Ka djegur mijra hektar me pyje e ferra..por gjemb ne kemb..

[Brari]

nuk i ka ryre.. ketij kriminelit..


Berat, arrestohet 54-vjecari, vinte zjarr për “hobi"




BERAT- Policia e Beratit ka mundur të arrestojë autorin e disa zjarrëvënieve të qëllimshme në pyje e kullota në të gjithë qarkun. Blutë kanë vënë në pranga 54-vjeçarin Xhezmi Aliu, banues në fshatin Malinat të rrethit të Beratit. Sipas provave të grumbulluara nga policia në vendngjarjet e disa zjarreve, Xhezmi Aliu rezulton të jetë autori i zjarrit të rënë në faqen kodrinore të Kalasë së Beratit, ku u dogj një sipërfaqe prej 3 ha me shkurre e barishte dhe ku u rrezikuan seriozisht shtëpitë muzelae të kësaj lagjeje dhe shekullore që ndodheshin në këtë territor.

Sipas policisë, kemi të bëjmë me një piroman, që e ka “hobi” shkatërrimin me zjarr të mjediseve pyjore dhe pronave të mbjella, pasi ai është autor i disa zjarrvënieve të tjera të qëllimshme.

Ndërkaq gjatë paradites së sotme, policia ka arrestuar edhe një tjetër zjarrvënës në Tepelenë. Ai është Xhevair Muçaj, 49-vjec. Mucaj i kishte vënë zjarrin bimësisë prapa banesës së tij dhe si pasojë e erës së fortë zjarri i ka dalë nga kontrolli duke u përhapur në një sipërfaqje të madhe dhe duke djegur rreth 20 hektarë pyll e kullotë.

(e.m/News24/BalkanWeb)

[Brari]

Flakët "pushtojnë" vendin nga jugu në veri, riaktivizohet vatra në Priskë




Flakët pushtojnë territorin e vendit, nga jugu në veri vatra të shumta zjarri. Temperaturat e larta të cilat po shoqërojnë këtë fund gusht duket se kanë qënë shkaktarët kryesor të zjarrit, ndërkohë që janë vënë re edhe zjarrvënëie të qëllimshme. Raportohet se janë vënë vatra zjarri në fshatrat e Lezhës, në Kukës, Rrëshen dhe Tepelenë. Nga drejtues lokalë të pushtetit vendor i është bërë thirrje komunitetit për rritjen e kujdesit gjatë lëvizjes nëpër zonat pyjore. Kjo për shkak se shumica e zjarreve të deritanishme mendohet se janë të qëllimshme, e ndonjë edhe nga pakujdesia gjatë lëvizjes së banorëve në zonat pyjore

Tiranë
Situata e zjarrit në fshatin Priskë e Madhe, në Komunën e Dajtit, është riaktivizuar paraditen e sotme, duke u përhapur në një sipërfaqe edhe më të madhe. Banorët e Priskës apelojnë për ndihmë, pasi sipas tyre zjarri kërcënon banesat, ndërkohë që era e fortë po favorizon përhapjen e flakëve

Sipas informacioneve të marra nga vendi i ngjarjes, mësohet se situata paraqitet tejet e vështirë për shkak të terrenit të vështirë, ndërkohë që një zjarfikëse është nisur drejt vendngjarjes në përpjekje që flakët e zjarrit të vihen nën kontroll.

Lezhe
Një vatër e qufqishme zjarri ka përfshirë një pyll me pisha në fshatin Zejmen të Lezhës. Ndërkohë, forca të shumta policie dhe të shërbimit zjarrfikës të cilat kanë mbërritur në vendngjarje bëjën me dije se janë djegur rreth 10-15 ha me pyje. Zjarri momentalisht nuk rrezikon banesat përreth, ndërkohë që era po ndihmon në përhapjen e flakëve.

