Nishani dekreton: Lirohet Shaqiri, Visho Lika, kreu i ri i SHISH

[BlueBaron]

O Zito, po ça Topi mër çun. S'ka ngel "kopetent" pa bo komente per kreun e SHISH. Vetem une e ti kena ngel pa dale ne tv ...

[A.LePuLush]

ju keni prokurorine
kishit presidentin, kishit bashkine e tiranes, kishit shish,
keni mediat
keni bizneset
mos doni ju te ps-s te vendosni perseri diktaturen e dulles
shumica e zgjedhe nga populli ka te drejte te beje propozime

Kush eshte ju?
Une jam populli, sjam me asnje parti.

Kishit e keni shkon edhe anasjelltas Prandaj thuaj me mire sdime cfare po themi.

[Brari]

po i vazhdoj ato komentet ne fejzobuk qe po bejne disa ne lidhje me bahriun e vishon..





Elida Buçpapaj


I nderuari Shkelzen Muja, unë posa kam mbaruar një kolumnën time, ku shpreh mendimet e mia. Mendoj se nuk ishte veprim korrekt me Aleatët. Ata na futën në NATO, ata e mbrojtën Berishën edhe më 21 janar 2011. Berisha gabon, se është njeri. Bie shpesh nën ndikimin e këshilltarëve të këqinj, që nuk ia duan së pari atij të mirën.




Shkelzen Muja

E nderuar Elida,ne qofte se ky veprim i presidentit eshte kryer me urdher te Berishes,kjo eshte vetevrasje politike per te dy,sa per mos pytjen e eleateve,ne qdo prononcim ato kan kritikuar punen e kytyre institucjoneve,nuk besoj se i shqetson Shkarkimi i tyre!!




Elida Buçpapaj

Po natyrisht, që është Shkelzen Muja, ky emërim është ligjor, nuk shkel ligjet, por jashtë kontekstit të bashkëpunimit me aleatët e Shqipërisë, ata që e futën Shqipërinë në NATO, përshembul.




Hajro Çini

E nderuara Zonja Buçpapaj,
E lexova me vëmëndje reagimin tënd. Pa dashur t’ju fyej apo denigroj po më dalin disa pyetje:
Ju thoni që keni 21 vjet që punoni si gazetare, pak më poshtë shkruani se e keni mbrojtur Kryeministrin aktual për dy dekada.
Një figurë politike mbrohet nga ithtarët e tij që për arsye të ndryshme e mbështësin. Arsyet mund të jenë:
- Idealizmi
- Interesat
- Mungesa e alternativës
- Etj.
Unë besoj se ju keni pasur arsyet me fisnike për ta mbrojtur atë. Në të njëjtën gjatësi vale kam qënë edhe unë. Vetëm ky fakt, pra që mbështet një politikan na skualifikon ne të quhemi gazetarë.
Ju ngritët shqetësimin se ky shkarkim nuk duhej bërë, ose të paktën të ishte bërë në marrëveshje me Aleatët. Jam i bindur se askush nga ne nuk e di se si është zhvilluar situate, sepse as CIA as NATO nuk vë tellall për marëveshjet sekrete. Duke mos patur infomacion nuk mund të aludojmë.
Po një gazetar profesionist në perëndim do të skandalizohej – dhe jo të kërkonte – që shteti i tij ti emronte titullarët e Institucioneve sipas dëshirave të një shteti tjetër, sado mik. Në USA do të kërkohëj direkt shkarkimi i një presidenti që do të zbatonte kërkesat, fjala vjen, të Anglisë, që kjo e fundit të kërkojë të emrojë dikë si drejtor të CIA’s. Atje, po edhe ne Kanada është e ndaluar me ligj interference politike e jashtme.
As USA apo shtetet e tjera perëndimore nuk e kanë fare problem individin. Ata duan institucionet dhe gjithçka e bëjnë në mënyrë institucionale. Problemi i heqjes apo jot ë Bahri Shaqirit nuk ishte problem as i USA as i NATO’s. Ai është problem vetëm i Edvin Ramës, dhe natyrisht i tellallëve të tij, Bamir Topi dhe John Withers III. Departamenti i Shtetit u skandalizua kur hetoi aktivitetin e Withers në Shqipëri, pas atij peticionit dhe e shkarkoi menjëherë dhe e ka lënë të papunë sot.
Së treti, Agjendën e tij/saj e bën vetë Kryetari i Shtetit. Nuk është detyrë e gazetarisë të diktojë mbi të, përkundrazi, të monitorojë dhe po qe se gjejnë shkelje të Kushtetutës e denoncojnë. Gazetarët nuk e kanë informacionin e plotë në lidhje me aktivitetin e kreyt të shtetit apo kryeministrit. Dhe nuk mund ta kenë, sepse agjendat e tyre nuk janë objekt aprovimi në kafene. Por kur këtë bëjnë shkelje ligjore apo Kushtetuese, gazetaria denoncon.
Së fundi, ju thoni:
“Po të them edhe diçka tjetër, një problem i madh i kryeministrit është gjendja e shtypit të lirë, ku e majta dhe e djathta kontrollojnë gazeta dhe televizione dhe nuk lënë hapësira për kritika.”
Dr. Berisha nuk i ka, dhe nuk mund ti ketë nën kontroll gazetat e majta. Ai nuk mund të jetë përgjegjës për cilësinë, profesionalizmin apo etikën e shtypit të majtë. Dr. Berisha i ka dhënë në fakt më shumë mbështetje nga ç’duhet shtypit të lirë, duke aprovuar një ligj që i mbron gazetarët nga shpifja.






