Mauzole per Ahmet Zogun?

[pirro10]

Nuk kanë kaluar jo më pak se 22 vite nga rrëzimi i bustit të Diktatorit dhe heqjes së relikeve të tij në të gjithë vendin, kur një tjetër budallalëk i politikës shqiptare është duke ndodhur këto ditë të nxehta gushti: propozimi për ngritjen e një Mauzoelu për …kë do të thoni ju? për të ashtuquajturin mbret Zog. Propozime të tilla po vijnë gjithmonë po nga ajo pjesë e klasës politike e cila dikur si formë e nomeklaturës së kuqe i bënte elozhe dhe I servilosej dhe sigurisht e përkrahte me c`të mundëte ish diktatorin e atëhershëm duke I thën fraza pompoze si :..i u bëftë dita 1 mijë… marrtë nga ditët tona… etj, etj. Po përse kjo dashuri e papritur për Ahmet Zogun? A nuk mjaftoi që i u vendos emri i bulevardit? A nuk mjafton një bust i zakonshëm p.sh., në Burrel? Përse kjo mani e cmëndur për të bërë mauzolera të tjera në Shqipëri?
Me sa duket mentaliteti ish-komunist vazhdon të veprojë edhe këtu duke e patur zanafillën tek Mauzoleu i Leninit në Moskë. Dihet që sot zërat në Rusi po vijnë e po shtohen që Lenini i balsamosur të varroset njëherë e mirë në një varr si gjithë të tjerët , pavarësisht se (sipas tyre) ka qënë babai i republikës së parë ruse. Po Politikanët tanë c`kanë që kërkojnë ti bëjnë Mauzole Zogut?
Po të ishte për një vënd të nderuar -do të ishte varri i Skënderbeut, ose dhe për Ismail be Vlorën Kryeministrin e parë të Shqipërisë.
Duhet të shikohet eksperienca e perëndimit dhe e vëndeve të BE dhe të SHBA; nga kjo, del se të gjithë udhëheqësit e shteteve qofshin ato president apo kryeministra, qofshin ligjëvënës të nderuar apo shtet-formues, janë të varrosur në varre ku prehen përkatësisht njerëzit e respektuar të shtetit përkatës, dhe historia e veprës së tyre gjëndet nëpër muzeume shtetërorë apo privatë, porn ë asnjë rast nuk kanë bërë Mauzoleume apo Piramida sic ka tentuar të bëjë politika shqiptare. As vetë Ahmet Zogu nuk bëri ndonjë mauzole por bëri në vënd të kësaj një pallat mbretëror (ish pallati i pionerëve) –një tip oriental Mauzoleu që në të gjallë të tij.
Po kështu Enver Hoxha krijoi dicka më ndryshe por që në thelb ishte një tip pallati mbretëror të cilin populli e quajti `Blloku`. Tahmaja e diktatorëve ishte që të izoloheshin nga populli sepse populli binte era djersë, populli vinte era përc, populli ishte turmë , prandaj le ta dinte që drejtuesit qofshin ata të tipi mbret Zog , qoftë ata të tipit Enver kishin në thelb- totalitarizmin dhe diktaturën ; Zogu diktaturë të djathtë, Enveri diktaturë të majtë, dhe si të tillë në mëndjen e tyre gëlonte idea orientaliste e përjetësimit.
Atëhere del pyejta e thjeshtë: përse kërkojnë një marrëzi të tillë për Ahmet Zogun? A nuk do të mjaftonte një pavion në Muzeun historik, një rrugë me emrin e tij, një varr si gjithë të tjerët, ndonjë bust (sepse ai ka qënë e mbetet personazh historik)?
