40 vatra zjarri ne gjithe vendin

[Anesti_55]

Ekspertët e Ministrisë së Mjedisit iu bëjnë apel qytetarëve që të tregojnë kujdes në përdorimin e zjarrit. Pasi rezulton se shkaqet kryesore të zjarreve janë zjarrvënie e qëllimshme dhe pakujdesia.
(m.a/er.nu/BalkanWeb)
Turqia tregohet e gateshme per te derguar nje helikopter per shuarjen e tyre.

http://www.lajmifundit.al/lajme/2012...vatra-flakesh/

Ne kushte normale do te me dukej nje lajm i zakonshem,por keto dy vite ne jemi nen nje trysni , apo interferim fare te hapur te politikes turke,kudo ne ekonomine shqiptare jane ato, por dhe ne medja vizive pothuajse te gjithe filmat jane nga ky vend .Nderhyrjet ne ceshtjen e historise per ndryshim e vizionit dhe ne nivel institucional,por kemi nje propogande per te ringjallur nostalgjine perandorake, kemi ashpersim te mardhenieve me greqine , si nga komuniteti cam, por dhe nga rryma nacionaliste si brenda dhe jashte vendit.Por, nese egzistoka ne rajon nje qeveri qe menaxhon neprmjet fondeve djegje pyjesh ne Greqi , apo kudo , nuk e di.....atehere matematikisht llogjika te con se eshte dora e saj qe dikton nje situate te tille.Per turqine , ballkani duhet te jete gjithmone problematik ekonomikisht apo dhe ne konflite politike mes njeri tjetrit.Lus Zotin qe llogjika matematike te mos funksionoje ne kete rast , qe jo vetem te jemi mirnjohes per ndihmen , por dhe te ndjehemi te sigurte per te ardhmen.

http://www.balkanweb.com/rajoni/2687...eke-77635.html

[Ana_E_Malit]

20-vjeçari ndërron jetë nga zjarri që vuri vetë

Një bari 20-vjeçari mbeti i asfiksuar nga tymi i flakëve që ndezi vetë pasditen e së shtunës në afërsi të Gjirokastrës.

Haki Manaj ndezi kullotën përballë liqenit të Viroit, por shpejt zjarri doli jashtë kontrollit, duke shtangur vetë bariun.

I paaftë për t’u larguar prej zjarrit, Manaj u asfiksua nga tymi dhe u gjet i pajetë disa orë më vonë nga forcat zjarrëfikëse që mbërritën në zonë.

[EuroStar1]

Digju Shqiperi digju

Shqiperia digjet, Saliu krihet

[Edvin83]

20-vjeçari ndërron jetë nga zjarri që vuri vetë

Një bari 20-vjeçari mbeti i asfiksuar nga tymi i flakëve që ndezi vetë pasditen e së shtunës në afërsi të Gjirokastrës.

Haki Manaj ndezi kullotën përballë liqenit të Viroit, por shpejt zjarri doli jashtë kontrollit, duke shtangur vetë bariun.

I paaftë për t’u larguar prej zjarrit, Manaj u asfiksua nga tymi dhe u gjet i pajetë disa orë më vonë nga forcat zjarrëfikëse që mbërritën në zonë.

Ketij mire t'i behet. Ishalla marrin mend edhe barinjte e tjere!

[Edvin83]

26 Gusht 2012 - 09:35 | Shqiperi

Gjirokastër, vrau dhe dogji 20-vjecarin, pranga autorit


GJIROKASTËR- Zbardhet vdekja e bariut mbrëmjen e djeshme në fshatin Valarë të Gjirokastrës. Policia sqaron se nuk bëhet fjalë për një vdekje aksidentale nga asfiksia nga zjarri, por se 20-vjecari Haki Mana është vrarë. Ndërkohë në pranga ka rënë dhe autori i krimit Xhevat Dudumi.

Ngjarja ka ndodhur prane lumit Drino, ku autori pasi e ka vrarë me armë gjahu të riun i ka vënë flakën në tentative për të humbur gjurmët. Zjarri është pikasur nga banoret e zonës, të cilët kanë njoftuar dhe forcat e policisë. Fillimisht u dyshua për një vdekje aksidentale të 20-vecarit, i cili prej një viti punonte bari në zonë.
(e.m/News24/BalkanWeb)

[Anesti_55]

Gallate made in albania..............!!!

