Dosja e korrupsionit ne sistemin e arsimit shqiptar

[Vasien]

UNE BESOJ SE TE GJITHVE JU JU KA NDODHUR QE TE SHKONI TE BENI KURS ME MESUESIN E LENDES P.SH MATEMATIKE ,FIZIKE ETJ.
KJO PER MUA NDODH SEPSE NE NE ATE LENDE NUK MUND TE JEMI AQ TE ZOTE SE TEK LENDET E TJERA DHE KJO NA DETYRAN QE TE SHKOJME TE BEJME KURS ME MUSUESIN E LENDES DHE QE TE NE VEJE NJE NOTE KALUESE.
POR KORUPTIMI I MESUESVE NUK NDODH VETEM PER KETE SHKAK POR KA DHE SHUME TE TJERE SI P.SH MUSUSESI TE DETYRON DHE TE THOTE JE I NGLELUR NE LENDEN TIME DHE TI DETYROHESH QE TE SHKOSH DHE TE BESH KURS ME TE POR KJO NDODH SIPAS MEJE SEPSE TE GJITHE MESUESIT E KANE ROGEN SHUME TE ULET DHE PER TE FITUAR PARA BEJNE KURSE.
UNE KTE TEME E HAPA QE TE GJITHE JU TE JEPNI MENDIMIN TUAJ PER KETE TEME DHE BESOJ SE ESHTE INTERESANTE.


TE BISEDOJME:

[x-boy]

Ne kete dite qe ka ardhur sot nuk mund te kesh as edhe nje sherbim nese nuk e paguan. Dhe keshtu varferia dhe nevoja per jetese te detyron te veprosh me cdo menyre eshte e mundur qe te kesh te ardhura. pervec ketyre ekziston dhe problemi i mospagimit nga te gjiiiiithe elementet shoqerore.
Gjerat ose korrupsioni jane te hapura-dukura por kur nuk merr masat ai qe duhet nuk ka per tu bere asgje. E c'zgjidhje te na japin ata qe jane vendosur ne pushtet kur s'kane kohe per pune, sepse kane edhe per te rrjepur popullin. Pastaj me qe erdhi rasti nga ti'a nisesh qe ta bitisesh.

Kurajo!!!

[Bledi05]

Pershendetje te gjitheve ne veçanti iniziatorit te kesaj teme!
Une per mendimin tim them se ekzistojne disa faktor te cilet çojne ne korrupsion, nder te tjera po mundohem te permend disa:
1. Kur eshte "i ati" i korruptuar, zor te dale i "biri" jo i tille.
2. "Dhent" nuk kane çoban per kete bejne çte duan.
3. Bashkangjitem me mendimin tuaj se e kane rrogen e ulet.
4. Gjithashtu varet se çfare njeriut eshte, çfare karakterit ka.
Por nje gje po ju them te gjithe mesuesve se te kene kujdes kur te ju hasin sharra ne goshde se prishet.
Tani do ju tregoj nje shembull i cili i nodhi nje miku tim te afert: Me 11 Shkurt 2004 profesori i fizikes mbeti vetem me nxenesin te cilit i duhej vetem 0.5 pike per te kaluar, edhe megjithese nxenesi i tregoj te vertenten per te gjitha rrethanat te cilat e kane çuar ne ate gjendje edhe megjithese nxenesi i propozoi disa variante* per tia dhene ate gjysme pike dhe per ta kaluar, mesuesi nuk pranoi ne asnjefare menyre. Tani rrezultatet nxirrni vete dhe thoni se çfare mesuesi eshte.
Ju uroj gjithe te mirat dhe e kalofshi mire.
Bledi Padova Itali.

[fiso]

Per mendimin tim mesuesat qe korruptohen nuk kane pike dinjiteti e skane aspak karakter.Nuk eshte rroga e vetmja arsye qe te detyrojne per te bere kurs pasi ajo rroge te del boll per te jetuar por eshte paftyrsia qe kerkon te beje pasuri me paret e nxensve.

Te besh pasuri me paret e nxenesve eshte nje krim.