Hajro Çini

Unë priskam koka njerëzish, paskam prerë atë të Bamir Topit, sipas mesazhit tuaj. Së pari Bamir është shëndoshë e mirë. Së dyti unë kam denoncuar aktivitetin e tij antikushtetues, anti ligjor dhe mjaft korruptiv. Më saktë:
- Kur propozoi në më shumë se 90 % të rasteve kriminelë, ish prokurorë, ish gjykatës të komunizmit për në Gjykatën Kushtetuese apo në Gjykatën e lartë.
- Kur propozoi në krye të Prokurorisë së Përgjithshme të bijën e Sudes së Durrësit, një farë Ina Rama
- Kur dekoroi kriminelin Skënder Breça.
- Kur nuk dekretoi ligjin e lustracionit
- Kur në të drejtën e tij ligjore, po aspak profesionale, aspak konsekuente votoi për Edi Ramën
- Kur si dele manare shkoi në Ambasadën Amerikane dhe i kërkoi leje shokut Withërs që të shkonte te vizitonte Kosovën, duke e ulur Presidencën në një rang të një drejtorie të ministrisë së Jashtme
- Kur i qahej shokut Withërs se Edi Rama është opozitar i dobët dhe se ai (si i “fortë”) ishte i detyruar të bëhej opozitë kundër maxhorancës - duke shkelur statusin e Presidencës për të qënë mbi palët dhe abuzuar me Presidencën duke e bërë atë fole partçke politike
- Duke organizuar aktin kriminal të 21 janarit 2011. Edi Rama ishte thjesht një zbatues i bindur, frymëzimi vinte nga Veterineri Bamir Topi
- Kur nuk dekoroi policin hero që ngriti flamurin plot krenari, vetmohim dhe dashuri dhe e futi në gji. Aq e humbi torruan veterineri atë kohë sa, nuk gjykoi, qoftë edhe për hipokrizi, apo për të mbuluar gjurmët, dhe të vlerësonte atë akt.
- Meqë përmënda pak më sipër ish gjykatësit që propozonte veterineri dhe shokun Withërs, jam krenar që iniciova (së bashku me të nipin e Kolë Bib Mirakajt – se dardhe bie nën dardhë) peticionin drejtuar Presidentit Barack Obama, kur shoku Withërs (si antarë i kupolës Bamir Topi – Edi Rama) kritikoi vendimin e parlamentit shqiptar për të rrëzuar kandidaturën e Vangjel Kostës. I jam shumë mirënjohës zonjës Buçpapaj dhe të shoqit të saj që e firmosën atë peticion, që i preu rrugën mungesës së plotë të etikës profesionale dhe diplomatike të ish ambasadorit (sot i papunë) Withers.




