Sonila Meço

[ChuChu]

kam degjuar qe vleresohet shume ne tirane si prezantuese.
na sillni ndonje foto.

[Xhuxhumaku]

kam degjuar qe vleresohet shume ne tirane si prezantuese.
na sillni ndonje foto.

meqe kalonte nga Myslymi gjithmone, po e postojme kete gje per te...

Njerezit e ekranit

Intervista/Flet Sonila Meço, “moderatorja” e njohur e lajmeve


“Kush më vlerëson e kush flet keq”

Dorina TOPOLLAJ

Parimet e marketingut, i ka përjetësuar edhe në pjesën tjetër të pandashme të saj: ekranin. Për Sonila Meçon, pëshpërimat pas largimit nga “Top Channel”, s’janë gjë tjetër veçse reklamë. Megjithëse largimet për të janë të trishta, asnjëherë s’e ka kthyer kokën prapa. Sipas saj, pendesa është virtyt i mendjeve të dobëta. “I kam thënë “po” Andi Bejtes dhe ka qenë “po”-ja më e shpejtë që Bejtja duhet të ketë marrë nga një femër”, tregon Sonila duke qeshur, për momentin që ka vendosur të shkojë në Vizion +. E pasur në fjalë dhe me humor, po aq sa ekonomike në pjesën private, moderatorja e “Vizion +” në një intervistë për gazetën “Tirana Observer”, tregon se është mjaft e e kënaqur me imazhin e ri. “Aty gjej një edicion me emrin tim, një format rishtar të palëvruar më parë, hapësirë dhe kohë për të nisur edhe emisione të tjera, të cilat i zgjedh vetë”, tregon Sonila. Së shpejti do e shikojmë në një talk-show të madh me tema që nuk lidhen domosdoshmërisht me hallet e shqetësimet e përditshme, por që ravijëzojnë deri diku mentalitetin, botëkuptimin dhe preferencat e publikut. Pedagogia e Ekonomikut, kthehet pas në kohë duke kujtuar edhe edicionin e saj të parë në TV “Klan” me xhaketën mëngëshkurtër dhe byzylykët që tringëllinin. Gulçimin dhe lotët e mbytura gjatë tragjedive që ka raportuar por edhe humorin e reklamës së autobusit. Në intervistë, ajo tregon edhe dashurinë për mikun e saj që është edhe në elitën e kritizierëve.