[agiimi]

Ti brari po mundohesh qe ta permisosh dike ne bised , e ti nuk e din qe se pari duhesh ta permisosh veten, (pe Korce )

Ndersa sa ju perket mesuesve te koruptuar qe jan ne arsim , nuk po e dije se ku po i gjen keta ky BRARI , asnje profesor nuk te detyron qe te shkojsh tek aje qe ta ndjekesh kursin e tinaj , kjo eshte me vullnet te nxenesit ne qofte se don ta pervetesoj ate lend me shum , qofte se nuk e ka pervetesuar ate ne oret mesimore ku i ka pasur pa pages atehere nese don letepaguaj per keete .
Dhe nuk eshte ky faji i profesorave qe nuk e pervetsojn nxenesit kete gjat oreve mesimore qe i kan pas ne shkoll , pra ju lutem mos i komplikoni gjerat.
pershendetje

[gene]

Ne elbasan nxenesit bene kallezim penal per nje profesorin e tyre i cili "ne mes te dites" dergonte ndermjetesit te kerkonin 5000 leke per te kaluar

mjek dhe profesor e shitet kaq thjesht

po sikur ai te kete nje dite ne dore jeten e dikujt qe une kam inat, per sa para do t'a lere te vdese??????????????

Nese pagesa e profesorit nuk te pelqen hap rrugen se ka te tjere sa te duash qe do te ishin mjaft te kenaqur te kishin nje mundesi te tille.

demi eshte teper i madh per te ardhmen e vendit
Me mire me pak te diplomuar por me nje diplome qe vlen dicka sesa shume qe kalojne "me shkelma"
me mire pak e sakte se shume e per lume

[çapkeni]

O NJEREZ NUK E KUPTONI QE NE SHQIPERI KORRUPSIONI KA PUSHTUAR TE GJITHE ADMINISTRATEN SHTETERORE
NUK JANE VETEM MESUESIT POR DHE POLICET, DOKTORET, DERI TE FUNKSIONARET E LARTE TE SHTETIT
Jeni shume miopa dhe te pandergjegjshem qe shani mesuesit sepse nuk e kuptoni qe shqiperine e ka pushtuar varferia
dhe ketu nuk behet fjale per vlera morale por per kushtet e veshtira qe po kalon vendi yne
LE TE SHAJE DHE TE OFENDOJ VETEM AI QE NE FAMILJEN E TIJE NUK KA KORRUPTUAR OSE PERFITUAR NGA KJO SITUATE KAOTIKE E VENDIT TONE
Jam i sigurt qe asnjeri nga ju nuk e ka ndergjegjen e kulluar
MOS FLISNI PER GJERA QE QENDROJNE MBI JU
pershendetje o njerez te vobekte

[gene]

nga t'a kapesh kete postim capkeno?!

po perpiqem

1- nga kaosi kumbasin te gjithe e perfitojne vetem ata pak vete qe kane pushtetin te ruajne interesat e tyre

2- nuk eshte kusht i nevojshem "virgjeria" e familjes per te kritikuar korrupsionin ne arsimdhenie ... (nuk po flasim per krishtin e biblen ketu) megjithate mendoj se ka plot shqipetare qe jane krejtesisht te pakorruptuar qe meritojne te kerkojne DREJTESI - THEKSOJ SE KY NUK ESHTE NJE KUSHT I NEVOJSHEM PER TE DHENE MENDIM.

3- fakti qe policet jane te korruptuar nuk justifikon aspak korrupsionin e mesuesve (dhe te askujt tjeter) dhe anasjelltas

4- Profesoret po EDUKOJNE brezin e ri shqipetar dhe ne kete aspekt jane shume me teper fajtor se te tjeret sepse po SHKATERROJNE PERFUNDIMISHT cdo shprese ne te ardhmen e vendit (po i edukojne studentet ne korrupsion).

5- Vertet nuk di nga t'a kap diskutimin tend - eshte si te perpiqem t'i pergjigjem nje pyetje te tipit - PSE MACJA I BEN VEZET NATEN??????

Mbase duhet te perpiqesh te ndryshosh pak menyren e koncpetimit te jetes shoqerore.
Une lexova VETEM kete shkrim tendin dhe nuk besoj qe gjithe te tjeret te jene ne te njejten fryme.

