Nishani: Kryeprokurori i ri, sipas Kushtetutes

[Brari]

Trekëndëshi Berisha-Meta-Topalli dhe kryeprokurori i ri

Eduard Zaloshnja

Fill pasi Spartak Braho udhëhoqi me sukses ekipin mbrojtës të Ilir Metës në gjyqin famëkeq mbi video-përgjimin, ky i fundit përdori për të epitetet “prokurori i përhershëm” dhe “kryeprokurori në pritje”. Këto fjalë, të thëna publikisht nga Ilir Meta, parashikojnë një stuhi jo të vogël në “trekëndëshin e Bermudës” Berisha-Meta-Topalli.

Në sistemin tonë parademokratik, marrja e një posti përcaktohet shumë rrallë nga gara paralele meritokratike. Në shumicën e rasteve, janë lidhjet vertikale tribale ato që përcaktojnë se kush merr një post të rëndësishëm shtetëror. Dhe Meta shquhet për përdorimin e këtyre lidhjeve në konsolidimin e rolit të tij si udhëheqës i padiskutueshëm i partisë së vet. Në qoftë se ai ia ka premtuar realisht Spartak Brahos postin e kryeprokurorit (si shpërblim i mbylljes me sukses të çështjes së video-përgjimit Meta- Prifti), do të “zhburrërohet” në sytë e tribusë LSI-ste po të mos e mbajë premtimin.

Por që Meta të mbajë këtë premtim, Sali Berisha dhe Jozefina Topalli duhet të gëlltisin disa pilula shumë të hidhura.

Së pari, Berisha duhet të gëlltisë akuzën që Braho i ka bërë në Kuvendin e Shqipërisë si informator i Sigurimit të Shtetit me nofkën “Penicilina” dhe si agjent i dyshuar i UDB-së jugosllave. Së dyti, Berisha duhet të kthejë mbrapsht akuzën që i ka bërë Brahos si organizator i fshehtë i atentatit me granatë, që për pak i mori jetën atij në një miting në rrethinat e Durrësit në vitin 1997.

Ndërsa Jozefina Topalli duhet të gëlltisë gjëra më të freskëta. Siç kam argumentuar në një artikull të paradokohshëm te respublica.al, manovrat e forta që bëri Meta për të bllokuar zgjedhjen e Topallit në postin e Presidentes së Republikës kishin si objektiv zgjedhjen e një njeriu që mund të emëronte një kandidaturë të tij për postin e kryeprokurorit. Dhe Nishani mund ta bëjë këtë gjë, por Topalli si zor t’ia falë Metës shuarjen e ëndrrës së saj presidenciale – ajo e ka një grusht të vogël deputetësh me vete, sa për të bllokuar kandidaturën e Spartak Brahos.

Nëse do të mbytet anija e Spartak Brahos në trekëndëshin e Bermudës Berisha-Meta-Topalli, mbetet të shihet. Por shenjat e stuhisë kanë filluar. Për shembull, Meta dhe zv.kryeministri LSI-st Haxhinasto kanë dalë kundër idesë së referendumit për imunitetet, të trumbetuar aq fort nga Berisha & co.

“[Qytetarët] mund të shprehen edhe me referendum [për imunitetet], por rruga më e mirë, më e shpejtë dhe më efikase është që të realizohet përmes një konsensusi parlamentar gjatë 2-3 javëve të ardhshme,” tha Meta në një takim të të rinjve LSI-stë në Jalë.

“LSI-ja nuk është për referendum, por për konsensus mes palëve. LSI-ja do të mbështesë heqjen e imunitetit brenda Parlamentit. Politika të fokusohet dhe të realizojë në mënyrën më të shpejtë të mundshme heqjen e imunitetit, për të ecur në çështjen e integrimit konform Kushtetutës”, tha Haxhinasto në një takim me biznesin beratas.

