne mendje dhe jo me nje drejtuesi shteti !

Une nuk them te mos vleresohet sipas rrethanave historike qe kaloi Shqiperia , por te vertetat jane te verteta dhe me thoni : Per cfare arsye deformohen , mashtrohen dhe zbukurohen ?

Po ti more Enver i kuq, e di ti kush doli ne Durres per te luftuar armikun? E di ti kush e rroku i pari pushken kundra Italianit ne Durres? Do thuash Mujo Ulqinaku? Keshtu te ka mesuar Enveri yt i dashur e?

Lexoje pra ta mesosh mire, ti e kushdo tjeter. I pari qe rroku armet ishte Abaz Kupi. Ai doli i pari dhe organizoi rezistencen ne Durres.

Abaz Kupi ishte dhendri i Lal Krosit, njeriut qe rriti mbretin Zog, dhe nje nga njerezit me te afert te Zogut.

Keshtu pra, or bolshevik i kuq.

[user010]

Nuk dua të hyjë në debat.. dhe nuk është personale për madaber, fare fare bile, por e shikojë shpesh që këtu në forum të quajnë ose simpatizant të Salës ose të Enverit/Ramës.

Nuk besojë se kjo është një gjë e mirë, kjo më duket si flori për ata që na duan të hahemi.. nuk e di, mbase jam dhe gabim dhe me hak vihen ato titull!

Nejse, mirë është të kujtojmë në ça gjendje të keqe është vendi... kjo mbase na ndihmon të gjejmë një gjuhë.