Ambasada, SMS francezëve: Shmangni vendet publike

[Scion]

Terrorizmi/ Policia mbikëqyr elementët e dyshuar. Burgaj: Plan masash, megjithëse nuk ka vend për panik.

Personeli i ambasadave porositet me udhëzime të posaçme. Antiterrori i Tiranës aktivizon agjentët në terren. Greqia në alarm. Aeroportet, portet dhe ishujt turistikë blindohen me policë. Dyshohet për elementë arabë të Hezbullahut që kanë organizuar atentatin në Burgas, Bullgari.

Nikoleta Kovaçi

“Kujdes, shmangni vendet e populluara, mos u largoni nga qendrat urbane, bëni kujdes ndaj elementëve të dyshimtë për akte terroriste”. Këto këshilla janë shpërndarë dje me SMS nga ambasada franceze për shtetasit e saj në Tiranë. Por, ky institucion nuk është i vetmi, i alarmuar këto dy ditë. Atentati terrorist i Burgas-it në Bullgari ka ngritur në këmbë gjithë anti-terrorin e rajonit.
Ambasadat shtojnë masat e sigurisë
Pas masave drastike të marra nga Greqia, vetëm 24 orë pas aktit kamikaz, Shqipëria forcon kontrollet, ndërsa ambasadat e huaja që punojnë në vendin tonë, kanë lëshuar udhëzimet përkatëse për shtetasit dhe punonjësit e tyre. Menjëherë pas daljes së të dhënave të para të atentatit, ka qenë ambasada franceze që ka nisur porositë për të gjithë shtetasit francezë që jetojnë dhe punojnë në vendin tonë. Paçka se nuk bëhet fjalë për asnjë fakt konkret, të ndonjë kërcënimi të mundshëm që mund të trazojë territorin, mësohet se kjo ambasadë ka udhëzuar shtetasit që të bëjnë kujdes, duke iu shpërndarë rekomandimet e përhershme në raste të tilla. Në të njëjtën linjë kujdesi është vendosur edhe ambasada italiane, ndonëse bëhet e ditur se kjo përfaqësi diplomatike nuk ka bërë njoftime për shtetasit e vet për situatën, por ka tërhequr vëmendjen e personelit për një kujdes më të shtuar kë to ditë për sa i përket masave të sigurisë.
Burgaj: Situata nën kontroll
Gjithashtu policia nga ana e saj ka hartuar planin konkret të masave për të mbajtur nën kontroll gjithë territorin, ndonëse zyrtarisht nga drejtuesit më të lartë të Policisë së Shtetit dhe të Drejtorisë së Policisë së Tiranës, bëhet me dije se ngjarja e Bullgarisë nuk përbën asnjë rreziku për vendin tonë. Këtë fakt e pohoi për gazetën “Shekulli” numri një një Policisë së Shtetit, Hysni Burgaj, ndërsa saktësoi se “masat që janë marrë këto dy ditë janë krejtësisht të zakonshme në raste të tilla, por që situata në vendin tonë është krejtësisht nën kontroll”.
Udhëzimet anti-terror
Ambasada e Francës në vendin tonë mësohet se ka pajisur të gjithë shtetasit e saj me udhëzimet konkrete që duhet të zbatojnë deri në një urdhër të dytë. Gjithçka ka të bëje me kujdesin që duhet të tregojnë francezët, ku një ndër pikat kryesore është të qëndruarit larg vendeve me grumbullime të mëdha njerëzish, të lajmërojnë për vendndodhjet dhe kohëzgjatjet e lëvizjeve dhe se duhet të jenë në kontakt të vazhdueshëm me personelin e ambasadës. Gjithashtu saktësohet se në planin konkret të masave të kësaj ambasade është përfshirë edhe fakti që në oraret e përcaktuara në udhëzim shtetasit e tyre nuk do të lëvizin prej vendqëndrimeve të tyre. Pavarësisht se jo me strategji të bërë publike, masa të tilla ka marrë edhe ambasada italiane, ndërkohë që janë edhe një sërë ambasadash të tjera që kanë lëshuar urdhra të brendshëm për personelin. Një nga pikat e përbashkëta të këtyre masave është thjesht qëndrimi larg vendeve ku realizohen grumbullime.


Drejtori
Policia e Shtetit: S`ka asnjë rrezik për terrorizëm

Në një prononcim për gazetën “Shekulli”, Drejtori i Përgjithshëm i Policisë së Shtetit, Hysni Burgaj ka bërë me dije se vendi ynë nuk përbën asnjë rrezik për sulme nga terrorizmi. Sipas tij, plani i masave që është marrë pas sulmit kamikaz të Burgas-it në Bullgari është një plan krejtësisht normal, që s’ka të bëje me masa konkrete, pasi sipas Burgajt gjithçka është nën kontroll të forcave të sigurisë. Ndërkohë, që sipas të dhënave të anti-terrorit kryeqytetas, bëhet me dije se është rritur vëmendja e këtij sektori menjëherë pas shpërthimit në Bullgari. Sipas burimeve, plani aktual i masave që ka marrë ky sektor në policinë e Tiranës është normal, detajet e të cilit nuk mund të bëhen publike, por saktësohet se gjithçka është nën kontroll dhe se koordinimi me strukturat e tjera është i gatshëm. Gjithashtu burimet e Policisë shprehen edhe në lidhje me ‘frikën’ e ambasadave të huaja, se gjendja është tejet normale dhe se në vendin tonë nuk ka gjurmë të asnjë të dyshuari, e për pasojë nuk ka vend për panik. Policia ka në fokus kryesisht kufijtë e vendit, sidomos pas masave të Greqisë, por vetë Burgaj saktësoi se nuk bëhet fjalë për asnjë lloj ndryshimi në marrjen e masave, paçka se vigjilenca në raste të tilla është e shtuar.



