Andi Meçaj

[Askusho]

Me kete rast dua te falenderoj fort mikun dhe poetin tim te mire Gentin, per punen e palodhur, kembengulese dhe teper pasionante per promovimin e poezise cilesore se sotme shqipe.

FALEMINDERIT!

Poezia: SHTEPIA e Andi Meçaj-t: Punoi dhe reciton Gentjan Banaj, ne emisionin "Poeticum, TV Apollon

[Askusho]

PERBINDSHI I XHEPIT TIM

Qyteti flë në xhepin tim,
kam dy rrugë në kurriz
dhe një mal në kokë,
hunda ka blerë një shumëkatësh,
goja një bordello të bukur.
Kriminelët luftojnë
për dhëmbët e mi të kalbur,
lule më mbijnë nëpër gishta.

Kam frikë ta zgjoj përbindshin.
Përbindshin e xhepit tim.

[Marya]

Urime Andi, mire se erdhe midis nesh dhe suksese te metejshme,
Prap nuk e mora vesh cte shtyu te hysh me kete nick'

[shoku_tanku]

Shume poezi te bukura Andi,te uroj frymezim pa fund!

Me pelqeu shume,Endrra e nje femije,Perbindeshi i xhepit tim,Shtepia(me ngjalli nostalgji),te gjitha me pelqyen,suksese!

[Askusho]

Faleminderit Marya (qenke shume kembengulese),
Nicknamin tim e vura keshtu...
Kur ne rinine time te hershme u dashurova me peshkimin, bleva gjithe paisjet dhe me gezim u nisa me peshkue, por nuk zura per habi asnje peshk... megjithese ndenja disa ore.
Shkova prape, hic peshk, xhan-xhin,, kishin shkue me peshkue per vete...
E keshtu hoqa dore (pasi dola disa here).

Kaps'kapprape (nuk eshte se kam qene kaps, dmth, probleme me jashteqitjen)= Kap s'kap prape (peshk).

Rrofsh per mireseardhjen!

Edhe ti Tanku rrofsh per fjalet e mira per poezite (paske shije te mira).

[Askusho]

BERTHAMEZ E PADUKSHME

Banoj brenda mureve,
gjithnjë kam banuar kështu,
mbaj mend veten
një bërthamëz e padukshme,
tek kacavirresha fjalëve,
ato shkrinin në mua
dhe vdisnin.
Pastaj vinte koha,
vitet
bëheshin muaj,
muajt ditë
dhe orët minuta,
kurse sekondat
kokra rrushi
në gojën time.

[Askusho]

QYTETI

Dalin tre zonjusha
nga toka,
tre fantazma
zbresin nën det,
kafshët
njollosen gjak,
bërtasin
me zëra fëmijësh,
thikat
kullojnë duar,
bien erë parfum,
parfum
veshur peliçe,
dhe zëra
foshnjash
që ulurijnë
bukur.

[Askusho]

Andi Meçaj - foto

[Askusho]

FTESA

E hap derën e dhomës,
nga pas errësira
të fton t’i bësh dashuri,
ka veshur robdeshambrin e zi,
atë seksi,
ka bërë një tualet të egër,
të ngjan pak me tigrin,
ti trëmbesh,
shkul trupin,
ia hedh.

Ajo qesh
dhe mbyll derën.