A i ndiqnit lajmet kur ishit fëmijë?
Fëmijë i gëzohesha lojërave të moshës, përpos pjesa më e madhe e ditës ndahej mes mësimit dhe sportit. Mbaj mend mamin dhe babin që i ndiqnin rregullisht edicionet dhe nga vëmendja që i kushtonin apo ndonjë “shhhhhhht” që më urdhëronin, kuptoja nëse bëhej fjalë për diçka të rëndësishme, nga ato që të linin
edhe pa gjumë.
Ju kujtohen spikeret e asaj kohe, çfarë komentesh bënit për to?
Mbaj mend teta Teftën dhe xhaxhi Kiçon (qesh), me zërat e plotë, hera-herës buçitës. Asokohe ngjarjet dhe kumtet që i paraprinin ishin më të rëndësishme se çdo koment mbi ata që i përcillnin.
Cila ishte më e preferuara?
Unë vetë nuk i ndiqja, thjesht hidhja një sy vjedhurazi kur më lodhnin mësimet, por mbaj mend disa komente në shtëpi, tani që sjell nëpër mend diçka mbi karizmën e Dhimitër Gjokës, saktësinë e Tefta Radit dhe timbrin e bukur të Kiço Fotjadhit.
A kishit menduar t’i futeshit televizionit, para se t’ju propozonin idenë për t’u bërë prezantuese lajmesh në “TV Klan”?
Jooooooo! (qesh) Televizionin e ndiqja, si të paktat mundësi argëtimi, informimi dhe njohjeje me botën përtej kufijve, i njihja përmendësh personazhet mediatikë shqiptarë e italianë, por deri këtu. Assesi një përqasje me idenë e të qenit edhe unë personazh televiziv.
A ju ka ndihmuar ligjërimi në fakultet për “ligjërimin” në ekran?
Më shumë se ligjërimi, një tjetër kod, ai i komunikimit. Auditori improvizohet në dhjetëra emisione televizive, shpesh serviret si gjetje pasi është forma më produktive e komunikimit masiv. Ke përballë të rinj që duan të të shohin të mirëinformuar, të saktë, energjike, të thjeshtë, t’u emetosh dëshirë për dije e ambicie për karrierë (nga ato beninjet kuptohet). Ndodh thuajse e njëjta gjë me atë publikun tjetër, të madhin, që është aq selektiv dhe i panginjur për të përsosurën.
Ju kujtohet transmetimi juaj i parë, lajmi i parë që keni lexuar?
Më lër të mendohem......., s’më kishin pyetur më parë, por...., jo, jo, s’më kujtohet. Si ka mundësi ta kem harruar, dashuritë e para thonë që s’harrohen kurrë!!!(qesh) Tani u bëra kureshtare aq shumë sa do t’u kërkoj miqve tek “Klani” të kërkojnë në arkiv.
Si e keni përjetuar?
Pa frymë duhet të kem qenë nga emocioni. E mbaj mend atë edicion, xhaketën e madhe mëngëshkurtër që evidentonte krahët hollake, grimin e rëndë, flokët shumë të gjatë dendur në llak, kokat e lajmeve me ato germat e mëdha që më dukeshin të çartura prej drojës, kamera si tuneli i “Sabatos” që të joshte dhe frikonte po aq. Dhe menjëherë më pas kujtoj Armir Shkurtin që më hoqi nga duart byzylykë e unaza, që përgjatë lajmeve kishin tringëlluar bezdisshëm.
Sa prova keni bërë për t’u futur në transmetim?
Pak, fare pak, mbaj mend të kem hyrë në dy tre edicione të Mirela Milorit, të kem lexuar rreth dhjetë koka lajmesh një natë më parë .... dhe kaq. Suksesi që pata me “Eurobar” i kishte kredhur në siguri absolute drejtuesit e informacionit.
A e keni shënuar numrin e edicioneve që keni prezantuar deri tani?
Jo, jo, jo, as më ka shkuar ndërmend. Mandej do qe ndonjë shifër me tri zero dhe imagjino një gazetare që teksa buzëqesh në përshëndetjen e radhës shton plot krenari, “mirësevini në edicionin tim të 1534!” (qesh)
Ju kemi parë të drejtoni emisione sportive, ngjarje të jashtëzakonshme, por edhe spektakle. Si ju pëlqen t’ju quajnë, moderatore, folëse, apo gazetare?
Kam qenë skeptike shpesh në këtë ambiguitet, kur më është dashur t’i vë një emër pozicionit tim në media, qoftë për të shtypur një kartëvizitë dhe kam bitisur përherë në përcaktorin e parë, moderatore. Arsyeja? I përmbledh të tria, për të qenë moderuese duhet të dish të tregosh, flasësh, komentosh e pyesësh mirë për atë ç’ka evidenton prej zejes së gazetarisë.
Cili ka qenë momenti më i vështirë gjatë punës suaj në ekran?
Më pyesin kaherë për ato momente të vështira dhe e them po aq herë se janë pa fund në transmetimet direkt, ngjarje të mëdha e të vogla, tragjedi e festa në të cilat i përjeton si të gjithë, prekesh, gëzohesh, dridhesh, revoltohesh, por i kyç krejt nën lëkurë për të qenë e drejtë, e saktë, e paanshme për miliona sy e veshë që të ndjekin. Për të përmendur njërën, 9 janari ka qenë një maratonë momentesh të vështira, ku për herë të parë kam mbytur gulçimën dhe lotët në ekran.
Cili është komplimenti më interesant që keni marrë për shkak të punës suaj? Po vërejtja më e rëndë?
Eh......., kur shfaqesh me këtë frekuencë, në ekran “bombardohesh” në komplimente e vërejtje. Jam e lumtur që anon nga e para ky amalgam komentesh nga publiku. Ngazëllej kur më thonë “e mençur”, plandosem kur ka syresh që më cilësojnë “aktore” të lajmit. Pra që e interpretoj më shumë se ç’duhet.
A ju ka ndodhur të lexoni një lajm që s’keni pasur dëshirë ta lexoni?
Patjetër, por rebelimi ka nisur e ka mbaruar jashtë kamerës dhe unë, ajo “aktorja” e regjur, kam vijuar sikur të kem qenë “e vaksinuar” nga lloji i lajmit.
