Cilesia e ushqimeve qe konsumojme

[Enii]

organic por te pakontrolluara apo not organic te kontrolluara .....

[EuroStar1]

organic por te pakontrolluara apo not organic te kontrolluara .....

Nuk ka organik te pa kontrolluara, sepse nuk ka nevoje per kontroll kur behet fjale per bio. Ndersa jo organiket kan nevoje per kontroll , pasi perdoren hormone

[EuroStar1]

Edhe pse ka disa muaj që qeveria i ka shpallur luftë tregtimit të mishit jashtë standardeve, sot ditën e Kurban Bajramit kur pjesa më e madhe e qytetarëve janë drejtuar në tregje për të blerë këtë produkt, shumica e blerësve kanë gjetur një pamje të tillë: Tregtaret te ndërgjegjshëm për kushtet e këtij tregu te improvizuar tentuan te ndalojnë kamerat te filmonin tërësisht të vetëdijshëm se po shkelnin ligjin. Në fakt nga kontrollet e bëra disa muaj më parë, autoriteti kombëtar i ushqimit konkludoi një situatë teje të rëndë për kushtet në të cilat tregtohej mishi, ku jo vetëm therej në ambiente jo të përshtatshme, por gjithashtu në shumë raste kafshës i mungonte vula e cilësisë. Ne lidhje me kontrollet ne këtë dite specifike kushtuar kurbanit, ministria e bujqësisë nuk ka dhëne ende asnjë përgjigje se përse nuk ka patur kontrolle në këto zona, te cilat pushuan për disa javë së qeni tregje të gjësë së gjallë, dhe që prej disa ditësh kanë nisur të shfaqen sërish.

http://www.youtube.com/watch?feature...&v=5-tfsTbMvwc

[[Asteroid]]

Sa herë e kam thënë tek njerëzit e mi.. ata bidonat e koka kolës apo të ujit, nuk ka gjë më të keqe.

Këto kanë strukturë molekulare të pa qëndrushme dhe lëshojnë gjithnjë substanca toksike. Imagjino kur i mbush me raki sa keq është.

Ka plot shishe uji të mëdha prej qelqi, merr sa do dhe bë punën tënde.

Mire e ke ti user po qumeshti ne kutia eshte shume i shtrejte dhe jo cilsore. Prandaj njerzit drejtohen te fshataret per te blere qumesht edhe pse me yndyre dhe me bakterje.

Kam degjuar se fshataret kur ju shesin qumshtin ketyre fabrikave te medha qe shkojne per ta blere me cisterno, i hedhin brenda uje per te shtuar sasin e qumshtit. Keta te fabrikave ju kan ren hilese dhe kan nje mates yndyre qe i tregon nese qumeshti ka uje. Fshataret per ti rritur yndyren i hedhin brenda urine lope dhe ky qumesht i perzier me urine dhe uje shkon ne fabrike nga ku del qumeshti me kuti, djathi, gjalpi e shume produkte te tjera

[EuroStar1]

Në shitje makarona të skaduara që para 2 vitesh, ankohen konsumatorët


TIRANE - Produktet e skaduara janë një problem madhor për konsumatorët shqiptarë. Në një prej supermarketeve në bulevardin "Zogu I" janë gjetur makarona të skaduara që në vitin 2011. Ajo që ngrenë problem konsumatorët veç ushqimeve të skaduara është se ato nuk asgjësohen, edhe pasi vënë në dijeni pronarët apo punonjësit e subjekteve tregtare. Një rast i tillë është edhe ky i makaronave të skaduara që para dy vitesh, në një prej supermarketeve në afërsi të "Stacionit të Trenit". Situata është alarmante, sidomos nëse shikon numrin e ankesave që janë regjistruar edhe pranë Shoqatës së Konsumatorit Shqiptar vetëm për produktet e skaduara, ku janë rreth 4 mijë ankesa në vit.

Rasti

Një blerës në supermarketin pranë bulevardit "Zogu I" i është drejtuar "Gazeta Shqiptare" për të ngritur ankesën e tij në lidhje me fenomenin e produkteve ushqimore të skaduara. "E bëj zakonisht pazarin në këtë supermarket dhe jam shumë i rregullt në verifikimin e afateve të skadencës. Mora tre pako makarona; e pashë pakon e parë dhe skadonte në 2014-ën, tjetra në 2013-ën, njërën nuk e pashë, se nuk besova se do kishte probleme. Vetëm kur shkova në shtëpi bashkëshortja më tha që pakoja tjetër ka skaduar që në 2011-ën. U detyrova të shkoja sërish në supermarket dhe lajmërova punonjësit për problemin. Më thanë "të na falësh, nuk e kemi parë".

