Poezi nga S.Rusi

[eris]

NË KËTË BOTË TË TRISHTË

Unë të dua,
Jo se je e bukur,
Por sepse të urrejnë të gjithë!


Dua të marr mbi vete,
Gjysmën e urrejtjeve të tua,
Mëkatet,marrëzitë!


O Zot,
Dua të jem sadopak i çmendur,
Në këtë botë të trishtë!

22 janar 2003

DASHURI QË S'KTHEHET

Ti nuk më do.
S'ka gjë.
Të dua unë!
Jam mësuar të jap
Dashuri që s'më kthehet!
Është gjë e bukur
veç dashuri të marrësh,
Por edhe veç të japësssh
prap' gjë e bukur mbetet!


Unë nuk imitoj planetet!


KU ËSHTË LUFTA

I premë krejt lidhjet me njëri-tjetrin,
Si dy shtete-marrëdhëniet diplomatike!
Zemrat-si dy ambasada bosh na mbetën,
Me asnjë sekretar ambasade për pritje!


Po lufta?Ku është lufta?
Do të vonojë apo që tani është e shpallur!?
Dy flamujt tanë në gjysëm shtizë,
Si të ishim unë e ti të varur!

PULËBARDHA E PLAGOSUR

Kapa me sy pulëbardhën e një reje,
Ikte e plagosur,
Qiellit,
Tutje!
Njëri krah i saj ishe ti,e dashur,
Tjetri-brenga ime nëpër muzgje!

Nga puplat e saj
Nuk pikonte gjak,
Po puthje!

[^VJOSA^]

shume e bukur ajo poezia e luftes

[eris]

lufta eshte edhe preteksti per te ndier afer dike qe ka frike nga kjo lufte e metaforave. nuk dua te di se c'po ndodh ne bote sot, dua te rri keshtu si jam, e s'ka rendesi ne do jem i qete neser, vetem te marr fryme e te jetoj njerezit e vertete qe jane ne kete bote.