A do ta mari statusin Shqiperia ne muajin Tetor ?

[Ziti]

shqiperine duhet ta izolosh edhe nje here si ne kohen e dulles. nuk futesh ne evrope me te vjedhe, me te lype, me te mashtruar, me te mbyllur syte.

[EuroStar1]

Votohet me konsensus Reforma Zgjedhore, një nga 12 prioritetet e vendosura nga Bashkimi Evropian për Shqipërinë, në rrugën e saj drejt integrimit. Ligji për Kodin Zgjedhor mori 127 vota pro, dy kundër dhe tre abstenim.

"Puna e bërë për Reformën Zgjedhore ka qenë e gjithanshme dhe shumë e mirë", tha kryeparlamentarja Jozefina Topalli, në fjalën e saj.

Kryeministri Sali Berisha e konsideroi seancën e sotme plenare, si një ditë të veçante, pasi votohet me konsensus Reforma Zgjedhore, sipas tij, fryt i një pune shumë të mirë të ekspertëve.

"Ky ligj u jep përgjigje një seri problemesh të evidentuara në testimin e ligjit të mëparshëm, i cili ishte 100 për qind konsensual, por që në dy provat e mëdha, atë të zgjedhjeve të përgjithshme dhe zgjedhjeve lokale, u evidentuan problematika që duheshin adresuar për t'u përsosur", tha Berisha.

Sipas Kryeministrit, ky proces mund të ishte kryer edhe dy vite më parë, por gjithësesi ai vlerësoi edhe këtë moment për arritjen e këtij kompromisi, që sipas Berishës nuk ka të humbur.

Në fjalën e tij, Kryeministri ftoi opozitën që me këtë frymë kompromisi të votojë edhe për heqjen e imunitetit.

"Të ngrihemi në lartësinë e përgjegjësive tona dhe ta votojmë këtë ligj të rëndësishëm brenda muajit korrik. Parimi themelor për shoqërinë është parimi themelor për barazinë para ligjit", tha Berisha.

Ndërkohë Berisha iu drejtua edhe aleatit të tij në qeveri, Fatmir Mediu, duke i garantuar 'besnikërinë e tij të palëkundur".

Më herët bashkëkryetari i Partisë Socialiste për Reformën Zgjedhore Damian Gjiknuri u shpreh në emër të grupit se shteti duhet të luajë një rol neutral në procesin e zgjedhjeve.

"Nuk do të lejojmë abuzime. Kërkohet vullneti i të gjitha partive politike për zgjedhje të ndershme", tha Gjiknuri.

Kryetari i PBDNJ-it Vangjel Dule deklaroi votën e tij pro Kodit të ri Zgjedhor, në seancën plenare të së enjtes.

Dule theksoi se marrëveshje PD-PS për reformën zgjedhore është larg standardeve të zgjedhjeve të lira dhe të barabarta.

"Unë do të votoj pro Reformës Zgjedhore, por kujtoj se marrëveshja mes PD dhe PS për këtë çështje është një pakt mes palëve", u shpreh Dule.

Menjëherë pas tij ishte ministri i Mjedisit, kryetari i Partisë Republikane Fatmir Mediu, i cili ashtu sikurse pritej shprehu votën e tij kundër këtij Kodi, pasi saj tij nuk garanton barazinë e votës së cdo qytetari.

"Kjo Reformë Zgjedhore duhet të garantojë barazinë e votës, larg monopolit. Reforma Zgjedhore është cështja jonë, jo e ndërkombëtarëve ndaj duhet t'i japim vlerën që i takon", tha Mediu.

Nishani përshëndet konsensusin

Presidenti i zgjedhur i Republikës zoti Bujar Nishani përshëndet sinqerisht votimin nga Kuvendi i Shqipërisë dhe miratimin konsensual të Kodit të ri të Zgjedhjeve.

Me ane te nje deklarate presidenti i ri thote se ky akt i përgjegjshmërisë dhe pjekurisë së klasës politike, si produkt i frymës së bashkëpunimit konsensual parlamentar është një garanci e shtuar në shërbim të një prej proceseve themelore të demokracisë funksionale, që janë zgjedhjet e lira dhe të ndershme.

Presidenti i zgjedhur i Republikës shpreh besimin e tij të plotë për vijimin dhe konsolidimin e kësaj fryme mirëbesimi dhe bashkëpunimi midis maxhorancës dhe opozitës dhe në çështje të tjera të rëndësishme të reformave të kërkuara.