Hajro Çini

Deri tani diskutova në lidhje me idetë, pa hyrë në aspektin personal. Ju më pyetni kush jam unë?
Unë jam një njeri i thjeshtë, i ndershëm dhe patriot për Shqipërinë. Unë nuk jam gazetar, edhe pse kam shkruar disa herë nëpër gazeta. Gëzoj lirinë dhe shprehem sipas asaj për të cilën jam edukuar.

Duke mos qënë letrar, shpesh shkrimet e mia tingëllojnë të ashpër, por unë sfidoj çdo kënd që të gjejë ndonjë inkonsistencë llogjike në qëndrimet e mia prej 21 vjetësh. Unë nuk jam shoku, nuk kam qënë asnjëherë dhe as do jem ndonjëherë.

Ju më akuzoni se jam përkpjekur t’ju denigroj. Ju siguroj se për ju kam shumë respekt, gjë që e kam shprehur shpesh. Në rast se ka ndonjë keqkuptim jam i gatshëm të jap sqarime.





Hajro Çini
Emil,
Ti mund te kesh memorie te varfer apo pretendon se ke te tille. Po ta freskoj apk ate me nje debat qe kemi bere bashke ne mijevjecarin e dyte ne Abania Discussion list:

As for his point about Bectashism, if I understood it correctly,...

---------------



i lumte penda ketij hajro cinit..

ka burra shqiperia..

[Duaje Siveten]

akoma me topin ju. ai eshte karte e djegur.
tradhetoi shoket e vet qe e zgjodhen president. tradhetine c`do sistem e denon.

ka tradhetare e tradhetare ...

tradhetaret si topi jane te bezdisshem, ndersa tradhetare si imami, shehu, ruli, ndoka, ceka, etj, jane te vlefshem, nuk i denon sistemi ...

si i thone kesaj pune?!?

p.s. nuk ke nevoje te pergjigjesh, sepse ti e di pergjigjen me kohe - per mua mos u lodh te pergjigjesh - mbase per forumin mund te kete vlere

[Ingenuous]

TIRANE - Ambasadori i Shteteve të Bashkuara të Amerikës në vendin tonë, Aleksandër Arvizu, ka deklaruar se ende nuk ka asnjë koment, në lidhje me vendimin e Presidentit të Republikës për emërimin e kreut të ri të SHISH-it.

Ambasadori Arvizu zhvilloi sot një takim me kryetarin e Bashkisë së Tiranës Lulzim Basha, ndërsa i ka prezantuar zv/ambasadorin e ri të Shteteve të Bashkuara të Amerikës.

Një ditë më parë burime nga Ambasada amerikane në Tiranë thanë se shkarkimi i kreut të SHISH, Bahri Shaqiri, ishte një veprim i shpejtë dhe i papritur.

(er.nu/BalkanWeb)

[drague]

TIRANE - Ambasadori i Shteteve të Bashkuara të Amerikës në vendin tonë, Aleksandër Arvizu, ka deklaruar se ende nuk ka asnjë koment, në lidhje me vendimin e Presidentit të Republikës për emërimin e kreut të ri të SHISH-it.

Ambasadori Arvizu zhvilloi sot një takim me kryetarin e Bashkisë së Tiranës Lulzim Basha, ndërsa i ka prezantuar zv/ambasadorin e ri të Shteteve të Bashkuara të Amerikës.

Një ditë më parë burime nga Ambasada amerikane në Tiranë thanë se shkarkimi i kreut të SHISH, Bahri Shaqiri, ishte një veprim i shpejtë dhe i papritur.

(er.nu/BalkanWeb)

pse duhet ti japim llogari ameriqise?

[A.LePuLush]

pse duhet ti japim llogari ameriqise?

Ate post kisha cituar edhe une dhe me ben shume pershtypje pse per cdo gje qe ndodh ne vendin tone duhet te marrim mendimin e ketij ambasadori? Kaq te dobet jemi?

Nuk ka perse i japim kaq rendesi. Ai vertet eshte vertet ambasador i shtetit me te forte ne bote dhe e kemi Sh.B.A-ne "miken" por sa do interesa te perbashketa te kemi cdo gje ka nje kufi.
Si Jane sjellur ambasadorat e tjere te Sh.B.A-se, 10 vjete me pare nuk ishte keshtu, apo jo?

