[Emocionale] Zgjohu O Ummet! | Shejkh Reslan (All-llahu e ruajt)

[Thirrje Islame]

[Emocionale] Zgjohu O Ummet! | Shejkh Reslan (All-llahu e ruajt)



Shejkh Reslan: Profeti (sal'All-llahu alejhi ue selem), u dërgua nga All-llahu ashtu sic u derguan më parë vëllezërit e tij, nga profetët dhe të dërguarit, për t'i thërritur njerëzit në adhurimin e All-llahut të vetmit, Zotit të botërave.

Dhe ata, tek të cilët u dërgua i Dërguari i All-llahut, kurrë nuk kanë pohuar se ata adhuronin ''el-Lat-in'' dhe ''el-Uzza-në'' dhe as Manat-in, i treti i këtyre idhujve.Dhe as Hubel-in, Issafa-n dhe Na'ila-n ose ndonjë tjetër prej këtyre idhujve, me pretendimin se ata ishin zotëra, të cilët mund të veprojnë të pavarur.

Jo! Asnjëri prej tyre kurrë nuk e ka pohuar këtë. Në vend të kësaj ata thonin dy gjëra. Ata thonin: ''Këta janë ndërmjetësuesit tanë te All-llahu.'' Dhe thonin: ''Ne i adhurojmë ata në mënyrë që të na japin qasje në afërsi të All-llahut.''

O ju muslimanë, në rajonet lindore dhe perëndimore të kësaj toke! Kuptojeni realitetin e fesë, në mënyrë që t'a udhëhiqni popullsinë e botës, me fenë e prijësit të të gjithë të dërguarve -sal'All-llahu alejhi ue selem!

Realiteti i fesë, është lavdia juaj dhe është krenaria juaj dhe është shpëtimi juaj, nga devijimi, idhujtaria, mosbesimi, këtu në këtë botë dhe që është shpëtimi juaj nga shkatërrimi dhe nga zjarri i Xhehnnemit në botën tjetër dhe do të jetë lavdia juaj para asaj dite te turpit.

O ju musliman! Kuptojeni më në fund realitetin e fesë së profetëve, me të cilen erdhi prijëësi i të gjithë të dërguarve, në mënyrë që kombet të mos hidhen mbi ju nga çdo drejtim!

O ju Ummet i muslimanëve! Ju meritoni diçka më të mirë se kjo gjendje! O ju Ummet i muslimanëve! Ju jeni më fisnikë, më të lavdishëm, më të fortë dhe keni më shumë të drejta në këtë tokë, se gjendja në të cilën ju ndodheni aktualisht .

O ju Muslimanë! Feja juaj është feja e vërtetë! Përderisa këta njerëz(të krishterë) që janë prijësit e popullit të tyre, vendosin dorën e tyre mbi një libër, të falsifikuar, dhe betohet pa u turpëruar aspak, atëherë a nuk u vjen turp juve nga turpërimi juaj që u frenon për të treguar hapur fenë e Zotit tuaj! Nga turpërimi juaj për të lexuar hapur librin e Zotit tuaj! Frikësojuni All-llahut, o ju muslimanë! Sepse ndëshkimi i All-llahut është i ashpër!

''Po nëse ju i ktheni shpinën, Ai do t’ju zëvendesojë me një popull tjetër, që nuk do të jetë si ju.'' (Muhammed, 47:38)

Gjaku juaj, o ju muslimanë, nuk është në asnjë mënyrë i lirë (për ta derdhur atë)! Gjaku juaj, o ju Ummet i muslimanëve, nuk është në asnjë mënyrë i lehtë (për ta derdhur atë)! Të vdekurit tuaj janë në Xhennet dhe të vdekurit e tyre janë në zjarrin e Xhehnnemit!

Ju jeni Ummeti më i mirë kundrejt të gjitha Ummeteve të tjera dhe njerëzit më të mirë për të gjithë njerëzit e tjerë! I tërhiqni njerëzit si të ishin në zinxhirë dhe pranga, për t'i shpëtuar ata nga zjarri i Xhehennemit dhe për t'i udhëhequr ata në Xhennet.

Atëherë pse nuk i përmbaheni fort fesë tuaj?! Dhe feja juaj kurrë nuk e injoron dhe anashkalon logjikën tuaj! Përkundrazi, ajo ju thërret në përdorimin e saj, të shikoni në horizont dhe brenda vetes tuaj, për të parë forcat e fshehura të materies, që All-llahu ka vënë në të.

Dhe sa i përket paraardhësve tuaj, armiqtë tuaj kanë bazuar qytetërimin e tyre dhe forcën e saj në atë që ata(muslimanët) e prodhuan më parë mbi njohuritë rreth ekzistencës,jetës dhe materies . Të tjerët zgjodhën ta bazojnë rrugën e tyre në mënyrë të qëndrueshme!

Ndërsa ju, jeni thyer në kthesat e shumta të historisë! Historia është e pamëshirshme! Historia është e pamëshirshme! Koshi i plehrave të historisë ka vend të mjaftueshëm për të gjitha mbeturinat ,madje ka vend plot.