Cdo i korrupuar eshte shume fajtor dhe mban pergjegjesi (morale e ligjore) per ate qe ben - pavaresisht nese te tjere bejne te njejten gje apo jo
Profesoret nuk kane as "justifikimin" e injorances

Pershendetje edhe Ty

[Brari]

Krahas supervjedhjeve ne Kesh e Telekom plasi kto dite dhe skandali i Burgjeve ku jan vjedhur miliona e jane falcifikuar letrat e Shtetit nga militantet socialiste qe punojne ne sistemin e drejtesise e qe prej kesaj qindra kriminele vrases te njohur jane liruar nga birucat e shetisin te lire rrugeve te Atdhut.. sipas kenges..rruget eatdheut me therrasin..
Mjer populli..
Ja dhe ne Arsim doli tani vepra e Memushit ..Scarit te filmit Lijon king..lol.



gazeta shekulli shkruan:

-------

Vetëm në një vit. Pa folur këtu për dëmet nga skualifikimet e padrejta, mungesat e datave, të njoftimeve apo lidhjet e kontratave para shpalljes së fituesit

Vjedhja në arsim, 600 milionë


Elda Spaho

Fillojnë me ato që s’ta mbushin syrin (abuzime njëqindmijë apo dyqindmijë lekëshe) dhe përfundojnë në shuma marramendëse. Siç ishin rastet e rikonstruksionit të Universitetit “Fan Noli” në Korçë apo shkollës së mesme tregtare në Vlorë. Të fituara nga e njëjta firmë, secili prej këtyre dy tenderave i shkaktuan buxhetit të vjetshëm shqiptar, as më shumë e as më pak, humbje prej më shumë se 100 milionë lekësh të vjetra. Të tilla shkelje, bërë nga Ministria e Arsimit gjatë tenderimeve të vitit të kaluar, u gjetën me dhjetëra në një projektraport sekret të Kontrollit të Lartë të Shtetit. I bërë gati jo për t’u publikuar, por për t’iu dërguar vetëm zyrtarëve më të lartë të shtetit, ky dokument për fat të mirë ra edhe në duart e “Shekulli”-t. Dhe gjeti vend në faqet e tij për 10 ditë. Ishte një dosje tejet interesante, por njëkohësisht trishtuese kjo e KLSH-së, që dëshmonte për shkelje nga më të paimagjinueshmet, të bëra vitin e kaluar nga institucioni shqiptar i dijes.

***
Të parat ishin shkollat. Viti i kaluar ka qenë i mbushur me rikonstruksione dhe ndërtime, por kujt i shkonte në mendje se rreth 600 milionë lekë të vjetra, të hequra mënjanë nga buxheti i shtetit për to, do të humbisnin? Një shifër e madhe, që të alarmon edhe më shumë kur kujton se u humb në jo më shumë se 21 tendera. Në Tiranë, në Korçë, në Shkodër, Durrës e Vlorë deri në fshatrat më të humbura të Shqipërisë, në Rajcë të Librazhdit, Braçanj të Devollit etj., këto para u shpërdoruan gjithandej, pa kufi. Në forma nga më të ndryshmet, ku më flagrantet, sipas KLSh-së kanë qenë korrigjimet e gabuara të vetë komisionit të vlerësimit të ofertave në Ministrinë e Arsimit dhe Shkencës, anëtarët e të cilit kanë rritur me dhjetëra e disa qindra milionë ofertat. Listës së shkeljeve i shtohen llogaritjet e gabuara të njësisë së prokurimit në preventivat e paraqitura në tender, ndryshimet e çmimeve, të bëra me korrektor, si nëpër fletore të zakonshme nxënësish. Buxheti i shtetit ka humbur dhjetëra milionë më shumë për rikonstruksionin e shkollave edhe për shkak të skualifikimeve të padrejta të konkurrentëve, të cilët kërkonin më pak para për të kryer punimet. Në një nga rastet më tipike, tenderit të shkollës së mesme tregtare në Vlorë, njëri nga konkurrentët, “Derveni” është skualifikuar nga komisioni i vlerësimit në Ministrinë e Arsimit, vetëm sepse i mungonte grafiku i punimeve. Ky konkurrent ofronte disa milionë lekë më pak për të bërë punimet, por komisioni ka shpallur fituese një firmë tjetër, e cila gjithashtu kishte diçka mangut në dokumentacion: i mungonte akti i kolaudimit. Raste të tilla u publikuan plot gjatë dy javëve të fundit në faqet e ‘Shekullit’.