[mesuesi_1]

po c'eshte gjithe kjo habi ore aman ....?! pak dite perpara vete Presidenti Nishani e tha se ceshtja e drejtorit te Shish-it eshte komptence e Kryeministrit .... pra shkarkimin e ka vendos Sala ....



.

[juanito02]

Nga: PERPARIM HALILI
Ndodhi ajo që ishte paralajmëruar si rrezik dhe kërcënim serioz kombëtar: Kryeministri Sali Berisha, i ka tashmë të gjithë pushtet në dorë. Ky njeri i konfirmuar si anti-shqiptar, ka mundur më së fundi, të rikthehet në fuqinë dhe praktikat e viteve të pushtet-sundimit “xhungël” të viteve 1992-1997. Brenda 24 orëve, ai ka marrë nën kontroll absolut dhe dy pushtete të tjerë të fuqishëm, të cilët kishin mbetur jashtë kontrollit të tij, Janë dy pushtete përcaktuese, që kanë lidhje me krye-drejtësinë dhe me krye-sigurinë kombëtare.
- Në datën 8 gusht, presidenti i Republikës së PD-LSI, “busti” Bujar Nishani vet-shpalli si N/Kryetar të KLD një “lolo”, një pjestar e shërbëtor të bindur të pushtet-familjes mafioze Berisha-Meta-Topalli si dhe konfirmoi KL si strukturë të binmdur të pushtetit “SALI”, duke i shtuar dhe një “pronë-pushteti” shefit të tij Sali Berisha. Sot nuk kemi Këshill të Lartë Drejtësie me kryetar, nënkryetar e anëtarë të pavarur, por kemi veçse një seksion partie të PD, të komanduar nga Sali Berisha.
- Në datën 9 gusht, vetëm 24 orë më pas, presidenti i Republikës së PD, “kukulla” Bujar Nishani, shtoi “ekstratin pronësor” të pushteteve të “Sulltan” Saliut, duke vet-shpallur si kryetar të SHISH, një militant të PD, një vegël qorre të kupolës së ish-SHIK-ut famëkeq të viteve 1992-1997, kur pushteti kriminal “Berisha” furnizonte Serbinë me naftë, municion e armë që masakruan, vranë e zhdukën 190 mijë shqiptarë, që dogjën e vranë dhe familjen “JASHARI”. Sot nuk kemi më SHISH të pavarur ligjor e me funksione kushtetuese, por kemi SHISH strukturë politike të PD, tipik si SHIK-u “GAZIDEDE” i viteve kur rriheshin, burgoseshin, rrëmbëheshin, vriteshin e zhdukeshin gazetarë, politikanë, intelektualë e bisnesmenë, kur basuteshin e digjeshin shtëpi dhe zyra opozitarësh e gazetarësh, kur lejoheshin shërbimet sekrete greke, ruse, serbe, bullgare, maqedonase etj, të komandonin politikat e jashtëme shtetërore e ato të sigurisë kombëtare shqiptare.
Nuk e dimë, nëse ndoshta nesër në datën 10 gusht 2012, presidenti i PD zoti Nishani (Mehmeti) mund të dekretoj “me gojë” dhënien e ndonjë një pushteti tjetër për sundimtarin Sali Berisha. Por dimë faktin, që pas 3 muajsh ky president “bust” ka dhënë sinjalin e hapur publik në media, që do t’i dekretoj Sali Berishës edhe marrjen e pushtetit të Prokurorit të Përgjithëshme, këtij pushteti drejtësie, me të cilin Sali Berisha, gruaja, fëmijët, dhëndri, ministrat, deputetët, ortakët e tij mafioz serbë, grekë, libian, egjiptian, azerbajxhanas, kosovarë, sirianë, rusë, italianë, maqedonas, rumunë, bullgarë, austriakë etj, etj, kanë shumë llogari të hapura me dosje krimesh nga të gjtihë “ngjyrat”. Edhe ky “front” i pakapur drejtësie, jemi të bindur tashmë, që pas 3 muajsh do të jetë “bandë politike” e Sali Berishës.