Trojka: Vijoni me reformat

Trojka e ambasadorëve ka përshëndetur votimin me konsensus të Reformës Zgjedhore. Tre ambasadorët, ai i SHBA-së Aleksandër Arvizu, i BE-së Ettore Sequi dhe i OSBE-së Eugen Wollfarth kanë theksuar se i njëjti vullnet politik duhet të vijojë edhe për dy çështjet e tjera si reforma parlamentare dhe heqja e imunitetit.

Në një prononcim për mediat menjëherë pasi Kuvendi miratoi me konsensus ndryshimet në kodin zgjedhor, ambasadori Arvizu u shpreh i suprizuar pasi nuk e priste. “Kur flasim për mungesën e besimit është fakt i trishtueshëm, por do jem i sinqertë me ju, nuk e kisha menduar se do e miratonin reformën zgjedhore. Hapi tjetër në Kuvend të jetë heqja e imuniteteve. Palët duhet të jenë nën një zë për heqjen e imunitetit” deklaroi Arvizu.

Ndërsa ambasadori i BE-së Ettore Sequi përgëzoi të dyja palët për përfundimin e reformës zgjedhore duke theksuar se miratimi i kodit është një hap përpara drejt integrimit. Ai gjithashtu ka theksuar se si heqja e imunitetit ashtu edhe reforma parlamentare janë dy çështje me rëndësi për integrimin e vendit në Bashkimin Europian.

Gjithashtu edhe Kryetari i Prezencës së OSBE-së mirëpret miratimin nga Kuvendi të Kodit të Ri Zgjedhor të Shqipërisë dhe bën thirrje për trajtimin e çështjes së imunitetit

"Miratimi i Kodit të ri Zgjedhor pas një procesi gjithëpërfshirës negociatash, përbën një hap të madh për Shqipërinë drejt demokratizimit të mëtejshëm të vendit", tha Wollfarth.

[EuroStar1]

Paradokset nuk ndalen. Kryeministri Sali Berisha deklaroi vetëm tri ditë më parë, se siç ka fituar zgjedhjet në vitin 2005 dhe 2009 me premtimin për luftë ndaj korrupsionit, do të bëjë të njëjtën gjë edhe në vitin 2013. Një deklaratë që e injoron krejtësisht perceptimin popullor dhe raportet ndërkombëtare, të cilat konstatojnë se korrupsioni mbetet një problem veçanërisht shqetësues dhe se kërkohet shumë angazhim për ta luftuar.

Heqja e imuniteteve kushtetuese duket se synon mbi të gjitha krijimin e klimës për të vënë komunitetin ndërkombëtar para “detyrave të plotësuara”, që do të çonin në dhënien e statusit kandidat në vjeshtën e ardhshme.

Me qëndrimet e tyre publike, ambasadorët e akredituar në Tiranë kanë lënë të kuptohet se preferojnë të mbyllin sytë para imunitetit politik faktik që të jep Kryeministri. Duke i mëshuar vetëm idesë së heqjes së imunitetit kushtetues, duket se më së shumti ata kërkojnë një proces ligjor, për të cilin të marrin meritat se negociuan dhe ndërmjetësuan me sukses mes palëve. Ngjan se nuk duan ta kuptojnë se do duhet të kishin nisur presionin së pari tek eliminimi i imunitetit faktik të shumicës dhe më pas tek ai ligjor i Kushtetutës.

Më tutje se kaq, heqja e imuniteteve që zyrtarëve u jep Kushtetuta nuk do të mund të jetë efektive për aq kohë sa të ekzistojë vullneti për të imunizuar në mënyrë ekstraligjore politikanët e akuzuar nga drejtësia. Me një gjyqësor të varur dhe të ndikueshëm nga mazhorancat qeverisëse, gjithnjë imuniteti faktik do të triumfojë përtej imunitetit të Kushtetutës. Përdorja e heqjes së imunitetit si një kalë i ri beteje për luftën antikorrupsion është një tentativë e dështuar që në nisje, pasi kali në këtë rast është i ngordhur.

Gazeta "Shqip"

[mint]

edhe kjo bela na duhet ne si shqiptar .e shtypte treni ate politikan qe ben kerkes per antarsim ne BE