Shahin Nelaj, të cilin ju nuk e njihni

[Brari]

Shahin Nelaj, të cilin ju nuk e njihni

Alfred Lela

Çfarë ju kujton emri Shahin Nelaj? Gjasat janë asgjë. Gjasat janë, siç nuk ju kujtojnë asgjë tashmë as emrat e dy të vrarëve në Poliçan, as emri i grua së therur në periferi të Tiranës. Për të mos përmendur të vrarë të tjerë të para pak javësh, apo të aksidentuarit e shumtë që i lajnë në gjak, ditë e natë e papushim, rrugët e Shqipërisë.

E gjitha ka hyrë në etapën e rrezikshme ku një emër nuk është më histori, por statistikë, ku njeriu kthehet në numër. Më duket se Remarku, por ia atribuojnë edhe Stalinit, e përmend këtë në një prej librave të tij të mrekullueshëm me subjekt Gjermaninë e prag apo gjatëluftës. Pra, jemi në atë dekik të kohës, në atë kohë të mos-o-zotit, ku emrat bashkë me portretet e historitë janë shfytyruar duke u kthyer në lista emërore (të përzishme e bajate si ato që botojnë gazetat e përditshme në këtë vend e ku lajmërohen të papunët, të pastrehët, të patokët, të palicencuarit, se janë bërë me punë, strehë, tokë, licenca, tapi. Tash, sikur na hyn në punë, sikur nuk na mjafton babëzia e përditshme e gjithkujt, kemi edhe një hit-parade të pasurive të politikanëve që na përthyhen në media. A thua se nuk i kemi sytë: a thua na e ka hangër dreqi edhe atë grimë tru që na e lejon një pikë gri sa për logjikën).

Duket se listat, të gjitha bashkë, me të aksidentuarit, të vrarët apo politikanët e kamur së rishti, janë një kërkim i gjatë i yni dhe shoqërisë për antiheroin. E ravgojmë këtë antihero ndoshta si shelbim për papërsosmërinë tonë; për batakun ku jemi. Me të ngushëllohemi e themi: nuk qenkemi aq keq; ja, këta që vriten theren, e vjedhin. Por një pjesë jona e kërkon antiheroin pikërisht se do ta modelojë veten sipas tij. Në fakt, kjo ka ndodhur ndërkohë. Pikërisht për këtë, edhe vrasjet edhe babëzitë e politikanëve vijnë e shkojnë rrëmbyeshëm brenda nxitimit të një dite. Për t’u harruar të nesërmen: deri në krimin tjetër dhe deri në harrimin tjetër që po kthehet edhe vetë në krim.

Para nja 20 rreshtash, në krye të këtij shkrimi, u përmend një emër: ai i Shahin Nelajt. (Ja, pra, loja e harresës). Kush është Shahin Nelaj në të vërtetë? Një elektricist; një burrë në moshë, nga ata që i sheh shtyllave me ata këmbalecët si oktapodë. Një prej atyre që ndodh të mbeten në ato shtylla të zënë në korrent dhe, dëgjoni çudinë, nëse janë jashtë 8-orëshit, edhe pse i kanë thirrur të paraqiten në punë, kompania nuk u paguan pension sepse… kanë mbetur në korrent jashtë orarit zyrtar!!!

Por nuk është ky këndi që e bën me histori Shahin Nelajn, epika që e bën një emër të përveçëm, një vuajtje, një hero të kohës sonë. Shahini ka 12 fëmijë, 6 prej të cilëve janë të vëllait të tij të vdekur. Për ata, për ato 12 gojë, Shahini u gjend një ditë gushti në fshatin Breg-lumë të komunës Tërthore në qarkun e Kukësit, me urdhrin që t’u priste dritat debitorëve të CEZ Shpërndarjes. Skena është lehtësisht e kapshme: Shahini, nja 60 kile burrë, para një luzme fshatarësh të ndërkryer në një zonë të varfër të Veriut. Ai, bashkë me të tjerë punonjës të CEZ-it, nxirren nga makinat dhe rrihen paq.

Shahini duhet të ketë një pagë diku te 30 mijë lekëshi. Pjesëtoje këtë me 12 gojët, plus burrë e grua që duhet të ushqejë. Nëse do të ishte vrarë, ka gjasa që kompania nuk do i kish lidhur pension. Në fund, të fundit ishte jashtë 8-orëshit.