[Ana_E_Malit]

26 Gusht 2012 - 18:44 | Shqiperi
TRANSLATE


Gramsh, arrestohet zjarrvënësi i pyllit



GRAMSH- Policia e Gramshit ka arrestuar sot 32 vjeçarin Vasil Zeneli, pasi akuzohet për veprën penale të zjarrëvënies së qëllimshme.

Në orët e vona të një nate më parë 32 vjeçari, ka shkuar në pyllin afër banesës së tij në fshatin Skëndërbegas të rrethit të Gramshit dhe pasi i ka hedhur benxinë, i ka vënë zjarrin duke djegur 2 hektarë me pisha si dhe 3 hektarë me shkurre.

Ndërkaq flakët e zjarrit janë shuar mëngjesin e sotëm nga efektiva të zjarrfikëses të cilët edhe pse në terren të vështirë për më shumë se tre orë kanë bërë të mundur lokalizimin e flakëve. 32 vjeçari e ka vënë zjarrin me qëllim shfrytëzimin e tokës për ta mbjellë me ullinj dhe pemë frutore.
(m.a/BalkanWeb)

[mesuesi_1]

ja ki eshte produkti i njeriut te ri te cilin me shume mundim dhe terror partia e envero-mehmeteve punuan per 50 vjet me rradhe ....


.

[Brari]

Zjarret ndezin pyjet e Kukësit dhe Parkun Kombëtar të Dardhës




TIRANE-Zjarret në vend po përpijnë masive të tëra pyjesh duke shkaktuar dëme të mëdha mjedisore.

Vatra zjarri që vijojnë prej ditësh janë riaktivizuar paraditen e sotme duke sjellë situatë problematike. Autoritetet vendore kanë dhënë alarmin për ndërhyrje nga ajri, ndërsa temperaturat e larta dhe era po ndihmojnë në përkeqësimin e situatës.

KORCE
Zjarri që prej 2 ditësh dogji pemët në parkun e Bozdovecit ka dalë nga jashte kontrollit ditën e sotme. Mësohet se flakët kanë përfshirë Parkun KOmbëtar të Dardhës.
Forca të shërbimit pyjor, të komunës dhe banorë ndodhen në endgjarje dhe po tentojnë të lokalizojnë flakët.
Policia pyjore bën thirrje për ndërhyrje nga ajri. ‘Zjarri është i përmasave të mëdha. Kemi vështirësi në izolimin e vatrës, duhet ndëerhyrje nga ajri.
Po në Korcë zjarre vijojnë dhe në Voskopojë dhe në Malin e Bardhë.
Rreth ores 11:45 minuta helikopteri turk i specializuar per nderhyrje nga ajri eshte nisur drejt Dradhes per te shuar flaket ne parkun kombetar.

KUKES
Vazhdon të rëndohet situata e zjarreve në masivet pyjore të qarkut të Kukësit, e krijuar pas temperaturave të larta të stinës së verës, pa përjashtuar dhe zjarret të shkaktuara në mënyrë të qëllimshme, ndërkohë që është vështirësuar ndërhyrja nga toka për shuarjen e flakëve.

Prefekti i qarkut të Kukësit, Elez Maci bëri të ditur se situata e zjarreve në qarkun e Kukësit është mjaftë e rëndë dhe aktualisht sipas tij, janë nën pushtetin e zjarrit masive të mëdha në rrethin e Kukësit dhe Tropojës.

Prefekti i qarkut verilindor i ka bërë thirrje njësive vendore dhe banorëve të zonave të prekura nga vatrat e zjarrit, të ndërhyjnë sa më shpejtë dhe të bashkëpunojnë me institucionet e tjera për minimizimin e dëmeve që mund të shkaktohen nga dalja e flakëve jashtë kontrollit.

