21 dhjetori 2012.Vertete do ndodhe Apokaipsi?

[NANDA]

VITI I RI 2012 DHE NJË BOTË E RE QË PO FILLON

Ashtu sikurse është karakteristikë kudo në botë, ditëve të fundit të vitit që po e lamë pas, hapësira jonë mediale ishte e dominuar me lajme nga konferencat përmbyllëse për shtyp të institucioneve shtetërore dhe udhëheqësve tanë të lartë politik. Duke u ngopur me lëvdatat e tyre shabllonistike dhe boshe për sukseset e arritura gjatë vitit, në fund, qeshesha ëmbël në vete dhe çdo herë spontanisht nga goja më dilte ajo pyetja e ime alegorike si shprehi: “Allahile, çka jeni në horoskop”?
Vërtet, ky gjest nga dikush mund të merret si një ves infantil fëmijëror, por ai për mua kishte një domethënie të prejardhjes. Gjithmonë kur në rrethin e shoqërisë sime të ngushtë, ndonjëri fillonte të teproj me krekosje dhe lëvdata për vete, për ta ndërprerë të vazhdoj më tej me këtë avaz, paralajmërimi i bëhej duke e pyetur me ndërhyrje: “Çka je bre ti në horoskop”?!. Kjo formë e shprehisë së ndërprerjes ndaj dikujt që flet dokrra, kohën e fundit më ishte instaluar si një ves i keq, andaj këtë mënyrë pak sa të pahijshme, e praktikoja edhe në vende dhe situata të tjera jo aq intime. Çuditërisht, me kohë, ky ves i reagimit të këtillë, nuk më shfaqej vetëm kur dikush ishte aty për aty prezent, por instinktivisht e thoja atë në vete edhe gjatë leximit të ndonjë artikulli në gazetë, apo, kur dëgjoja ndonjë lajm alla dokrra dhe kopalla në televizion.
Sipas një llogarie time të bërë si bilanc, këtë pyetje ironike në vete, gjatë vitit që po e lëmë pas, më së shumti ia kam bërë politikanëve tanë, dhe atë: Hashim Thaçit, Hajredin Kuqit, Edita Tahirit, Behxhet Pacollit, Mimoza Kusarit …
Sido që të jetë, jeta vazhdon! Fundviti para-festiv i ndarjes së dy mot-moteve nuk është vetëm rast i përshtatshëm për prezantimin e të arriturave njëvjeçare në një fushë apo sektor të caktuar, por edhe mundësi e parashikimit të aktiviteteve dhe ngjarjeve të ardhshme që mund të na ndodhin në vitin që po vjen. Dhe... sipas të gjitha gjasave, si në planin global, ashtu edhe shoqëroro-politik në vend, viti 2012, do të jetë një vit i bujshëm në çdo aspekt....

Apokalipsi 2012?!