Shahin Nelaj nuk është bërë, falë Zotit, pjesë e kasaphanës, por e shpjegon atë. Shpjegon padrejtësitë që çojnë në masakra që këta muaj vere kanë shpërthyer duke u bërë provë e qelbit në trupin e shoqërisë. Si për shembull, padrejtësia e burrit që lakmon gruan e tjetrit dhe don ta shtijë në dorë me çdo kusht; padrejtësia e adoleshentit që kërkon sendet e tjetrës dhe e shkon në thikë për to; padrejtësia e CEZ-it që, megjithëse ka pajtuar Përmbarues privatë, me maska, armë e burra të fortë, dërgon në gojë të ujkut Shahinin e shkretë, të mpaktin Shahin që e ka kryer drejtësinë e tij para robit e Zotit: i ka marrë 6 fëmijët e të vëllait e i mban me bukë e me ëndrra. M’anë tjetër, kushdo i lehtëson rrethanat që 12 fëmijë të mund të mbesin jetimë, e meriton hakmarrjen. Të robit e të Zotit.






MAPO

-

[EuroStar1]

he mer se i kishin trembur bagetine

Ka halabake gjithandej o brar, po kohet e fundit sikur jan shtuar ca si shume dhe nuk po pysin me as per ligj dhe as per maliq, leqe ky maliqi as qe po e ve ujin ne zjarr fare se c'po behet ane e kend shqiperise. U vrane, u prene, u vodhen, u korruptuan njerzit dhe vendi gjithandej. Ja shtepia ime kishte 2 muaj pa uje, as qe po i plas njeriu te mari masa, shkojne te varfrit te bashkia i thone kur te bjere shi do keni uje, mesjet o mesjete. Ai 24 uje nuk u be gje me duket, te pakten tua sjelli 24 ore ne jave se u qelbe mileti

Prandaj them edhe une qe te privatizohet ujsjellsi si KESH dhe bie rahat njerzia, ohohoho sherbim cilsore dhe 24 ore pa nderprerje,.. eshte me shtrenjte po ama e ke 24 ore pa nderprerje, kursen nje cike dhe hopa ja hodhe lumit

e kshu kshu puna e ati elektricistit te shkrete

[Brari]

euro..ala nuk e kam lexue kte shahinin..
vec e postova se mu duk interesant..

kur ta lexoj do te komentoj..

[_MALSORI_]

euro..ala nuk e kam lexue kte shahinin..
vec e postova se mu duk interesant..

kur ta lexoj do te komentoj..

mos e komento fare o brar..nuk ke pse ta komentosh..nuk besoj se e paskan rrahur kete shahinin ata fshataret e breg-lumit jo..e sidomos nje te moshuar..nuk jane kafshe kuksiantet te rrahin nje te pafajshem..sigurisht qe banoret e breg lumit nuk kane dashur ta lejojne shahinin tjua prese dritat por me duket shume e egzagjeruar rrahja paq e tij dhe e shokeve te tij..sigurisht konfrontim ka pasur e dime te gjithe ne por jo ne ate shkalle sa e paraqet alfredua..

problemi nuk eshte ajo cka ka ndodhur ne fshatin breg-lumi te kukesit por eshte joprofesionalizmi i skajshem i gazetarise dhe i gazetareve shqiptare..perfundimisht jane bere krejtesisht te palexueshme gazetat shqiptare..mund te justifikohen gazetat partiake se mbajne llogoret e tyre por me te pabesueshme jane bere ato te ashtuquajturat '' shtupi i pavarur ''..sinqerisht jane bere me katolike se papa apo me sakte me partiake se partiaket..gazetaret hane buke me ato cka shkruajne por te jene kaq te papergjegjshem vetem ne shqiperi ndodh..

dy artikuj po te tregoj per te pare se sa genjejne..njeri shkruante per gryken e bushtrices ne rrethin e kukesit..kur e lexova thash me vete se atje qenka parajsa..kur e vizitoj cdo here qe shkoj ne kukes eshte krejt ndryshe nga realiteti..nuk mund te them se eshte katastrofe por aspak nuk i afrohej asaj cka reportazhi paraqiste..

para disa vitesh ne bathore u vrane vella e moter per nje rryp toke u tha..gazetaret cka nuk shkruan..fatmiresisht nje mik i imi ishte komshi me viktimat dhe kur ma tregoj ngjarjen ishte krejt ndryshe..ja lane rrypit te tokes me tha por shkaku ishte krejt tjeter..

ja pra brari qe nuk ja vlen te komentohet shahini e shahinat..mund te jet hero per afreduan pse paska 12 femije por per te tjeret eshte thjeshte nje bashkeqytetar i joni..kur ja ka fute krahet xhaketes duhej te kishte marre parasysh se sa e rende eshte xhaketa e jo thjeshte o burra..

[angmokio]

nuk jane kafshe kuksiantet te rrahin nje te pafajshem...

hahahahah oh sa kom qesh hahahahahah