Prej disa ditësh qarkullon tek-tuk në disa media lajmi se Akademia e Shkencave ka vendosur të mos e ftojë Rexhep Qosjen në një veprimtari akademike me rastin e 100-vjetorit të shpalljes së pavarësisë. Dritëro Agolli në një intervistë sot në Gazetën Shqiptare thotë se “kjo mund të jetë hamendje e medias”, se nuk beson që “kritikat e Qoses janë arsye e fortë” dhe se “ftesa deri në nëntor, do t’i shkojë”.
“Mua akoma nuk më besohet që Rexhep Qosja të mos jetë ftuar nga Akademia e Shkencave... Kam lexuar në gazeta që ai nuk është ftuar dhe mendoj që këto mund të jenë dhe hamendje qoftë të shtypit, qoftë të mediave vizive” – i përgjigjet ai pyetjes “si e keni pritur këtë lajm”. Ndërsa pak më tej, në pyetjen e gazetares “Arsyeja e mosftesës ka qenë fakti që ai është treguar shumë kritik, a është kjo ngjarje domethënëse për mbytjen e zërave kritikë”, Dritëroi thotë: Nuk më duket një arsye e fortë kjo.. Nuk besoj të jetë kjo arsyeja që nuk e kanë ftuar, sepse të gjithë ata që do të mblidhen aty, diçka kanë kritikuar.
Dhe në fund e mbyll me një nga ato të vetat: “Unë besoj se do t’i shkoj ftesa. Unë jam 81 vjeç dhe jam shumë i gëzuar që do ta shoh se besoj se deri në 28 nëntor nuk do më bjerë damllaja”. (A.N)
Përgjigju Duke Cituar
Krijoni Kontakt