Këto deklarata, megjithëse nuk kanë lidhje me kryeprokurorin e ri, mund të konsiderohen si vetëtimat e para që paralajmërojnë stuhinë që mund të shoqërojë emërimin e tij. Dhe të menjëhershme dhe më të drejtpërdrejta ishin rrufetë nga kampi berishian. Deputetët Tritan Shehu dhe Dashnor Sula, përkatësisht në televizionin Ora News dhe në gazetën MAPO, e bënë të qartë se emërimi i kryeprokurorit të ri nuk do të jetë produkt i një pakti PD-LSI.

Këto që shkrova më sipër bazohen në çfarë duket mbi ujë. Por nën ujë mund të jetë luajtur edhe një blof i Metës. Spartak Braho mund të ketë pranuar të bëhet kurban i këtij blofi, kur Meta përmendi për të epitetet “prokuror i përhershëm” dhe “kryeprokuror në pritje”. Duke luajtur kartën “Braho”, e cila mund të mos gëlltitet nga dyshja Berisha-Topalli, Meta ndoshta shpreson për një as tjetër të tij nën mëngë. Dhe përsëri mbetet të shihet nëse Berisha dhe Topalli do ta gëlltisin dot atë as tjetër. Përndryshe, mund të kemi një përplasje të fortë në Kuvend mes PD-së dhe LSI-së.

Duke analizuar kombinacionet e mundshme bizantine të luftës për kreun e ri të prokurorisë, të lind pyetja se përse mund të na interesojë ajo neve, njerëzve jashtë politikës. Në fakt, në qoftë se zgjedhja e kryeprokurorit të ri bëhet pa prishjen e koalicionit PD-LSI, pak rëndësi ka se kush do të jetë ai. Por në qoftë se zgjedhja e kryeprokurorit të ri bëhet shkak për prishjen e koalicionit, mund të ulen shumë gjasat për qëndrimin e Berishës në pushtet pas zgjedhjeve të 2013-ës -është historia e zgjedhjeve të mëparshme që na e tregon këtë gjë.

Dhe këtu lind një pyetje tjetër, gjegjësisht, se përse mund të na interesojë rotacioni i pushtetit pas zgjedhjeve të 2013-ës neve, njerëzve jashtë politikës. Përgjigjja ime e shkurtër është kjo: “Rotacioni i pushtetit me zgjedhje është mekanizmi që e bën demokracinë të dallojë nga të gjithë sistemet e tjerë qeverisës. Dhe demokracia ka demonstruar deri më sot se, parë nga një këndvështrim afatgjatë, është sistemi më dobiprurës për një vend.” Përgjigjen e gjatë do ta jap në një shkrim tjetër.


mapo

------------

[Duaje Siveten]

Shume gjera do te shkoqiten kur te filloje punimet kuvendi popullor ... jam ne pritje te zhvillimit te pllenumeve te grupit parllamentar, ku salijevi do te mbaje fjalime pambarim te rendesishme ... ato jane te vlefshme edhe per grupet e tjera parllamentare ... edhe te tjere ... per gjithe Shqiperine, rajonin, e me tej ...

[mesuesi_1]

qe kete artikull ta kete bere zaloshnja, nje person qe me teper se i paafte nuk eshte, do te ishte e pabesueshme ....

pastaj persa i perket tematikes per mua ilir shtangisti po luan me karten e fshehur te nasip nacos .... skraparlli, filo-gradec, njeri i pjekur me mesimet e enverit ..... njeri me garant se kaq ?!

shtagistat me rastin e presidentit e treguan veten se ishin filo artan dhe sala perseri do tja kapi koken me dere edhe per prokurorin .... per kete mos u shqetesoni fare .... une e pata thene edhe diku ne nje tjeter tematike se ki rikeri jo me kot vjen me 6 shtatotor .... per ti dhene nje dore gradeceve te lsi ....


.


.

[Brari]

u be dy her qe han ngjala edvinua me meton..
njeher ne lalz nje her ne tetov..

ndoshta metua do tako brahon krieprokuror..po nuku besoj se e pranon pd-ja ate..
pra dhe mund te prishet koalicioni..