***
Pas shkollave, tenderat e librave. Të përfolur dhe të lakmuar, të dyshuar dhe njëkohësisht të dëshiruar fort prej botuesve shqiptarë, këta tendera do të vazhdojnë të jenë edhe për dy vjet të paktën, pronë e Ministrisë së Arsimit. E cila, sipas KLSh-së, vitin e kaluar i ka zhvilluar disa prej tyre sa për sy e faqe (“fiktivisht” ishte fjala e përdorur në raport). ‘Shekulli’ kujton këtu edhe njëherë tenderin për shtypjen dhe shpërndarjen e fletëve dhe fletoreve të punës për arsimin 8-vjeçar, vitin e kaluar. Kontrata me fituesin ishte lidhur dhe firmosur nga drejtoresha e drejtorisë ekonomike në Ministrinë e Arsimit, një javë para se fituesi të shpallej zyrtarisht, me udhëzim të ministrit. “Formulari i kontratës dhe kontrata janë nënshkruar nga Eneida Hoxha me detyrë drejtore e drejtorisë ekonomike, në datën 10.06.2003. Kjo tregon se kontrata është nënshkruar 7 ditë më përpara se të shpallet konkurrenti fitues nga titullari i entit prokurues”, thuhet fjalë për fjalë në projektraport.




24/05/2004


----------



Koment..

Une i besoj keto hatara te qeverisjes socialiste edhe nisur thjesht nga nje fakt qe sillte ketu ne Forum nje djal i mire nga Tepelena.
Ai tregonte per nipin e Luan Memushit i cili edhe pse therri me thike dhe e la te vdekur nje gjimnazist te urte.. te Shkolles Asim Zeneli .. vazhdon bredh i lire sokaqeve te tepelen Memaliajt..ne sherbim te Partise se Memush-Gjolek rucave..
Ka nje lidhje genetike mes hajdutve socialiste e Krimineleve..
Ata jane NJÊ..
Kur do shpetoje Vlore Tepelena nga Diktatura bolshevike hajdute qe ata vete e votojne tash 60 vjet?

Ca kokrra hajdutesh nga tepelen-Vlora qe jane bere Bosa hotel-Bordellosh me ndihme te Ruc Malajve.. ne Breg det e Tirane e Durres e kudo.. nuk kane si te jene ASPIRATA e Realizuar e nje populli te tere fisnik..

Hotel bordellot e ca tepeleno-Vlonjatve te lidhur me Malo Ruc Gjoleken e 97-tes.. nuk e shpetojne nga varferia krahinen e Vjos Shushices.. ato vec perlyejne nje popull te tere qe duke bere sehir e duke votuar per banditet me Benza.. felliq vetvehten pergjithmone..

[Brari]