Nga ana tjetër, drejtori i Shërbimit Pyjor të rrethit të Kukësit, Shefqet Elezi sqaron se, “ndërhyrja nga toka për shuarjen e vatrave të zjarrit rrezikon jetën e punonjësve të shërbimit pyjor, si dhe ato zjarrfikës, pasi flakët përhapen me shpejtësi dhe kanë përfshirë masivet pyjore.

Elezi tha gjithashtu se në komunën e Surrojit, ku situata është më e rënduar, sot pritet ndërhyrja nga ajri për shuarjen e flakëve të zjarrit.

Ndërkohë sipas kreut të Policisë së qarkut të Kukësit, Sadri Ramcaj, zjarret e shkaktuara në masivet pyjore janë të qëllimshme. Ai kërkoi bashkëpunimin e të gjithë aktorëve, me qëllim shkëmbimin e informacionit për vënien para përgjegjësisë të atyre personave që tentojnë djegjen e pyjeve, nisur nga interesat e tyre.

Për zjarrvënie të qëllimshme, Ramcaj bëri të ditur se ka nisur procedimi penal për dy shtetas, ndaj të cilëve ekzistojnë të gjitha provat për shkaktimin e zjarrit në një prej masive pyjore në rrethin e Hasit.

Në qarkun e Kukësit, aktualisht janë disa vatra zjarri, nga të cilat ato të zonës së Surrojit dhe qafës së Kombit janë jashtë kontrollit, ndërkohë që situata ka ardhur duke u përkeqësuar në masivet pyjore të rrethit të Tropojës.

Krahas zjarreve në Dobrenj dhe në bjeshkët e Cukalit, vatra zjarri janë shfaqur edhe në zonën e Valbonës dhe atë të Lekbibajt, ku situata sa vjen e përkeqësohet.
Zjarret që kanë përfshirë masivet pyjore të zonës verilindore kanë hyrë në muajin e tretë dhe deri tani, flakët e zjarrit kanë shkrumbuar më shumë se 230 ha pyje, ndonëse inventari i saktë i dëmeve të shkaktuara nuk është bërë.

Ndërhyrja për shuarjen e zjarreve vështirësohet për shkak se një pjesë e tyre janë shfaqur në lartësinë e mbi 1500 metrave mbi nivelin e detit dhe large qendrave të banuara, ku edhe mungojnë rrugët.
SHKODER
E rëndë paraqitet situata në Qarkun e Shkodrës, ku ka 11 vatra aktive zjarri. Në Shkodër janë aktive dy vatra zjarri në fshatin Lekaj, komuna Shalë dhe në fshatin Plan, komuna Pult.
PUKE
Në rrethin e Pukës janë aktive 8 vatra zjarri, por më problematikë janë në fshatin Orosh, të komunës Qafë Mali dhe vatra në pyllin me pisha në fshatin Flet, komuna Blerim. Zjarre në vazhdim të tjerë janë në Malin e Krrabit, fshati Midë, në fshatin Fusha e Korit, komuna Qelëz dhe në Qafën e Sharrit. Në rrethin e Malësisë së Madhe kishte vetëm një vatër zjarri në fshatin Shkrelë, e shfaqur gjatë ditës së djeshme.

TIRANE
Ndërsa në Qarkun e Tiranës ka patur 2 raste zjarri aktive. Në Qafën e Krrabës, në km 29, ku përveç forcave të PMNZSH-së, FA-ve dhe atij pyjor, firma që kryen punimet në tunelin e Kërrabës, ofroi ndihmë të çmuar me mjete të rënda dhe zjarrëfikëse. Kreu i zjarrfikesve Haki Hoxha njoftoi sot se situata ne Krrabe eshte vene ne kontroll te plote.

Në mëngjesin e djeshëm u riaktivizua vatra e zjarrit në lartësinë e Priskës. Vatra është në distancë të konsiderueshme nga Parku Kombëtar i Dajtit dhe nuk përbën asnjë rrezik për të.