Mbështetur një disa informata të përhapura më parë në publicistikën botërore, të cilat tek shumica e njerëzve me karakter supersticioz veç kanë shkaktuar frikë, panik dhe ankth të panevojshëm, se, 21 dhjetori 2012, do të jetë viti i apokalipsit të botës, kataklizëm kjo që mendohet se është parashikuar sipas një kalendari parathënës të vlerësuar si tejet të saktë të civilizimit të lashtë botëror - MAJA. E përmenda jo rastësisht këtë ngjarje, sepse, mu kjo besëtytni aq e përhapur si shqetësim kolektiv, mendoj se gjatë gjithë vitit 2012, detyrimisht do të jetë temë boshte e preokupimit edhe më të fuqishëm mediatik në tërë botën.
Në të vërtetë, civilizimi i hershëm MAJA, i cili ka ekzistuar që nga 500 p.e.s , ndërsa kulmimin e zhvillimit të vetë e ka arritur në vitet 250 - 900 e.s., ka qenë i shtrirë në një hapësirë gjeografike të kontinentit të sotëm të Amerikës Qendrore (në mes të Guatemalës, Belizesë, Hondurasit dhe Salvadorit të sotëm). Me një forme të përsosur të organizimit shtetëror - administrativ, MAJAT, për kohën e vetë, kanë qenë një popull tepër i zhvilluar dhe shumë i përparuar në çdo aspekt të dijes: ishin njohës të mirë të matematikës, astronomisë, arkitekturës, e mbi të gjitha, sot më së shumti përmenden si përpilues të një kalendari që sipas kohëzgjatjes parashikuese përfshinë një periodë prej 26 mijë vjet. Në të, në mes të shumë ngjarjeve saktësisht të parapara, disa deshifrues të tij pretendojnë se ky civilizim i lashtë, pikërisht në ditën e 21 dhjetorit 2012, ka parashikuar se do të ndodh shkatërrimi i botës (apokalipsi). E vërteta është se, me këtë datë, ky kalendar e përfundon ciklin e vet të gjatë parashikues 26 mijë vjeçar, por aty askund nuk figuron se fundi i saj, njëkohësisht nënkupton edhe shkatërrimin material të botës. Në fakt, aq është manipuluar me këtë kalendar në opinion, saqë, sot me të nuk merret vetëm publicistika senzacionaliste botërore, por rreth interpretimit të saj, me të madhe është sfiduar edhe shkenca e jonë reputative oficiale.
Shikuar realisht, vërtetë deri më 21 dhjetor 2012 diçka do të ndodh në botë. Diçka si shkatërrim, transformim dhe zhdukje, por jo në aspektin fizik- material sikurse komentohet, por kjo rilindje do të jetë pikërisht në shpirtin kolektiv të njerëzimit.
Civilizimi i lashtë MAJA ka qenë një etnitet i lashtë me mentalitet tërësisht intuitiv dhe jo/materialist. Ata, të gjitha ngjarjet që ngjanin në realitetin tonë objektiv, i kanë konsideruar si trysni të proceseve të ndodhura në planin tjetër paradoksal jo/material të esencës tonë objektive (shpirtit), andaj, sado që të jetë e saktë kjo profeci e tyre, NE detyrimisht asaj duhet t’i qasemi nga një këndvështrim metafizik (jo/material).
Gjegjësisht, edhe nëse aty ka diçka të vërtetë, kalendarin në fjalë duhet ta interpretojmë si zhdukje dhe shkatërrim, PO, por të njëmendësisë tonë të gjertanishme të gabuar kolektive mbi botën dhe realitetin e saj; si ringjallje, ardhje e kohës së duhur për veprim të përbashkët kundër sundimit të pakicës tejet të pasur, nga njëra anë, dhe shumicës e cila dita më ditë varfërohet në botë, nga ana tjetër... Pra, sipas këtij kalendari parashikues, viti 2012 mund të jetë një vit i kulmimit të rebelimit kolektiv drejtë një emancipimi revolucionar shpirtëror të gjithë njerëzimit... E, nëse realitetin e tashëm global e vështrojmë ndryshe dhe nga një këndvështrim tjetër, do të shohim se ky ndryshim kolektiv kuantitativ dhe kualitativ shpirtëror, veç ka nis të ndodhi kudo në botë. Vetëm shikoni: “Pranverën arabe”, lëvizjen “Occupy Wall Street”, që shpejt morri përmasa globale, kriza e madhe financiare që e ka kapluar kohën e fundit eurozonën dhe e cila me shpejtësi të madhe po reflektohet edhe në shtetet tjera të këtij kontinenti në dukje me stabilitet të qëndrueshëm financiar (Itali, Spanjë, Portugali...), nisja e protestave masive kundër manipulimit me zgjedhje në Rusi...etj.

E në Kosovë...?

E në Kosovë sikur bota nuk sillet fare si gjetiu?! Por, si duket, në vitin 2012, edhe tek ne ajo do të filloj të sillet. Edhe pse disa herë të shpallur si popull të durueshëm dhe më optimist, në vitin 2012, as ne nuk do të jemi indiferent kundrejt këtyre lëvizjeve populliste që veç kanë filluar të kaplojnë tërë botën. Pra, as ne gjatë vitit vijues nuk do të kursehemi nga “ndodhja e popullit”.
Edhe pse, ndoshta i ndikuar nga një trend botëror në rritje, shprehja kolektive e pakënaqësisë përmes kësaj forme, për ne kosovarët do të vijë në një teren të gatshëm dhe të parapërgatitur mirë me kohë, sikurse është: papunësia e madhe, varfëria, korrupsioni, hajnia, nepotizmi, mediokriteti dhe servilizmi pushtetar, morali i degraduar tej mase të shoqërisë në përgjithësi…Të gjitha këto dukuri shoqërore negative në rritje, dita-ditës po e demaskojnë fytyrën e vërtetë të kësaj politike dhe të këtij koalicioni në pushtet.
E kjo rrënje graduale e kredibilitetit të saj, në vitin 2012, do të vazhdoj me një ritëm edhe më të shpejtuar. Andaj, përballë gjithë kësaj të keqeje që na ka kapluar si shoqëri, ndjenja e ardhjes së një stuhie të madhe të pakënaqësisë kaherë të akumuluar sociale, po rritet me një masë të progresioni matematikor në Kosovë. Tashmë po vërehet qartë se, tek shumica e qytetarëve, “barku i zbrazët” ka filluar të ndikoj në ndryshimin e mendimit dhe bindjeve të tyre për këtë elitë politike dhe për mënyrën e saj të gjertanishme të politikëbërjes në vend.

