Gjendet trupi i pajetë i poetit Ali Podrimja

[illyrian rex]

Berisha: Shqiptarët humbën poetin më të madh

Me pikëllim të thellë e dhembje të madhe, në Shqipëri është marrë lajmi për vdekjen e poetit Ali Podrimja. Presidenti i Republikës së Shqipërisë, Bamir Topi dhe kryeministri Sali Berisha i kanë shprehur sot ngushëllimet për ndarjen e parakohshme nga jeta të poetit të shquar kosovar, Ali Podrimja. Berisha e ka cilësuar Podrimen princ të poezisë së letrave shqipe, personalitetit të shquar e mendjendritur të kombit tonë.

“Largimi i parakohshëm nga kjo jetë i poetit të shquar nga Gjakova, i artistit me shpirt të ndjeshëm, i cili për dekada me radhë lartësoi me poezinë e tij të mbushur me simbole dhe metafora të pakrahasueshme, ndjenjat më të pastra atdhetare e liridashëse në Kosovë, na ka hidhëruar pamasë të gjithëve. Në kujtesën e të gjithë lexuesve dhe artdashësve shqiptarë, kudo që ndodhen, Ali Podrimja do të mbetet përherë i skalitur me talentin e tij të arrirë artistik, me teknikën e admirueshme poetike si dhe me profilin e veçantë dhe plot virtyte të rralla njerëzore, duke frymëzuar kështu breza të tërë poetësh e shkrimtarësh në të gjitha trojet e banuara prej shqiptarëve”.

“Duke ju përcjellë ngushëllimet më të sinqerta, më lejoni të ndaj me ju dhimbjen në këtë momente të trishtuara si dhe të shpreh njëkohësisht edhe vlerësimin e lartë personal dhe institucional për jetën dhe veprën artistike me përmasa e ndikim kombëtar të Aliut tuaj të dashur!” – theksohet në mesazhin e kreut të shtetit shqiptar.
Kryeministri Berisha, në një mesazh ngushëllimi drejtuar Kryeministrit të Kosovës, Hashim Thaçi dhe familjes së të ndjerit, poetit Ali Podrimja, shkruan se “lajmi tragjik dhe shokues i ndarjes nga jeta i njeriut tuaj më të dashur, princit të poezisë së letrave shqipe, personalitetit të shquar e mendjendritur të kombit tonë, atdhetarit të flakët, Ali Podrimja, ka sjellë dhimbje në mbarë zemrat e shqiptarëve”.

“Me ndarjen nga jeta të Ali Podrimes shqiptaret humbën poetin e tyre më të madh të kohës së sotme, këngëtarin e dhimbjeve dhe vuajtjeve të tyre të mëdha, por dhe të qëndresës së tyre legjendare. Mendimi dhe bota intelektuale shqiptare humbën intelektualin luftëtar të pamposhtur të lirisë dhe dinjitetit njerëzor dhe kombëtar”, thekson Kryeministri Berisha në këtë mesazh ngushëllimi.

Berisha shprehet se “zoti e deshi që Ali Podrimja të ndahet nga ne në Paris nga ku u nis për në Parajsë për të gjetur dhe për t'u bashkuar aty me Lumin, djalin e tij të dashur, duke na lënë si trashëgim të pavdekshëm kryeveprat e tij, elegjitë e dhimbjes së madhe njerëzore, lirikat e gurta, apoteozën dhe hymnet e qëndresës së pashembullt që do shndrisin përjetë në kurorën e letrave tona”.

“Ai la për ne krenarinë që patëm një mik, një shok, një vëlla, prind e bashkëshort, një korife të poezisë dhe letrave tona si Ai”, thekson kryeministri Berisha.
Ndërkohë kryetari socialist Edi Rama shkruan në Tëitter: “Çfarë trishtimi fundi i Ali Podrimes! Kujtoj netët e gjata në studion e Gjelosh Gjokes plot poezi, pasion artistik e atdhetar dhe hajgare!..”.