TEPELENE
Afro 75 hektarë kullotë, me vlerë 13.5 milionë lekë të reja, u dogjën plotësisht mbrëmjen e djeshme në malin e Shtëpëzit në zonën e Tepelenës, ndërsa një zjarrëvënës u arrestua sot, njoftoi policia e Tepelenës, në jug të vendit.
"Zjarri ka përfshirë dhe djegur dhe 10 hektarë pyll me lisa", shtoi policia.
Policia tha se ka arrestuar si zjarrëvënës shtetasin Servet Sina, 62 vjeç, lindur dhe banues në fshatin Dhemblan, rreth 30 km larg Tepelenës.
Të njëjtat burime thanë se zjarri u shfaq rreth orës 17:00 dhe është shuajtur në orët e para të mëngjesit të ditës së sotme..
"Një procedurë ligjore për paraburgimin e 62 vjeçarit Sina tashmë ka nisur, ndërkohë që provat materiale i kaluan prokurorisë së Gjirokastrës për hetime të mëtejshme", sqaroi policia, duke shtuar se aktualisht në qarkun e Gjirokastrës, deri tani janë evidentuar 11 raste zjarresh të qëllimshme.
Gjatë dy muajve të fundit në prefekturën e Gjirokastrës janë arrestuar si zjarrëvënës 14 persona.

(d.b/BalkanWeb)


Lidhje te tjera
Zjarret, fillon fluturimet helikopteri turk
Zjarret, Rama:Shqipëria digjet, kryeministri krihet!



Kthehu Dërgo Printo Home
Komento


Dërguar nga Marko, Tirane më 27-08-2012 në 11:34

Na e keni bere kete Puken si te ishte kryer qender e veriut. Vetem aljme nga Puka transmetoni, Mirdite Lezhe, Tropoje, etj jane zhdukur nga harta e Balkanweb me duket.







-------------

Zjarret, fillon fluturimet helikopteri turk




TIRANË- Helikopteri i vënë në dispozicion nga Republika Turke për shuarjen e zjarreve operoi gjatë ditë së djeshme në Lurë dhe në lartësinë e Priskës, duke kryer 24 operacione në këto zona, ndërsa gjatë ditës së sotme ai do të vijojë operacionet bazuar në planin operacional të Drejtorisë së Përgjithshme të Emergjencave Civile.

Burime zyrtare nga Drejtoria e Përgjithshme e Emergjencave Civile bënë të ditur se paralelisht, në terren kanë vepruar me intensitet të plotë forca të PMNZSH-së, ekipe të Forcave të Armatosura dhe atij të Shërbimit Pyjor, me mjete zjarrëfikëse dhe të rënda, në të gjitha ato zona ku ka qenë e mundur të operohet nga toka. Një ndihmesë të madhe kanë dhënë në mjaft raste edhe komunitetet në zonat e prekura nga zjarri.

Në të gjithë territorin e vendit, pas ndërhyrjeve të suksesshme nga ajri dhe toka u arrit një reduktim i ndjeshëm i vatrave të zjarrit, të cilat dje mbetën vetëm 28.

Bëhet e ditur se në Qarkun e Dibrës ka 4 vatra aktive zjarri, në ekonominë pyjore “Lura 1”, si dhe ekonominë pyjore Kaçni, në fshatin Dragu, komuna Fushë Bulqizë dhe në Krastë, të komunës Martanesh.

Në Elbasan ka 1 vatër aktive në rrethin e Librazhdit, në fshatin Letëm, komuna Lunik.

Problematike paraqitet situata në Qarkun e Kukësit, ku ka 6 vatra aktive, 2 në rrethin e Kukësit, fshati Tërthore, komuna Tërthore dhe në komunën e Surrojit. 4 vatra aktive mbeten në rrethin e Tropojës, në fshatin Geg - Hysen, komuna Fierzë, në Dobrej, Komuna Bytyç, në fshatin Nikël-Mërtur, komuna Lekbibaj dhe në Valbonë, të komunës Margegaj.

Në Qarkun e Korçës ka 1 vatër zjarri aktive, në Bozdovec, ndërsa në Lezhë ka 2 vatra aktive zjarri, në fshatin Malaj, bashkia Rreshen dhe në fshatin Gallatë.