Po kur jeni në gjendje të keqe shpirtërore çfarë bëni, kërkoni t’ju zëvendësojnë apo e vazhdoni punën? Keni pasur ndonjë rast të tillë?
Ata që punojnë me mua do të ishin më të besueshëm në përgjigje, por Sonila gjithë herët e ul “qepenin” e komunikimit me jashtë, e kyç portën e emocioneve dhe përjetimeve të brendshme dhe kridhet në transmetim si njeriu më i shëndetshëm e i lumtur mbi tokë. Tingëllon patetike, por është e vërtetë. Rrekem shpesh të kuptoj se ç’ndodh në atë çastin më të parë kur ndizet drita e kuqe e kamerës dhe sesi magjia shuhet me tretjen e saj.
E shikoni edicionin tuaj pas transmetimit? Sa herë? Çfarë vërejtjesh i bëni vetes?
Rrallë ka ndodhur, vërejtjet më shumë i vjel nga më të besueshmit, prindërit dhe miku im. Janë kritizerë “par excellence”, e si rrjedhim të pakontestueshëm.
Ndërsa shikoni lajmet në stacionet e tjera televizive shqiptare, a mendoni se ka ndonjë spikere që mendoni se i jep lajmet më mirë se ju?
Në këtë profesionin tonë, shkon mjaft mirë ajo shprehja e famshme shkodrane “kur do të namësh kënd, mos të hyptë vetja në qejf”. (qesh) Do qe vrastare të mendosh se je më e mira, s’do kishe më motiv për t’u përmirësuar, për të zbuluar elemente të rinj që luftojnë konsumin dhe pasurojnë shfaqjen në ekran. Por duhet ta pranoj, se spikeret e mira, ato të mirat fare numërohen më gishtat e një dore.
Tashmë kanë kaluar disa muaj që ju jeni në “Vizion +”. A jeni penduar që u larguat nga “Top-Channel”?
Largimet janë të trishta dhe thonë se asnjëherë nuk bëhen me kokën plotësisht përpara. Por e gjitha varet nga ajo ç’të pret paskëndaj. Ika nga “Top-Channel” së bashku me drejtorin e informacionit Andi Bejtja, një ikje tek e cila na bashkonin të njëjta arsye drejt një destinacioni që e shihnim me të njëjtin sy. Pendesa është virtyt i mendjeve të dobëta, pasioni dhe dedikimi që derdhëm mbi këtë angazhim të ri u shpërblye shpejt. Sondazhet flasin vetë.
Sa kohë ju është dashur t’i thoni ‘po’ “Vizion +”?
Të jem e sinqertë i kam thënë “po” Andi Bejtes në krye të herës dhe garanci që jep emri i pronarëve të “Vision Plus”. Ka qenë “po”-ja më e shpejtë që Bejtja duhet të ketë marrë nga një femër. (qesh)
A mendoni se ka ndikuar largimi nga “Top-Channel” në famën tuaj?
U përfol shumë ai largim dhe po të gjykojmë me parimet e marketingut, “më e keqja se të flasin keq për ty është të mos flasin fare”, janë asembluar në një të vetme të gjithë komentet, REKLAMË. Por nuk jam maniake e të qenit shënjestër e paepur e vëmendjes, me të njëjtin përkushtim në “Vizion Plus” ia arrita të tregoj se fama nuk është bimë që rritet në tokë shterpë.
Përse nuk e shohim më posterin tuaj në autobusët e “Unazës”?
Se u lodha duke dëgjuar ”autobusi shkon kudo, posterin tim mban mbi shpinë, ja Sonila thonë kudo, paska bërë sot një gabim”. (qesh) Ajo qe një nga gjetjet e mendjeve pjellore të punonjësve të marketingut. Pjesa e parë e fushatës sosi këtu për të rinisur në mënyra edhe më origjinale në të ardhmen.
Çfarë gjeni plus tek vetja në “Vizion +”, në krahasim me televizionet ku keni qenë më parë?
Gjej një edicion të personalizuar, pra me emrin tim, një format rishtar të palëvruar më parë, hapësirë dhe kohë për të nisur edhe emisione të tjera, të cilat i zgjedh vetë, e theksoj këtë të fundit sepse në të kaluarën më është dashur të bëj atë që të tjerët mendonin për mua. Dhe duke ditur që publiku rrallë fal dy herë, do t’ia kursej vetes dështimin qoftë edhe jo për fajin tim.
Cilat janë projektet tuaja të afërta?
Një talk show i madh, me një akses të dendur informacioni dhe kontaktesh për të gjithë publikun, ku do të trajtohen tema jo vetëm të aktualitetit, por edhe nga ato që i përmendim rëndom në biseda me miq, të njohur e të panjohur, që nuk lidhen domosdoshmërisht me hallet e shqetësimet e përditshme, por ravijëzojnë deri diku mentalitetin, botëkuptimin dhe preferencat tona. Formati është krejt i veçantë, por me kohë do zbulohen të gjitha.
A jeni ndodhur në një situatë kur keni thënë ndonjëherë “boll me kaq, do të heq dorë nga ekrani?”
E kam thënë, por nuk e kam pasur përnjimend. Do ndihesha si peshku pa ujë, në një kohë kur kam ende shumë not për të bërë e shumë toka për të zbuluar.
A keni menduar se një ditë do të largoheni nga ekrani?
Më lër të shijoj atë që ende ka ç’të më japë.
Kush është Sonila Meçe jashtë punës? (është e dashuruar, fejuar, e ka ndarë ditën e dasmës...)
E dashuruar po, por pa procedurë, d.m.th pa këto stacionet që më rreshtove. Mandej dashuria mbaron së qeni kënaqësi, kur mbaron së qeni sekret. (qesh)
Si e kaloni kohën e lirë?
Lexoj, përsëri lexoj, udhëtoj, larg kryesisht dhe ç’të mbetet në kohë, not, shumë not.
Cili është njeriu më i rëndësishëm në jetën tuaj?
Punëdhënësi. (qesh) E konsideroj veten fatlume për prindërit që kam, të mençur për mikun që kam zgjedhur, të lumtur për nipçen që rritet çdo ditë në sytë e mi.

