TIRANE- Patatet e gatshme, të ngrira në qese, ë përdoren nëpër fast-food-et e Tiranës kanë rezultuar me ngarkesë të lartë bakteriale. Kontrolli është bërë në muajin maj në 200 subjekte që tregtojnë ushqim të shpejtë nga drejtoria e Higjienës së kryeqytetit dhe patatet kanë rezultuar me myk e stafilokok, një mikrob jo vetëm i rrezikshëm për shëndetin e njeriut, por madje edhe rezistent ndaj antibiotikëve.
“Në fast fond-et që ne kontrolluam dhe u bëmë analizat doli që lënda e parë që i furnizonte ishte me ngarkesë të lartë bakteriale. U bë gjithë hetimi ynë epidemiologjik nga rezultoi se infeksioni vinte nga patatet që prodhoheshin në kushte jo standarde. Në patatet e ngrira në qese u gjet një ngarkesë e lartë bakteriale siç është e.coli apo stafilokoku që padiskutim pastaj bëhen shkak për çregullime gastro-intesinale, por edhe për sëmundje të tjera që ndonjëherë kanë të bëjnë me shpërthime epidemike.
Është bërë ndërhyrja jonë e menjëhershme për bllokimin e të gjithë kësaj sasie të patates”, - ka shpjeguar Mhill Gecaj, kreu i drejtorisë së Shëndetit Publik për Tiranën. Drejtuesit e Shëndetit Publik kanë kërkuar ndërhyrjen e Autoritetit Kombëtar të Ushqimit për të mos licencuar të tilla produkte pa kaluar më parë në analiza laboratorike. Vaji i përdorur në fast food-e është gjithashtu një tjetër problem, pasi ai ciklohet me dhjetëra herë, ndërkohë qe masa e lejuar është jo më shumë se tre here. Sipas specialisteve, përdorimi tej normave i vajit i shton atij përmbajtjen kancerogjene.
(ek/sg/shqiptarja.com)
Përgjigju Duke Cituar
Krijoni Kontakt