E rëndë paraqitet situata në Qarkun e Shkodrës, ku ka 11 vatra aktive zjarri. Në Shkodër janë aktive dy vatra zjarri në fshatin Lekaj, komuna Shalë dhe në fshatin Plan, komuna Pult. Në rrethin e Pukës janë aktive 8 vatra zjarri, por më problematikë janë në fshatin Orosh, të komunës Qafë Mali dhe vatra në pyllin me pisha në fshatin Flet, komuna Blerim. Zjarre në vazhdim të tjerë janë në Malin e Krrabit, fshati Midë, në fshatin Fusha e Korit, komuna Qelëz dhe në Qafën e Sharrit. Në rrethin e Malësisë së Madhe kishte vetëm një vatër zjarri në fshatin Shkrelë, e shfaqur gjatë ditës së djeshme.

Ndërsa në Qarkun e Tiranës ka patur 2 raste zjarri aktive. Në Qafën e Krrabës, në km 29, ku përveç forcave të PMNZSH-së, FA-ve dhe atij pyjor, firma që kryen punimet në tunelin e Kërrabës, ofroi ndihmë të çmuar me mjete të rënda dhe zjarrëfikëse.

Në mëngjesin e djeshëm u riaktivizua vatra e zjarrit në lartësinë e Priskës. Vatra është në distancë të konsiderueshme nga Parku Kombëtar i Dajtit dhe nuk përbën asnjë rrezik për të.

Ndërkohë Qarku Durrës ka 1 vatër aktive në rrethin e Krujës, në Qafë Shtamë.

(d.b/BalkanWeb)



Kthehu Dërgo Printo Home
Komento


Dërguar nga Koqevari, Deqan më 27-08-2012 në 09:56

Rrnofsh o Turk se shqiptart i kan rrethu armiqt.






Dërguar nga Kundra BEU, Tirane më 27-08-2012 në 09:48

ha ha ha Po digjet turqia, po digjet zemra e kombit turk, ishalla po digjen dhe Bejt turkoshake pushtusit e Shqiperise.






Dërguar nga muslimani, prishtine më 27-08-2012 në 09:32

PRAP SE PRAP TE TURQIT A?I SHANI PER DITE E SHPIFNI PER TA EDHE PRAP ATA NA NDIHMOJN.KUSH PO JU DEL NE NDIHME MA SHUME SE TURQIT NA RASTE EMERGJENTE?TE JETE KY SHEMBULL BAMIRESI PER NEVE QE MOS TE MESOHEM TA SHAJME NJE POPULLE QE NA KA NDIHMU SHUME E MOS TE MIRREM ME HISTORI TE FALLSIFIKUME PREJ VATIKANIT DHE TE SERVUME PREJ ENVER QEN HOXHA.








-----

ja cfar thot ky komisari i njesiteve zjarr venese..

---------------

Zjarret, Rama:Shqipëria digjet, kryeministri krihet!




TIRANË-Kreu i socialisteve Edi Rama është shprehur sot i shqetësuar rreth situatës që është krijuar në vend për shkak të zjarreve në disa zona.

“Në 7 vjet kemi humbur nga zjarret e abuzimet e pafundme aq shumë sipërfaqe pyjore sa s’kemi humbur në 100 vjet shtet të marra së bashku!

Duke shfrytëzuar profilin e tij në Tëitter, Rama akuzoi qeverinë për situatën.

“Shqipëria digjet, kryeministri krihet! Zjarret përpijnë përditë pyje të tërë në mungesë të shtetit, qeveria di vec të fajësoje opozitën.”- shkruan Rama.

Sipas tij, ‘në ditën që kryeministri inauguroi për të disatën herë të njëjtën rrugë buzë Dajtit, pas kurrizit kishte faqen e malit të djegur para pak javësh’.

(d.b/BalkanWeb)



Kthehu Dërgo Printo Home
Komento


Dërguar nga Arbia.dk, Danimarkë më 27-08-2012 në 11:59

Ky Edi Rama dhe ca burreca të PS-së ma kanë thi koken me këso deklarata bajate mjaft ore na keni lodhur mos është Shqipëri pronë private e Berishës po cka jeni duke bërë Ju tjerët po bëni sehir(vështroni) dhe i luteni zotit të digjet dhe ma shumë .






Dërguar nga Labi Vlore më 27-08-2012 në 11:56

Edhe per djegjen e pyjeve ka faj Rama???