Transmetimi i parë
Në ekran është futur krejt rastësisht. Pas propozimit të një prej regjisorëve të televizionit, ka ndjekur dy-tre edicione të Mirela Milorit, ka lexuar një natë më parë disa lajme dhe menjëherë në studio për trasnmetim. “E mbaj mend xhaketën e madhe mëngëshkurtër që evidentonte krahët hollake, grimin e rëndë, flokët shumë të gjatë dendur në llak, kokat e lajmeve me ato germat e mëdha që më dukeshin të çartura”, kujton Sonila me detaje, edicionin e parë të lajmeve në korrik të vitit 2000,.

Reklama e autobusëve
Është moderatorja më e reklamuar e televizioneve shqiptare. Posterin e saj e kemi parë edhe në autobus. ”Autobusi shkon kudo, posterin tim mban mbi shpinë, ja Sonila thonë kudo, paska bërë sot një gabim”, reciton me humor moderatorja e Vizion +. Ajo tregon se kjo reklamë qe një nga gjetjet e mendjeve pjellore të punonjësve të marketingut. “Pjesa e parë e fushatës sosi këtu për të rinisur në mënyra edhe më origjinale në të ardhmen”, shton Sonila.

Dashuria
Është e dashuruar, por vetëm kaq. Bukuroshja e ekranit tregon se nuk u ka hyrë procedurave të zyrtarizmit të dashurisë, duke i lënë në kuriozitetin e tyre shikuesit që e simpatizojnë. “Dashuria mbaron së qeni kënaqësi, kur mbaron së qeni sekret”, thotë Sonila me buzë në gaz. Ajo çfarë mund të marrim vesh është se fatlumi, është një nga kritizierët e saj më të mirë.

Edukimi
Sonila Meço ka lindur më 3 korrik të vitit 1977 në Tiranë. Pas mbarimit të shkollës së mesme “Ismail Qemali”, në vitin 1995 fillon studimet në Fakultetin Ekonomik. Diplomohet në degën e Financës në vitin 1999. Ka kryer një sërë trajnimesh nga rrjete prestigjoze si CNN dhe BBC mbi mënyrën e raportimit dhe prezantimit të lajmit, si dhe për politikat ndërkombëtare.