shekulli

----
Letër z. Fatos Nano


Ardian Klosi

I nderuar zoti kryeministër

Më falni që ju marr pak kohë, por në mungesë të ministrit tuaj të Arsimit detyrohem t’ju drejtohem juve.
Pyetja ime është e thjeshtë: Është aty ministri i Arsimit të RSH, zoti Luan Memushi? E keni gjë ju midis Jush? Sepse ne midis nesh nuk e kemi: u bë kaq kohë që si gazetarë e bashkëpunëtorë të jashtëm të “Shekullit” e kërkojmë dhe s’e gjejmë. Bëj pyetje, shkruaj artikuj, prit përgjigje për skandalet e ministrisë së tij. Ai hiç. Boto dokumenta, fakte, opinione. Ai po hiç.
Në të vërtetë më pati lindur një dyshim se ministri juaj i Arsimit Memushi nuk ekziston qysh nja dy vjet më parë, kur i pata bërë zotërisë në fjalë disa letra të hapura për punë tekste shkollash. Kërkova edhe me Goggle e Yahoo. There is no minister with such a name. Es gibt ihn nicht. Il n’y’a pas un Luan. Il ministro non c’è. O Memushi dhen iparqi. Pasi e thërrita në disa gjuhë, si e kërkova në faqe gazetash, studio televizive, konferenca dhe në eter, hoqa dorë nga epistolari im, sepse u binda që ishte më e udhës t’ia drejtoja murit ankesat për tekstet e historisë e të letërsisë që marrin në duar vocërrakët shqiptarë sesa mosgjësë. Muri e bën së paku një zhurmë kur ti përplas pas tij në zemërim e sipër bie fjala, “Historinë 5”, kurse ministri i Arsimit të RSH nuk nxirrte asnjë zhurmë. Fëmija vajtonin se nuk donin të mësonin histori me luftë dhe vjersha skematike, ai nuk pipëtinte. Kështu e mblodha se personi që shfaqej në kronika lajmesh me maskë dhe parrukë nuk ishte i vërtetë, se mbrapa trajtave të rrumbullta flegmatike nuk fshihej asgjë, ose fshihej vetëm një klan i caktuar jugor i Partisë Socialiste. E ngaqë nuk më jepet shumë për parapsikologji dhe komunikim me shpirtra pa mish, hoqa dorë nga identifikime të mëtejshme dhe e shpërndava trishtimin tim në biseda me miq.
Këto ditë, duke ndjekur shkrimet e përditshme të “Shekullit” për tenderat e Mashës (mezi e kuptova që prapa kësaj mashe misterioze fshihej Ministria e Arsimit Shqiptar), dyshimi im për mosekzistencën e ministrit të Mashës u kthye në bindje. Javë të tëra pa asnjë reagim, miliona që ulërinin se ishin vjedhur, heshtje. Tek bleja gazetën përditë, shpresoja se më në fund do të vinte shpjegimi: jo, asgjë: “Krushqit mbeten të ngrirë”, si në novelën e Kadaresë. Ose, thashë, ka pësuar ndonjë paralizë mendore nga shoku dhe, pas do kohe, do të shpërthejë (i ndodhi dikur në vitet ’70 një aktori të Teatrit Popullor: tek qeshte me të madhe pësoi paralizë faciale, e pas disa ditësh kurim, u çlirua dhe mbaroi të qeshurën në shtratin e spitalit: hehehe). Nishta.
Mbetej edhe një mundësi: “Shekulli” ndodh që të ketë ndonjë prapamendim politik me këtë fushatë kundër z. Luan Memushi, thashë, faktet janë fryrë ndoshta, e dini si mund të manipulohen shifrat te ne, me dëm të munguar etj. Vajta atëherë të njihesha vetë me materialin e Kontrollit të Lartë të Shtetit për tenderat e Mashës.
E kam tani këtë dosje në dorë dhe mundohem të qesh, thërres në mëndje anekdota të viteve ’70 e ’80, flas me shpirtin e ministrit të Arsimit, i bëj të gjitha këto sepse nuk dua të qaj. Kolazhi që ka bërë KoLaSh-i për Mashën është një ulërimë e vërtetë. Dhe kam në duar vetëm një fragment, nga f. 86 në f. 130. Një fragment ku milionat e arkës së shtetit vrapojnë andej e këndej nga “Bregu” te “Avduli”, nga “Spartaku” te “Murati”, nga “Mobesi” te “Albesi”, në qese firmash që fryjnë preventiva, ndryshojnë sipërfaqe suvatimi duke i shumëzuar me 10, u pjell një tebeshir njëqind të tjerë, rendin milionat e çoroditur në xhepa pa astar, si e si t’u shpëtojnë godinave për nxënësit shqiptarë, konvikteve për studentët e mardhur, mencave për fëmijtë e uritur të provincës. Dëmi nga tenderi për Universitetin Fan Noli 11 milionë lekë, dëmi nga tenderi për Gjuhët e huaja, po në Korçë 12 milionë lekë, dëmi në rikonstruksionin e shkollës së muzikës në Elbasan 7,25 milionë lekë, dëmi nga shkolla tetëvjeçare Mark Lekaj Lezhë 6,7 milionë lekë, dëmi nga ndërtimi i shkollës “10 korriku” 3,9 milionë lekë, dëmi te qendra kulturore e fëmijëve Vlorë 1 milionë lekë e kështu pa fund, një grabitje sistematike e këtij shtetit tonë të varfër, një varfërim i pandalur i më të varfërve nxënës të kontinentit. Dhe, a e di lexuesi se Masha thith 22% të buxhetit të shtetit shqiptar? se konkretisht më 2004 ka pasur në dispozicion për ndërtim e rregullim shkollash, për blerje shkumësash dhe epruvetash, për prodhim e shpërndarje tekstesh 5 miliard e 348 milionë lekë? se nga kjo shumë 1, 75 miliardë jepen nga donatorët e huaj, ata që ende pandehin se ky shtet mendon për fëmijët dhe rininë e vet?