Por ju thashë se "këtë produkt e kam parë dhe një muaj më parë që ishte i skaduar dhe ju kam vënë në dijeni". Më pas, pashë që drejtuesja i tha t'i largonin nga rafti ku ishin ekspozuar për shitje dhe u bënë një grumbull makaronash të skaduara që po i largonin", - tregon konsumatori. Por pikëpyetja që ngre ai, si dhe të gjithë ne konsumatorët, është se, ku shkojnë këto produkte? A asgjësohen, apo sa për sy e faqe i hoqën dhe do t'i nxjerrin sërish në shitje? "Nuk e di çfarë u bë me to. Kam frikë se mos u bëjnë ndonjë gjë datave të skadencës, se kam parë në dyqanin e lagjes që kishte produkte të skaduara që në 2008-ën dhe pronari ua gërvishte datat që të mos dukeshin dhe i shiste", - tregon konsumatori. Ndërkohë që, Autoriteti Kombëtar i Ushqimit, ka sqaruar se ata bëjnë kontrolle në çdo subjekt tregtar, por për datat e skadencës duhet të ketë vetë konsumatori kujdes dhe t'i verifikojë në çdo rast.

Gazeta Shqiptare

[EuroStar1]

Kujdes nga Ushqimet e skaduara


Në supermarkete tregtohen produkte ushqimore të skaduara. Shpesh na ndodh që edhe në supermarkete të njohura të gjejmë produkte me datë skadence të kaluar, por ky fenomen është edhe me i theksuar në periferi dhe në minimarketet e rretheve.

Autoriteti Kombëtar i Ushqimit njofton, se vetëm në një ditë kontrolli në 113 operatorë biznesi, u kapën rreth 4 kuintalë produkte ushqimore të skaduara.

"Gjatë kontrolleve janë bllokuar rreth 400 kilogramë produkte ushqimore me afat përdorimi të kaluar. Janë marrë masa administrative me gjobë ndaj dy operatorëve të biznesit ushqimorë, të cilët nuk kanë respektuar afatet për zbatimin e detyrave të lëna, si rezultat i inspektimeve të mëparshme. I bëjmë thirrje konsumatorit shqiptar, siguria e të cilit I bejme thirrje konsumatorit shqiptar, siguria e te cilit eshte objekt i punes tone, te vazhdoje te na ndihmoje ne kete mision, duke shprehur ankesat dhe shqetesimet e tij ne faqen zyrtare te Autoritetit Kombetar te Ushqimit

Zyrtare te AKU-se

Eshtë objekt i punës tonë, të vazhdojë të na ndihmojë në këtë mision, duke shprehur ankesat dhe shqetësimet e tij në faqen zyrtare të Autoritetit Kombëtar të Ushqimit", tha Ariela Struga, drejtore e Menaxhimit të Riskut dhe Koordinimit të Inspektimeve.

Produktet e skaduara ishin kryesisht nenprodukte te mishit si sallamra, embelsira etj. Probleme shqetesues vazhdon te mbetet mungesa etiketave ne gjuhen shqipe e produkteve, qe importohen nga jashte duke mos informuar konsumatorin ne lidhje me ate qe konsumojne. Nga ana tjeter ne magazinat ku mbahen keto produkte nuk behet ndarja e produkteve ushqimore nga ato industriale, si dhe nuk ka plan masash per mbrojtjen nga brejtesit dhe insektetet, duke u bere keshtu burim semundjesh te ndryshme. Kontrolli i ushtruar nga Autoriteti Kombetar i Ushqimit u perqendrua ne 12 qarqet e vendit.

[EuroStar1]

Mërkuri në merluc e barbun, 2.8 herë më i lartë se norma




TIRANE-Niveli mesatar i Mërkurit tek peshqit barbun e merluc në Gjirin e Vlorës është 2.8 herë më i lartë se vlera referenciale prej 0.22 ppm e Agjencisë për Mbrojtjen e Mjedisit të Shteteve të Bashkuara.

