Erich Fried

[Askusho]

ERICH FRIED

Erich Fried ka lindur në Vjenë në vitin 1921, u largua nga Austria në 1938 dhe u zhvendos në Londër. Ndër vëllimet e tij me poezi: Gjermania (Deutschland, 1944), Kundërshtime (Anfechtungen,1967), Njëqind poezi (100 Gedichte ohne Vaterland, 1978). Midis romaneve dhe tregimeve: Fëmijë dhe budallenj (Kinder und Narren, 1957), Një ushtar dhe një vajzë (Mädchen Einund ein Soldat, 1960), Pothuajse çdo gjë është e mundur (Fast alles möglich, 1975). Në tekstet e tij eksperimentimi formal unifikohet me angazhimi politik. Në vitin 1988 boton një libër me poezi: Është ajo që është., Poezi dashurie frike dhe zemërimi ", i cili do të ketë një sukses të madh në publikun italian, Nga ky libër jajë zgjedhur këto poezi.

Përktheu: Faslli Haliti

ËSHTË ABSURDE
Poezi - rekomanduar nga Karmen

Është absurde
thotë arsyeja.
Është ajo që është

thotë dashuria.
Është hidhërim

thotë llogaria.
Nuk është veç dhimbje
thotë frika.
Është e kotë

thotë gjykimi.
Është ajo që është

thotë dashuria.
Është qesharake

thotë krenaria.
Është e nxituar

thotë maturia.
Është e pamundur

thotë përvoja.
Është ajo që është

thotë dashuria.

GJITHNJË MË E VËSHTIRË

Të të shoh vetëm një herë
dhe kurrë më pastaj
duhet të jetë më e lehtë
që të të shoh ende dhe njëherë
dhe kurrë më pastaj
Të të shoh dhe njëherë
dhe kurrë më pastaj
duhet të jetë më e lehtë
që të të shoh ende dhe dy herë
dhe kurrë më pastaj
Të të shoh ende dhe dy herë
dhe kurrë më pastaj

duhet të jetë më e lehtë
që të të shoh ende dhe tri herë

dhe kurrë më pastaj
Por unë jam një budalla
dhe dua të të shoh

ende shumë herë
para se

mund, mos të të shoh
kurrë më.

ÇFARË?

Ç’je ti për mua?
ç’janë për mua gishtat e tu?
dhe çfarë buzët e tua?
dhe ç’është për mua tingulli i zërit tënd?
ç’është për mua parfumi yt
para përqafimit tonë
dhe parfumi yt
i përqafimin tonë
pastaj? ç’je ti, për mua?
ç’jam unë për ty?
ç’jam pra?