Personat në komisionet e vlerësimit të ofertave dhe në njësinë e prokurimit po ata, po ai kryetar, po ata juristë, pa dyshim njerëzit më të besuar të ministrit përderisa ai as i ndërron as i ndëshkon.
Mënyrat e të vjedhurit janë aq banale sa edhe shkrimtarët më skematikë të letërsisë më skematike policore do e qesëndisnin me përbuzje amatorizmin që karakterizon në çdo veprim anëtarët e komisioneve të tenderimit e prokurimit bashkë me firmat e tyre të preferuara. Futen, e zëmë (mënyra më e rëndomtë e grabitjes) si punime ndërtimi blerja e kaldajave, elektropompave dhe matësve të ndryshëm, duke vënë pastaj mbi to 10% taksë fitimi, 5% fond rezervë, 2% ngritje kantieri e gjithë shpikjet e tjera, sikur elektropompa të prodhohej me llaç, dhe sahati i elektrikut me kollë e tulla. Mashtrimi më i rëndomtë, është fshirja e shifrave fillestare me korrektor dhe shtimi i tyre më pas, pasi është caktuar fituesi i tenderit. Një tjetër mashtrim i shpeshtë është ngritja e shifrave të firmës që nuk duhet të fitojë. Anëtarët e komisionit duhet t’i përfytyroni të gjithë me nga një “Tip-ex” e me nga një furçë të vockël në xhep, tek kthehen në mbrëmje në ministri, hapin kasafortën dhe nisin nga pikturat e tyre të bardha mbi shifra, për të zezën e gjithë pjesëtarëve të sistemit tonë arsimor. Nganjëherë, kur u është mbaruar boja e bardhë, ose thjesht kanë përtuar të pikturojnë, u shtojnë shifrave të preventivit shifra të ndryshme. Kështu e zëmë janë shtuar zero, njësha, dysha virtualë. Në f. 95 të raportit lexojmë: “Për godinën e universitetit “Fan Noli” në Korçë... transport dherash me vlerë 248.000 lekë (620 m3 x 400) është bërë me vlerë 868.000 lekë (620 m3 x 1400); për shkollën “Gramëz” në Krujë, f. 112 çmimi i hekur betonit nga 65 lekë bëhet 165 lekë për kg; në f. 118 “Qendra kulturore e fëmijëve Vlorë”... suvatimi i jashtëm çmimi ka qenë 500 lekë dhe është bërë 1500 lekë, duke shtuar një 1 përpara, pra 760 m2 x 1500). Ose bëhen 0-t 6, 8 ose 9, meqë 0 është shifër e kollajtë për t’u spërdredhur, por edhe 1-shat bëhen kollaj 4 ose 7. Falsifikatorët janë aq të paturpshëm sa i bëjnë edhe 2-shat 4 dhe 5-t 9, sadoqë këto shifra ngjajnë me njëra-tjetrën aq pak sa ministri juaj Memushi me ministrin Ruka ose të tjerë paraardhës.
Si pastrojnë furçat e tyre mëkatare, i përfytyroj falsifikatorët tek zënë e ledhatojnë me to faqet e ministrit që s’është, se disi do ta shprehin edhe ata gëzimin për këtë Eldorado që u ka lënë të shijnë ministri juaj metafizik.
I dashur zoti kryeministër. Arsimi publik, bashkë me shëndetin publik dhe sistemin juridik janë fytyra e shtetit tuaj. Nga to do të gjykojnë punën tuaj: shënoni sa të doni suksese në diplomaci, integrim, qarkullim rrugor, njerëzit do të kërkojnë gjithmonë shëndetin për trupin dhe shkollën për mendjen, si dhe drejtësi që të funksionojnë dy të parat. Fytyra e arsimit tuaj aktualisht është për sa i takon titullarit, - të themi atë më të paktën - e mosqenë (pa fytyrë), ndërsa në nivelin që vjen menjëherë pas tij sipas raportit të fundit të KLSH është e korruptuar, grabitëse, shkapërderdhëse e miliardave të shtetit tonë varfanjak dhe të donatorëve të huaj. Sistemi juaj arsimor na detyron t’i çojmë fëmijët duke gërryer kursimet e fundit në institucione private, dhe i shtrëngon njëkohësisht këto të përdorin vetëm tekstet që miraton mediokriteti i tij.
Por këto, zoti kryeministër, janë probleme të thella e të koklavitura që nuk mund t’i përmbledhë një letër si kjo. Qëllimi i saj kryesor mbetet pyetja e fillimit: Është ministri juaj aty? (Dëgjoj si në vjershën e Arapit të Zi korin e antarëve të komisionit tenderues: Po po po). Apo ka ngrirë përjetësisht, krushku i tenderave dhe prokurimeve skandaloze? Në qoftë kështu, dikush duhet t’i dalë zot.
Ishte kjo një mënyrë paksa elegante për të mos folur në vetën e dytë, zoti kryeministër.

Me nderime

A. Klosi



nga shekulli