[Deni_Boy]

TIRANE- Ulet në 30 numri i vatrave të zjarrit që kanë përfshirë vendin. Nga Ministria e Brendshme bëhet e ditur se po punohet nga ajri për shuarjen e plotë të zjarrit në lartësitë e Priskës, për të vazhduar në pjesën veri lindore ne qarkun e Shkodrës dhe Dibrës.

KORCE
Parku Kombëtar i Bozdovecit rrezikohet seriozisht nga zjarri. Flakët kanë krijuar atje një situatë kritike. Edhe pas ndërhyrjes së helikopterit turk pasditen e djeshme, zjarri në këtë park nuk është shuar ende.
Sot raportohet se, po punohet nga policia pyjore për vënien në kontroll të zjarrit.
Drejtoria pyjore në Korçë, raporton gjithashtu se është mundur të vihet në kontroll zjarri i rënë në parkun e Dardhës. Në Korë, vazhdon të jetë aktiv zjarri në Malin e Bardhë, ndërsa është fikur zjarri në Voskopojë.

ELBASAN
Edhe në qarkun e Elbasanit janë regjistruar në 24 orët e fundit, 10 vatra zjarri. Në Kodër Krastë, raportohet se rreth mesnatës zjarri i është afruar ish-repartit Ushtarak, në afërsi 20 metra.

Korrespondenti i News 24 Fatmir Popja deklaron se prej zjarrit të rënë në Kodër Krastë në afërsi të ish-repartit ushtarak ka pasur edhe shpërthime fishekësh të hedhura, gjë që sipas tij, ka shkaktuar panik tek banorët dhe ka vënë në lëvizje forcat e emergjencave civile.

Fatmirësisht sipas tij, nga shpërthimet nuk ka pasur persona të lënduar. Po sipas emergjencave civile në qytetin e Elbasanit, një vatër zjarri e shfaqur në një fshat të Peqinit ka rrezikuar trasenë e hekurudhës, ndërsa është rrezikuar edhe një shkollë në Librazhd.

PUKE
Ndërsa në Pukë janë ende aktive 5 vatra zjarresh. Situata paraqitet më problematike në pyjet e Oroshit.

KUKËS
Pas përpjekjesh të shumta të komunitetit, forcave zjarrfikëse dhe punonjësve të ndërmarrjes së shfrytëzimit pyjor, është bërë e mundur vënia nën kontroll e shumicës së vatrave të zjarrit që prej afro 3 muajsh kanë djegur sipërfaqe të gjëra të masiveve pyjore të zonës verilindore.

“Situata është drejt përmirësimit. Tashmë janë vënë nën kontroll vatrat e zjarrit në Qafën e Kombit, në Koj e Geghysen, vatra e zjarrit në Lekbibaj dhe pjesërisht e izoluar është edhe vatra e zjarrit në zonën e Valbonës, që deri dje ishin tërësisht jashtë kontrollit”, tha inspektori i ndërmarrjes së shfrytëzimit pyjor të rrethit të Kukësit, Zenel Tërshalla. Sipas tij, tashmë jashtë kontrollit mbetet vatra e zjarrit në Bjeshkët e Bardhocit, ku për shkak të terrenit mjaft të vështirë është e domosdoshme ndërhyrja nga ajri.

"Është shuar plotësisht vatra e zjarrit në zonën e Zapodit pas më shumë se 10 ditësh. Po ashtu është bërë e mundur shuarja e zjarrit edhe në zonën e “liqenit të Ponarëve” në komunën e Bujanit", thotë përgjegjësi i zyrës së emergjencës civile në prefekturën e Kukësit, Azem Tema.
Prej afro 3 muajsh, zonat pyjore të verilindjes janë përshkruar nga dhjetëra vatra zjarri që mendohet se janë të qëllimshme. Pavarësisht kësaj, deri tani nga ana e policisë janë ndaluar vetëm 2 persona në rrethin e Hasit për zjarrvënie të qëllimshme në masivet pyjore. Ndërkohë, përllogaritet se zjarri ka shkatërruar një sipërfaqe pyjore mbi 230 ha në masivet pyjore të qarkut të Kukësit.

(m.a/BalkanWeb)