Terrorizmi
Greqia në “alarm të kuq”, nën mbikëqyrje ishujt turistikë

Anti-terrori i vendit fqinjë ka kaluar në gjendje gatishmërie menjëherë pas daljes së të dhënave të para nga hetimi bullgar në lidhje me sulmin kamikaze në Burgas. Sipas hetimeve, dyshohet se atentatorët kanë lidhje me persona që janë pjesë e Hezbullhaut, të cilët veprojnë në Qipro dhe Greqi. Kështu shërbimet greke të sigurisë kanë kaluar në sitën e tyre të gjithë informacionet konkrete që vijnë nga hetimet e shërbimeve të shumta që kanë marrë përsipër bashkëpunimin në sulmin e Burgasit ku u vranë 7 persona dhe u plagosën me dhjetëra të tjerë. Dyshimet e mëdha të frikës greke kanë të bëjnë me informacionet që mediat qipriote treguan se personi i dyshuar si bashkëpunëtor në sulm, i cili tashmë është i shpallur në kërkim në të gjithë botën, paçka se emri ende nuk dihet, është ndaluar në tokën e tyre. Libanezi me pasaportë suedeze është dyshuar për përgatitje të sulmeve terroriste. Qipriotët tregojnë se libanezin e dyshuar e kanë lënë të lirë vetëm 5 ditë para atentatit kundër izralitëve, ndërsa tashmë gjithë bota është në kërkim të tij. Referuar mediave të Bullgarisë, por edhe të Qipros dhe të Suedisë, ditën e djeshme hetimet dhe dyshimet mbi libanezin-suedez kanë nisur të bien, por tashmë në ndihmë të zbulimit të atij atentati kanë mbërritur edhe ekspertët e FBI-së.
Mirëpo autoritet greke sqaruan se kanë kohë që po monitorojnë emigrantë arabë, që dyshohen si pjesë e celulave të terrorit në Europë. Sipas burimeve policore greke janë shtuar ndjeshëm masat e sigurisë në porte dhe aeroporte në mbarë vendin. Forca policore janë dislokuar në pikat e cilësuara si objektiva të mundshëm të terroristëve, ndërsa mësohet se janë blinduar ishujt. Kreta, Santorini dhe Mykonos janë tre ishujt që janë në vëmendjen e policisë dhe të sigurisë së Greqisë, gjithashtu një vëmendje e veçantë është dhe një plan i detajuar masash sigurie janë rezervuar për turistët izraelitë në Greqi.

[Uriel]

C'eshte kjo zhurme mediatike? Elemente qe perbejne rrezik potencial per sulme terroriste, ne Shqiperi pikasen nga larg si korbi ne bore dhe neutralizohen pa shume histori nga strukturat e anti-tertorit qe ne embrion. Rreziku i vetem eshte i importimit nga jashte, po edhe keto elemente qe vijne nga vende problematike dhe kane veprimtari te dyshimte, filtrohen e shtrydhen nga sherbimi informativ. Ky eshte fati i mire i nje shoqerie homogjene perkundrejt radikalizmit fetar, qe kurre nuk mund te hedhi rrenje ne tabanin shqiptar; pervec kancerogjeneve qe tregohen me gisht.

[Illyri]

Kujdes!! kopilat evropian po mundohen te pakesojne turizmin e Shqiperis, prandaj kujdes, se kopilat, kopila mbesin Kujdes duhet te bejme nga keta kopila se mos na gjuajne ndonje terorist zionist, se terorist musliman nuk egziston, pasi kur 90% e shqiptareve jane musliman, pse nuk u shfaq ndonje musliman si kamikaze!! prandaj kujdes, se vet emri terorist musliman ka ardh nga izraelitet .

[Lexuesi_]

Sot eshte ba biznis qdo gje.

[BlueBaron]

Jane shume te ndyre edhe gazetaret dhe gazetat qe amplifikojne lajmin per atentate terroriste.

Ta marresh holl-holle, me shume mundesi ka te ndodhe nje atentat terrorist ne Paris apo Londer se sa ne Tirane.

[Scion]

Te them te drejten, sot Tirana shendriste fosforeshente. Gjith ato forca policie!
Ne te njejten kohe, per ceshtje transparence, nuk perjashtoj as mundesine qe ky tip lajmi vjen nga nje shtet fqinj te cilit po i deshton turizmi, per ceshtje karshilleku.

[EuroStar1]

Per mendimin tim duhet te debohen te gjithe Afro-Aziatiket muslimane nga vendet perendimore. Tu vihet nje embargo ekonomike dhe turistike shteteve perkatese deri sa te pastrojne llumin e tyre. Mundesisht deri sa te nderrojne ngjyren dhe te behen te bardhe

Rrace antropoidi e pa evoluar

[Ziti]

turiste franceze ne shqiperi.
vetem keta nuk na duhen.
ata vijne vetem per te vjedhe ndonje ikone neper kishat e vjetra shqiptare.