Njihen bëmat e Ahmet Zogut, krahas idesë se ai formoi shtetin shqiptar gjë që nuk është e vërtetë, sepse paketë kushtetuese ka patur që pas Kongresit të Lushnjës, ai do të mbetet si një person hajdut që vodhi thesarin e vëndit ( cfarë rastësie, se ku e kemi dëgjuar më vonë këtë problem me thesarin edhe në kohën e demokracisë?!!!), jo vetëm që braktisi ushtrinë dhe popullin e tij duke ikur si një tradhëtar nga vëndi, por Zogu sikur të ishte pronar i Shqipërisë së asaj kohe guxoi të shkëmbejë toka dhe t`ua japë dhurata fqinjëve (cfarë rastësie, se ku e kemi dëgjuar këtë hyner edhe tani në kohët e demokracisë). Pra nëse do të ishte Shqipëria pjesë e Perandorisë turke pot ë kishte një vezir si Zogu apo si Enveri, pao si Ali Pashai, atyre do tu ishte prerë koka dhe jo tu bëhej Mauzole dhe piramidë. Po ta shikosh nga ana ekonomiko-financiare dhe demografike Zogu e la Shqipërinë me 800.000 banorë, me rreth 100.000 banorë të larguar, me ekonomi e financa për faqe të zezë. Atëhere del përsëri pyetja: për cfarë do ti bëhej këtij njeriu Mauzole?
Sa për Enver Hoxhën nuk po zgjatemi se dihen gjërtat.
Mendoj se arësyet e kësaj marrëzie janë më të thella dhe i kanë rrënjët tek mentaliteti orientalist lindor (dhe sigurisht të ndërthurura me dogmën e komunizmit për kultin e individit). Mendoj se politikanët e sotëm duan të lënë gjurmë edhe për vehten e tyrë kur të vijë koha e pashmangshme e ndarjes nga jeta.
Politikanët tanë të marrosur pas 3 `P`-ve (dikur pas 2 P`-ve: pushtet-para- seks), me të njëjtën mëndësi si pararendësit e politikës shqiptare (me përjashtim të Nolit) ëndërrojnë të përjetësohën pas vdekjes packa nuk e thonë.
Por harrojnë se për veprime të tilla duhet vota e popullit, e sovranit; dhe dihet që u bënë 22 vjet që kjo votë nuk është transparente, nuk është ashtu si e do populli, nuk ka shkuar atje ku e do populli. Këtë e kanë vërtetuar deklaratat e komisionerëve dhe të përfaqësuesve të KE dhe të përfaqësisve perëndimore në Shqipëri, në të cilat është thënë që në asnjë rast votimet parlamentare nuk kanë qënë as të rregullta dhe as transparente, por kanë qënë ose `të pranueshme por jo të rregullta`, ose `të pa pranueshme` (si zgjedhjet e 1996), ose ` me problem dhe të debatueshme`. Këtë e vërtetojnë gjithashtu ndërhyrjet e pareshtura në Ligjin për zgjedhjet dhe për Komisionin qëndror të zgjedhjeve. Vota e Sovranit do të tregonte se nuk mund të vendoset nga një njeri, nuk mund të vendoset as ndonjë një formë e pushtetit, pavarësisht të drejtës ëpër të qeverisur.
Në Shqipëri një nga të metat kryesore të politikës është idea e marrë se kur merr pushtetin mund të bësh c`të duash pa e pyetur më sovranin.
Por eksperineca dhe legjislacioni në vëndet perëndimore ka treguar se për probleme madhore përsëri kërkohet mendimi o sovranit. Po tek ne? A mundet që pjesë të politikës së majtë apo të djathtë të kërkojnë pa teklif të përjetësojnë `heronjtë` e majtë apo të djathtë, pa një consensus të plotë midis të dy palëve? A mundet që pjesë të politikës shqiptare të anashkalojnë sovranin për vendimarrje të mëdha? A mundet që pjesë të politikës shqiptare të injorojnë analizën historike dhe faktet historike, të anashkalojnë profesionistet dhe teknokratët për sa I përket personazheve historikë? Referendumi i 97 tregoi se sovrani nuk e deshte mbretërinë. Apo jo?
Cdo pjesë e politikës ka heronjtë e vet, cdo komunitet fetar ka heronjtë e vet. Atëhere del pyetja: Kush do të caktoje se kush është hero, dhe kush është personazh historic? Kryeministri? Presidenti? Akademia shtetërore? Klanet politike?
Shikoni zotërinj se si e kanë zgjidhur këtë problem perëndimi , vëndet e BE, dhe SHBA. Atëhere do të kuptoni të vërtetën për heronjtë, personazhet historikë dhe se cfarë i ndan ata nga Kulti i Individit.