Në këtë përfundim ka arritur një studim i realizuar nga IPEN dhe Instituti i Kërkimeve të Biodiversitetit për vitin 2012. Ka qenë qendra EDEN që ka kryer marrjen e mostrave të peshqve të llojit merluc (11 lloje) dhe barbun (3 lloje) në bashkëpunim me peshkatarët e zonës, duke respektuar protokollet e Institutit për Kërkime mbi Biodiversitetin, ndërkohë që matjet e nivelit të Mërkurit u kryen në laboratorin e tyre në Gorham, Maine të Shteteve të Bashkuara të Amerikës. Sipas rezultateve, vlerat maksimale të Mërkurit vërehen tek barbuni. Ato janë katër herë më të larta sesa vlera referenciale. Dy nga kampionet e peshqve barbun gjithashtu e kalojnë edhe limitin e BE-së, ndërsa katër nga kampionët e peshqve merluc tejkalojnë vlerën referenciale maksimale të Mërkurit.
Shëndeti
Sipas specialistëve, kur Mërkuri bie në oqean, mikroorganizmat e transformojnë atë në një formë toksike, e cila më pas bëhet pjesë e zinxhirit ushqimor. Kjo formë toksike përthithet tërësisht nga trupi dhe njerëzit janë të ekspozuar, kryesisht nëpërmjet konsumimit të peshkut. Sipas raportit, Mërkuri është prezent në forma të ndryshme, por forma organike e tij, Metil Mërkuri, është veçanërisht helmuese për njerëzit dhe faunën. Kjo, pasi në këtë formë Mërkuri përthithet lehtësisht nga trupi dhe mund të grumbullohet në organe si p.sh. në tru.

Njerëzit i ekspozohen Metil Mërkurit në radhë të parë nëpërmjet konsumimit të peshkut, ndërsa ekspozimi në nivele të larta mund të dëmtojë në mënyrë të përhershme trurin dhe veshkat. Gjithashtu, ndikimi i dëmshëm kalohet edhe nga nëna tek fetusi dhe mund të çojë në dëmtim të trurit, vonesa mendore, verbëri dhe pamundësi për të folur. Shumë organizata kombëtare dhe ndërkombëtare të shëndetësisë vlerësojnë Mërkurin në peshk si një kërcënim për shëndetin e njeriut, jetesën dhe mjedisin.

Fabrika e sodës

Fabrika e njohur me emrin “Fabrika e PVC-së”, është burimi më i madh i ndotjes nga Mërkuri në Gjirin e Vlorës. Fabrika u vu në punë në 1967-ën dhe përdorte proces me qeliza Mërkuri për të prodhuar sodë kaustike dhe PVC. Në kapacitetin e plotë të punës së saj fabrika prodhonte 24.000 ton sodë të kalcifikuar, 15.000 sodë kaustike dhe 10.000 ton PVC. Impianti i fabrikës së sodës i depozitonte mbetjet e tij të patrajtuara në Gjirin e Vlorës dhe gjithashtu depozitonte mbetje në trajtë llumi në një zonë pranë bregut të detit. Impianti u mbyll në vitin 1992 dhe që prej asaj kohe godinat e fabrikës u shkatërruan plotësisht. Sipas raportit, llumi i depozituar vazhdon të mbetet pranë bregut të detit dhe asnjë masë nuk është marrë për të parandaluar ndotjen e mëtejshme të Gjirit të Vlorës dhe banorëve që ndodhen në afërsi të tij.
Në vitin 2002, në një mision identifikimi të UNEP/MAP zona u identifikua si një “hot spot”, pasi një kampion toke në zonën e ish-fabrikës u gjet me nivele Mërkuri më të larta se 10.000 ppm. Ky nivel ishte 1000 herë më i lartë se nivelet e lejuara në vendet e Bashkimit Europian.

GazetaShqiptare

[benseven11]

Mire e ke ti user po qumeshti ne kutia eshte shume i shtrejte dhe jo cilsore. Prandaj njerzit drejtohen te fshataret per te blere qumesht edhe pse me yndyre dhe me bakterje.

Kam degjuar se fshataret kur ju shesin qumshtin ketyre fabrikave te medha qe shkojne per ta blere me cisterno, i hedhin brenda uje per te shtuar sasin e qumshtit. Keta te fabrikave ju kan ren hilese dhe kan nje mates yndyre qe i tregon nese qumeshti ka uje. Fshataret per ti rritur yndyren i hedhin brenda urine lope dhe ky qumesht i perzier me urine dhe uje shkon ne fabrike nga ku del qumeshti me kuti, djathi, gjalpi e shume produkte te tjera

Maskarallek ,kete emer ka,ti hedhesh urine qumeshtit.
Atij fshatarit idiot qe ben keto maskaralliqe tja hedhesh
prangat aty te fabrika kur sjell qumeshtin,pasi eshte krim.
Fshatare te poshter,ti kapesh dhe tu besh fotografine dhe ne gazete
fytyrat si kriminele.

[EuroStar1]

Kompanitë ushqimore të Durrësit mashtrojnë qytetarët me etiketa false.