Mund të më konsideroni cinik e anormal, por konstatoj se tashmë gjendemi përballë faktit dhe situatës alarmante, të instalimit të një pushteti e shteti JUNT në Shqipëri, me sundim absolut të një individi “DESPOT” dhe të familjeje mafioze, të quajtur “Berisha”. Alarmi jepet, mbasi ky sundim kontrollohet totalisht nga Sali Ram Berisha, i ekzaminuar dhe i skeduar që prej vitit 1972 e deri sot, me këtë “kartelë mjekësore”: Me tru e ndjenja sadisti. Individ e plak egoist krejt i shfrenuar dhe i sëmurë për karrierë. I çmendur, hakmarrës, i papërgjegjshëm, i babëzitur për sundim personal. Psiko-delirant në çdo synim, fjalë e veprim që kryen. I pandalshëm e pasionant deri në këmbëngulje dhe kënaqësi ekstreme për të ideuar, nxitur e kryer çdo lloj krimi, mjafton të ketë lidhje me interesat, hegjemoninë, mbrojtjen dhe fuqizimin e sundimit të tij. Po bëjmë vetëm një ballafaqim: Sali Berisha kur ishte 8 në opozitë pa asnjë pushtet dhe ushtronte dhunë mbi institucionet e kundër kujtdo që i dilte ndesh. Po tani, që zotëron gjithë pushtetet, çfarë mund të bëj vallë kjo specie barabare dhe e ç’ekulibruar mendërisht?! Nuk ka asnëj dyshim, që do bëj ato që ka bërë në vitet 1992-1997, madje akoma më tepër, sepse tashmë ka në kontroll familjar e klanor dhe pushtetin mafioz ekonomik e financiar të vendit.
Ky individ që komandohet vetëm nga psikoza dhe ndjenja prej DESPOTI absolut e të përjetshëm aktualisht komandon e bën gjithçka në këtë vend: jep gjithë urdhërat, nxjerr gjithë vendimet, bën gjithë ligjet, vendos gjithë vulat e firmat që kanë lidhje me fatet e këtij vendi e të këtij populli. Ky “sulltan”, brenda 20 ditësh ka marë në kontroll 3 pushtete kryesore, përcaktuese për zhvillimet dhe fatet e vendit: Presidentin, Presidencën, KLD, kren e SHISH dhe SHISH. Kujtojmë, që për t’i futur në kthetra edhe këto pushtete sipërore, Sali Berisha është “përleshur” për 7 vite rradhazi në mënyrë anti-kushtetuese, amorale, banditeske e rrugaçërore me drejtuesit e këtyre 3 pushteteve, madje duke shpërfillur dhe BE e SHBA. Po çfarë pushteti, i ka mbetur pa marrë Sali Berishës? Sipas evidentimit, bandit-despotit Sali Berisha nuk i ka mbetur asnjë pushtet pa patur nën kontroll e përdorim…
- Postin e kryeministrit e ka në “pronësi” e përdorim privat Sali Berisha.
- Këshillin e ministrave e ka në “pronësi” e përdorim privat Sali Berisha.
- Kushtetutën e ka nën kontroll e përdorim privat Sali Berisha
- Parlamentin Shqiptar e ka nën kontroll e përdorim privat Sali Berisha.
- Kryetaren e Parlamentit e ka nën kontroll e përdorim privat Sali Berisha.