[vagabondo_nyc]

emo derrrzi po u prish kuualicioni ty ste hajet buka?

ngele rob i birishes gjithe jetes...jeto i lire o i mjere ta mori frymen pulitika

[Brari]

vagu.. po ku jeshe mo kaq kohe..

mir se erdhe..

une nuku marrr rroga ne zyrat e shqiperise.. qoft kush qoft ne qeverri..
po ti besoj i ke ne cdo lloj qeverie nje dyzin me familjar e kusho qe marrin rroga ne shtet te mira bile.. plus bizneseve..

dhe juve ne nyc ju kan si syndyk ku vijn e depozitojne meleonat e vjedhura nga shteti shqiptar..

dhe shefi juaj prandaj vjen ne nyc shpesh..

ka nje vellacko aty qe i sherben si maske me mcef meleonat atje..

nuku lehni kot ju ..joo..

..

[vagabondo_nyc]

hahahaha ...prandaj kam vite qe kam ndryshuar taktiken vetem te lexoj dhe ste replikoj se me knaq fare

[Bel ami]

“Rotacioni i pushtetit me zgjedhje është mekanizmi që e bën demokracinë të dallojë nga të gjithë sistemet e tjerë qeverisës. Dhe demokracia ka demonstruar deri më sot se, parë nga një këndvështrim afatgjatë, është sistemi më dobiprurës për një vend.” Përgjigjen e gjatë do ta jap në një shkrim tjetër.


mapo

------------

Pikerisht kete ide Zaloshnja duhet tja ngjite ne koke Rames.Ne pushtet te sjell vota e popullit dhe jo horrori i janarit 2011

[Ana_E_Malit]

Mbështetësit e Ramës në Twitter, mbi 55% janë të rremë

Shifrat e “Fake Follower Check”, kontrollit të adresave në internet.
“Mbi 34 për qind janë joaktivë, vetëm 11 për qind të saktë”
Më shumë se gjysma e mbështetësve në Twitter të liderit të opozitës Edi Rama janë të rremë. Ja analiza:
Sipas “Fake Follower Check”, kontrollit të adresave të mbështetësve, 55 për qind e ndjekësve të Ramës në Twitter, 32.874 janë adresa Spam, 34 për qind janë jo aktive dhe vetëm 11 për qind janë konsideruar si të mirë.
Që nga shtatori 2011 Rama ka përdorur gjithnjë e më shumë Tweets dhe blogje për të transmetuar axhendën e tij politike, kritikuar qeverinë, ose përndryshe për t’iu përgjigjur akuzave.

http://www.balkaninsight.com/en/arti...owers-are-fake

[MaDaBeR]

Paloka: Kryeprokurori, njeri i besuar i mazhorancës. Me LSI-në do kemi qëndrim unik

TIRANË Nëse do t’i jepej mundësia, deputeti demokrat Edi Paloka do të bënte pjesë në atë kategori politikanësh që do të mbështesnin fort ndryshimin e Kushtetutës për ta bërë Prokurorinë e Përgjithshme pjesë të ekzekutivit. Por edhe në kushtet aktuale, kur Kushtetuta nuk e lejon një gjë të tillë, për deputetin demokrat dhe një prej figurave të konsoliduara të PD-së, Edi Paloka, nuk ka problem nëse kryeprokurori i ri të ketë qenë i angazhuar më parë politikisht. Sipas tij, prokurori i përgjithshëm duhet të jetë një njeri i besuar i mazhorancës dhe se kriter i vetëm për të duhet të jetë zbatimi i ligjit dhe Kushtetutës. Duke sqaruar se ky është vetëm një opinion i tij personal, Paloka thekson më tej se emri i ri i Prokurorit të Përgjithshëm do të jetë kompetencë e Presidentit të Republikës. Ai vlerësoi paraprakisht se për emrin e kryeprokurorit do të ketë një qëndrim unik mes PD-së dhe LSI-së. Sa për opozitën, ai nuk shpreson që do të japë konsensus.

