A po i mban Lulzim Basha premtimet per qytetaret e Tiranes?

[POKO]

[Edvin83]

Po po, po i mban çdo ditë! Na është bërë Tirana më e mirë se Stokholmi! Unë dje takova këtu në Selitë ku banoj, dy suedezë që kishin ikur nga Stokholmi dhe ishin vendosur në Tiranë. E di ça më thanë "**** Stockholm man! It is a shitty place. Tirana is a paradise! We never saw such a better city management!"
U thashë që shumë shqiptarë po shesin lopët e shtëpitë e tyre për të ikur në Suedi. Kapën kokët me duar! Idiotët - më thonin. Idhulli i tyre ishte kryetari i bashkisë së Tiranës, dhe me tregonin se sikur 1/10-ën të Bashës të kishte kryetari i bashkisë së Stokholmit, ku e ku do të ishte Stokholmi në krahasim me Tiranën. Veçse ma lavdëruan dhe Ramën. U thashë që Rama është pusht që po na pengon integrimin, dhe e di si më thanë "Bash për këtë e duam. A doni që të bëhet dhe Tirana si Stokholmi nëse do të futeni në BE?"
U mendova mirë, dhe e pashë që kishin të drejtë.

[POKO]

Nis rikonstruksioni i çerdhes nr. 35

2012-11-08

Basha: Do të zgjidhim përfundimisht problemin e ngrohjes në kopshtet dhe çerdhet e Tiranës

Bashkia e Tiranës ka nisur rikonstruksionin e 5 çerdheve të amortizuara prej vitesh. Me një fond prej 11.1 milionë lekësh kanë nisur sot punimet, për rikonstruksionin total të çerdhes nr. 35, në Njësinë Bashkiake numër 7, e cila u shërben 100 fëmijëve. Projekti i rikonstruksionit të kësaj çerdheje parashikon përmirësimin e planimetrisë ekzistuese në riorganizimimin e ambienteve të brendshme të çerdhes, duke mundësuar krijimin e ambienteve të argëtimit, të fjetjes, kuzhinës, lavanderisë, dhomën e mjekut, të psikologut etj. Ambientet e ndenjes dhe të fjetjes do të shtrohen me parket, do të vendosen dyer e dritare të reja, do të realizohet veshje e mureve të jashtme me kapotë, në mënyrë që çerdhja të jetë e ngrohtë gjatë dimrit dhe e freskët gjatë verës, do të kryhet rikonstruksioni i çatisë, etj.

Kryetari i Bashkisë Lulzim Basha ka inspektuar sot punimet në këtë çerdhe, të cilat pritet të përfundojnë brenda 6 muajsh.

“Çerdhja nr. 35, në minibashkinë nr.7 është 12 vjet më e vjetër se Kryetari i Bashkisë, pra ka ardhur koha që të vemë dorë në një çerdhe e cila u shërben aktualisht 100 fëmijëve, vogëlushëve të kësaj minibashkie. Rikonstruksioni i plotë i ambienteve, rinovimi i kuzhinës, përmirësimi i standarteve termo-izolues, në mënyrë që çerdhja të jetë e ngrohtë gjatë dimrit dhe e freskët gjatë verës, krijimi i ambienteve për mjekë, pediatër si dhe ambienteve më të përshtatshme për edukatorët, janë disa prej zërave kryesorë të punimeve të cilat do të realizohen me një fond prej afro 111 milionë lekësh (të vjetra) nga buxheti i Bashkisë së Tiranës. 5 çerdhe të tilla do të nisin punimet këtë javë dhe do të përfundojnë brenda gjashtë muajve të ardhshëm. Rikonstruksioni i çerdheve sjell një standard të munguar dhe të domosdoshëm për vogëlushët tanë, të cilët duhet që nga fëmijëria e hershme, të gëzojnë standardin evropian, për të cilin jemi të bindur se do ta gëzojnë kur të jenë në moshë më të rritur, si qytetarë të Bashkimit Evropian” – u shpreh Kryebashkiaku Basha.