Zgjedhjet nacionale dhe presidenciale në vitin 2012?!

Kur nën një trysni të fuqishme ndërkombëtare, atëbotë ishte nënshkruar ajo marrëveshje e famshme në mes të 3 liderëve tanë partiak: Thaçi-Mustafa-Pacolli, nga e cila, neve si shpërblim, na doli presidentja e jonë e tashme prej zarfi, ku konstatohej se zgjedhjet për presidentin e Republikës do të mbahen diku kah muaji maj i vitit 2012, ndërsa ato të përgjithshme nacionale dhe lokale, kah fundi i vitit 2013, pak kush ka besuar në realizimin e saj si të tillë në praktikë. Sipas rrjedhës së gjertanishme të gjërave, sa i përket mbajtjes së zgjedhjeve, ne, në të vërtetë, do të kemi një realitet krejtësisht tjetër në vitin 2012!
Opozita po forcohet dhe mes tyre po vërehet një bashkëpunim i heshtur dhe më i sinkronizuara i bashkëveprimit ndaj pozitës politike në pushtet. Ky synim i realizimit të një trysnie demokratike më të koordinuar opozitare, më vitin 2012, me lirimin nga të gjitha aktakuzat për krime lufte edhe të liderit të AAK-së, z. Ramush Haradinajt, nga Haga (GJNKL), do të forcohet edhe më tepër.
Pas një krize të mundshme të shkaktuar qeveritare, këto dhe shumë rrethana tjera të zhvillimeve të nxehta politike që në vazhdimësi do të ngjajnë gjatë vitit të bujshëm 2012, ato patjetër do të ndikojnë që diku në fund të po këtij viti, të shpallen Zgjedhjet presidenciale dhe së bashku to edhe ato të përgjithshme dhe të parakohshme nacionale.
Krejt në fund, të gjithë lexuesve të kësaj gazete, ua uroj nga zemra: Gëzuar vitin e ri 20012. Nëse dikush nga ta rastësisht do të gjykoj se unë me diçka në këtë artikull e kam tepruar nga pak, atëherë lirisht mund të veproj sikur unë me at vesin tim të përshkruar në fillim, duke ma bërë edhe mua atë pyetje alegorike: “Adnan, po ti çka je në Horoskop?!

Adnan Abrashi

[PLAKU]

http://www.botasot.info/img/31-berisha.jpg


Berisha i uron shqiptarëve Vitin e Ri 2012

Kryeministri Sali Berisha, në prag të ndërrimit të viteve, i ka uruar të gjithë shqiptarët, kudo që ndodhen, për Vitin e Ri 2012. Në mesazhin e tij, Kryeministri Berisha shprehet:

"Të dashur qytetare dhe qytetarë shqiptarë, bashkëkombase dhe bashkëkombas të mij kudo që gjendeni sot,

Të dashur fëmijë, të moshuar, të reja e të rinj,

Motra dhe vëllezër,

Zonja dhe Zotërinj,

Para se ora të shënojë me akrepat e saj ndërrimin e viteve unë si familjar, si mik e dashamirës, si qytetar por edhe si Kryeministër, dua të vij afër jush, të ndaj me ju gezimin e kësaj nate dhe të bashkoj mesazhin e urimit tim, të familjes sime dhe të qeverisë me mesazhet e shumta që ju merrni sonte me kartolina, letra, SMS, facebook, twitter, dhe me shumë përzemërsi të uroj sejcilin prej jush dhe të gjithë të dashurit tuaj, të gjithë shqiptarët:

Gëzuar Vitin e Ri 2012, vitin e Flamurit tonë!