- Të 15 ministrat i ka nën urdhër e përdorim privat Sali Berisha.
- Presidentin e Republikës e ka në kontroll e përdorim privat Sali Berisha.
- Kryetarin e KLD e ka nën kontroll e përdorim privat Sali Berisha.
- Nën/kryetarin e KLD e ka në kontroll e përdorim privat Sali Berisha.
- Anëtarët e KLD, provuan me vota unanime janë “pronë” e Sali Berishës.
- Kryetarin e SHISH, anëtar i PD e ka në kontroll e përdorim Sali Berisha.
- Gjykatën e Lartë e ka nën kontroll e përdorim Sali Berisha.
- Gjykatën Kushtetuese e ka nën kontroll e përdorim Sali Berisha.
- KQZ e ka nën kontroll e përdorim privat Sali Berisha.
- Kontrollin e Lartë të Shtetit e ka nën kontroll e përdorim Sali Berisha.
- Guverantorin e Bankës e ka nën kontroll e përdorim Sali Berisha.
- INSTAT-in e ka nën kontroll e përdorim privat Sali Berisha.
- Bankat i ka nën kontroll e përdorim privat Sali Berisha.
- TVSH e ka nën kontroll e përdorim privat Sali Berisha.
- Diplomacinë e ka nën kontroll e përdorim privat Sali Berisha.
- Policinë e shtetit e ka nën kontroll e përdorim Sali Berisha.
- Ushtrinë e ka nën kontroll e përdorim privat Sali Berisha.
- Shëndetësinë e ka nën kontroll e përdorim priva familja “Berisha”.
- Drejtësinë qeveritare (ministrinë) e ka nën kontroll e përdorim Sali Berisha.
- Pronat i ka nën kontroll e përdorim Sali Berisha.
- Pensionet e pagat i ka nën kontroll e përdprim Sali Berisha.
- Monoplet tregëtare i ka nën kontroll e përdorim familja dhe klani “Berisha”.
- Koncensionet i ka nën kontroll e përdorim familja dhe klani “Berisha”.
- Tenderat e rrugëve i ka nën kontroll e përftim familja dhe klani “Berisha”
- Bixhozet qeveritare i ka nën kontroll e përdorim Sali Berisha.
- Doganat, portet, kufirin i ka nën kontroll e përdorim Sali Berisha.
- Ekonominë kombëtare e ka nën kontroll e përdorim familja dhe klanet “Berisha”.
- Privatazimet i ka nën kontroll e përdorim familja dhe klanet “Berisha”.
- Hidrocentralet i ka nën kontroll e përdorim familja dhe klani “Berisha”.
- Administratën publike e ka nën kontroll e përdorim privat Sali Berisha
- Bashkinë e Tiranës e ka nën kontroll e përdorim privat Sali Berisha.
- Rezidencat qeveritare i ka nën kontroll e përdorim familja dhe mafia “Berisha”.
- Trojet kombëtare shqiptare i ka nën kontroll e përdorim Sali Berisha.
- Akademinë e Shkencave e ka nën kontroll e përdorim Sali Berisha.
- Instituciont e studimeve historike, i ka nën kontroll e përdorim Sali Berisha.
- Nxënësit e shkollave, fëmijët e kopshteve ka në përdorim Sali Berisha.
- Afro 80% të medias e ka nën kontroll e përdorim privat Sali Berisha.
- Inteligjencën e ka nën kontroll e përdorim privat Sali Berisha.
- Afro 20% aksione tek kryesia e PS, i ka nën kontroll e përdorim Sali Berisha.
- Nxënësit e shkollave, fëmijët dhe kopshteve i ka në përdorim Sali Berisha.