Rrëshen
Dy vatra zjarri në Rrëshen janë bërë problematike, pasi rrezikojne banesat. Njëri nga zjarret ka rënë në fshatin Ndershen në komunën Orosh. Drejtuesit e prefeturës së Mirditës bëjnë të ditur se aktualisht 16 banesa janë të rrethuara nga flaket. Tre prej tyre te banuara, ndërsa të tjera janë bosh pasi banoret janë të shpërngulur në qytete të tjera. Vatra e zjarrit është aktive dhe rrezikohet përkeqësimi i situatës gjatë orëve në vijim. Në vendngjarje ndodhet një fadromë, njeh zjarrëfiksë dhe rreth 20 punonjës të Komunes, te cilet po punojne per shuarjen e flakeve. Ndërkohë mësohet se vatra e dytë e zjarrit është në fshatin Malaj. Ne oret e para te mengjesit u arrit te shppëohej një banesë, që rrezikohej seriozisht nga flakët.

Tepelenë
Mbi 20 hektarë kullotë u dogjën plotësisht mbrëmjen e djeshme në periferi të qytetit të Tepelenës, ndërsa zjarrëvënësi u arrestua mëngjesin e sotëm, njoftoi Policia lokale në jug të vendit. "Xhevair Muçaj, 49 vjeç, lindur dhe banues në lagjen "Sodorol" të qytetit të Tepelenës, u arrestua si zjarrëvënës”, thuhet në komunikatën e Policisë. Të njëjtat burime thanë se si pasojë e zjarrit të djeshëm, u dogjën edhe 80 rrënjë ullinj, si dhe shumë pemë frutore. Policia sqaroi se zjarri rrezikoi seriozisht edhe disa banesa, por fatmirësisht nuk janë shënuar dëme materiale. Ky është i pesti rast gjatë dy muajve të fundit që policia e Tepelenës arreston në flagrancë zjarrëvënës.

Kukës
"Aktualisht janë në veprim disa vatra zjarri si në Qafën e Kombit, në afërsi të fshatit Zapod, në Qafën e Zbinecit, ndërsa në orët e mbrëmjes është evidentuar edhe një vatër e re zjarri në fshatin Pla të Krumës", thotë përgjegjësi i zyrës së emergjencës civile në prefekturën e Kukësit Azem Tema. Sipas tij, e rënduar është situata veçanërisht në zonën e Zapodit, ku flakët e zjarrin vazhdojnë të jenë tërësisht jashtë kontrollit.
Ndërkohë, për shuarjen e këtyre vatrave të reja të zjarrit janë angazhuar punonjës të ndërmarrjes së shfrytëzimit pyjor dhe banorë të fshatrave përreth. Por largësia e madhe dhe terreni mjaft i thyer i zonave ku zjarret janë të pranishme e vështirësojnë ndjeshëm shuarjen e shpejtë të tyre.

Gramsh
Një zjarr me përmasa të mëdha ka rënë mëngjesin e të martës në fshatin Mashan, në komunën Kodovjat, në rrethin e Gramshit, ku flakët e tij dogjën një sipërfaqe të konsiderueshme me drunj ulliri.
Burime nga Reparti i Zjarrëfikëses bënë të ditur se, "flakët e zjarrit kanë djegur një sipërfaqe të konsiderueshme me drunj ulliri në zonë, ndërsa punonjësve të zjarrëfikëses i është dashur më shumë se pesë orë të lokalizojnë flakët të cilat janë përhapur me shpejtësi”.
Referuar burimeve mësohet se flakët e zjarrit kanë djegur edhe një masiv prej pesë hektarë me pisha, si dhe 60 rrënjë ullinj.


(e.m/BalkanWeb)

Lidhje te tjera
Berat, arrestohet 54-vjecari, vinte zjarr për “hobi"

[saura]

Po pse nuk e fusin tek e semes kete katundarin ?
ça pret shteti rrumpalle shqiptar qe ligjin te vij ta vere i huaji ...