Le të sjellë viti i 100-vjetorit të Shqipërisë së pavarur, shumë gëzime, shëndet, lumturi dhe suksese për çdo njërin prej jush, në çdo zemër dhe vatër shqiptare kudo që festoni sonte, në shtëpitë tuaja, lokalet me miq e të dashur, brenda apo jashtë vendit, në misione diplomatike, misione paqeruajtëse në Afganistan, Bosnje apo gjetiu, në udhëtime, në spitale, institucione të vuajtjes së dënimit!

Gëzuar të gjithëve!

Por unë, një urim të veçantë kam për të gjithë ata qytetarë që përjetuan gjatë vitit që po kalon, dhimbje, pikëllime shpirtërore nga skamja, sëmundja apo humbja e njerëzve të tyre më të dashur, duke ndarë me ju dhimbjet e pamerituara ju uroj:
Një vit të ri siç jua do zemra për të gjithë Ju,
Gëzuar!
Zonja dhe Zotërinj,

Në një meditim të duhur në këtë prag të ndërrimit të viteve, do të gjejmë se, pavarësisht nga vështirësitë, mundin e ndofta sakrificat dhe dhembjet që edhe mund të kemi përjetuar, unë jam i bindur se ka njëmijë e një arsye për të shprehur mirënjohje të thellë, nderim dhe krenari për vehten dhe njëri-tjetrit, për përpjekjet dhe sukseset tona gjatë vitit që lamë pas. Viti 2011 me arritjet e tij, ishte një vit përcaktues në realizimin e projektit ëndërr të shqiptarëve të të gjitha kohërave – Shqipëria vend i zhvilluar!

Viti 2011 do të mbahet mend si viti i parë në të cilin 450 mijë shqiptarë udhëtuan të lirë, pa viza, në mbarë Europën.

Viti që lamë pas, ishte viti që agjensitë turistike më prestigjioze në botë, shpallën Shqipërinë “të bukurën e dheut”, destinacionin turistik kryesor të planetit. Në të vërtetë, Shqipëria me bukuritë e saj magjepsëse turistike, priti dhe përcolli në siguri të plotë këtë vit, mbi katër milionë turistë dhe vizitorë, të cilët u kthyen në shtëpitë e tyre me mbresat e bukurive magjepsëse të brigjeve tona, ngrohtësisë më njerëzore të mikpritjes sonë.

Viti 2111 ishte viti i krizës më të rëndë financiare për Europën dhe fqinjët tanë. Kjo krizë e pashembullt, shkaktoi rënie të madhe prodhimi, ulje të ndjeshme të rrogave, pensioneve dhe rritje të papunësisë.

E kundërta ka ndodhur në Shqipëri. Modeli ynë ekonomik liberal, bëri që ekonomia shqiptare, të shpallet njëra nga dy ekonomitë më solide në Europë. Eksporti i mallrave u dyfishua në krahasim me vitin 2009, investimet e huaja nga 38 milionë dollarë që ishin mesatarisht në 8 vitet para vitit 2005, u rritën një milliard dollar, pra pothuaj 30 herë. Shqipëria e vitit 2011 renditet ndër 10 vendet më të mira në regjistrimin e bizneseve dhe për administratën e vogël. Ne ishim ndër të vetmet vende që falë realizimit të të ardhurave buxhetore rritëm si asnjë vend tjetër rrogat dhe pensionet, këtë vit të ardhurat minimale, pensionet në qytet arritën 13200 lekë, rrogat e ulta dhe të mesme u bënë 120% më të larta se në vitin 2005, kursimet dhe kreditimi patën rritje dyshifrore. Papunësia pësoi rënie të ndjeshme.

Këtë vit vdekshmëria foshnjore ishte një-shifrore dhe shqiptarët lanë prapa në vdekshmëri amtare dhe të të rriturve si dhe në rritjen e jetëgjatësisë, disa vende të zhvilluara.

Shqipëria dixhitale shënoi arritjet më të mëdha. Në disa tregues të moshës dixhitale Shqipëria u rendit e dyta në botë për rritjen e tyre, treguesi i përdorimit të internetit është mbi 50% dhe po shkon drejt nivelit mesatar të vendeve të BE-së. Mbi dy milionë qytetarë lundruan falas në internet. Përdorimi i telefonise celulare ka një ndër nivelet më të larta në Europë, tarifat e tyre kanë pësuar rënie të mëdha. Teknologjia 3G është shtrirë në të gjithë vendin.