[Brari]

e drejte ideja se..skemi nevoj per mazoleume.. por nuk eshte Zogu qe po i ben vehtes mazoleum..
prandaj ti o pirro merru me ata qe thon se do bejn mazoleum e jo me Zogun..

tjater..dhe me me rendesi..
ti je i kenduar ne histori..

ke shum genjeshtra aty ne lidhje me Zogun..
Genjeshtra qe i polli propaganda enveriste e qe i mbrojn akoma kulishet historian te enverizmit..

dhe kur nje shkrim ka brenda nje genjester.. eshte si te shumzosh nje numer cfardo me xerro..

[Albo]

Po përse kjo dashuri e papritur për Ahmet Zogun? A nuk mjaftoi që i u vendos emri i bulevardit? A nuk mjafton një bust i zakonshëm p.sh., në Burrel? Përse kjo mani e cmëndur për të bërë mauzolera të tjera në Shqipëri?

Pyetjet qe ti ngre deshmojne injorancen tende historike mbi figuren e Ahmet Zogut, Mbretit te Shqiptareve. Ahmet Zogu eshte njeriu qe ngriti shtetin e pavarur shqiptar. Eshte njeriu qe hodhi themelet i pari te demokracise, republikes parlamentare dhe shtetit te se drejtes. Eshte njeriu qe beri fshatin Tirane kryeqytet te Shqiperise dhe sot Tirana nuk gjen nje cop vend per te nderuar qytetarin e saj te pare. Njeriu qe ndertoi shtetin e pare te mirefillte demokratik te vendit qe kish kontroll ne gjithe territorin e vendit dhe kufijte e te cilit njiheshin nga bota e qyteteruar dhe nga shtetet fqinje. Dokumenti i pare i njohjes se pavaresise se shtetit shqiptar ka ardhur ne kohen e Mbretit Zog.

Dhe ky njeri qe ka bere aq shume per Shqiperine e popullin e tij, per te cilin sot shkruajne jo vetem historianet e vendit por edhe historianet e huaj, u injorua e sulmua ne menyren me te verber nga pashallaret e kuq te komunizmit. Njeriu te cilit Ahmet Zogu dhe qeveria e tij i dhane burse studimi per ne France, do te sulmonte shtetin e figuren e Ahmet Zogut 1 dekade me pas. Dhe ti, si viktime e kesaj propagande komuniste, vazhdon te jesh e tille edhe sot e kesaj dite, 20 vjet qe jeton i lire ne demokraci. 20 vjet nuk kane mjaftuar per ty qe te besh dallimin mes historise se vertete dhe propagandes komuniste.

E verteta historike eshte ne anen e Ahmet Zogut. Nderimi qe i behet atij sot, i behet per hir te popullit shqiptar. I behet per hir te atyre femijeve qe shkojne ne shkollat shqiptare, qe te mos vazhdojne te rriten me urrejtjen e propaganden e genjeshtert komuniste sic u rritem ti e une, por me te vertetat historike.

Eshte ne nderin e popullit shqiptar, jo te figures se Ahmet Zogut apo familjes se tij, qe te nderojne te gjithe ata shqiptare qe kane dhene nje kontribut te jashtezakonshem ne jeten e ketij shteti e ketij vendi. Ceshtja nuk eshte se cila eshte forma e nderimit, mauzole apo bust, ceshtja eshte qe ju ende nuk njihni historine e vertete dhe kontributin e ketij njeriu ne formimin e shtetit shqiptar.

Albo

[freeopen]

Pse duhet te lidhni cdo gje me komunizmin nuk arrij ta kuptoj.
Sa per mbretucin ka shume njerez te moshuar qe nuk shprehen me levdata dhe respekt.
''Mreti i Shqiperise'' .......sa per te qeshur.

[juanito02]

Muzeun per Ahmet Zogun po kerkon ta beje Saliu.
Eshte shume e thjeshte puna udbashi sotem po kerkon te perjetsoje sozine e vet Ahmet Zogun se keshtu bashkohen tradhetaret e kombit.
Eshte urdheruar nga serbia nje gje e tille njelloj si varrezat greke te vena me izmin e Greqise.

[MaDaBeR]

Ahmet Zogu, ne moshe teper te vogel, ka mare pjese ne shpalljen e mevetesise se Shqiperise ne 28 Nentor 1912. E vertetuar.

Eshte njeriu qe shpalli Tiranen kryeqytet.

Eshte i pari Shqiptar qe shkruajti nje Kod Penal, Kod Civil dhe ishte pothuajse gati dhe reforma ne Bujqesi.

