Serbia blen tokat e shqiptarëve

[Bajraku]

Shterpcë - Banorë të disa fshatërave të kësaj komune thanë se së fundi është rritur interesimi i serbëve për t'ua blerë pronat e patundshme shqiptarëve, sidomos në lokalitete me popullatë të përzier, madje edhe atje ku asnjëherë nuk jetuan.
Interesimi i serbëve për të blerë tokat e shqiptarëve është shprehur më së shumti në fshatin Bitijë e Epërme, sidomos ato prona që shtrihen në perimetrin e kishës ortodokse, objekt ky i vënë nën përkujdesje edhe me dokumentin e Ahtisarit.
Burime nga ky fshat që nuk deshën të identifikohen, thanë se aty tashmë disa prona të shqiptarëve janë shitur me "çmime mjaft të majme". Gjithashtu, disa nga shqiptarët "në fshehtësi" të fqinjëve bashkombës u kanë shitur pronat serbëve edhe në lokalitete të tjera në komunën e Shtërpcës, si Bitijë e Poshtme dhe Viçaj.
Serbët madje kanë blerë një parcelë toke edhe në fshatin Kashtanjevë, lokalitet i banuar gjithmonë vetëm nga shqiptarët dhe që shtrihet në një zonë krejt të izoluar malore, pa rrugë dhe infrastrukturë bazike.
Shqiptarët që kanë alarmuar për këto zhvillime, druajnë se prapa këtyre blerjeve në heshtje të pronave: "banorët serbë lokalë janë vetëm me letra përderisa pronarët e vërtetë janë shteti i Serbisë dhe Kisha Ortodokse Serbe", sepse sipas tyre, çmimet e tokave në këtë anë, sidomos në afërsi të kishave janë fryrë për dhjetë fish më shumë sesa kostoja reale.
Të kujtojmë se gjatë luftës së fundit, ishte komuna e Shtërpcës, që dëboi edhe shqiptarin e fundit, vatrave të veta, duke i plaçkitur e djegur dhe rrafshuar me themel të gjitha shtëpitë e tyre, ashtu si objektet ekonomike, përderisa fondi blektoral ishte vjedhur në tërësi.
Pavarësisht që një numër i familjeve shqiptare pas luftës u kthyen në pronat e tyre, duke i rindërtuar me mund shtëpitë, për mungesë të kushteve elementare për jetë, infrastrukturë, punësim, ata sërish kanë migruar në vende tjera.
Bitija e Epërme, Bitija e Poshtme, Shushiqi, Kashtanjeva, Izhanci, kanë mbetur me krejt pak banorë. Është momenti i fundit që Qeveria e Kosovës duhet të investojë për ndërtim të rrugëve dhe nevoja të tjera të këtyre lokaliteteve, në të kundërtën ato do të braktisen tërësisht nga shqiptarët. Si shembulli i Kashtanjevës, që në fillim të shekullit XX ka qenë njëri nga fshatërat më të mëdha të Kosovës, ndërsa tash ka mbetur në vetëm 7-8 shtëpi. /Zëri/

[mario_kingu]

si ndalon dot kush kan lek blejn spo i marin me lufte
pastaj edhe nese i blejn tokat jan pronar toke ne Kosove kjo nuk dmth qe jan toke serbe
se pastaj i bie edhe ne qe kemi pasuri ne vende te tjera bote edhe atije eshte shqiperi:P

[EuroStar1]

si ndalon dot kush kan lek blejn spo i marin me lufte
pastaj edhe nese i blejn tokat jan pronar toke ne Kosove kjo nuk dmth qe jan toke serbe
se pastaj i bie edhe ne qe kemi pasuri ne vende te tjera bote edhe atije eshte shqiperi:P

Ashtu si duan te bejne serbet ne Kosove , kan ber hebrejt me tokat ne palestine duke jua blere pothuajse nje pjese sa eshte Tirana dhe ne fund ju bashkuan izraelit

[mario_kingu]

eurostar pershendetje
Rendesi ka te jetojm ne paqe me njeri tjetrin edhe jo me vrasje
atehere mos ti shesi njeri tokat edhe sblen dot kush