Në vitin 2011, nga jugu në veri, nga lindja në perëndim, u përfunduan apo janë në ndërtim dhe përfundim e sipër mbi 1350 Km rrugë, autostrada, superstrada, rrugë rurale, dytësore, tretësore në fshatrat dhe qytetet e vendit. Ky vit shënoi fillin e auostradës Tiranë-Elbasan që afron pothuaj me një orë Elbasanin dhe jug-lindjen e Shqipërisë, por edhe Tetovën dhe Shkupin me Tiranën. Po vazhdon ndërtimi i rrugës së Arbrit, boshtit të jugut.

Ky ishte viti vendimtar për përfundimin gjatë 2 viteve që vijnë të rrjetit rrugor më të ri, më modern në rajon dhe më gjërë, i cili do të bëjë të mundur që shqiptarët nga çdo skaj i këtij vendi për 2-2orë e 30 minuta, të arrijnë në Tiranë, të kursejnë mbi 60% të kohës së tyre.

Shndërrime të mëdha jënë arritur në fushën e edukimit. Vitin që kaloi 91.5% e fëmijëve tanë që mbaruan klasën e 9-të, hynë në shkollën e mesme. Mbi 70% e maturantëve tanë, ulen në auditorët e universiteteve të vendit. Numri i studentëve në Shqipëri arrin në 140 mijë. Shqipëria ka sot rreth 49 studentë për 1000 banorë. Ajo tejkaloi për herë të parë mesataren e vendeve të BE, student për 100 banorë.
Shqipëria hyri në rrugën e pakthyeshme të zhvillimit të qëndrueshëm jeshil. Dhjetra hidrocentrale në të katër anët e vendit janë në ndërtim e sipër apo janë ndërtuar. Ajo po shfaqet para biznesit ndërkombëtar çdo ditë e më shumë si një Norvegji e vogël në gadishullin e Ballkanit.

Viti që lamë pas, ishte viti në të cilin pasioni i fermerëve tanë për të shndërruar Shqipërinë në kopështin e bukur të Europës juglindore, u bë më i madh se kurrë. Dy projektet e mëdha kombëtare: i ullirit dhe arrorëve po lëshojnë shtat me shpejtësi. Me këto drurë frutorë u mbollën këtë vit mbi dy mijë ha. Eksportët bujqësore të shumë zërave u dy-tre fishuan.

Gjatë vitit 2011 ne, natyrisht që nuk ecëm në një bulevard apo kopësht me lule.

Në 21 Janar të këtij vit, u përballëm me tentativën e përmbysjes me dhunë të institucioneve kushtetuese dhe më pas, me rrethimin e egër të Komisionit Qendror të Zgjedhjeve dhe përpjekjen për të ndaluar me forcë numërimin e votave të qytetarëve shqiptarë. Por, shqiptarët gjithashtu provuan funksionimin e shtetit të tyre ligjor, rendit të tyre kushtetues demokratik.

Po kështu, statusi i vendit kandidat iu mohua Shqipërisë, vetëm e vetëm se opozita bllokoj në parlament miratimin e ligjeve me tre të pestat dhe zgjedhjen e Avokatit të Popullit për dy vjet me radhë. Mirëpo sot, një marrëveshje është arritur, kjo situatë është kapërcyer. Ne mbetemi të vendosur të bëjmë gjithshka për integrimin e vendit në BE.

Në vitin që lamë pas, ne kaluam me sukses dy procese themelore për jetën e çdo vendi.

Në 8 Maj ne patëm zgjedhjet vendore, pavarësisht nga klima në të cilën ato u zhvilluan, zgjedhjet e 8 Majit janë zgjedhjet e para në historinë e vendit që u vlerësuan si kompetitive dhe trasperente.

Në këto zgjedhje të lira, ju dhatë mbi 140 mijë vota më shumë për kandidatët dhe partitë e koalicionit qeveritar, duke shprehur vlerësimin tuaj për reformat dhe përpjekjet e Qeverisë për shndërrimin e Shqipërisë në vend të zhvilluar. Unë ju garantoj ju se, sa herë të votoni ndën qeverisjen e këtij koalicioni, do të votoni si qytetarë të një vendi të lirë.

