"Perse me hiqen postet e mia poetike ,perse me eshte bere ban?

[Dar_di]

Desha të shtoj disa fjalë lidhur me këtë problematikë të shfaqur më sipër dhe krahasimi që mund t`i bëjmë kësaj me disa akte të tjera, por jo të ngjashme si kjo dhe mundësinë e alternativave pozitive si pjesë e pasurimit të vazhdueshëm të forumit shqiptar.

Këtu çështja është aq komplekse sa do të mund të dukej në shikim të parë. Në njërën anë qëndron parimi i verdiktit final dhe unit konsistent, ndërsa në anën tjetër pamundësia dhe mosgatishmëria që të vihet në një gjuhë mirëkuptimi të dyanshëm.

Vërej në kronologji të problemit se gatishmëria për t`u mishëruar me normat e forumit dhe udhëzimet, ku më shumë e ku më pak, mbase edhe në pamundësi mosnjohjeje të rregullave funksionale dhe teknike, nuk është e kënaqshme.

Jam përkrah parimit që shkrime të njëjta, të çfarëdo lëmi qofshin ato, të mos përsëriten në tema të forumit. Edhe në këtë rast, ani pse libri i 14 është përmbledhje poezish të zgjedhura nga kritika letrare, nëse ato janë poezi që tashmë i kemi në forum, ripërsëritja e tyre, në qoftë se nuk ka nuanca, konsideroj se është e panevojshme. Mundësia më e mirë do të ishte që në një përmbledhje të shkurtër, brunilda_it, të paraqiste përmbajtjen e librit, vlerësimin kritik letrar dhe vetëm titujt e atyre poezive që i ka përzgjedhur kritika letrare (gjithnjë nëse deri tani janë postuar në forum).

Supermoderatorja, sipas kronologjisë së problemit, ka dhënë njoftime paraprake, rekomandime, këshilla, vërejtje dhe në epilog është përdorë alternativa e fundit; përjashtim permanent. Në krahasim me aktet normative mbi rregulloret e përgjithshme që ka forumi shqiptar, ky veprim ka qenë i ngutshëm. Rregulloret na thonë që në raste të tilla dënimi të jetë me përjashtim të përkohshëm njëjavorë, dyjavorë, njëmujorë e tutje, me qëllimin dashamirës që anëtari/ja të përmirësohet me rastin e rikthimit në forum. Kjo gjë nuk ka ndodhur.

Tani, gjithnjë mbështetur mbi argumente të rasteve mbi përjashtimet e anëtarëve, në forumin tonë ke ndonjë anëtar që pothuajse në çdo postim përdor gjuhë të pahijshme. Këta, marrin mesazhe këshilluese, marrin vërejtje, përjashtohen përkohësisht disa herë, por prapë nuk janë të gatshëm të përmirësohen. Po këta anëtarë janë ata që kanë përdorë sharje, ofendime e kërcënime ndaj stafit të forumit dhe sot gjezdisin nëpër forum.

A ishte brunilda_it ajo që përdori gjuhë fyese, fjalor të pahijshëm e kërcënues ndaj stafit të forumit? Me sa shoh nga rrjedha kronologjike e problemit, ajo asnjëherë nuk e bëri këtë gjë.

Anëtarja brunilda_it, a i ka sjellur deri më tani vlera apo antivlera forumit shqiptar? Vetëdija kolektive do të konsideronte se ajo i ka sjellur vlera forumin shqiptar, me theks të posaçëm nënforumit të letërsisë.

A e dubloi llogarinë e saj, ndonëse vuajti dënimin permanent disa mujorë? Jo. Por për korrektësi dhe transparencë përdori llogarinë e mikes së saj dhe kërkoi sqarime të nevojshme për aktin e përjashtimit permanent nga forumi. Disa anëtar të tjerë, në raste të tjera nuk kanë vepruar në këtë mënyrë korrektësie, por kanë dubluar llogaritë dhe sot janë në forum.

Në rast se kjo problematikë nuk përmban elemente të tipit të konfliktit personal, unë, si pjesë e këtij stafi të forumit shqiptar, kërkoj nga administratorët Albo dhe Fiori, supermoderatorja shigjeta dhe pjesa tjetër e stafit, të amnistojmë anëtaren brunilda_it dhe t`i mundësojnë asaj rikthimin në forum në rast se ajo zbaton në vazhdim këto kritere:

1. Mospërsëritja e poezive (dhe të tjera si kjo gjini letrare) në forum, pavarësisht a janë përmbledhje apo jo;
2. Mospërdorimi i shkronjave të mëdha dhe ngjyrave të shkronjave që u shkaktojnë dëme vizuele lexuesve;
3. Respektimi i rregulloreve dhe misionit të forumit shqiptar dhe bashkëpunimi tani e tutje me gjithë stafin e tij.

Përshëndetje!

Dar_di

[shigjeta]

Dar_di

E shkruar ne nje postim, duket eshte me e kuptueshme per ju, se sa sqarimi ne nje mp. Gjithesesi, po e perseris per here te fundit edhe nje here shpjegimin per gjithe lexuesit dhe te interesuarit e kesaj teme.

Anetarja eshte sqaruar, shpjeguar, paralajmeruar me 10-tra here per 2 vite rresht para se te vihej ne ban perfundimtar. Per kete komunikim kane dijeni administratoret e forumit. Edhe shansi i perseritur qe iu dha pak dite me pare, dy postimet e bera ishin krijime qe ishin postuar ne po te njejten teme, vetem nje faqe me pare. Asnje nuk ka kohe te tepert te shpjegoj te njejtat gjera pafundesisht.

Letersia, si pjese e artit, prek lexuesin ne menyra te ndryshme. Secili lexues ben perzgjedhjen vete se cilat krijime apo postime do te lexoj e rilexoj, ne baze te interesave, pelqimeve dhe shijeve qe ka. Nqs cdo anetar do te sillte e ri-sillte te njejtat postime, forumi do te behej i merzitshem, sado te bukura apo te vecanta te ishin keto.

Nese anetarja ne fjale deshiron te bej nje reklame ne forum per krijmtarine e saj, ekziston nje procedure reklamimi per te cilen mund te kontaktoj me administratoret.

Pershendetje