Kryetari i Bashkisë Lulzim Basha theksoi se po investohet në të gjithë sistemin e ngrohjes së kopshteve dhe çerdheve, sikundër ka garantuar se vitin e ardhshëm fëmijët do të qëndrojnë në ambiente të ngrohta gjatë dimrit.

“I gjithë sistemi i kopshteve dhe çerdheve po investohet për të pasur ngrohjen e nevojshme gjatë periudhës së dimrit. Ky është një zë i veçantë në Bashkinë e Tiranës, është një projekt të cilin unë e ndjek me prioritet të madh dhe është një çështje e cila nuk do të ngrihet më vitin e ardhshëm, pasi ky projekt do të pajisë të gjithë çerdhet dhe kopshtet me sistem ngrohje dhe fëmijët do të vijnë në ambiente të ngrohura gjatë dimrit” – tha z. Basha.

Në të njëjtën kohë po planifikohet edhe ndërtimi i çerdheve të reja, pasi nevojat sot janë dy herë më të mëdha se kapacitetet ekzistuese.

“Aktualisht Bashkia e Tiranës, nëpërmjet sistemit publik të çerdheve kënaq vetëm gjysmën e kërkesës në qytet. Për këtë arsye, deri në fund të mandatit tim të parë synoj ta përgjysmoj këtë defiçit, këtë hendek midis kërkesës dhe ofertës nga çerdhet publike si dhe të inkurajojmë sa më shumë partneritetin edhe me sektorin privat. Plani Urbanistik parashikon 130 çerdhe të reja në 10 vitet e ardhshme, që do të thotë të paktën 40 çerdhe të reja në 4 vitet e ardhshme dhe për këtë arsye unë i kam kërkuar Zyrës së Projektimit, në Bashkinë e Tiranës, që për çdo shkollë të re të ketë të paktën një çerdhe të re si dhe të identifikohen hapësira të tjera veçmas shkollave, për të ndërtuar çerdhe të tjera” – theksoi Kryebashkiaku Basha.

Tonin Deda: te investosh tek femijet qe ne vegjeli eshte jo vetem detyrim por edhe dhembshuri pasi ata varen vetem nga ajo qe ne i japim.


Kristina Sejdia: keta prinder qe i kane cuar per vite me rradhe femijet ne nje cerdhe me keto kushte duhet te kene qene vertete hallexhinj pasi une sdo e kisha lene femijen tim aty as 5 minuta.


Reneo Gjoni: a se do nje denoncim te mire ai qafiri qe ka rruajtur popullin per 12 vjet, me dhe pa shkume rroje dhe ska bere as gjerat me elementare dhe te domosdoshme per familjet e tiranes??????


Era Lami Rames: nuk i mjatuan gati 12 vjet ne bashki ku minimumi ishte te interesohej per mirembajtjen e ketyre cerdheve, pa permendur shume e shume probleme te tjera. Eshte detyre te kujdesesh per rritjen e shendetshme te ketyre femijeve.


Adisa Ymeri: Te lejosh rritjen e femijeve ne te tilla ambjente te cilat jane burim semundejsh dhe vater pislliqesh eshte vertet nje krim dhe turp njekohesisht. Kjo duhet shembur e ta ndertosh nga e para qe tja heqesh me renje mikrobet.

[Gon!]

Lulzimi do ta mbush Tiranen plote me Lule

[Gjyka]

Lulzimi do ta mbush Tiranen plote me Lule

Jo kopsht me lule e pati ba Rama, ky ska nevoje, vetem te lene nje vend rezerve per grevistet e ardhshem te urise, te drejtuer nga Rama per interese te veta. O harrova se grevistet sa jane gjalle, pes lek nuk ja vyejn "zoterise", a te vdekur i vyejn shume. Bile te vetedjegur.