Z.Paloka një nga çështjet më delikate, që pritet të shoqërojë këtë sesion parlamentar është zgjedhja e kryeprokurorit të ri. Në vlerësimin tuaj, a mendoni se duhet të ketë negociata paraprake nga Presidenti i Republikës për emrin e ri, me qellim që të shmanget çdo lloj debati në momentin e votimit në Kuvend?

Unë mendoj që ligji është i qartë për zgjedhjen e Prokurorit të Përgjithshëm. Është Presidenti i Republikës, Bujar Nishani, i cili ka kompetencën për propozimin e Prokurorit të ri të Përgjithshëm. Sa i përket votave (sepse mendoj se këtu synonte edhe pyetja juaj) në Kuvend, mendoj se mazhoranca do të jetë me një qëndrim unik. Besoj se Prokurori i ri i Përgjithshëm, me apo pa negociata, do të zgjidhet ai që do të propozojë Presidenti i Republikës. Sa për pjesën e opozitës, unë nuk besoj se do të ketë konsensus. Nuk ka pasur për gjëra më të vogla dhe duket qartë që gjithë lufta që Rama bën, madje edhe ajo për presidentin ka qenë e lidhur me Prokurorin e Përgjithshëm, kështu që nuk besoj se ai do të bjerë dakord me këdo personazh që do të zgjidhet.

Pak kohë më parë, në një intervistë për një të përditshme, një prej figurave të konsoliduara politike në LSI, Spartak Braho, u vetëofrua për postin e Prokurorit të Përgjithshëm. Në fakt, a duhet të ketë kritere specifike për emrin që do të emërohet në krye të Prokurorisë, apo loja është e hapur, mjafton që të plotësohen kriteret bazë që parashikon ligji për Prokurorinë?

Kushdo mund të pretendojë. Shqipëria është vend i lirë dhe Kushtetuta i lejon kujtdo që të pretendojë për çdo lloj posti në vend, por sigurisht që disa kritere do të shihen. Për mua personalisht, nuk është problem kriteri politik, sepse bindja ime është që Prokurori i Përgjithshëm duhet të jetë madje pjesë e ekzekutivit. Nëse unë do ta kisha në dorë një gjë të tillë, unë do ta ndryshoja Kushtetutën dhe do ta bëja Prokurorin e Përgjithshëm pjesë të ekzekutivit, sepse përderisa një mazhorancë ka marrë votën e qytetarëve të saj për të qeverisur dhe një nga pikat kryesore për të cilën duhet të japë llogari është edhe drejtësia, atëherë do të ishte zgjidhja më e mirë që edhe përgjegjësia të mbahej direkt nga kjo mazhorancë apo nga qeveria. Megjithatë, ne kemi këtë Kushtetutë, pavarësisht se unë sërish mendoj se ai që duhet të zgjidhet Prokuror i Përgjithshëm duhet të jetë një njeri i besuar i mazhorancës, qoftë edhe i angazhuar politikisht. Për mua nuk përbën asnjë problem nëse mund të jetë marrë ose jo me politikë, mjafton që ai të zbatojë ligjin dhe Kushtetutën. Ky është një vendim personal i imi, sepse ne nuk kemi marrë një vendim të tillë, por e theksoj se për mua e rëndësishme është përgjegjësia që do të mbajë njeriu që do të vendoset në atë post, se sa do të zbatojë ligjin dhe jo nëse ai i përket një kahu politik apo jo.

Kur thua i mazhorancës, ju nuk përjashtoni as LSI-në në këtë rast?

Unë nuk po flas për emra konkret dhe thashë që gjithkush mund të pretendojë, por për mua, po ta marrim nga ana morale, i takon PD-së që të propozojë një emër. Ne me LSI-në kemi pasur një marrëveshje dhe kemi një marrëveshje e cila parashikonte edhe Presidentin e Republikës, por nuk parashikon zgjedhjen e Prokurorit të Përgjithshëm. Megjithatë, mendoj se vendimi në këtë rast do të jetë i përbashkët, përderisa jemi pjesë e një mazhorance. Për mua ka rëndësi që ai njeri të zgjidhet nga mazhoranca dhe të mbajë përgjegjësi po mazhoranca për atë njëri, sepse në fund të fundit qytetarët kanë votuar dikë dhe llogarinë për gjithçka ia kërkojnë atij sepse nuk mund t’u themi qytetarëve që dëgjoni se prokurori është i pavarur, sistemi në Shqipëri është piramidal, sepse vetëm te ne ekziston ky lloj sistemi, ku Prokurori i Përgjithshëm është zot dhe nuk pyet askënd.