Edhe ministri i Turizmit, Kulturës, Rinisë dhe Sporteve të Shqipërisë, Aldo Bumçi i shpreh ngushëllimet familjes së poetit Ali Podrimja, për ndarjen në mënyrë tragjike nga jeta të këtij poeti të madh. /Telegrafi/

[illyrian rex]

Jahjaga: Vdekja e poetit Podrimja, humbje për Kosovën

Presidentja e Republikës së Kosovës, Atifete Jahjaga i dërgoi një telegram ngushëllimi familjes Podrimja, me rastin e ndarjes nga jeta të më të dashurit të tyre, poetit kosovar me përmasa ndërkombëtare, Ali Podrimja.

“E morëm me dhimbje të thellë e trishtim lajmin për ndarje nga jeta të më të dashurit tuaj, poetit e intelektualit të madh, Ali Podrimja”, thuhet në telegramin e Presidentes.

Në telegram më tej thuhet se “humbja e Ali Podrimjes nuk është humbje vetëm për familjen, të afërmit e miqtë. Është humbje e madhe për të gjithë qytetarët e Kosovës, për kulturën, për artin, për Kosovën në përgjithësi”.

“Poeti e intelektuali i madh Ali Podrimja, me fjalët dhe veprat e tij, kaloi shumë herët kufijtë e Kosovës dhe u bë i njohur në rrethe shumë më të gjera të artit dhe të kulturës, duke e afruar Kosovën me botën.

Vepra e madhe e Ali Podrimjes do të jetojë ndër mote, duke ruajtur kujtimin për të dhe duke shërbyer si frymëzim e motivim për brezat e rinj të poetëve dhe intelektualëve të Kosovës”, thuhet në telegramin e Presidentes. /Telegrafi/

[illyrian rex]

Thaçi: Humbje e madhe për kulturën kombëtare

Kryeministri i Republikës së Kosovës, Hashim Thaçi ngushëllon kryesinë e Akademisë së Shkencave dhe Arteve të Kosovës dhe familjen Podrimja me rastin e vdekjes së poetit të shquar Ali Podrimja.

Vdekja e poetit Ali Podrimja është humbje e madhe për familjen, për kulturën kombëtare dhe Akademinë e Shkencave dhe Arteve të Kosovës, thuhet në telegramin e kryeministrit Thaçi.

“Ali Podrimja, një talent i rrallë dhe krijues i vlerave të përjetshme artistike, ka lënë gjurmë të thella dhe të pashlyeshme në kulturën tonë kombëtare...
Vdekja e tij shënon ndërprerjen e penës së vargjeve lirike të përkryera, por hap kapitullin e studimeve të parreshtura për krijimtarinë e tij gjigande”, thuhet në telegramin e Kryeministrit.

Në emër të Qeverisë së Republikës së Kosovës dhe në emrin e tij kryeministri i shpreh ngushëllimet më të sinqerta dhe më të thella për familjen Podrimja, për kolegët e tij akademikë, për shkrimtarët, studiuesit, miqtë dhe adhuruesit e poetit Ali Podrimja”, thuhet në telegramin e Kryeministrit. /Telegrafi/

[Nete]

Ngushllime familjes dhe gjithe shqiptareve per humbjen e ketij poeti te madh,vargjet e tij do te jetojne gjithmone!U preht ne paqe shpirti i tij

[illyrian rex]

TOPI, MESAZH ME RASTIN E VDEKJES SË POETIT ALI PODRIMJA

Nëpërmjet një mesazhi të bërë publik, Presidenti i Republikës së Shqipërisë, Bamir Topi shprehu sot ngushëllimet për ndarjen në mënyrë të parakohshme nga jeta në Francë të poetit të shquar kosovar, Ali Podrimja.

“Të nderuar familjarë të të ndjerit Ali Podrimja! Në këto çaste të rënda për ju, më lejoni t'ju shpreh dhimbjen dhe hidhërimin për ndarjen nga jeta njeriut tuaj të shtrenjtë!”, thuhet në mesazhin e ngushëllimit.