[MaDaBeR]

Punë të mbarë Visho

Edison Ypi

Po shoh këto ditë filmin “Borgia”. Është rrëfimi i zgjedhjes së Papës Aleksandri VI. Përshkruhen në atë film peripecitë Politike të Italisë ende të pa bashkuar të Shekullit XV – fillimi i Shekullit XVI. Intriga të llahtarëshme, prapaskena të frikëshme, marrveshje të fshehta me përmasa gjigante, dallavere, shitblerje, krime, inceste, helmime. Të gjitha këto dhe të tjera mes kardinalëve për të zgjedhur Papën. I cili më së fundi u zgjodh.

Prej shekujsh, si rregull i Kishës, Papën e zgjedhin Kardinalët të mbyllur në një sallë. Jo me çelës. Me mur me tulla. Ku Kardinalët, jo vetëm janë të izoluar, por as nuk mund të hanë sa kohë Papën e ri nuk e kanë zgjedhur dhe tymi i bardhë mbi oxhak ende s’ka dalë.

Katalani Rodrigo Borgia derisa u zgjodh Papë dhe u quajt Papa Aleksandri VI, bëri intriga dhe krime të pa imagjinueshme që s’po zgjatem t’i rendis për të mos ia ngjethur mishin lexuesit. Së fundi, kur, votim pas votimi, votë pas vote, i duhej edhe vetëm 1 votë, atë votë Kardinali Borgia ia mori një tjetër Kardinali, i cili Kardinal ishte fshehur në një qoshe dhe po qante. Jo nga ndonjë pakënaqësi për ndonjë padrejtësi, dhe as për ndonjë arsye tjetër, por nga uria. Në atë qoshe vajti e gjeti Borgia kardinalin e uritur të cilit, në këmbim të votës, fatale ose papale, quaje si të duash, i dha dy copa të vogla buke që i kishte fshehur për një eventualitet të tillë sa duket prej tij të parashikuar.

Nga zgjedhja e Papës Aleksandri VI, te zgjedhja e Visho Ajazit Kryetar i Shërbimit tonë Informativ, kanë kaluar shekuj.

A mund të hiqet ndonjë paralele, a ka ndonjë ngjajshmëri mes mënyrës së zgjedhjes së Papës Aleksandri VI dhe zgjedhjes së Visho Ajazit Kryetar i Shërbimit Informativ Shqiptar?

Nuk ka absolutisht asnjë ngjajshmëri. Sepse sot Shqipëria ka Parlament të zgjedhur nga populli. Qeveri dhe Kryeministër gjithashtu të zgjedhur. Së fundi u zgjodh edhe Presidenti ri, me vështirësi, por sipas të gjitha procedurave ligjore. Kryeministri i propozoi Presidentit Visho Ajazin për Kryetar të Shërbimit Informativ, Presidenti e pranoi dhe e dekretoi emrin e Visho Ajazit. Kaq. Kaq dhe vetëm kaq. Të tjerat lidhur me zgjedhjen e Visho Ajazit, janë dëngërmëngër, llafe, muhabete, thashetheme, subjektivizma, inate, zilira, ethe për të ardhur në pushtet sa më shpejt.

Po a vallë e solla kot në vëmendje rastin e zgjedhjes së Papës në mesjetë?! Jo-jo, nuk e solla kot në vëmendje rastin e zgjedhjes së Papës. E solla në vëmendje sepse, vërtet nuk ka asnjë ngjajshmëri, por ka një lidhje të tërthortë shumë të fortë mes Papës mesjetar dhe Visho Ajazit.

Cila është ajo lidhje?

Është kuptimi, botkuptimi, vlerësimi, tiposja, qasja mesjetare, plot me intriga, kuptime të mbrapshta, nënkuptime, qëllime të fshehta, krime, që gëlojnë brenda kokave të klyshave të kurvit, të cilët, pavarësisht se si shfaqen, gjoja perëndimorë e të qytetëruar, e ç’thonë e ç’llomotisin si gjoja të ditur e të mësuar, nuk bëjnë, në thelb, asnjë dallim mes shtetit ligjor pluralist dhe shtetit mesjetar kurvor nga barku i të cilit kanë dalë dhe nuk e harrojnë kurrën e kurrës derisa të vdesin si porosi të çmuar, urdhër të fundëm etërish banditë, hajdutë dhe halabakë që e vranë, e mjeruan, e varfëruan, Shqipërinë dhe shqiptarët deri atje ku fjalët s’mjaftojnë.

Klyshat e kurvit, edhe ata që mbahen dhe i mbajnë si gjoja më të ndriturit, nuk bëjnë asnjë dallim mes Sigurimit të Shtetit të kohës së kurvit dhe Shërbimit Informativ të Shqipërisë demokratike pluraliste. Kjo është distanca. Ky është dallimi mes shumicës së shqiptarëve dhe klyshave të kurvit.

Pikërisht aq shekuj sa kanë kaluar nga zgjedhja e Papës Aleksandër, aq është prapambetja e klyshave të kurvit të cilët atje, në mesjetë te Borgia u kanë mbetur ora dhe mendja, dhe bëjnë sikur habiten, revoltohen, bërtasin.