A është mision i dështuar kufizimi i imunitetit? Keni propozuar referendum, por jemi në afatet limit për marrjen e statusit të vendit kandidat…

Nuk mendoj se është i dështuar. Vërtet ka qenë i tillë deri tani dhe jo për fajin tonë, por sepse PS-ja kurrë nuk e ka dhënë konsensusin e saj për kalimin e një ligji të tillë. Sa për referendumin vërtet nëse do ta lidhim me çështjen e kushteve të BE-së, referendumi nuk mund të bëhet para Tetorit, por për ne nuk është thjesht çështje e kushtit që ka vënë BE-ja, por është edhe çështje parimore. Ne kemi dhjetë vjet që kërkojmë kufizimin dhe heqjen e imunitetit, kështu që është një çështje që vërtet për PD-në është bërë çështje kryesore. Miratohet para apo pas statusit, kjo pak rëndësi ka. Sigurisht që një referendum para zgjedhjeve merr edhe vlera të tjera. Mos harrojmë që në fund të fundit referendumi është një votim popullor dhe qytetarët shprehin një qëndrim ndaj një ideje apo qoftë edhe një partie, kështu që nuk besoj se Ramës do t’i leverdiste ky referendum para zgjedhjeve. Ne jemi të hapur për ta votuar siç është thënë edhe dje nga kryeministri Berisha

Berisha la të kuptohej qartë dy ditë më parë se rruga e fundit për kufizimin e imunitetit ishte referendumi, duke lënë një mundësi të hapur sërish për votimin e draftit në Kuvend. A keni sinjale nga PS-ja se një gjë e tillë mund të ndodhë, si një përpjekje e fundit para vendimit për statusin?

Fatkeqësisht nuk ka asnjë sinjal të tillë, sepse edhe dje në Kuvend ju e dëgjuat Gramoz Ruçin që mbajti të njëjtin qëndrim, që ne kemi këto kushte për të miratuar kufizimin e imunitetit, pra praktikisht për mua PS-ja e ka të caktuar pozicionin e saj dhe kjo nuk kishte të bënte as me datën 6 gusht, as me shtatorin dhe as me data të tjera. Ata janë të vendosur ose të mos e miratojnë fare këtë projektligj dhe kushtet që ata vënë mendoj se këtë synojnë, pra vënë kushte që PD-ja nuk mund t’i pranojë. Me këtë rast ata gjejnë justifikimin për të mos kaluar ligjin për imunitetin. Në rastin e kundërt sikur ne t’i dorëzoheshim këtij presioni apo kësaj lloj pengmarrje, atëherë PS-ja do të merrte pushtet sikur të ishte ajo mazhorancë dhe jo minorancë. Pra, Rama mendon që janë dy zgjidhje që ne mund të bëjmë dhe të përfitojë me të dyja. Në fakt, Rama nuk përfiton me asnjërën, sepse atë të parën ne nuk mund t’ia japim, pra nuk mund të kthehet në mazhorancë një parti që nuk i ka marrë votat dhe të dytën, nëse mendon se do të përfitojë politikisht në rast se Shqipëria humbet statusin. E ka gabim, sepse shqiptarët e shohin se kush është shkaktari.

Ndërkohë pranë komisionit të Ligjeve është hapur edhe konkursi për anëtarët e KQZ-së. Ju jeni një prej anëtarëve të këtij komisioni. A është depozituar deri më tash ndonjë emër?

Jo, ende nuk ka kandidatura. Mesa unë kam dijeni, nuk janë paraqitur në komisionin e Ligjeve

A ka PD-ja emra konkretë paraprakisht?