Marketet ushqimore dhe dyqanet që tregtojnë produkte ushqimore të ambalazhuara në qytetin e Durrësit, janë kthyer në depozita të produkteve të skaduara. Nuk është aspak çudi që me mungesën e kontrolleve nga ana e Inspektoratit Ushqimor, qytetarët durrsakë të jenë të rrezikuar në masë.

Situata

Ushqimet e femijeve, majonezë, biskota, salcë domatesh, lengje frutash etj ., po shiten në marketet e Durrësit jashtë datës së skadencës, duke përbërë edhe një rrezik potencial për shëndetin e popullatës në masë. Të gjithë jemi konsumatorë të produkteve që tregtohen në tregjet tona, atyre të importit dhe vendase, por absurditeti më i madh qëndron në faktin që në vitrinat e marketeve po tregtohen produkte ushqimore që konsumohen nga një masë e madhe popullsie të skaduar. Në një vëzhgim të 48 orëve të fundit, eshte evidentuar në disa supermarkete produkte të dala nga skadenca që prej muajit tetor të vitit të shkuar. E këtij rasti ishte biskota “Crackers Pan Kolusi” e importuar nga Italia. Majoneza e përdorur gjerësisht për sallatë, por edhe produkte të tjera, të cilave afati i skadencës ishte në 21 Mars të këtij muaji. Pjesa më e madhe e konsumatorit shqiptar nuk kontrollon etiketat e skadencës dhe jo në pak raste është “viktimë” e këtyre produkteve, të cilat pastrohen në Shqipëri prej depove të vendeve fqinjë, të cilët duhet t’i groposin.

Mungesa e kontrolleve

Është një fakt shumë i rëndë për të gjitha strukturat e shtetit, por në veçanti për Inspektoratin e Konsumit dhe Ushqimit i specializuar për të kontrolluar standardet e ushqimeve për të gjithë popullsinë. Këto struktura të ngritura dhe me një peshë e detyrë specifike, nuk kryejnë detyrat e tyre, ose heshtin në rastet më të këqija teksa konsumatori është i rrezikuar. Në një prej supermarketeve, ku evidentuam në shumicë mallra të skaduar, shitësja tha se furnizimi ishte bërë vetëm pak ditë më parë dhe ajo do t’i kthente mbrapsht të gjitha klitë me produktet, të cilat në etiketë kishin të shfaqur dukshëm datën e skadencës, e cila i përkiste disa muajve më parë.

Etiketat false

E siç ndodh rëndom në vendin tonë kompanitë që furnizojnë supermarketet me produktet e tyre të gatshme, të importuara apo të vendit, mallin e shpërndajnë në shumë pika që nga qendrat e qyteteve deri në periferitë e tyre, ku banorët janë modestë, për të mos thënë se nuk i kontrollojnë etiketat e ushqimeve. Në këtë kaos të madh, ku mungojnë kontrollet, nuk është çudi që gjalpi të jetë në përbërje të madhe me miell e niseshte, ashtu sikurse edhe djathi, sallami pavarësisht se shkruhet në etiketë mish vici, nuk ka në përbërje të tij as 30 % të ingredientëve që thotë etiketa, është shumë lehtë e verifikueshme, sepse një kg sallam, i cili në etiketë ka “Mish viçi” tregtohet me 550 lekë për kilogram, ndërsa një kilogram mish viçi në dyqan me shumicë dhe pakicë varijon nga 750 deri në 850 lekë për kilogram. Në këtë mënyrë kompanitë po mashtrojnë qytetarët me etiketa false, madje të paktë për të mos u përmendur janë masat shtrënguese apo kontrollet që u bëhen produkteve.

Pse hesht Inspektorati i Ushqimit?

Pse nuk kontrollohen dhe nuk verifikohen produktet që konsumon popullsia në masë? Pse në raftet e marketeve gjenden mallrat të skaduar? Kush fshihet pas kësaj “maskarade” që kompanitë dhe tregtarët bëjnë në kurriz të konsumatorit, i cili paguan për produktin dhe cilësia e tij është shumë më e ulët se çfarë deklarohet? Këto dhe pyetjeve të tjera duhet t’u përgjigjet Inspektorati i Ushqimit dhe Konsumatorit, i cili në këtë mënyrë të lë të dyshosh se është i implikuar me kompanitë importuese dhe prodhuese vendase të produkteve ushqimore. Majonezë, biskota, salcë domatesh etj., po shiten në marketet e Durrësit jashtë datës së skadencës, duke përbërë edhe një rrezik potencial për shëndetin e popullatës. Në këtë mënyrë kompanitë po mashtrojnë qytetarët me etiketa false, madje të paktë për të mos u përmendur janë masat shtrënguese apo kontrollet që u bëhen produkteve

/vizion+