Dhe kanë të drejtë. S’ka se si të jesh klysh kurvi dhe të mos habitesh nga një zgjedhje e thjeshtë me zbatim të përpiktë procedurash. Klyshat e kurvit, çfardo qofshin, fanatikë, nostalgjikë, të etur për pushtet, politikanë, gazetarë, nuk i përfytyrojnë dot ndryshe zgjedhjet veçse si tërësi intrigash, vjedhjesh, prapaskenash, krimesh.

O klysha kurvi mblidheni mendjen. As ky Kryeministër që kemi dhe asnjë kryeministër tjetër që do kemi nuk do jetë i detyruar dhe as mendja do t’i vejë t’ju pyesi ju se cilin do zgjedhi e cilin do shkarkojë, kur do e zgjedhi e pse do e zgjedhi për Kryetar të Shërbimit Informativ dhe për gjithkënd tjetër dhe për çdo rast tjetër sa kohë vepron brenda Ligjit.

Këto janë gjëra fare të thjeshta, krejtësisht evidente. Por janë edhe revoltuese kur dëgjon klyshat e kurvit të reagojnë në këtë mënyrë. Se do ishte ndoshta deridiku e kuptueshme nëse Visho Ajazi do rridhte, ta zëmë, nga ndonjë familje apo fis si i imi, domethënë fis “kolaboracionistësh” dhe “kuislingësh”. Por rasti, që mund të ishte fare mirë edhe ky, nuk është ky. Sa di unë, Visho Ajazi nuk ka një prejardhje të tillë.

Se klyshat e kurvit kanë edhe një huq që s’e harrojnë kurrë. Përhapin tinëz gënjeshtra të tilla që, sipas tyre, të gjithë të tjerët, ato gënjeshtra duhen t’i marrin si të vërteta. E tillë është edhe gënjeshtra që prej dje kanë vënë në qarkullim përmes një zagari. Sikur Amerika dhe në përgjithësi Perëndimi na qenkan habitur me zgjedhjen e Vishos Kryetar të Shërbimit Informativ. Dhe kjo na qenka marrë vesh nga një telefonatë që redaksia e zagarit, ose vetë zagari, i paska bërë “një autoriteti të rëndësishëm të Ambasadës amerikane”. Domethënë shpifje e ndyrë zagarësh mediatikë, për të cilët shqiptarët janë aq budallenj sa këto gënjeshtra të qepura kaq trashë nuk i kuptojnë dot.

O klysha kurvi që nuk zini mend.

Në kushtet e sotme, Visho Ajazi, i shkolluar, i aftë, i qytetëruar, i respektuar, i ndershëm, i paanshëm, do jetë, as më pak e as më tepër, thjesht dhe vetëm një nëpunës shteti si gjithë nëpunësit në shërbim të shtetit të tij, detyrë që me siguri do ta kryejë me përgjegjësi dhe dedikim, asgjë tjetër.

Hajt pra punë të mbarë në detyrën e re, o Visho Ajazi! Harroje ’97-ën e dhimbshme. Skema financiare mashtruese kanë ndodhur edhe para “Borgia-s”, ndodhin sot e gjithë ditën në të gjithë botën, dhe do ndodhin edhe në të ardhmen. Ato nuk ka bërë vaki’ kurrë t’i shpiki ndonjë kryeministër. Kujdes të veçantë bëj me ndyrësirat e Kombit, që janë klyshat e kurvit. Se ata vërtet janë pak, por jo aq pak sa të neglizhohen. Le të llapin. Llapja e klyshave të kurvit Shqipërisë s’i prish asnjë punë. Por nëse do kuturisin të bëjnë ndonjë gjë konkrete, për shembull të sulmojnë institucionet, prishin shumë punë. Ti mundesh t’u bësh ballë atyre. Ti je i fortë, ata janë të dobët. Ti je trim, ata janë spurdhjakë. Ti je modern, ata janë mesjetarë. Ti je i mësuar, ata janë gdhë. Më tepër kujdes me klyshat e kurvit që rrinë fshehur, strukur, me ata që nuk i nxjerrin kryet. Se këtyre që llapin hapur, këtyre të mediave, këtyre ua laj unë kokën, ua kreh unë flokët, ua pastroj unë retinën, ua heq unë dyllin nga veshët.

Gazeta: MAPO