“Largimi i parakohshëm nga kjo jetë i poetit të shquar nga Gjakova, i artistit me shpirt të ndjeshëm, i cili për dekada me radhë lartësoi me poezinë e tij të mbushur me simbole dhe metafora të pakrahasueshme, ndjenjat më të pastra atdhetare e liridashëse në Kosovë, na ka hidhëruar pamasë të gjithëve. Në kujtesën e të gjithë lexuesve dhe artdashësve shqiptarë, kudo që ndodhen, Ali Podrimja do të mbetet përherë i skalitur me talentin e tij të arrirë artistik, me teknikën e admirueshme poetike si dhe me profilin e veçantë dhe plot virtyte të rralla njerëzore, duke frymëzuar kështu breza të tërë poetësh e shkrimtarësh në të gjitha trojet e banuara prej shqiptarëve”.

“Duke ju përcjellë ngushëllimet më të sinqerta, më lejoni të ndaj me ju dhimbjen në këtë momente të trishtuara si dhe të shpreh njëkohësisht edhe vlerësimin e lartë personal dhe institucional për jetën dhe veprën artistike me përmasa e ndikim kombëtar të Aliut tuaj të dashur!” – theksohet në mesazhin e kreut të shtetit shqiptar.Express/

[projekti21_dk]

Ali Podrimja

Kush do ta vrasë ujkun

Dhe lëtini tha

Po që se takon
Arbëreshin dhe Ujkun
Vraje Arbëreshin

Dhe kur fjala i ra në vesh
Arbëreshi buzëqeshi
Dhe drodhi një cigare

Po që se më vret mua more i gjorë
Kush do ta vrasë Ujkun?!

Mjer kopeja.

[EuroStar1]

Ali Podrimja

Kush do ta vrasë ujkun

Dhe lëtini tha

Po që se takon
Arbëreshin dhe Ujkun
Vraje Arbëreshin

Dhe kur fjala i ra në vesh
Arbëreshi buzëqeshi
Dhe drodhi një cigare

Po që se më vret mua more i gjorë
Kush do ta vrasë Ujkun?!

Mjer kopeja.

Nje nder me te pelqyerat e mija kjo projekt21

p.s

A eshte dhene me ndonje informacion se cili ishte shkaku i vdekjes, vendi, ku , si etj qe kan te bejn me ngjarjen

[Xhenet.M.S.]

U preht ne paq,ngushllime familjarve.
Ketu keni linkun e gjithe te ftuarve ne festivalin e poezis,ku mori pjes dhe i ndjeri.

http://www.voixdelamediterranee.com/...-international

Flaka e vjedhur

Si e kafshoi gjarpri ?

e Luanit i tha : hesht !
Luani ra në gjunj para shpatës së tij

një mot thanë: kahmot s’kemi parë
një shafqje kaq të çuditshme në cirkun tonë

po vallë si e kafshoi gjarpri ?

në qytetin tonë tregojnë tash fëmijët
se Ai shkoi të sjellë flakën
që një ditë me shi ia vodhën njerëzit

e si e kafshoi gjarpri ?

Luanit i tha : hesht !
e Luani ra në gjunj para syve të tij t’errët


***

La flamme volée

Comment le serpent l’a-t-il mordu ?

et il dit au Lion : tais-toi !
le Lion s’agenouilla devant ses crocs

alors les gens dirent : il y a longtemps qu’on n’a vu un
tel spectacle dans notre cirque

mais comment le serpent l’a-t-il mordu ?

dans notre ville les enfants racontent
qu’il est parti emmenant la flamme
qu’un jour de pluie les hommes lui volèrent

et comment le serpent l’a-t-il mordu ?

Au Lion il dit : tais-toi !
et le Lion s’agenouilla devant les yeux sombres

[Blizoo]

Zoti e qofte ne Parajse a n'Xhenet , se na knej kshtu i thojme kur vdek dikush .

[Besoja]

U prehtë në paqe!
Ngushëllime familjarëve të tij!