Përderisa nuk janë paraqitur, nuk di të them ndonjë emër konkret.

Po a keni emra?

Sigurisht që ka emra…

Ju personalisht, keni ndonjë kandidat në mendje?

Nuk kam, por emra mund të gjenden, specialistë, juristë të ndryshëm…











“Besoj se Prokurori i ri i Përgjithshëm, me apo pa negociata, do të zgjidhet ai që do të propozojë Presidenti i Republikës. Sa për pjesën e opozitës, unë nuk besoj se do të ketë konsensus. Nuk ka pasur për gjëra më të vogla dhe duket qartë që gjithë lufta që Rama bën, madje edhe ajo për presidentin, ka qenë e lidhur me Prokurorin e Përgjithshëm, kështu që nuk besoj se ai do të bjerë dakord me këdo personazh, që do të zgjidhet.”





“Unë sërish mendoj se ai që duhet të zgjidhet Prokuror i Përgjithshëm, duhet të jetë një njeri i besuar i mazhorancës, qoftë edhe i angazhuar politikisht. Për mua nuk përbën asnjë problem nëse mund të jetë marrë ose jo me politikë, mjafton që ai të zbatojë ligjin dhe Kushtetutën.”





“Sigurisht që një referendum para zgjedhjeve merr edhe vlera të tjera. Mos harrojmë që në fund të fundit referendumi është një votim popullor dhe qytetarët shprehin një qëndrim ndaj një ideje apo qoftë edhe një partie, kështu që nuk besoj se Ramës do t’i leverdiste ky referendum para zgjedhjeve.”











PROKURORI I PËRGJITHSHËM

Neni 7

Emërimi dhe shkarkimi

(ndryshuar me ligjin nr.10 051, datë 29.12.2008)



1. Prokurori i Përgjithshëm emërohet nga Presidenti i Republikës me pëlqimin e Kuvendit.

1/1. Prokurori i Përgjithshëm zgjidhet nga radhët e juristëve me përvojë pune jo më pak se 10 vjet në sistemin e drejtësisë dhe shquhet për aftësi profesionale dhe figurë të pastër etiko-morale.

1/2. Prokurori i Përgjithshëm qëndron në detyrë për 5 vjet, me të drejtë riemërimi.

1/3. Pas përfundimit të mandatit, me pëlqimin e tij, ai ka të drejtë të emërohet në funksionin e prokurorit në Prokurorinë e Përgjithshme ose në vendin e mëparshëm apo në një vend të barasvlefshëm me vendin e mëparshëm. Ai nuk përfiton nga kjo e drejtë, në rastet kur shkarkohet

për shkelje të Kushtetutës, për shkelje të rëndë të ligjit ose për akte dhe sjellje, që diskreditojnë rëndë pozitën dhe figurën e Prokurorit të Përgjithshëm.

2. Prokurori i Përgjithshëm mund të shkarkohet nga Presidenti i Republikës, me propozimin e Kuvendit për shkelje të Kushtetutës ose për shkelje të rënda të ligjit gjatë ushtrimit të funksioneve, për paaftësi mendore a fizike, për akte sjelljeje që diskreditojnë rëndë pozitën dhe figurën e Prokurorit.



Papajtueshmëritë

(ndryshuar me ligjin nr.10 051, datë 29.12.2008)



1. Prokurorit i ndalohet të bëjë pjesë në parti politike ose të marrë pjesë në veprimtari me karakter politik.

2. Funksioni i prokurorit është i papajtueshëm me kandidimin dhe me çdo mandat zgjedhor, detyrë ose veprimtari publike, me përjashtim të veprimtarive edukative e të mësimdhënies, e cila rregullohet me urdhër të Prokurorit të Përgjithshëm.

3. Prokurorit i ndalohet dypunësimi, me përjashtim të veprimtarive të lejuara në pikën 2 të këtij neni.

4. Prokurorit i ndalohet të marrë pjesë në organet drejtuese të shoqërive tregtare.

Gazeta MAPO