Gjendet trupi i pajetë i poetit Ali Podrimja

[D&G Feminine]

http://www.forumishqiptar.com/showthread.php?t=3026

[EuroStar1]

Ngushllime familjes dhe gjithe dashamiresve te poetit te madh

[saura]

Ngushellime familjes ...

[toni54]

ngushellimet familjes dhe gjithe kosoves per poetin tone te madhe.....

[bili99]

Sot me duket se ju shoh te perqafuar me dhimbjen e madhe,me Lumin dhe me perjetesine.Lamtumire poet i dashur Ali Podrimja!
Ngushllime te sinqerta familjareve dhe gjithe shqiptareve.

Ali Podrimja - ME QENË

Të jesh shqiptar
e vdekja të mos të gjejë
edhe në skaj të botës
e pamundur është

Të jesh shqiptar
e ndonjë qen të mos të ndjek
deri në varr
e pamundur është

Shqiptar të jesh
botën varr të mos e kesh
e pamundur është
e pamundur

Në trupin tim
plaga më e thellë
sa më afër
Bregut
lum lumi nuk është në linjë

[Çaushi]

Ndaj dhimbjen me te gjithe Miqt dhe dashamiresit e kultures dhe artit shqiptare ...
Nje ikje e pa pritshme dhe kaq e shpejt e Poetit Ali Podrimja na la pa fjale!
U prefsh ne paqe Poeti yne i madhe...neper breza do lexohesh...e kurr nuk do harrohesh ....
Ngushllime Familjes... Farefisit.... Miqve ....dhe gjithe Shqiptareve

Ali Podrimja

NJË NATË NGA NETET PA GJUMË


Zgjohu Kosovë!Zgjohu nëna ime e dashur,
balli dhe emri im i shkelur,
zgjohu,oj!A po e ndien vajin tim?
A po sheh si ti kam ngulur sytë
mu në zemer,mu në shpirt,
si t`i kam hedhur duart rreth belit
per të përqafuar unë, ashti yt?

[JacobGold]

Humbje e madhe, ngushellime familjes!

[fattlumi]

Nuk e meritoi nje vdekje te tille.

Ngushellime familjes dhe gjithe shqiptareve!

nga "Flaka e vjedhur"

Si e kafshoi gjarpri ?

e Luanit i tha : hesht !
Luani ra në gjunj para shpatës së tij

një mot thanë: kahmot s’kemi parë
një shafqje kaq të çuditshme në cirkun tonë

po vallë si e kafshoi gjarpri ?

në qytetin tonë tregojnë tash fëmijët
se Ai shkoi të sjellë flakën
që një ditë me shi ia vodhën njerëzit

e si e kafshoi gjarpri ?

Luanit i tha : hesht !
e Luani ra në gjunj para syve të tij t’errët

[illyrian rex]

Poezia që paralajmëroi vdekjen e Podrimes

Vdekja e Ali Podrimes duket një vdekje e paralajmëruar. Vargjet e fundit të tij të shkruara pak kohë para nisjes në Francë janë një meditim i thellë i poetit për jetën dhe vendlindjen e tij Kosovën. Në vargjet e fundit Ali Podrimja i thërret dhe djalit të tij që është ndarë prej kohësh nga jeta: “Ma jep besën, Lum Lumi, se nuk do të harrojmë vendlindjen”, shkruan portali “Shqiptarja”. Më poshtë po japim të plotë poezinë, të publikuar nga ky portal.


PARISI, VENDLINDJA

Do të hyjmë në Paris
gurin tonë aty do ta ngulim,
nuk do të na presë Teuta, Genti,
nuk do të na presë hordhi e egër romake,
nuk do të na presë njeri i gjallë.

Në Paris do të hyjmë;
ëndërrat do t'i varim në krahë të lejlekëve
te një krua do t'i lajmë sytë, duart lythore,
do t'i lëmë netët ballkanike pas shpine
vallet, këngët, baladat, përrallat,
vetëm fyellin do ta marrim
t'i biem kur të na rrokë malli,
kur humbim në grumbullin e klosharëve,
të hijeve,
të minjve,
deri vonë rrugëve të Parisit në metro marramenthi:
do t'i marrim erë ftoit të vendlindjes
për kohët pis do të flasim me gishta,
nuk do të shkelim asnjë mizë,
nuk do të trembim asnjë zog,
nuk do të derdhim zjarr, vrer,
mbi kokë të njeriut,
Evropës së përgjumur s'do t'i përulemi
as perëndive të krisura.
Ma jep besën, Lum Lumi,
se nuk do të harrojmë vendlindjen.

http://www.telegrafi.com/lajme/poezi...s-2-23872.html

[illyrian rex]

ASHAK: “Kosova është gjaku im që nuk falet”, e tha vetëm Podrimja

Akademia e Shkencave dhe e Arteve të Kosovës (ASHAK) i ka dërguar telegram ngushëllimi familjes së poetit të ndjerë, Ali Podrimja, i cili njëherësh ishte edhe anëtar i Akademisë së Shkencave dhe Arteve të Kosovës.

“Me tronditje të thellë e morëm lajmin për vdekjen e parakohshme të poetit emblematik të letërsisë shqipe, akademikut Ali Podrimja”, thuhet në telegramin ASHAK-ut.

Më tutje theksohet se “vdekja e tij është humbje e madhe për familjen, për të gjithë miqtë e tij të shumtë, për lexuesit që e çmuan dhe e donin, për Akademinë dhe për të gjitha institucionet e Kosovës, për kulturën dhe letërsinë shqiptare”.

Në telegramin e ASHAK-ut theksohet se vargu i tij “Kosova është gjaku im që nuk falet”, e thotë atë që nuk e tha askush tjetër, por popullin dhe vendin e tij.

“Poezia e poetit Podrimja për më shumë se gjysmë shekulli ishte zëri identitar i Kosovës, zëri që artikuloi dhembjen dhe shpresat e Kosovës , idealet dhe synimet e saj”, thuhet, pos tjerash, në telegramin e ASHAK-ut, me rastin e vdekjes së poetit Ali Podrimja. /Telegrafi/