Frikësojuni Allahut, o ju Ummet i muslimanëve! Dhe mendoni mbi fenë tuaj! Dhe njihni Sunnetin e Profetit tuaj! Dhe mbahuni në këtë fe madhështore, e cila ju thërret që të posedoni mjetet dhe shkaqet për një jetë fisnike në këtë jetë! Dhe kush ka më shumë të drejtë për një jetë fisnike, se vetë muslimanët?!

Mos vallë pabesimtarët, që i adhurojnë idhujt?! Mos vallë pabesimtarët, që i adhurojnë njerëzit krahas All-llahut?! Mos vallë pabesimtarët, që adhurojnë pemët dhe gurët?! Mos vallë pabesimtarët, që e mohojnë ekzistencën e All-llahut?! Kush ka më shumë të drejtë për një jetë fisnike?! Kush ka më shumë të drejtë për lavdi në këtë botë se ju o Ummeti i muslimanëve?!

Mos u thyeni! Zgjohuni dhe ngrihuni, o Ummet i muslimanëve! Mbahuni fortë në fenë e Zotit tuaj! Jini në harmoni me njëri-tjetrin dhe mbahuni së bashku! Sikur tanjihnit me vërtetësi realitetin e fesë së Muhamedit (sal'All-llahu alejhi ue selem)është pikërisht ajo, me të cilën ishin dërguar të mëhershmit nga profetët dhe të dërguarit.

Ibrahimi ka ardhur me thirrjen në monoteizëm, e megjithatë atë armiqtë e hodhën në zjarr. Ai me durueshmëri u përball me sprova të shumta, vetëm e vetëm për të thërritur në adhurimin e të Plotëfuqishmit dhe Falësit.

Nuhu (alejhi ue selem), vazhdoi në thirrjen e popullin të tij për 950 vjet, e megjithatë atij i besuan shumë pak njerëz! Ai i ftoi ata që çdo lloj adhurimi t'i kushtohet vetëm All-llahut, dhe tia kushtojnë njëhsimin të Plotëfuqishmit dhe të Lavdishmit.

Jusufi në errësirën e burgut, ftoi në realizimin e pastër të Teuhidit të All-llahut, Zotit të botërave.

Muhammedi, i besueshmi (sal'All-llahu alejhi ue selem), nga dita e parë derisa ai mori frymën e fundit (sal'All-llahu alejhi ue selem), ka thirrë në Teuhid dhe paralajmëroi kundër idhujtarisë! Këtu qëndron lavdia juaj! Këtu qëndron rruga juaj jashtë poshtërimit dhe dobësisë suaj! Këtu qëndron ngritja dhe dalja juaj nga gjendja juaj, e cila është gjendja e poshtërimit dhe e mposhtjes!

Mbahuni fortë në fenë e All-llahut! Sikur ta njihnit realitetin e kësaj feje dhe realitetin e thirrjes së Profetit tuaj (sal'All-llahu alejhi ue selem) të gjitha zemrat tuaja do të bashkoheshin së bashku, sunduesit dhe të sunduarit, ata që janë të copëtuar dhe të ndarë në sekte, grupe dhe parti të cilët konfliktohen me njëri-tjetrin.

Dhe për çfarë? Këtë nuk e dinë as ata vetë! Do rigjallërohej jeta juaj , pasiqë ishit të vdekur, All-llahu do u jepte drejtim në rrugën e duhur, ashtu siç Ai bëri me arabët më parë, solli një Ummet, që realizoi Teuhidin. Kështu Ai ua dhuroi atyre timonin në dorë për t'i udhëhequr banorët e botës në rrugën e mirë dhe të drejtë.

Ne lusim All-llahun, Ai është absolutisht i Madhëruar dhe i Lartësuar, të na udhëzojë gjithë neve, për të kuptuar realitetin e kësaj feje. Dhe që Ai të na bashkojë të gjithë neve në këtë realitet, sepse Ai, Lavdërimi i qoftë Atij dhe i Lartësuar është Ai, ka fuqi mbi çdo gjë. Dhe na bëftë Ai neve të gjithë pasues të Profetit tonë (sal'All-llahu alejhi ue selem).

Dhe Ai t'i bashkojë zemrat e muslimanëve, sunduesit edhe të sunduarit. Dhe Ai t'i bashkojë të gjithë në bindje ndaj Tij. Dhe Ai t'i japë këtij Ummeti rrugën për qetësi, ku nderohen njerëzit e bindjes dhe ku poshtërohen njerëzit e mëkateve dhe ku gjykohet me librin e All-llahut dhe me Sunnetin e të Dërguarit të Tij. Vërtet Ai ka fuqinë mbi çdo gjë.

Paqja dhe mëshira e All-llahu qoftë mbi Profetin tonë. Paqja dhe mëshira e All-llahut qoftë mbi familjen e Tij.

Përktheu: Seladin Musa
Kontrolloi: Ebuduxhanah