Puna
Punën e ka filluar pas mbarimit të shkollës në profesionin e saj të ekonomistes. Por shumë shpjet do të atashohej pranë Fakultetit Ekonomik si pedagoge. Në vitin 2000, një regjisor i TV “Klan” i propozon të bëhet folëse në këtë televizion, punë të cilën e mbajti deri në 2001-shin. Një ofertë nga “Top Channel” dhe moderatorja pranon menjëherë. Pas katër vitesh punë, në tetor të 2005, ajo largohet për t’u bërë imazhi i Vizion +.

Familja
E vlerëson shumë familjen e saj në të cilën është rritur e lumtur. “E konsideroj veten fatlume për prindërit që kam”, thotë Sonila. Por edhe të mençur për mikun që ka zgjedhur. Ata janë edhe kritizerët par excellence të saj, e si rrjedhim të pakontestueshëm. Por është e vështirë të gjeni ndonjë intervistë të Sonilës, në të cilën ka harruar të përmendë nipçen e tij, të cilin s’është e vështirë të kuptohet se e ka pikë të dobët.

Koha e lire
Në kohën e lirë i pëlqen të lexojë pambarim, të udhëtojë dhe të notojë. Moderatorja e Vizion + në çdo moment është në kontakt me shtypin dhe çështjet ndërkombëtare dhe kjo nuk është vetëm punë për të, por edhe një nga pasionet e saj. Udhëtimet i pëlqen t’i bëjë larg kryesisht, dhe koha tjetër, prapë not.

[ChuChu]

Si kukull qenka. Paskan te drejte qe e mbajne per simpatike.

1.80cm tjetra, good for her.

[Xhuxhumaku]

Si kukull qenka. Paskan te drejte qe e mbajne per simpatike.

Si Jozefina...lol

ne fakt tek visioni eshte nje spikere tjeter e re me e mire se ajo, ka ca sy te shkruar, me njerezore, Sonila duket si gjermane...lol

Pastaj nje bukuroshe tjeter ne ate tv, eshte nje kengetare Tarifa, emri s'me kujtohet.

[Antipatrea]

Ja dhe nja dy thashetheme : Ne fakultet ka qene e dashura e Erion Bogdanit kurse tani ne Tirane e ka nofken transvesti, se ngjan si mashkull...
Qe eshte njeshi i lajmeve eshte, por kam degjuar nga studente te saj qe eshte dhe zyshe e shkelqyer. Deri para nja 1 viti e gjysem ka dhene mesim ne fakultetin ekonomik, se di ne vazhdon akoma apo jo...

[Silk]

keshtu eshte shume simpatike, e gjate, e holle, perpara se te behej prezantuese ka dhene mesim ne fakultetin e ekonomikut ne tir, nga goja brisk, shume e zgjuar.......

megjithate nuk me pelqen stili i saj, si e tendosur flet, dmth e ngarkon lajmin me me shume emocion se sa duhet... edhe gjestikalacionet per mua i ka antipatike.

ne fakt subjektivisht shprehem, ne pergjithesi personi i saj eshte per tu vleresuar...

[ChuChu]

kurse tani ne Tirane e ka nofken transvesti, se ngjan si mashkull...

c'thua ti...kjo qenka kinge (e femrat rralle e thone kete gje per nje femer tjeter, lol). Nofullen, buzet, mollezat, syte i paska shume te bukura. Floket e hapura i shkojne me teper se te zeza.

Me falni qe po fokusohem vetem ne looks, por s'e njof si prezantuese.

[Silk]

Pastaj nje bukuroshe tjeter ne ate tv, eshte nje kengetare Tarifa, emri s'me kujtohet.

....eneida

[Silk]

nga ana profesionale e thashe qe per mua mbetet njeshi tani per tani ne Shqiperi...

ka edhe te tjera, dmth me e mira nuk me duket, mendimi im.

[Xhuxhumaku]

Mirela Milori, ka qene nga me te mirat, po duhet te kete ikur jashte...lol