Në vjeshtën që kaloi, u zhvillua censusi i popullsisë dhe banesave të vendit. Të dhënat e para të tyre, kanë befasuar çdo shqiptar. Në fotografinë e tij të parë të Shqipërisë, ky census faktoi se ju, gratë dhe burrat e këtij vëndi, me lumenjtë e djersës që keni derdhur dhe insiativën e lirë keni bërë që ne, shqiptarët, të cilët në agim të vitit ’90 kishin vetëm 219 banesa për një mijë banorë, të kemi sot, pas 22 vjetësh mbi 380 banesa për një mijë banorë, duke lënë prapa në këto tregues kryesorë 4-5 vende anëtare të OECD dhe BE. Censusi fakton se, ndërtesat në qytetet tona janë rritur nga 76 mijë që ishin në vitin 1989 arritën në 250 mijë në vitin 2011, pra 340%. Rezultatet e censusit të vitit 2011 dëshmojnë se, kombi ecën me shpejtësi drejt shndërrimit në një komb urban, kusht përcaktues ky për një vend të zhvilluar. Kështu sot, rreth 53% e shqiptarëve jetojnë në qytete, nga vetëm 47% që jetonin 10 vjet më parë.
Zonja dhe Zotërinj,
Viti 2012 që po troket në dyert dhe zemrat tona, do të jetë viti i 100-vjetorit të Pavarësisë së Shqipërisë. Le ta shndërojmë, ne së bashku, këtë vit në jubileun e një nderimi të madh të të gjithë atyre që duke flijuar jetën dhe atyre që me mundin, djerësën e tyre bënë të mundur, që Shqipëria të bëhet 100-vjeçare si vend i lirë dhe i pavarur.

Por, mbi të gjitha, le ta shndrrojmë në vitin e Flamurit tonë, në një vit përcaktues për integrimin e Shqipërisë në BE, shndrrimin e mëtejshëm të saj në një vend të zhvilluar.

Unë mbetem i përkushtuar dhe jam i bindur se, së bashku, do të realizojmë objektivat tona fisnike, të shkollimit më të mirë, të punësimit më të madh, të rritjes së rrogave dhe pensioneve, të shërbimive më cilësore për ju. Shqipëria po ndryshon, dhe ajo, vitin e ardhshëm, me shpejt do të ndryshojë.
Gëzuar Vitin e Ri 2012! Vitin kurorë në ballin fisnik të dheut tonë të dashur, viti i 100 vjetorit të Pavarësisë!
Zoti ju bekoftë Ju, Shqipërinë, Flamurin dhe miqtë e saj kudo në botë!
Gëzuar!"

[Lov!]

Avash, avash se na mallëngjyet me këto referate.

[USA NR1]

gjithnje pas nje viti fillon nje jete e re

[Station]

Avash, avash se na mallëngjyet me këto referate.

Sidomos ai referati i dytë, të mallëngjen më shumë.

[Gentian_gr]

Sidomos ai referati i dytë, të mallëngjen më shumë.

A kundershton arritjet e qeverise ti aaa???

[Station]

A kundershton arritjet e qeverise ti aaa???

Hahaha jo mo ç'ne..

[altint71]

Kte tridhjet here me teper(per esportin) e paska te veten berisha.
Lexova nje artikull tjeter per krishtlindje ku shpjegonte qe shqiptaret kane ndertu 30 here me teper shtepi se cdo shtet evropian mar ne vecanti 10 vjetet e fundit e per kete ishin me te pasur.
Po qe sa perqind e ature shpijave apo vilave ishin te emigranteve jasht shtetit se pecaktonte.
Sbesoj asnje fjale te Berishes.

[Gentian_gr]

Hahaha jo mo ç'ne..

Mendova se do me kundershtosh

[Lov!]

Sidomos ai referati i dytë, të mallëngjen më shumë.

lol, shiko resmen, stoik, sypetrit, hundshkabë, Klluf

"Të dashur qytetare dhe qytetarë shqiptarë, bashkëkombase dhe bashkëkombas të mij kudo që gjendeni sot,

Të dashur fëmijë, të moshuar, të reja e të rinj,

Motra dhe vëllezër,

Zonja dhe Zotërinj,