Dhe per kete hapesin e temes, qe qenka tyt fare nga Historia, Ahmet Zogu nuk kishte asnje lloj lidhje me orientalizmin. Madje, eshte shtetari qe ndaloi perdorimin e ferexheve.

Por duke lexuar vetem veprat e Enverit, ty dhe shokeve te tu u eshte mbushur mendja top se Anglo-Amerikanet jane Imperialiste, Zogu Tradhetar dhe Lenini Babai i Kombeve Socialiste.

[Bel ami]

mua me duket servilizem i teperuar perpara figures se Ahmet Zogut. Nuk e kuptoj pse duhet nderuar me shume Zogu sesa Imzot Nikolle Kacori,apo Faik Konica!!

[shofer]

une them ti bejm nje piramide si ajo e keopsit.

[EuroStar1]

Ky është një dokument që gjendet në Arkivin Qëndror Shtetëror. Fondi Nr 253, dosja 105, fleta 2, 4-5, viti 1924.
Ky dokument është botuar gjithashtu në librin me titull "Italia e Albania 1924 - 1927" nga P. Pastorelli, botuar në Firence në vitin 1967. f. 221.

Marrëveshja u nënshkrua në gusht të vitit 1924, mes Kryeministrit serb Pashiç dhe Ahmet Zogut, kur ky i fundit kishte gjetur strehim në Jugosllavi i përzënë nga forcat e revolucionit demokratik të udhëhequra nga Fan Noli.

Përmbajtja e marrëveshjes e përmbleshur.

1. Shqipëria angazhohet t'i bashkohet Jugosllavisë me bashkim personal

2. Kryetar i shtetit Shqiptar do të jetë Ahmet Zogu që më vonë do të njohë dinastinë e Karagjeorgjeviçëve.

3. Qeveria Jugosllave, me gjithë mjetet politike dhe ushtarake, do të njohë Ahmet Zogun si kryetar shteti...dhe do t'i japë të një të ardhur vjetore.

4. Ministria Shqiptare e Luftës anullohet dhe Shqipëria heq dorë që të ketë një ushtri kombëtare.

5. Shqipëria do të mbajë një gjindarmëri për mbajtjen e qetësisë së brendshme, ku do të bëjnë pjesë ede oficera Rusë të Vrangelit si dhe oficera Serbë, sipas nenit 6-7.

8. Parashikohet bashkimi doganor dhe liri e plotë për import-ekzportin.

9. Sipas këtij neni Shqipëria heq dorë nga pasja e përfaqësive diplomatike, pasi këtë të drejtë do ta ushtrojë Jugosllavia.

10. Qeveria Shqiptare duhet të deklarojë pranë konferencës së Ambasadorëve në Paris që tërheq çdo pretendim të saj për sovranitetin mbi Manastirin e Shën Naumit dhe lokalitetet e Vermoshit e Kelmendit, që mbeten në zotërimin e Jugosllavisë.

11. Ky nen bën fjalë për varësinë e Kishës Ortodokse dhe të Myftinisë shqiptare nga Jugosllavia.

12. Qeveria Shqiptare mbahet larg nga një politikë ngushtësisht kombëtare dhe nuk do të interesohet për elementin Shqiptar jashtë kufijëve të saj. Ajo impenjohet veç kësaj që të mos pranojë në tokën e saj Kosovarët dhe elementë të tjerë që njihen ose dyshohen për ndjenjat e tyre si kundërshtarë të politikës jugosllave.

13. Më rast lufte me fqinjët; Bullgarinë dhe Greqinë, qeveria Jugosllave ka të drejtën të rekrutojë në Shqipëri një ushtri prej 25.000 vetë për t'i përdorur për interesat e saj.

14. Nëse Shqipëria sulmohet nga Greqia dhe Italia, Jugosllavia ka të drejtë të fusë ushtritë e saj në territorin Shqiptar.

15. Qeveria Shqiptare nuk mund t'i deklarojë luftë asnjë shteti pa pëlqimin preventiv të Jugosllavisë.


Kushtetuta e monarkisë thotë:

Mbreti nuk lejohet të largohet prej vendit të vet, përndryshe humbet fronin.

[Mike Oldfield]

Nderime Mbretit te Shqiptareve Ahmet Zogu dhe institucionit te mbreterise qe se shpejti do te rikthehet ne Shqiperi ashtu sic eshte ne deklaraten e pavaresise, shtet i modelit monarkik.